ادم يتكرم ع حواء ويستضيفها

ادم يستضيف ..... حواء :a26:

المهم الموضوع هو فكرته جايه م حواء تستضيف ادام
دى مجموعه اسئله هتجاوب عليها حواء سواء كانت
عضوه او مشرفه
ولما الهانم حواء تخلص الاجابات تخلى هانم تانيه زيها
تجاوب عليه وتقولها ف رساله خاصه
اتفقنا يا هوانم :a26:

يلا بينا يا صبايـــــــــــا :a33:
http://m7ml.com/uploads6/aa30b37db8.gif

1-هل تعتبرى نفسك حواء التى تعجب ادام وتلفت انتباهه؟؟

2-برايك لماذا الرجل في مجتمعنا لا يساعد المراة في أعمال المنزل ويشعر بأنه نقص لرجولته ؟؟

3-هل تبكى حواء لادام؟؟ ومتى ؟؟

4-ماذا تعني لك المراة العاملة ؟؟ " عايزة تشتغلى ولا لأ؟ ولو ادام معترض هيكون موقف ايه ؟

5-ماذا تفعلى عندما يقول لك ادام ( آحبك ) بصدق ؟؟

6-ماذاتريدين من الرجل ان يفعل عندما يكون هو المخطئ؟ وماذا تفعلى عندما تكونى أنتى المخطئه؟؟

7-متى تشعرى بأنك اضعف شخص بالوجود أمام ادام؟ ومتى تشعرى بالقوة ؟

8-كيف تريدين من ادام معاملتك في قمة عصبيتك ؟؟ وكيف تعامليه في قمة عصبيته؟؟؟

9-مالذي يغضبك في ادام ؟ ومالذي يعجبك فيه؟؟

10-ادام حنون ورومانسي/جميل/ جاد وصارم/ عملي/ ثرى / البادى بلدنج 100 100 :a36:

أيهما تتمني؟؟

11-متى تكون حواء سبب في بحث ادام عن حواء غيرها؟؟

12-متى تشعرى بتأنيب الضمير؟؟

13-هل تشعرى بأنك مثاليه ؟؟

14-كيف تتعاملى مع ادام عند رفض طلب لك ؟؟

15-وقع شجار بينك وبين ادام ادى الى زلة لسان منه جرحت كبرياءك فخرج
وعاد تحمل لك هدية هل تسامحيه؟؟

16-حين يهدى لك ادام هدية ولا تعجبك ذوقه ماهي رد فعلك؟؟

17-ماهي احتياجات حواء التي يغفل عنها ادام ؟؟

18-ليه حواء بطلع عين ادام ؟؟ جاوبى بصراحه :a36:

19-دائما ادام متهم انه بصباص ايه رايك انتى ف الكلام ده؟؟

20- أهمسى بما تريدين لحبيبك ** فماذا تقول؟؟

من تختارين بعدك ليكون ضيفا على ادام؟

وحواء الاولى ايلى معانا هى ....

الورده البيضاء :a15: :a15:

يلا افتتحى المسيرة بما انك اكتر حواء بتعز ادام جدااااااااااا :a12: :a12:

هههههههههههههههههههههههههههههههههههههههههه
بطلوا تقليد بقى :a47: :a47:

لا بجد كويس والله انك نزلت الموضوع ده يا زوما

:a34: :a34: :a34:

علشان يبقى فى عدل ف المنتدى

بين ادام و حواء

جت الحزينة تفرح لم تجد لها كرسي حمام حتي

الله بتكلمنا بقرف ليه ف اول الموضوع وكل شوية يعمل

:a26::a26::a26:


ده انت لو مستضيف ديدان مش هتعاملهم كده


:a44::a44::a44::a44:


كنب احنا يعني ولا قفص قرص ولا ايييييييييه يا عم انا مين :a25::a25::a25:

ههههههههههههههههههههههههههههههه
والله انا وبقرا التوبيك بقول يارب استر
هههههههههههه
بس اسئلة جامدة والله ياحازم
ومحتاجة تفكير
ميرسى لاختيارك ليا

اقتباس:

---

المشاركة الأصلية كتبت بواسطة Baybars

1-هل تعتبرى نفسك حواء التى تعجب ادام وتلفت انتباهه؟؟

لكل ادم حواء اللى تعجبة ... مفيش واحدة بتعجب كل الرجالة

2-برايك لماذا الرجل في مجتمعنا لا يساعد المراة في أعمال المنزل ويشعر بأنه نقص لرجولته ؟؟
لية بتقول كدة لا خالص فى ناس متعاونة واولهم الواد اخويا

3-هل تبكى حواء لادام؟؟ ومتى ؟؟
اة عادى
تبكى وهى قوية مش وهى ضعيفة
يعنى تبكى وهى فى موقف قوة وليس ضعف وانعدام الذات

4-ماذا تعني لك المراة العاملة ؟؟ " عايزة تشتغلى ولا لأ؟ ولو ادام معترض هيكون موقف ايه ؟
المرأة العاملة حاجة كويسة جدا
الشغل على حسب ظروف بيتى وزوجى
يعنى ممكن اشتغل لغرض مساعدة زوجى لكن لو هو مش محتاجين وهو رافض الشغل مش هاصمم على الشغل وبعدين سورى يعنى اللى بتقول اشتغل دى ومتحمسة اوى للشغل اكيد مش بتشتغل فى بيتهم ولا شافت البيت محتاج وقت قد اية ولا مجهود قد اية
البيت شغلة مش بيخلص محتاجلك دايما

5-ماذا تفعلى عندما يقول لك ادام ( آحبك ) بصدق ؟؟

ونبى يااخويا ماعارفة اقولك اية
بس هاتخيلهالك يعنى ومش هزعلك
ههههههههههه
اكيد هكون مبسوطة جدا وفقمة سعادتى
وهبقى حاسة بالامان لانى لقيت الشخص اللى بيحبنى وهيحافظ عليا

6-ماذاتريدين من الرجل ان يفعل عندما يكون هو المخطئ؟ وماذا تفعلى عندما تكونى أنتى المخطئه؟؟

