اتنين سمعهم تقيييييييييييييل
**********************************
الأول : الاتوبيس ده بيروح مصر الجديدة؟
الثاني : على الحديدة !!... ليه انت طالب احسان؟
الأول :!! لا ..دي تلاقيها عند العطار بذرة الكتان
الثاني : جزار !! اه ..قوللي كده .. عايز تشتري لحمة
الأول : معك حق.. الدنيا زحمة ..علشان ده ميعاد خروج الموظفين
الثاني : نور الدين !! لا والله .. ماعرفوهش
الأول : ما بتشربوش!! ليه ..كفا الله الشر؟
الثاني : رأس البر !!! ..ده مــصيف هادي
الأول : عايز تركب للمعادي... دي منطقة جميلة
الثاني : بليلة ؟!! انت شكلك كده جعان
الأول : عيان ؟!!! أي والله .انت باين عليك عيان ..طيب ما تروح للدكتور
الثاني: الحنطور !! ده احسن من الأتوبيس ، وبيوصلني لحد الباب
الأول : هبــــاب !!! وانا اللي كنت فاكرك محترم
الثاني : اتخـرم !! هو مين ؟؟
الأول : عاوز اسـبرين ! ليه انت عندك صداع ؟
الثاني : قراع !!! ياخبر اسود .. ده مرض خطير
الأول : لا والله مش عايز.؟ وبعدين مش بأحب الفطير.. تقيل على المعدة وتمنه غالي
الثاني: خالي.. انت تعرف خالي ؟ ده راجل كبير في السن
الأول : الجن .. نهارك مش فايت ..انت عليك عفريت !؟
الثاني : لا والله ..ممعاييش.. انت عايز الكبريت ليه ..؟ عايز تولع؟
الأول : أدّلع ! أدّلع عليك انت !؟ انت ما تملاش عنيا
الثاني : يقبضوا عليا !! ليه !؟
الأول : انت غريب يا راجل انت..شكلك شحات
(يدفعه من القميص)
روح اشتغل شغلة تاكل منها عيش
الثاني : خيش !! والله ده صوف انجليزي
الأول: بنتك زيزي !!! ربنا يخلّي
الثاني : إنتاج محلي !!! ده مستورد
يمر شاويش من بتوعنا ... يلفت انتباهه الحوار، : بتعمل ايه يا جدع منك له
!!!
الاتنين: مافيش يا شاويش ...احنا مستنيين الأتوبيس
الشاويش : نهاركم مش فايت .... جواسيس !!! قدامي على القسم
يا رب تعجبكوا
