عرض للطباعة
السلام عليكم
عاملين ايه يا جماعة
يارب كلكم تكونوا بخير
الموضوع بتاعنا النهاردة عن حفلة تخرج الفرقة الرابعة دفعة 2009
بصوا بقى
كل واحد حضر الحفلة يجي يقولنا ايه كان انطباعه
وكمان يسيب تعليق عنها
ولول فى انتقاد مفيش مانع بردة
الدعوة دى موجهه لكل اللى حضر
سواء من الفرقة الرابعة بشعبتيها
او من الضيوف العزاز علينا زمايلنا من الفرق الاخري
يالة يا جماعة مستنية ردودكم
انا هكون اول رد
بصراحة الحفلة كانت حلوة
بس كان فى انتقاد ضغنن كدة
ياريت محدش يزعل منى
ولا انت يا حسن
بصراحة انا كنت متخيلة الحفلة هتكون اكثر خصوصية من كدة
يعنى بصراحة مكنتش متوقعة ضيوف من الجامعات التانية
انا كنت متخيلة ان هيبقي الشعبتين بتوع جامعة اسكندرية
اداب اسكندرية
كلهم كانوا ضيوفنا واخواتنا
بس كانت مفاجأه
المهم
الحمدلله
الحفلة بردة كانت جميلة وبشكر حسن وشهاب وهيثم ووزة وكمان اسلام ممدوح
على مجهودهم الرائع دا
بجد شئ مشرف يا شباب
ودا دايما المتوقع من كرانشي
اولا شكرا جدا ليكى يا سماح
ثانيا احب اقولك ان الرابطه اسمها (رابطه خريجى المساحه والخرائط ونظم المعلومات الجغرافيه بالجامعات المصريه)
يعنى بتضم كل كل الطلاب سواء داخل الاسكندريه او خارجها
ثالثا بقى وده الاهم ان الحفله الحمد لله تمت على احسن وجه وذلك بالتعاون بين الناس جميعا سواء دكاتره او طلاب
الحمد لله سمعنا سمع كويس جدا عن الحفله والحمد لله
الحفله شرفت كل طالب فى قسم الجغرافيه
ورابطه خريجى المساحة والخرائط رفعت مكانتنا جدا والحمد لله
بهنى كل الخريجين السنادى وكلهم الحمد لله ناس كويسه جدا جدا
الف مبرووووووووووووووووووووك
اهلا بيك يا وسام
نورت التوبيك
انا فعلا مش قصدى الرابطة بتقدم خدماتها لمين او بتضم مين
انا اتكلمت عن الشكل اللى كنت انا متخيلاه بس
وحبيت اوضح رأى
كمان انا اكدت ان الحفلة كانت جميلة وشرفتنا كلنا
بالتعاون بين الدكاترة والطلاب
انا اللى قصدته انى شخصيا مكنتش متوقعة غير اللى قولته قبل كدة
ياريت متكونش زعلت يا وزة
هههههههههههههههههههههه
انا اقدر ازعل منك يا سماح
ده انتى تبع كرانشى يبنتى
ناديهالحفله كانت اكتر من ممتازه من جميع الجوانب
و اجمل حاجه الفرحه اللى كانت مليه الحفله
احب اشكر كل من ساهم فى اخراج الحفل بهذه الصوره
المشرفه لكل من قسم الجغرافيا و الرابطه,
بدايه من اداره الرابطه و الدكتور/ السيد الزغبى
الأستاذ/ محمد سعد
و اخوانى ( اسامه البنا - حسن- هيثم -وسام -عيسى)
وشكر خاص ل(حسن) على فيديو مشروع التخرج بصراحه تحفه
و انشاء الله ربنا يوفق الجميع فى حياتهم العمليه
الحفله كانت جميله جدا وشكرا لكل شباب كرانشي و كل اللي ساهم في الحفله
و شكر خاص لحسن على الكليب الرائع اللي اتقدم في الحفله
بس و محدش يزعل مني انا مع سماح احنا كنا متوقعين الحفله لاداب اسكندريه بس مع احترامي لضيوف الجامعات الاخرى
الف مبرووووووووك للجميع على حفله التخرج
اللى كانت بجد اكثر من رائعه بمعنى الكلمه
واجمل ما فيها ان احنا كنا حسيين بفرحه واحده وسعاده غامره للجميع
كان يوم جميل جدا ومن الايام اللى مش هتتعوض تانى ابدا
الف شكر لحضرتك يا بشمهندسهة سماح على الموضوع الجميل ده
جزاكى الله كل خير
اهىء اهىء
بس بقا احسن حتخلونى اعيط
و الله الحفله كانت جميله جدا و ربنا مضيعش تعب الناس الى اشتغلت فى الموضوع دا
بشكر جميع زملائى و دكتور سيد و استاذ محمد و الضيوف الى شرفونا فى الحفله
ربنا يديم المعروف بينا علطول