اما يكون مخطىء يعترف بخطأة وانا نفس الموضوع بردو
لو غلطانة واجب عليا ولازم اعتزر
وميمنعش اجبلة هدية كمان اصالحة بيها
يلاااااااااااااااا عشان متقولوش علينا بخلة

7-متى تشعرى بأنك اضعف شخص بالوجود أمام ادام؟ ومتى تشعرى بالقوة ؟

• اى واحدة بتبقى اضعف مايكون قدام اى كلمة حلوة من انسان بتحبة وفى نفس الوقت بتحس نفسها اقوة امرأة على الارض

8-كيف تريدين من ادام معاملتك في قمة عصبيتك ؟؟ وكيف تعامليه في قمة عصبيته؟؟؟

بص انا بطبعى ماحبش اتكلم مع حد ولا اما يكون عصبى ولا اما انا اكون عصبية
باستنى اما اهدى خاااااااالص وبعدين اعاتب
وبردو بحب الناس تعمل معايا كدة تسيبنى اما اهدى ويتعاتبونى
لان ساعة الغضب دى الواحد مش بيبقى مدرك هو بيقول اية وممكن يجرح اللى قدامة بدون قصد

9-مالذي يغضبك في ادام ؟ ومالذي يعجبك فيه؟؟

اللى بيضايقنى منة حب التملك
واللى بيعجبنى فى الراجل رجولتة :a36:وطيبة قلبة :a36:وحنيتة:a36:

10-ادام حنون ورومانسي/جميل/ جاد وصارم/ عملي/ ثرى / البادى بلدنج 100 100 :a36:

أيهما تتمني؟؟

حنون رومانسى جاد عملى

11-متى تكون حواء سبب في بحث ادام عن حواء غيرها؟؟

اهمالها لية وعدم ادراكها بان الراجل راجل والست ست
والادوار مينفعش تتبدل

12-متى تشعرى بتأنيب الضمير؟؟

اما احس انى ظلمت

13-هل تشعرى بأنك مثاليه ؟؟

الكمال لله وحده

14-كيف تتعاملى مع ادم عند رفض طلب لك ؟؟

بضايق لو كان رفض بدون اسباب مقنعة

مقنعة

15-وقع شجار بينك وبين ادام ادى الى زلة لسان منه جرحت كبرياءك فخرج
وعاد تحمل لك هدية هل تسامحيه؟؟

هاسامحة اكييييييييييد
بس بشرط ان الهدية تكون وردة :a36:

16-حين يهدى لك ادام هدية ولا تعجبك ذوقه ماهي رد فعلك؟؟

هاشكرة جداااااااا عليها
كفايا انة فكرة يهدينى
وبعدين الهدية ماهى الا تعبير عن مشاعر
وانا هاحترم مشاعرة

17-ماهي احتياجات حواء التي يغفل عنها ادام ؟؟

الحنان

18-ليه حواء بطلع عين ادام ؟؟ جاوبى بصراحه :a36:

هههههههههههههههه
بتطلع عينة ازاى يعنى؟
شايفنا سفاحين ولا اية
ولا يمكن بنتاجر فاعضاء البونى ادمين

19-دائما ادام متهم انه بصباص ايه رايك انتى ف الكلام ده؟؟

ايوووووووووووووووووووون
بصبااااااااص
وعينيكم فارغة كمان

20- أهمسى بما تريدين لحبيبك ** فماذا تقول؟؟

هو مفيش بس بردو هنتخيل سوا
تقول المرأه عن رجل بأنه فارس أحلامها..
ليس إن أتى على حصان..
أو إن وسامته جعلتها تهيم به !
ولكن تقول ذلك إن اتصف بصفات الكمال في مخيلتها ..
من رجولة.. وكلمة صادقة.. وحب .. وروعة مشاعر..
وأن يكتفي بها.. ولاينظر إلى غيرها !

من تختارين بعدك ليكون ضيفا على ادام؟

اختار esraa marey
وحواء الاولى ايلى معانا هى ....

الورده البيضاء :a15: :a15:

يلا افتتحى المسيرة بما انك اكتر حواء بتعز ادام جدااااااااااا :a12: :a12:
اووووووووووووووووى من كل قلبببببببى

---

الاسئلة كانت صعبة ياحازم :a25::a25:
بس الحمد لله عدت على خير
ميرسى ياحازم ليك
اتمنى انى اكون ضيفة خفيفة عليكم

جميلة اوي الاسئلة دي يا حازم بس اهم حاجة اللي يجاوب يكون بيجاوب بصراحة
اما بالنسبة لحواء الاولي ردودها علي الاسئلة كانت كويسة بس في بعض الاسئلة اللي هربت منها

اقتباس:

---

المشاركة الأصلية كتبت بواسطة mostafa hassan

جميلة اوي الاسئلة دي يا حازم بس اهم حاجة اللي يجاوب يكون بيجاوب بصراحة
اما بالنسبة لحواء الاولي ردودها علي الاسئلة كانت كويسة بس في بعض الاسئلة اللي هربت منها

---

ميرسى كتير لمشاركتك
بس انا جاوبت كلة
ومهربتش من حاجة :a45::a45:

اقتباس:

---

المشاركة الأصلية كتبت بواسطة baybars

ادم يستضيف ..... حواء :a26:

المهم الموضوع هو فكرته جايه م حواء تستضيف ادام
دى مجموعه اسئله هتجاوب عليها حواء سواء كانت
عضوه او مشرفه
ولما الهانم حواء تخلص الاجابات تخلى هانم تانيه زيها
تجاوب عليه وتقولها ف رساله خاصه
اتفقنا يا هوانم :a26:

يلا بينا يا صبايـــــــــــا :a33:
http://m7ml.com/uploads6/aa30b37db8.gif
-هل تعتبرى نفسك حواء التى تعجب ادام وتلفت انتباهه؟؟ اكيد اه بس مش كل ادم 0 وديه طبيعة الحياة وحكمة ربنا فى خلقه0 وكدذلك برده ادم مش يعجب كل حواء0

