تقارير الأعمال المساحية... حد عارفها؟.

سلام عليكم

كام سؤال صغيرين ومش هطول.

الأول: حد فكر ازاي يكتب تقارير شغله؟.

الثاني: طيب إللي بيشتغل في الموقع تقريره هيبقى زي إللي بيشتغل في المكتب؟.

الثالث: تقرير المساح إللي شغال مع مقاول هيبقى زي تقرير المساح إللي شغال مع استشاري؟

الرابع: إيه الملامح المشتركة في التقارير بصفة عامة سواء كان حقلي أو مكتبي على الصعيدين المقاول والاستشاري وإللي لا غنى عنها؟.

الرابع: هل التقرير بيدل على شخصية وشغل المساح؟. بمعنى لو اتقدم تقرير إزاي أقدر أعرف الراجل ده شغال وألا لأ وإمتى لما يتقدم لي تقرير أعرف إنه بتاع شغل؟.

الخامس: التفاصيل. إمته أهتم بيها وإمته أهملها؟.

السادس: أيهما أفضل التقارير اليومية وألا الأسبوعية وألا على حسب الطلب؟.

السابع: إيه الصيغة الأساسية إللي ممكن أعتمدها في شغلي في كتابة التقارير؟.


على فكرة الأسئلة كتير حبيت أوضح نقطة مهمة في العمل المساحي لاتقل بأهمية عن الرفع والتوقيع وهي ضبط أداء سير العمل سواء كان حقلي أو مكتبي.

المطلوب:

- كل إللي يقدر يفيدنا وأنا أولكم يدلوا بدلوه وبعد كده ناخد المفيد المركز ونجمعه في صيغة واحده ونصطلح عليها وممكن نمشي بيها إن شاء الله.


شكرا للجميع

احب انا الموضوعات العابرة للقارات دى
تسلم ايديك
اهو كده ورينا الشغل
بالتوفيق

والله وحشانا موضوعاتك الجميله يابشمهندس محمد

والموضوع ده جميل جدا ومفيد اوي ليا كخريج جديد

ولازم استفاد منه

بشكرك جدا يابشمهندس وفي انتظار ردود اصحاب الخبره

جزاك الله كل خير

الاخ محمد
السلام عليكم ورحمة الله
السوال ليس صغير بل هو سوال كبير بحجم رسالة لنيل درجة الماجستير
قبل فترة اطلاعت علي رسالة ماجستير لمهندس بريطاني لنيل درجة الماجستير كان موضوع الرسالة تقارير العمل المساحي ورسالة تقع في 165 صفحة و مقسمه الي اربع فصول هي
مقدمة عن التقارير المساحية
تقارير المساحة اليومية
تقارير المساحه الشهري
تقارير المساحة بنهاية المشاريع

وفي كل باب مرفق عدد من نماذج التقارير المعنيه

فالتقرير ليس هو لضبط للعمل فقط بل هو اساس الاعمال الهندسية فاغلب الاعمال الهندسية تبني علي اساس التقارير المساحية
والتقارير المساحية مختلفة عن التقارير الاخري في شكلها ومضمونها فهي قد تكون في شكل خريطة او كروكي وغيرها من الاشكال

