عرض للطباعة
سلام عليكم ورحمة لله وبركاتة اانا يا جماعة جديد هنا فى الرابطة باذن الله انا فى قسم جغرافيا شعبة مساحة وخرائط قسم جغرافيا جامعة طنطا ارجو ان حد يساعدنى يا جماعة انا داحل سنة رابعة ومش بعرف اقف على جهاز ولا حاجة وهل للمسـاحة مسـتقبل ولا لا ارجو حد يفدنى فى اقرب فـرصة والا هسيب الكلية واسـافر اشتغل اى جاجة برة انا اتخنقت وطلعت كنت بضيع وقت كان حلم وهمى وانا صدقت للاسف صدقت
شرفتنا هنا ونورتنا فى منتداك
بلاش يا اخى الاحساس بالهزيمه, يجب ان يكون ليدك نظره متفائله لكل ما يجرى حولك
تابع معانا هنا المنتديات العليمه
وان شاء الله تفهم كل اللى انت عاوز تفهمهم
والمساحه مستقبلها كبير فى كل مكان هى ونظم المعلومات الجغرافيه
مدام فى شغل وتعمير عمران وقواعد بيانات واحتياجات للانسان متغيره
ان شاء الله ربنا يكرمك ويوفقك
الف شكر ليك
والله عندك حق أخ اسلام
فعلا اهم حاجه العزيمة والاصرار .. دول كافيين بصنع اى نجاح
طالما شايف الهدف .. تقدر توصل
وللاخ "لازم أعيش" .. بقولك .. كله بأمر الرحمن
واحنا معاك . وتحت امرك .. تابع المقالات .. واسأل حتلاقينا كلنا معاك
ويا مرحب بيك فى اى وقت
أزعل يعني؟
الطنطاوية يقولوا كده!
بص يا سيدي
الموضوع باختصار ان شاء الله
1- فكك من النظرة التشاؤمية دي خالص.
2- حاول تنزل تدريب في الصيف ده بأي شكل وبأي طريقة وبأي وسيلة إن شاء الله تدفع فلوس.
3- أول ما تنزل تدريب بإذن الله حاول تاخد خبرات الموقع والتعامل مع الناس وخليك صبور خالص عشان تتعلم إن شاء الله.
4- حاول وإنت في الدراسة لما تدخل رابعة إن شاء الله تاخد دورات عالتوتال استيشن وتحاول تطبقها في أي حتع شوف إن شاء الله حتى لو لاقيت ناس شغالين بالتوتال استيشن في الشارع اقف جنبهم واتعلم (بعد استئذانهم طبعا).
5- مستعجل عالسفر ليه؟ وهتسافر بايه وتشتغل ايه؟ هتتمرمط زيادة وتحبط أكتر. أجل السفر لحد إن شاء الله ما تخلص كليتك وبعدين تتدرب في مكان كويس وبعدين تفكر في السفر إن شاء الله.
6- شغل المساحة كبير ومفتوح ومش في مصر بس في الخليج كمان.
7- مستقبل الشغل في المساحة حقيقي وبعد توفيق ربنا رائع والحمد لله وأعرف زمايل لينا ما شاء الله وصلوا لمناصب مرموقة في شركاتهم.
8- تخصصات المساحة كتير ومتنوعة وكل فترة فيه جديد. (أرضية- جوية- بحرية - نظم معلومات جغرافية وغيره طبعا) يعني من دلوقتي ركز على الأرضية مثلا وتجتهد في التدريب.
9- انت لسه صغير وقدامك فترة كبيرة ان شاء الله تثبت نفسك أكتر من كده وعموما يا سيدي لو بدأت تدريب من دلوقتي صدقني هيبقى قدامك فترة كبيرة قوي عشان تشتغل. وهتشتغل ان شاء الله وبكرة تفتكر ان شاء الله.
10- أخيرا إوعى وحسك عينك تفقد الأمل في كرم ربنا أبدا ربك كريم وبيرزق الكافر وبيرزق الدود في الحجر مش هيرزقك إنت؟ اتقي الله وراجع نفسك ونحسبك على خير إن شاء الله وادعي ولح على ربنا في الدعاء وان شاء الله ربنا هيفرجها وياما والله شفنا وحاسس بيك بس برضه ما تقلقش ولسه بدري ان شاء الله.
يا رب يكون كلامي خفيف ولو عايز أكتر راسلني عالخاص أو الايميل وربنا يوفقك ان شاء الله.
سلام عليكم
أخوك
محمد الفرارجي
مابوتو موزمبيق
مهندس محمد هاشم
مهندس محمد الفرارجى
بجد رد حضراتكم اكثر من مميز
انا شخصيا استفدت بيه, وزاد شعورى اكثر عم اهميه الذات
شكرا جدا لحضرتكم