2-برايك لماذا الرجل في مجتمعنا لا يساعد المراة في أعمال المنزل ويشعر بأنه نقص لرجولته ؟؟
اولا ده راجع للتربية من ايام الاجداد يعنى بياخدها من منطلق ان شغل البيت خاص للمراة بس وان الامهات مش بتعود اولادها على مساعدتها 0بس انا ملاحظة حاجة فى الشباب انهم عادى يساعدوا بس مش اما م حد وان ماحدش يعرف انه عمل حاجة فى البيت0

3-هل تبكى حواء لادام؟؟ ومتى ؟؟
بص هو طبعا البكاء الكتير ضعف0ولو زاد عن حده بيكون مش فى مصلحتها0فانا ابكى بس مش عامل على باطل 0وفى وقتين فى الانكسار ولما اكون فى قمة سعادتى وووووو

4-ماذا تعني لك المراة العاملة ؟؟ " عايزة تشتغلى ولا لأ؟ ولو ادام معترض هيكون موقف ايه ؟
المراة العاملة منظمة واعية واقعية بما يحدث حولها0انا اكيد نفسى اشتغل بس فى مجالى فقط واستفاد بدراستى0اما او ادم اعترض ده مش لو دا انا متوقعها بس اعرف اسبابها يعنى نتقاش كل واحد بمبرارته0وانا راى الى ما توفقش بين الشغل والبيت يبقى ما تشتغلش0بس لو تقدر توفق بين الشغل والبيت يبقى تشتغل0

5-ماذا تفعلى عندما يقول لك ادام ( آحبك ) بصدق ؟؟
لو ينفع اطير حطير من الفرحة بسسسسس فى حاجة تكون حقيقة من قلبه بجد يعنى ما يضحكش عليا لان اكتر تجرح حواء لو اضحك عليه والحمد الله انا مايضحكش عليا0والفرحة تكون بحياء وكبرياء0

6-ماذاتريدين من الرجل ان يفعل عندما يكون هو المخطئ؟ وماذا تفعلى عندما تكونى أنتى المخطئه؟؟
الاعتراف بالحق فضلية0اطلب ان يعترف بخطئه باى طريقة والاهم انه ما يتكررش0 اعترف واعتذر واصلح الخطى وما كررهوش0

7-متى تشعرى بأنك اضعف شخص بالوجود أمام ادام؟ ومتى تشعرى بالقوة ؟
الكلمة الحلوة سواء لحواء وادم تجعله يشعر بالضعف وبرده فى نفس الوقت القوة والثقة بالنفس0

8-كيف تريدين من ادام معاملتك في قمة عصبيتك ؟؟ وكيف تعامليه في قمة عصبيته؟؟؟
انه ما يستفزنيش ويهدنيى يعنى زى ماهو بيحب اعامله وهو عصبى 0 انا استحمللللل واهديه واسيبه لما يهدى واهم حاجة ما اطلبش منه اى طلبولا اجيب سيرة حد او موضوع مش بيحبه0

9-مالذي يغضبك في ادام ؟ ومالذي يعجبك فيه؟؟
يغضبى فى ادم بيحب دائما حواء عشرة على عشرة يعنى ماتغلطتش خالص كانه مش انسانة وانها مالهاش متطلبات زيه وانه قليل لما يراعيها ويقدرها0يعجبى فى ادم بس المصرى هوالرجولة والشاهمة والاعتماد عليه 0 حبه للاهله وطموحه0 انه يكون جاد فى شغله وطموح0

10-ادام حنون ورومانسي/جميل/ جاد وصارم/ عملي/ ثرى / البادى بلدنج 100 100 :a36:

أيهما تتمني؟؟
طبعا حنون ؤومانسى بس مش بملل0 اكيد جميل فى طباعه0اكيد جاد وصارم وعملى فى وقت الشغل والعمل والحياة العملية0

11-متى تكون حواء سبب في بحث ادام عن حواء غيرها؟؟من
عندما تهمله وتهمل نفسها ولا تشعره باهميته وقميته وتنسى انها ليدها رجل بداخله طفل صغير0 وتنسىانه هو راجل البيت0
12-متى تشعرى بتأنيب الضمير؟؟

لو زعلت حد من غيرما اقصد وما اعتذرتش 0ولمل اتسبب لحد فى مشكلة وكمان مش عارفة احلها0ولما اظلم 0ولما ما اخدتش حقىىىىىىى0 ولما يكون كان ينفع اساعد حد وما اساعدش0

13-هل تشعرى بأنك مثاليه ؟؟
اكيد لالالالالالالالا0 لايوجد انسان كا مل0 كل انسان ناقص0

14-كيف تتعاملى مع ادام عند رفض طلب لك ؟؟

اعرف السبب 0ولوسبب يترفض عشانه خالص لكن لو سبب بيكون حجة افضل وراه لغاية ما يوافق0

15-وقع شجار بينك وبين ادام ادى الى زلة لسان منه جرحت كبرياءك فخرج
وعاد تحمل لك هدية هل تسامحيه؟؟
اكيد اسامح الى بيحب حد لازم يسامحه بس مش بسهولة 0

16-حين يهدى لك ادام هدية ولا تعجبك ذوقه ماهي رد فعلك؟؟

ردى حيكون هو نفس رد فعلى حتى لوكانت احسن هديه ممكن تعجبنى 0لان الموضوع مش هديه الموضوع تعبير وانه يفتكرنى وكمان ديه اذواق 0

17-ماهي احتياجات حواء التي يغفل عنها ادام ؟؟يحساسها بمشاعره واهمايتها له وانه يراعيها وانه انسانة مهما تقدم بهما العمر وكثرت المشغال0

18-ليه حواء بطلع عين ادام ؟؟ جاوبى بصراحه :a36:حواء بطلع عين ادم حرام عليكم مين الى بيطلع عين التانى0 ولو حصل بيكون هو السبب 0ممكنيكون سوء ظن وتفاهم منه انها اصدة تطلع عينه0وكمان ادم يعمل الى عليه بحق ربنا ويشوف حواء حطلع عينه ولا0

19-دائما ادام متهم انه بصباص ايه رايك انتى ف الكلام ده؟؟
متهم ؟؟؟؟؟؟؟؟؟؟ظ دا مش اتهام 0 دا اثبات وليه شهودكمان وحقيفة زى الحقائق العملية0

20- أهمسى بما تريدين لحبيبك ** فماذا تقول؟؟

اقوللللللللل ايه ؟؟ مع احترامى ليكمممم كلكم ما اقولش على الهواءءءءءءءءء مباشرة 0انا مش بهرب والله من السؤال هواصلا مش محتاج حد يهرب 0بس انا كدااا معلش

من تختارين بعدك ليكون ضيف الحلقة مع ادم بعدك ؟ heba bebo
وحواء الاولى ايلى معانا هى ....