وبعدين ياخي محمد كفكرة تاريخية العالم انتقل من عصر الزراعة الي عصر الصناعة ثم الي عصر المعلومات
نحن الان في عصر المعلومات حيث اصبحت المعلومات في هذا العصر اقيم ماتمتلكه الموسسات واقيم هذه المعلومات هي المعلومات المساحية والمصدر الاساسي لهذه المعلومات التقارير المساحية
والتقارير المساحية لاتختلف كثير من حيث المضمون من شركة الي اخري (او بين المقاول والاستشاري) لكن الاختلاف يكون في شكل او القالب الذي يتم فيه كتابة التقرير فكل شركة قالب خاض بها وبه معلومات محددة حسب الغرض من التقرير
كما تعلم اخ محمد ظهر في الفترات الاخيرة مفهوم الجودة الشاملة حيث وجود قوالب محددة كل الاجراءات المحددة وهي تختلف من شركة الي اخري
انواع التقارير
تقرير يومي
وهو تقرير يوضح العمل اليومي للمهندس المساحة ويكون محتوي علي بيانات اكثر من معلومات ويحتوي علي المعلومات الاتي:
اسم الشركة
اسم المشروع او العمل
تاريخ العمل
اسم مهندس المساحة
الاجهزة التي يعمل بها
مكان العمل داخل المشروع
بيانات العمل (وتكون هذا البيانات حسب طبيعة العمل مثلا مناسيب او قيم زوايا او اطوال اضلاع وغيرها من القياسات )
تلفون المهندس (او وسيلة الاتصال) لان التقرير يذهب الي شخص اخري قد لايفهم كل الاشياء الموجودة في التقرير
وهذه التقارير اكثر التقارير فعاليا ويقوم بها مهندس المساحة نفسه وهي اساس لجميع التقارير الاخري وهي تقارير يبني عليها الاعمال الهندسية الاخري من منشاءات وطرق وغيرها
اما التقارير الشهريه : فهي تقارير خلاصة التقارير اليومية وفيها تتحول البيانات الي معلومات ولاتوجد بها بيانات وهي تقارير تقدم الي المدراء وهي توضح ماقام به مهندس المساحة دون تفاضيل ويقوم باعدادها جهات غير مهندس المساحة مهمتها جمع التقارير اليومية وتحليلها واختضارها في تقرير واحد
اما التقارير السنوية فهي نفس التقارير الشهرية

اتمني ان اكون قدمت فكرة مختضرة جده

بسم الله ماشاء الله

ربنا يبارك فيك يا باشمهندس محمد و يا باشمهندس دفع الله

بجد معلومات مهمه جدا جدا جدا جدا بحييكم عليها

و بكرر شكري لكم شكرا جزيلا

و جزاكم الله كل خير و جعله في ميزان حسناتكم

شكرا جزيلا لكل اللي ردوا حقيقي مش هقول زي ما توقعت بس بجدشرف لي وأي حد ان الكبير يرد والمهندس دفع الله حمدان يرد
شكرا يا كارموا شكرا يا أيمن
ربنا يبارك فيكوا يا رب

أخي الكبير المهندس دفع الله حمدان بالفعل كلامك منطقي كالعادة وعملي وواقعي وبالتالي أتفق معك ولكن سؤال راودني في الفترة الأخيرة حينما تعرض فريق عمل كنت على علاقة به نتيجة أخطاء في التقارير.

الواضح لي أن أغلب الأخوة العاملين بالعمل المساحي لا يلقوا بالا بأهمية التقارير المساحية ويتعاملون معها على أنها مجرد كلام يكتب على صفحة ولا يلقوا بالا بالصيغة والمهم والأهم والتفاصيل واهمالها وابرازها في مناطق أخرى.

وبالتالي حينما كتبت هذه الكلمات والأسئلة تابعت بشغف شديد وبحث كبير على الشبكة في هذا المجال ولا أخفيك سرا أني لم أجد سوى نذر يسير من المعلومات منها ما كتبته سيادتكم في ملتقى المهندسين العرب.

بالاضافة إلى تقارير منشورة في دورة خاصة باعداد مهندسين مدني قامت بها شركة المقاولون العرب وحقيقي لم يسعفني حظي أو على الأقل لم أستطع الوصول لأفضل من ذلك.

ونظرا لأهمية هذا الموضوع قمت بصياغة هذه الأسئلة وحقيقي كنت متوقع إدلائك بدلوك خصوصا وأنا أعلم ما تحمله من علم وعمل واحترام يجعلك تدلو بدلوك في هذا الموضوع.
فحقيقي ربنا يجزيك خير.

أخويا الكبير محمد هاشم يا باشا عايزين اشتراك وبصراحة عامل الموضوع ده عشان أدبسك معايا وكده كده هتقول لنا حاجات من عندك إن شاء الله.

