عريس2010(موضوع للنقاش) ارجو المشاركة.......

السلام عليكم ورحمة الله وبركاتة

مواصفات عريس 2010ــ
شيك تمام
كرش قدام
وبيسمع الكلام
ويترجف لما يشوف المدام

هل هيجى اليوم اللى يبقى علية الراجل بالمواصفات دى؟
انا متوقعة ان اليوم دة هيجى قريب وكلامى مش من فراغ
ياترى عجباكم شباب اليومين دول
يعجبكم الشعر الطويل والضفاير اللى بتتعمل للى من خلالة متعرفش تفرق ان دة شاب ولا بنت اصلا ؟
تعجبكم البنطلونات الساقطة اللى بتتلبس؟
تعجبكم اللبانة اللى فى فم معظم الشباب؟
يعجبكم ان الشاب مش داخل الجامعة غير عشان يصاحب بنات وخلاص؟
مهو دة كلة فى الاخر بيرجع لنفس المصب اللى بيجعل ااااالشاب بالمواصفات السابق ذكرها
منكرش ان فى شباب محترمة وكويسة ولكن هى دى الغالبية العظمى
ياريت اعرف رايكم فى الكلام دة وكل واحد يترك نصيحة لكل شاب من النوعية دى من الشباب
وياريت كلامى ميزعلش حد وياريت الموضوع ياخذ بالجدية

اتمنى انى اعرف ارائك وبكل صراحة

زميلتى العزيزه


فكره الموضوع كفكره ورؤيه جديده ومميزه

لكن فى ظل المغيرات اللى بنشوفها دلوقتى

بقول ممكن ييجى اليوم ده


بس مش بالشكل اللى حضرتك فكرتى فيه

هكون الوضع العكس ومغير تماما

ولكن النتائج الناتجه عنه هتكون اعنف يكثير

بمعنى

ان الرجل الذى لا يعرف معنى الرجوله على حق

يبدا فى اظهار رجولته

من خلال السيطره والتحكم عن خطا ى زوجته لمجرد اثبات حقيقه بينه وبين نفسه

هو ل يشعر بها

انه رجل


يبدا بعدها دور فى عدم الاحترام وعدم التقدير

يؤدى لاتخاذه راء خطا

تقلل من احترامه فى عيون زوجته وابنائه

وبالتالى


يذهب الامان

وانا متاكد انه لو ذهب الاحترام والامان بين الزوج والزوجه

لا كون غير نتيجه واحده

الطلاق


هدم الاسره

مشاكل اعنف واكبر بكثير مما احد يتخيل
الحل

اعاده تاهيل وتربيه الشباب على معنى الرجوله على حق من خلال تعاليم الدين الحنيف وطباعنا وسماتنا الشرقيه

وشكرا جدا على الموضوع المميز كما تعودنا من حضرتك

وجزاكى الله كل خير

اقتباس:

---

المشاركة الأصلية كتبت بواسطة eslam mamdouh

زميلتى العزيزه


فكره الموضوع كفكره ورؤيه جديده ومميزه

لكن فى ظل المغيرات اللى بنشوفها دلوقتى

بقول ممكن ييجى اليوم ده


بس مش بالشكل اللى حضرتك فكرتى فيه

هكون الوضع العكس ومغير تماما

ولكن النتائج الناتجه عنه هتكون اعنف يكثير

بمعنى

ان الرجل الذى لا يعرف معنى الرجوله على حق

يبدا فى اظهار رجولته

من خلال السيطره والتحكم عن خطا ى زوجته لمجرد اثبات حقيقه بينه وبين نفسه

هو ل يشعر بها

انه رجل


يبدا بعدها دور فى عدم الاحترام وعدم التقدير

يؤدى لاتخاذه راء خطا

تقلل من احترامه فى عيون زوجته وابنائه

وبالتالى


يذهب الامان

وانا متاكد انه لو ذهب الاحترام والامان بين الزوج والزوجه

لا كون غير نتيجه واحده

الطلاق


هدم الاسره

مشاكل اعنف واكبر بكثير مما احد يتخيل
الحل

اعاده تاهيل وتربيه الشباب على معنى الرجوله على حق من خلال تعاليم الدين الحنيف وطباعنا وسماتنا الشرقيه

وشكرا جدا على الموضوع المميز كما تعودنا من حضرتك

وجزاكى الله كل خير

---

الف شكر لحضرتك على المرور يابشمهندس
وربنا يستر والله
لو الحياة فى المستقبل اتحولت للمنظر دة هتتغير حاجات كتير
لو طبيعة الانسان اتغيرت بالتالى هتتغير الحياة كلها
ونصيحة لكل شاب واخ من اخت
حس برجولتك اكثر من ذلك الرجولة ليست بانها اوامر تاخذ وتنفذ
لا بالعكس الرجولة ادب اخلاق احترام
حاول ان لا تغير من مسار معنى الرجولة وخذ وقفة مع نفسك وحاول ان تغير فى نفسك قبل فوات الاوان
الف شكر لحضرتك مرة تانية يابشمهندس نورت الموضوع

اية ياجماعة مفيش ردود ولا اية
فى ناس قالتلى ردها شفهى
مش عايزة ترد عالموضوع بيقولو هنبوظ الدنيا
ياريت اشوف ردودكم واتمنى الحوار بينا يكون اكثر اندماج من ذلك

اقتباس:

---

المشاركة الأصلية كتبت بواسطة زمان كان فى حب

السلام عليكم ورحمة الله وبركاتة

مواصفات عريس 2010ــ
شيك تمام
كرش قدام
وبيسمع الكلام
ويترجف لما يشوف المدام

---

ممكن أكمل بيت الشعر دا :
ومسرح شعره على أودام
ولابس دبلة فى الابهام
وبيخش كتير الحماااام
عشان عنده اسهاااااال
من كتر اكل البتنجاااان
وشرب الدخان والبرشام
ياترى هى دى الرجدولة يا جدعان

ايه رأيك بقى
والله كل دا شعر ارتجالى
شفتوا الموهبة
ماشاء الله يابنى
ربنا يحرسك
ههههههههههه
طبعا بهذر


بس فى حاجة يا أمووول
انتى ذكرتى ناحية واحدة من الشباب
ونسيتى الشابات يا اشابة
ياترى انتى عاجبك دلوقتى حال البنات اللى فى ستك
المعظم طبعا عشان عارف ان فى بنات محترمة كتير
زيك طبعا يا آنسة أمل مش مجاملة فعلا
بس انتى عندك حق طبعا والحل بجد
ان الشباب يعود لدينه ,,,,,,,,,,,,
بس بفكر ليه كل ما الشباب يعود يرجع
طب ما برضو الشباب الضغوط عليه كتير
ودا كلام شيوخ كبار
دلوقتى فى دش وفى نت وفى بنات ماشية
فة كل شارع ولا مؤاخذة
زى ما كلنا عارفين
وبنرجع نلوم ع الشباب
طبعا أنا متأكد لو الشاب دا متربى كويش فى بيته صح
حيعرف يعف نفسه من كل دا ويتغل على كل شهواته
والشيطان كفاية انه قدر يهزم نفسه
كما قال الرسول (( عليك بنفسك التى بين جنبيك ))
بس انا عندى فى دماغى حل غريب شوية
بس ممكن يكون هو دا الحل
ان احنا ندخل فى حرب مع اسرائيل او امريكا
بجد الناس بترجع لدينها فى وقت الشدة
زى ما حصل وكنا بعاد فى 67 ورجعنا لدينا
فانتصرنا فى 73 وزى ما سمعنا
ان مفيش حالة سرقة واحدة اتسجلت اثناء فترة الحرب
والله احنا شععب عندنا دم بس مش حاسين
أعتقد ان الحرب دى حترجع حاجات كتير أوى لينا
زى الانتماء وطبعا حنرجع لدينا
طب نضرب مثال أهل غزة وقربهم لربنا
وفى التعليم
جامعة غزة المحاصرة واخدة الترتيب الثالث على جماعات العالم
فى حين ان ولا جامعة مصرية واخدة أى ترتيب
انا لله وانا اليه راجعون
عايزكم تناقشونى فى الرأي دا وتقنعونى اذا كنت صح أو غلط
وشكر جزيلا ليكم
وشكرا ليكى يا أستاذة امل
على فتحك للنقاش الجميل دا

مستحيل يجى اليوم ده .............

الراجل هيفضل راجل..............ومنسميش الشباب اللى مبوظين الرجولة بشباب ولا رجالة؟؟؟؟؟؟؟؟؟؟؟؟؟؟

بجد شكرا على الموضوع ده بس الرجالة لسه موجودين

وفى انتظار مواضيعك المتميزة............

ومتخلينى الملك وتكسبى فيا ثواب

الاول بشكرك جدا على اثارة الموضوع دة
وعايزة اقول لكريم ان واللة انا خايفة ان احنا منفوقش غير لما نلاقى الدبابات فوق راسنا ويا عالم كمان هنفوق ولا لأ بعد الغيبوبة الفظيعة دى
بس بردة ارجع واقول ان البيت لية دور كبير ان لو كل اسرة مشيت بس على القشور اللى الرسول قالنا عليها اتفرج على العفة اللى هتكون موجودة
ما باللك لو تعمقنا فى كلام الرسول ..
وجزاك اللة خيرا على الموضوع

انا بصراحة شايفة ان فى شباب كتيييييييير جدا زى المواصفات اللى امل قالتها بس برضه فى شباب تانية محترمين جد جدا جدا وانا شخصيا بحترمهم جدا وانا مع الاستاذ كريم فى رأيه وفعلا البنات زودتها اوى بس المحترم مفيش حاجة هتغيره وياريت كل شاب يعرف واحد من اللى بنتكلم عنهم يحاول يصلح منه ويخليه راجل بجد واحنا البنات لما نلاقى حد نعرفه من البنات يا ريت نحاول معاها يمكن ربنا يهديها على ايد وحدة منكم و اكيد لو قربنا لربنا هنكزن احسن بكتير. اسفة على الاطالة وشكرا يا امولة على الموضوع الجامد ده يا جميل

أيمى طرحك للفكره اصلا فكره هايله
عارفه هى المشكله فى البنات والشباب
ربنا يهديهم جميعا
على فكره سهل جدا ان الشاب يلتزم ويبعد عن الذنوب بس يلتزم بصحبه صالحه ودى اهم حاااااجه
والبنت كمان طول ما جنبها على الاقل بنت محترمه ومتدينه ربنا حيبارك فيها ويحميها لانها لو جرببت تغلط صاحبتها حتكون جنبها
والاهم اكتر ان الام تصاحب بنتها والاب يصاحب ابنه وده بجد حيفرق كتير جدا

وتصحيحا بس لكلام ساره الدين مش قشور احنا ممكن نقول خطوات بسيطه
وعلى فكره كلام الرسول عليه افضل والسلام حيفيدنا فى كل حياتنا من كل الاتجاهات

ارجو مكونش طولت عليكى يا أيمى ربنا يحفظك ويبارك فيكِ