الورده البيضاء :a15: :a15: :a12: :a12:

---

و بشكرك يا وردتنا على اختيلرك ليا بعدك وعلى فكرة اجابتك كانت جميلة 0وشكرا لحازم على عرض الموضوع

اجاباتك جميلة يا اسرو

استناني يا حازم جزء هجاوبه هنا وجزء عملي يوم الجمعة يوم التجمع ان شاء الله


انتظرني

:a13:

اقتباس:

---

المشاركة الأصلية كتبت بواسطة Marwa Magdy

هههههههههههههههههههههههههههههههههههههههههه
بطلوا تقليد بقى :a47: :a47:

لا بجد كويس والله انك نزلت الموضوع ده يا زوما

:a34: :a34: :a34:

علشان يبقى فى عدل ف المنتدى

بين ادام و حواء

---

لا والله منين تقليد ومنين كويس انك نزلت الموضوع
اهو انتو كده يا حواء لازم لسانكم يطول الاول بعد كده تقولوا كويس وحلو :a5:

اقتباس:

---

المشاركة الأصلية كتبت بواسطة Heba Bebo

جت الحزينة تفرح لم تجد لها كرسي حمام حتي

الله بتكلمنا بقرف ليه ف اول الموضوع وكل شوية يعمل

:a26::a26::a26:


ده انت لو مستضيف ديدان مش هتعاملهم كده


:a44::a44::a44::a44:


كنب احنا يعني ولا قفص قرص ولا ايييييييييه يا عم انا مين :a25::a25::a25:

---

هو ف كرسى حمام يا هبه :a36: :a36:
لا بس منورة اهبه ونشوف اجاباتك هتكون ازاى ربنا يستر :a36:

اقتباس:

---

المشاركة الأصلية كتبت بواسطة الورده البيضاء

الاسئلة كانت صعبة ياحازم :a25::a25:
بس الحمد لله عدت على خير
ميرسى ياحازم ليك
اتمنى انى اكون ضيفة خفيفة عليكم

---

ياااااااه ده انتى كنتى خفيفه خالص
بس نسيت احطلك سؤال خاص ييكى ليه بتكرهى ادام اوى كده :a5:

بس بجد عجبتنى اجابتك ف بعض الاسئله وياريت
حواء كلها تكون حاطه ف دماغه الكلام ده
وهربتى ليه م سؤال ان ادام بصباص ؟؟؟؟؟

اقتباس:

---

المشاركة الأصلية كتبت بواسطة mostafa hassan

جميلة اوي الاسئلة دي يا حازم بس اهم حاجة اللي يجاوب يكون بيجاوب بصراحة
اما بالنسبة لحواء الاولي ردودها علي الاسئلة كانت كويسة بس في بعض الاسئلة اللي هربت منها

---

منور الموضوع يا مصطفى وفعلا كانت ورده ردودها
كويسه جدا ف موضوع زيه بقى لادام هخليك تشارك فيه

انت هتضربنا ولا ايه فيه حد يستضيف ضيفه كده ماشى احنا اللى اخدناكم على كده ... فكره حلوه شكرا ليك

اقتباس:

---

المشاركة الأصلية كتبت بواسطة esraa marey

و بشكرك يا وردتنا على اختيلرك ليا بعدك وعلى فكرة اجابتك كانت جميلة 0وشكرا لحازم على عرض الموضوع

---

:a11: :a11: :a11:
اجابات هايله يا اسراء بس طالما انتو كده حلوين اهو
اومال ليه بتعملوا كده ومطلعين عنينا بس :a30: :a30:

عجبتنى حته ان ادام يكون رومانسى بس مش ملل :a33:
وبرضه ماعرفناش رايكم ولا انتى ولا ورده ع موضوع ان ادام بصباص
قولو ليه كده ومالكم متأكدين م كده كمان

اقتباس:

---

المشاركة الأصلية كتبت بواسطة Heba Bebo

اجاباتك جميلة يا اسرو

استناني يا حازم جزء هجاوبه هنا وجزء عملي يوم الجمعة يوم التجمع ان شاء الله

انتظرني

:a13:

---

:a6: :a6: :a6: :a6: :a6: :a6::a6:

ناويه ع ايه هبه قولى :a6:

اقتباس:

---

المشاركة الأصلية كتبت بواسطة mon ange

انت هتضربنا ولا ايه فيه حد يستضيف ضيفه كده ماشى احنا اللى اخدناكم على كده ... فكره حلوه شكرا ليك

---

ههههههههههههههههه
مرة م نفسنا شويه نطلع ايلى بتعملوه فينا :a12: :a12:

جميل جدا الموضوع
بشكرك يا حازم
واجابات البنات جميلة جدا
ومنتظرة اجاباتك يا هبـــــــة

تسلم ايديك يا حازم

موضوع هااااااااااااااااااااايل :a13::a13:

اقتباس:

---

المشاركة الأصلية كتبت بواسطة Baybars

لا والله منين تقليد ومنين كويس انك نزلت الموضوع


اهو انتو كده يا حواء لازم لسانكم يطول الاول بعد كده تقولوا كويس وحلو :a5:

---

مافيش واحده فيكم يا حواء ردت عليه :a29: :a29:

:a12: :a12: :a12:
عندك اعتراض حضرتك انوا تقليد
انت مش قلدت الموضوع بتاعى
يعنى دى حقيقه يا زوما