كارمو باشا : شكرا عالسؤال والاطمئنان حقيقي محترم ولي رجاء عندك يا ريت تشترك معانا ولو تبحث لنا عن موضوعات متعلقة بالموضوع ويبقى جزاك الله خيرا

أيمن باشا جمال ربنا يخليك وبجد انت مميز جدا في الكتب الهندسية والمراجع والبرامج إللي بتجيبها للمنتدى يا ريت تشاركنا البحث في الموضوع ده.

شكرا للجميع وفي انتظار المزيد

أصلي طماع

من عينايا يا محمد
وانا باحضر الان نموذج لتقارير من وجهه نظر المساحة البحرية
وتحت امر الكل

بشمهندس محمد الفرارجى حضرتك هنا نورت المنتدى مره تانيه بعد طول غياب


الواحد سعيد جدا بوجودك مره اخرى

ويارب نشوف حضرتك هنا معاناعلى طول


استاذنا الفاضل الكبير دفع الله حمدان


شكرا جدا لحضرتك على المجهود العظيم اللى حضرتك بتقدمه وجزاك الله كل خير

وزادكم الله من علمه

بسم الله الرحمن الرحيم
الغرض من التقارير بشكل عام هو تسجيل جميع الأحداث التى تمت خلال عملية المسح وكذلك بارمترات المسح ذاتها
الفرق بين التقارير هو الغرض من التقرير نفسه لبيان معنى ذلك سنضرب أمثلة
المشروع الذى يتطلب معايرة للأجهزة وأعمال مسح وتسجيل أرصاد يومية لابد له من إنشاء تقرير يومى
المشروع الذى يطلب فيه العميل تجميع بيانات وتقديمها للعميل إسبوعيا لابد له من إنشاء تقرير إسبوعى
المشروع الذى يتطلب فترة زمنية طويلة كأن يكون مسح قطع واسعه من الأرض – أو البحر – لابد له من إنشاء تقرير شهرى لبيان التقدم الحاصل فى المشروع وكذا لإستخراج – فى بعض الأحيان – فاتورة شهرية للعميل لأن فى تلك الحالات تكون قيمة العقود بملايين الدولارات ولا يتم دفع تلك القيمة مرة واحدة وإنما من خلال تقدم عمليات المسح شهريا
هل فهمتم ما أقصده ؟
وفى كل الأحوال – غالبا – يتطلب المشروع تقارير يومية وشهرية ونهائية فى نهاية المشروع يلخص كل ما تم

التقرير لابد له من وجود عناصر أساسية نجملها فيما يلى
اولا
العنصر الجمالى له أكبر الأثر فى فهم التقرير سريعا وتقليل وقت الاستفسار عن تفاصيله كما له انطباع لدى العميل عن مدى أحترافية العمل حتى لو كان بسيطا أو من نوع النمط المتكرر
ثانيا
بيانات المشروع من اسم شركة العميل واللوجو
اسم المقاول واللوجو
عنوان المشروع او اسمه
رقم العقد
منطقة العمل
التاريخ
اسم مركب المسح (لو كانت بحرية )
حالة الطقس من حيث سرعة الريح اتجاهها حالة الرؤية الخ (حتى لو كانت مساحة أرضية )
اسماء ورتب الافراد المشاركين فى العمل وبالطبع اسم كاتب التقرير او منسق العمل
الاجهزة المستخدمة وعددها (غالبا يتم احتساب الاجهزة فى حالة إيجار طوال فترة العمل )
ملخص ما تم انجازة من اعمال بالتاريخ والساعة فى هذا اليوم
ما سيتم انجازة خلال الـ 24 ساعة القادمة
ملاحظات من قبل المقاول
تعليقات العميل
امضاء مندوب المقاول وامضاء مندوب العميل بالموافقة على ما تم من اعمال

وللحديث بقية طالما فى العمر بقية

موضوع ممتاز جدا و من الممكن لو الوقت سمح ان اعد لكم نموذج منسق لما طرحة الزملاء
تحياتي للجميع