بحبك
لو قلت بحبك قد عناى ما يكفينى
ماهواصل حبك عندى هو نور عينى
بحبك يا ضياء للناس
يا رقيقه يا منبع الاحساس
انا شايفك مش زى كل الناس
وغلاكى من الدهب والماس
* * *
حبك فى قلبلى زى السيل
مييلنى لهواكى ميل
وسواكى مالى دليل
مش عارف النهار من الليل
لو ضعتى هشوف الويل
* * *
سامحينى مش لاقيلك وصف
ده هواكى عصفنى عصف
اسف انا مش وصاف
مالقتش لعنيكى اوصاف
فى عيونك سواد الليل
ورموشك هقول مواويل
وفى شعرك بشوف العجب
زى الحرير سلاسل دهب
* * *
اخلاق رضيه نقيه من بياض الثلج
عجبنى فيكى وقارك مالكيش فى الهرج
خصال حميده علمت الطهر نفسه
يغزل ثيابه من نور الفجر
انا شايفك ملاك لابس ملابس بشر
من شدة جمالك خايف يضيع البصر
بحبك وحافظك حفظ
وفاهمك من النظره والهمس
وسامع من عنيكى كلام
دواوين غرام تصعب على الحفظ
بحبك