و يعدين دى حواء ع طول كلامها زى النسمه :a21: :a21:
بس ادام بقى هو اللى ع طول كلامه مستفز :a7:

موضوع جامد جدااا

فى انتظار اجابات هبة
واجاباتك يااسراء جميلة جدا ياقمر
تسلم الايادى

اقتباس:

---

المشاركة الأصلية كتبت بواسطة الورده البيضاء

فى انتظار اجابات هبة
واجاباتك يااسراء جميلة جدا ياقمر
تسلم الايادى

---

شكر ا ياوردة دا من ذوقك يا حبيتى0على فكرة انا جاوبت عشان بس احتراما وتقدير للاختياريك ليا غير كدا ماكنتش حجاوب غير ع اسئلة معينة 0 يالا يا هبهوبه مستنين اجاباتك 0 معلش بقى وجع دماغ ادم0

اقتباس:

---

المشاركة الأصلية كتبت بواسطة baybars

:a11: :a11: :a11:

اجابات هايله يا اسراء بس طالما انتو كده حلوين اهو
اومال ليه بتعملوا كده ومطلعين عنينا بس :a30: :a30:

عجبتنى حته ان ادام يكون رومانسى بس مش ملل :a33:
وبرضه ماعرفناش رايكم ولا انتى ولا ورده ع موضوع ان ادام بصباص

قولو ليه كده ومالكم متأكدين م كده كمان

---

شكرا كتير على ردك 0وع فكرة حواء كلهم طول عمرهم كويسين بس ادم هو الى بيطرها انها تطلع عينه دا اذ عرفت وكانت تقدر ع ادم اد احنا غلابة خالصصصص0وراى فى ان ادم عينه ذايغه ان قولت انه مش اتهام ديه حقيقة يعنى بذمتك انتوا مش عارفين احنا متاكدين ليه؟؟؟؟؟؟؟؟؟ 0 اما بانسبة لطولة اللسان دا احنا برده الى لسانا طويلللللللل؟؟؟؟؟؟؟؟ظ ولوكان وحصل فبرده ادم هو السبب 0 يعنى من الاخر ادم هو السبب انه يخرج حواء شعورها0 ع فكرة انا بهزرر ماحدش يزعل 0من ادم0

بجد موضوع حلو يا بيبرس علي الرغم اني فوجئت من المقدمه:a4:...انا متابعه معاكم بأذن الله

ايه يا هبه فينك اجا بتك 0 يالا انزلى بالاجابات وجنينىىىىىىىىى ادم باجاباتك عايزنهم يعرفوا مين حواء 0 وانا من راى لو ف اسئلة مش عايزة تجاوبلى عليها عادىبراحتك دا بعد اذن حازم صاحب الموضوع 0يالا دا انا بعتبرك كبيبرة المنتدى0

اقتباس:

---

المشاركة الأصلية كتبت بواسطة Baybars

ادم يستضيف ..... حواء :a26:

دي استضافة ولا زكاة رمضان ولا ايه
:a4:

المهم الموضوع هو فكرته جايه م حواء تستضيف ادام
دى مجموعه اسئله هتجاوب عليها حواء سواء كانت
عضوه او مشرفه
ولما الهانم حواء تخلص الاجابات تخلى هانم تانيه زيها
تجاوب عليه وتقولها ف رساله خاصه
اتفقنا يا هوانم :a26:

هوانم ايه ولا حصلنا كراتين بيض مداسة حاجة نيلة بعيد عنك

:a25:

يلا بينا يا صبايـــــــــــا :a33:
http://m7ml.com/uploads6/aa30b37db8.gif

1-هل تعتبرى نفسك حواء التى تعجب ادام وتلفت انتباهه؟؟

لااااااااااااا

عن نفسي يعني عشان يمكن بدي علي امهات شوية:a36:

بس بجد بجد يعني كل ادم وله حواء اللي تعجبه
لان الارواح جنود مجندة من تقابل منها إئتلف ومن تنافر منها اختلف
مش كل بنت جميلة تتحب علي راي تامر حسحس
والاعجاب والقبول من عند الله:a11:

2-برايك لماذا الرجل في مجتمعنا لا يساعد المراة في أعمال المنزل ويشعر بأنه نقص لرجولته ؟؟

مش لم يجيب منزل الاول يبقي يساعد فيه يا زوزا
هو الموضوع مش كده بيبقي الرجل تعبان من الشغل مثلا فبيكسل
وبدليل انه لو اتخانق معاها او حدث طلاق لاااازم يتكفل بنفسه

الا يعفن ونبلغ الحكومة:a45:

3-هل تبكى حواء لادام؟؟ ومتى ؟؟

اااااااااااه طبعا
تبكي من ظلمه بس لو دموعها نزلت قامه بتكون ف قمة الكسرة

بس ف الاغلب اول ما يلف ضهره كده
وممكن اما يصعب عليها برضه
صح يا زومزوم:a34:

4-ماذا تعني لك المراة العاملة ؟؟ " عايزة تشتغلى ولا لأ؟ ولو ادام معترض هيكون موقف ايه ؟

بص يا سيد الناس
الشغل حلو لو حدث تكيف مع الاسرة ولو الزوج وافق طبعا وباسباب مقنعة
يعني انا معلمة مثلا فعادي لو مارست المهنة ف المنزل
دروس خصوصية:a33:

اما لو اي مهنة تتعارض مع الحياة الجديدة والدائمة باذن الله

:a45:

5-ماذا تفعلى عندما يقول لك ادام ( آحبك ) بصدق ؟؟

بصدق
طب وهعرف منين
:a26:

عارف هقوله حبيتك العافية:a15:

بس لو بصدق بجد بجد يعني ممكن اعيط وربنا
:a43:

6-ماذاتريدين من الرجل ان يفعل عندما يكون هو المخطئ؟ وماذا تفعلى عندما تكونى أنتى المخطئه؟؟

لو هو المخطئ هتمني انه يكلمني بس وساعتها مش هطلب اعتذار عفا الله عما سلف

ولو انا هجيبله هدية واقوله ماتزعلش يااااااض بقي
:a15:

