شي خطير غزاره ونعومه ولمعان
خلطة مره حلوه وسهله وتاخذ العقل
مين منا مو عاجبه شعره اللي يتساقط واللي باهت واللي جاف واللي مكسر واللي .... واللي ...... الخ مشاكل كثيره
جربنا زيوت خلطات اشياء كثيره ولكن انا ما نفع معاي وعالج كل مشاكل شعري الا هذه الخلطه الصغنونه
انا شعري باهت ومكسر صح ناعم بس جاف ومافي حيويه وغير كذا خفيف ويتساقط
استخدمت الخلطه اللي عالجت كل مشاكل شعري
كثرت كلام بس انا راح اقول المقادير الحين
المقادير1 / علبه بوناويل صغيره اللي بالقمح كلنا نعرف البوناويل وفوائده يعالج التقصف والشعر المنتف طبعا اللي تحتاجينه علبه صغيره تلقينها بالصيدليه وسعرها 16 ريال طبعا اللي بالقمح وهذه صورته
حزمتين جرجير وكلنا نعرف الجرجير ماله داعي احط صورته وطبعا معروف الجرجير اذا اكلتيه باستمرار يطلع شعرك كيف اذا حطيتيه على شعرك دايركتمره حلوووووووو طريقه عمل الجرجير تاخذين الحزمتين وتغسلينها زييييييييييين وبعدين تعصرينها بعصاره الجزر تصير مثل المويه
هذه صوره العصاره دورت كثير الى ما لقيتها
والشي الاخير فنجانين شاي من اي نوع ينفع لشعرك انا بصراحه استخدمت زيت السمسم الاصلي من المعصره مره حلو وزيت السمسم مره مره يعطي الشعر حيويه ونعومه
الطريقه :
نحط علبه البوناويل مع الجرجير اللي عصرنا يصير مثل المويه ومع الزيت اللي اخترتيه وانا انصح بزيت السمسم نحطهم بالخلاط ونخطلهم زين زين زين خليها نص ساعه بالخلاص عشان البوناويل صعب ينخلط وبعدين حطيه بعلبه وحطيه بالثلاجه الثلاااااااجه عشان الجرجير ما يخرب
طريقه استخدام الخلطه العجيبه :قبل لا تتحممين بساعه ونص حطيه على شعرك طبعا هو بيصير شكله مثل الكريم حطيه ساعه ونص واذا كنتي مستعجله حطي عليه بلاستك وبصراحه انا احط عليه بلاستك واجلس ساعتين وش وراي الموهيم اذا خلصتي تغسلينه عادي بشامبو وماله داعي تحطين بلسم لان البلسم يعدم الشعر ويتساقط
وخلصت القصه
بنات انا بامكاني اتاجر بهذه الخلطه وابيعها هنا عليكم بس انا احس بمعاناه البنات اللي مو قادرين يشتروا وفيه شي ثاني انا نفعت معاي هذه الخلطه واستخدمتها مرتين او ثلاث مرات بالاسبوع بانتظام وعمري ما قطعتها ونفعت معاي بس اللي ابي تعرفونه استجاباتنا مو وحده يمكن معك تنفع وتبان النتيجه باول اسبوع ويمكن مع غيرك تبان من اول شهر ويمكن ما تبان اصلا انا وبكل صراحه وربي شاهد علي بانت علي من اول استخدام كان الشعر فيه طراوه وسهل الاستشوار مو مثل قبل
بنات انا ما بعت عليكم الخلطه لاني ما ابي مبالغ ماديه الفلوس تجي وتروح اللي ابيه دعوه حلوه بالصلاح والستر والنجاح والزواج ومو لي لوحدي لكل المسلمين والمسلمات
ياربيه احس صدعت روسكم بالكلام بس بليز ابي رد لاني متحمسه وانا اكتب
اللي خاطرها تنقل الموضوع تنقله كامل وتكتب كلامي وتنسبه لي لاني ما احلل اللي تنقل وماتنسبه لي واتمنى من الكل نقله عشان الناس كلها تستفيد بس ينسب لي يعني اخر الموضوع تكتبين ( موضوع احلام متدمره )
مع حبي