7-متى تشعرى بأنك اضعف شخص بالوجود أمام ادام؟ ومتى تشعرى بالقوة ؟

اضعف لم احس بحنيته

اما اقوي شخص اما احس بقلة حيلته او احتياجه ليا

وبرضه لم احس بقسوته الشديدة
:a44:

8-كيف تريدين من ادام معاملتك في قمة عصبيتك ؟؟ وكيف تعامليه في قمة عصبيته؟؟؟

انه يسمعني من غير ما يعلق

يقولي
اهدي يا هبابه
ههدي علطول
اما يكون عصبي امشي من قدامه
او اسمعه باهتمام
او ابكي:b4:

9-مالذي يغضبك في ادام ؟ ومالذي يعجبك فيه؟؟

برووووووووده او خروجه عن الاحترام اما يتعصب
او لؤمه اللي بكتشفه بسهولة:a12:

10-ادام حنون ورومانسي/جميل/ جاد وصارم/ عملي/ ثرى / البادى بلدنج 100 100 :a36:

أيهما تتمني؟؟
حنون جاد صارم
البادي بلبنج دي هتيجي اما نتخانق وبتعور هيتنفخ لوحده:a35:

11-متى تكون حواء سبب في بحث ادام عن حواء غيرها؟؟

الله يوكسها

اما تضايقه يعني ماتفهمهوش خالص
واماتهمل ف شكلها خالص برضه
واما ماتاخدش طريق ربنا ف حياتها
:a45:

12-متى تشعرى بتأنيب الضمير؟؟

اما ادم يسيبني ومش احاول ارجعه وامش ورا كلام الناس

وحتي لو مرجعش بس بكون مرتاحة اما اعمل قصاري جهدي ف كل شئ
واما اشتكيه لحد غير الله
واما اظلمه
:a10:

13-هل تشعرى بأنك مثاليه ؟؟

لاااااااااااا

يمكن قلة ثقة
بس انا اقل م العادي ف نظر نفسي مع اني ف نظر الناس حاجة تانية المهم انا بحب الاحساس ده
لاني بسعي للتطوير دايما:a35:

14-كيف تتعاملى مع ادام عند رفض طلب لك ؟؟

احاول تاني بالراحة

ولو مرضاش ابينله المميزات
واصبر شوية ربنا يهديه ويرضه
الا هتعامل بايدي بعد كده
:a13:

15-وقع شجار بينك وبين ادام ادى الى زلة لسان منه جرحت كبرياءك فخرج
وعاد تحمل لك هدية هل تسامحيه؟؟

من غير هدية وربنا كفاية انه عرف ان بيبو زعلت يعني
ولو جاب هدية هعتزرله انا واجيبله واحدة:a22:

16-حين يهدى لك ادام هدية ولا تعجبك ذوقه ماهي رد فعلك؟؟

مفيش حاجة مبتعجبنيش لان ده كرم ون عند ربنا اللي اهداه للحاجة دي

وبرضه هجيبله هدية تعجبه هو
:a34:

17-ماهي احتياجات حواء التي يغفل عنها ادام ؟؟

الاهتماااااااام يا زمازيمو

وانه يعاملني بقلب صافي زي ما بعامله:a45:

18-ليه حواء بطلع عين ادام ؟؟ جاوبى بصراحه :a36:

ده عشان كل واحد صدره ضيق من ناحية التاني
هو مش هيغرف من بحر الفلوس
وهي حاجتها مش بتخلص
بس الواعية تغزل برجل دونكي
يعني اتصرف عشان راحة بيتي والامان
ورضا ربنا:a33:

19-دائما ادام متهم انه بصباص ايه رايك انتى ف الكلام ده؟؟

يووووووووووووه
اوي اوي اوي وعلي يدي
وفي واحد انت تعرفه كده اوي
بس لو اتجوزوا واتلموا واتقوا الله
خلااص مش هيفضي يبص ع حد
ولو القرش جري ف رجله
يقولك الشرع محلل 4 والعنوسة والكهن
وع راي واحد حبيبي اوي الستات زي الفاكهة
وهاني رمزي ف عفروتو عاوز ثمررررررررة
ههههههههههههههههه
يلا ربنا يهدي العاصي

20- أهمسى بما تريدين لحبيبك ** فماذا تقول؟؟

خد بالك عليا دي مش معاملة تعامل اهالينا بيها يعني
:a45:
ياعالم بكرة يا ادم ماشوفكش فيه
:a46:

من تختارين بعدك ليكون ضيفا على ادام؟

:a15:حنين الحياة:a15:

نورينا يا حنان بقي وظبطي الظباليط

وحواء الاولى ايلى معانا هى ....

ماقولنا حنين البتاعة بقي:a25:

---

جزاكي الله خيرا يا اسراء

مرسيتو زمزوما

يارب اكون كنت حواحيوا مؤدبة وخفيفة عليكم:a3:

هههههههههههههههههههههههههههههههه
لا بجد عســــــــــــــــــل يابت ياهبة
اجابتك بتبين انك انسانة بجد طيبة جدا ودا فعلااااااااااا
ربنا يكرمك يارب ويسعدك
ومنتظرة حنييييييييين واجابتها

يا سلام يا هبهوبه على اجابتك والله جملية :a28::a28::a28:جدا 0 زى العسللللللللللل0 واكتر حاجة عجبتنى هو ان اهم طريق ورضا ربنا للسعادة0 يالا يا حنين انز لى بالاجابات0

:a10:

اقتباس:

---

المشاركة الأصلية كتبت بواسطة Baybars

ادم يستضيف ..... حواء :a26:

المهم الموضوع هو فكرته جايه م حواء تستضيف ادام
دى مجموعه اسئله هتجاوب عليها حواء سواء كانت
عضوه او مشرفه
ولما الهانم حواء تخلص الاجابات تخلى هانم تانيه زيها
تجاوب عليه وتقولها ف رساله خاصه
اتفقنا يا هوانم :a26:

يلا بينا يا صبايـــــــــــا :a33:
http://m7ml.com/uploads6/aa30b37db8.gif

ماااشي ياهبه:a10:...
1-هل تعتبرى نفسك حواء التى تعجب ادام وتلفت انتباهه؟؟
الصراحه مش فارق معايا الموضوع اوي لاني في الوقت الحاضرمش لاقيه الشباب الي يببصوا للبنت للاخلاق وجمال الروح بس بيبصلها من ناحيه تانيه خالص مابتعجبنيش ...وان يوجد في بعض الاحيان شباب كويس مش بيفكروا بالطريقه ديه وساعتها هيحدث نوع من الاعجاب والاحترام

2-برايك لماذا الرجل في مجتمعنا لا يساعد المراة في أعمال المنزل ويشعر بأنه نقص لرجولته ؟؟

لانه سي السيد زي ماهو فاكر علي ايه مش عارفه فهو بيعتقد انه بمساعدته للمرأه تقليل لاحترامه وهيبته بس ده مش صحيح خالص...والصراحه انا عارفه تاس بيساعدوا المراه في اعمال المنزل ومش بيمشوا بالمبدا ده خالص وهو ده الراجل الصح الي بيوازن بين كل حاجه وينال اعجاب واحترام المرأه
3-هل تبكى حواء لادام؟؟ ومتى ؟؟

اه ساعات بتبكي عليه يامه لما تلاقيه زعلان ومضايق ونفسه يحقق حاجه ومش قادريعملهافهي بتواسيه وبتشاركه في احزانه زي مابتشركه في افراحه
4-ماذا تعني لك المراة العاملة ؟؟ " عايزة تشتغلى ولا لأ؟ ولو ادام معترض هيكون موقف ايه ؟
امرأه مجتهده تسعي لتحقيق ذاتها وكيانهاوتثبت وجودهاوتبين للجميع ان ليها اهميه كبيره فالمرأه نصف المجتمع....الصراحه انا عاوزه اشتغل...ولو ادم معترض هناقش الموضوع معه واعرف اسباب الرفض ايه ونحاول نوصل لحل وسط يقبله جميع الاطراف

5-ماذا تفعلى عندما يقول لك ادام ( آحبك ) بصدق ؟؟
وجهي يحمر ...وهنكسف ومش عارفه ساعتعا هعمل ايه فيه:a4: وهيغمي علي:a36:

6-ماذاتريدين من الرجل ان يفعل عندما يكون هو المخطئ؟ وماذا تفعلى عندما تكونى أنتى المخطئه؟؟

انه يعترف بغلطه ويتأسف كمان زي ما انا هعمل كده لو انا غلطانه
7-متى تشعرى بأنك اضعف شخص بالوجود أمام ادام؟ ومتى تشعرى بالقوة ؟
مش عارفه الصراحه:a4:...واشعر بالقوه بالحوار والتفاهم واوصل مع الي قدامي لطريقه تفكيره وانه يقتنع بما اقوله

8-كيف تريدين من ادام معاملتك في قمة عصبيتك ؟؟ وكيف تعامليه في قمة عصبيته؟؟؟

انه يسمعني للاخر ويتحمل الي بقوله بصدر رحب لاني بكون في حاله بشعه ويكون مدرك تماما اني مش قاصده اي كلمه بقولها لو فيها جرح له.انه يحترمني ويقدرني مهما كان حتي لو كان عصبي ومايقولش كلام جارح يندم عليه طول عمره ولو انا عرفاه يبقي استحمله زي ما استحملني في عصبيتي وهسمعه لاخر خالص ولما يهدي هتفاهم معاه في الي قاله وهقوله ايه الي زعلني عشان مايتكر تاني وانا نفس الكلام هو يعمله معايا
9-مالذي يغضبك في ادام ؟ ومالذي يعجبك فيه؟؟

الاستهطاروتكبير الدماغ في كثير من الاحيان والكذب والخيانه وعدم رسم طريق لمستقبل والاستسلام للامر الواقع وده في اشخاص معينه...يعجبني فيه طيبته واخلاقه وعقله واحترامه لاخرين
10-ادام حنون ورومانسي/جميل/ جاد وصارم/ عملي/ ثرى / البادى بلدنج 100 100 :a36:
حنون وروماتسي وجاد وصارم في الاشياء الي محتاجه كده وعملي كمان وسط في كل شئ
أيهما تتمني؟؟

11-متى تكون حواء سبب في بحث ادام عن حواء غيرها؟؟
لو كانت مش مهتمه بنفسها...مش قادره تفهمه...خنقاه:a10:ومطلعه عينه

12-متى تشعرى بتأنيب الضمير؟؟
لما ازعل حد مني من غير قصد..ولو عملت حاجه مش مقتنعه بيها

13-هل تشعرى بأنك مثاليه ؟؟

الكمال لله وحده
14-كيف تتعاملى مع ادام عند رفض طلب لك ؟؟
هحاول اقنعه بطلبي تاني ...ولو مش هيقدر يحققه يبقي خلاص

15-وقع شجار بينك وبين ادام ادى الى زلة لسان منه جرحت كبرياءك فخرج
وعاد تحمل لك هدية هل تسامحيه؟؟
اسمحه طبعا بس يوعدني انه مش هيكررها تاني لانه لو عمالها:a25::a45:

16-حين يهدى لك ادام هدية ولا تعجبك ذوقه ماهي رد فعلك؟؟
هقبلها مهما يكن ده كفايه انه بيحاول يرضيني
17-ماهي احتياجات حواء التي يغفل عنها ادام ؟؟
التفاهم والصبر والاحساس

18-ليه حواء بطلع عين ادام ؟؟ جاوبى بصراحه :a36:
لما يكون مزهقها ومطلع عنيها:a36:فيمارس عليه ريا وسكينه وكمان لما يكون متبلد المشاعر والاحاسيس ومش فاهمها وبيمشي بدماغه بس

19-دائما ادام متهم انه بصباص ايه رايك انتى ف الكلام ده؟؟

طبعا بصباص وعينه يندب فيها رصاصه...بس في ناس محترمه بس نادرا
20- أهمسى بما تريدين لحبيبك ** فماذا تقول؟؟

لما يجي هبقي اقوله

من تختارين بعدك ليكون ضيفا على ادام؟

وحواء الاولى ايلى معانا هى ....

هختار ويلد انجل

يلا افتتحى المسيرة بما انك اكتر حواء بتعز ادام جدااااااااااا :a12: :a12:

---

ايه يا جماعه الموضوع وقف ليه
وايلد اكيد مش هتكون فاضيه ف رمضان

والاجابات هقراها ان شاء الله النهارده
بس عشان الموضوع مايتعطلش اكتر

فنختار ..........................................




مروة مجدى " القطه ":a36:

اقتباس:

---

المشاركة الأصلية كتبت بواسطة Baybars

ادم يستضيف ..... حواء

يلا بينا يا صبايـــــــــــا :a33:
http://m7ml.com/uploads6/aa30b37db8.gif

من حفر حفره لاخيه وقع فيها

1-هل تعتبرى نفسك حواء التى تعجب ادام وتلفت انتباهه؟؟

اه اكيد بالنسبه للانسان اللى حرتبط بيه


2-برايك لماذا الرجل في مجتمعنا لا يساعد المراة في أعمال المنزل ويشعر بأنه نقص لرجولته ؟؟

الكلام ده كان زمان ايام سى السيد انما دلواتى الاثنين بيساعدو بعض ف كل حاجه سواء ف الشغل داخل البيت او فى الخارج


3-هل تبكى حواء لادام؟؟ ومتى ؟؟

اه لما احس بالظلم و الضعف و قله الحيله


4-ماذا تعني لك المراة العاملة ؟؟ " عايزة تشتغلى ولا لأ؟ ولو ادام معترض هيكون موقف ايه ؟

واحده عايزة تستفيد من التعليم اللى اتعلمته
و تحس ان تعبها السنين اللى فاتت دى كلها جه بفايده مش مجرد شهاده حتاخدها و تركنها ع جنب
و بالنسبالى انا عايزة اشتغل بدال شغلى مش حيكون مقصر على واجباتى تجاه زوجى و بيتى
لكن مش حستمر فيه لان بعد كدا حيكون عيالى اولى بيا من شغلى
ولو ادم معترض حعد ف البيت


5-ماذا تفعلى عندما يقول لك ادام ( آحبك ) بصدق ؟؟
الحب الحقيقى او اللى بصدق يتحس ما يتقالش
ويوم ما ححس بيه مش حستنى انى اسمعها

6-ماذاتريدين من الرجل ان يفعل عندما يكون هو المخطئ؟ وماذا تفعلى عندما تكونى أنتى المخطئه؟؟

ما يكررش الخطا ده تانى و انا نفس الحكايه
لان كلنا بنغلط بس المهم نتعلم من الغلط ده و مانكررهوش تانى


7-متى تشعرى بأنك اضعف شخص بالوجود أمام ادام؟ ومتى تشعرى بالقوة ؟

لما مايكنش ليا حق او لما اكون غلطانه ف حقه
و اشعر بالقوه لما يكون عندى حق


8-كيف تريدين من ادام معاملتك في قمة عصبيتك ؟؟ وكيف تعامليه في قمة عصبيته؟؟؟
يتستحملنى و يكون هادى جدا معايا خصوصا لانى عصبيه جدا
ولما يكون هو عصبى حستحملوا برضو وححاول اهديه و اشوف ايه اللى معصبه و اريحو لو اعرف


9-مالذي يغضبك في ادام ؟ ومالذي يعجبك فيه؟؟
اللى بيغضبنى منه لما يحب يعيش دور سى السيد و الراجل الشرقى بتاع زمان
اللى بيعجبنى فيه انه يفهم احتياجات حواء من غير ما هى تقول


10-ادام حنون ورومانسي/جميل/ جاد وصارم/ عملي/ ثرى / البادى بلدنج 100 100 :a36:

أيهما تتمني؟؟

حنون و رومانسى و جاد و وسيم مش جميل


11-متى تكون حواء سبب في بحث ادام عن حواء غيرها؟؟
لما تكون غبيه و مش عارفه تفهموا و لا تتعامل معاه فى جميع احواله المزاجيه
(عصبى - هادى - الفلوس ع القد - عايز حنان ........ الخ)


12-متى تشعرى بتأنيب الضمير؟؟

لما احس انى جرحت او ظلمت او زعلت حد


13-هل تشعرى بأنك مثاليه ؟؟
لا طبعا لا الكمال لله وحده
بس بحاول انى اكون مثاليه ع قدر المستطاع

14-كيف تتعاملى مع ادام عند رفض طلب لك ؟؟
لو ف سبب مقنع لرفضو ده يبقى مافيش مشكله خاااااالص
لكن لو حيرفض لمجرد الرفض ححس ساعتها بالاهانه


15-وقع شجار بينك وبين ادام ادى الى زلة لسان منه جرحت كبرياءك فخرج
وعاد تحمل لك هدية هل تسامحيه؟؟

اه طبعا


16-حين يهدى لك ادام هدية ولا تعجبك ذوقه ماهي رد فعلك؟؟

مستحيل زوقها ما يعجبنيش كفايه انها منو


17-ماهي احتياجات حواء التي يغفل عنها ادام ؟؟
لما ما يقدرش احاسيسها
وما يقدرش انها بتتعب زيو و يمكن اكتر منو


18-ليه حواء بطلع عين ادام ؟؟ جاوبى بصراحه :a36:
بتطلعها ازاى يعنى
هههههههههههههههههههههههههه
يمكن علشان يبقى من غير عين ومايشوفش حد غيرها

19-دائما ادام متهم انه بصباص ايه رايك انتى ف الكلام ده؟؟
اه طبعا و الا ماكنش ربنا قالهم النظره الاولى ليك و التانيه عليك:a33:


20- أهمسى بما تريدين لحبيبك ** فماذا تقول؟؟
حقوله ايه يعنى
لما ربنا يأذن حبقى افكر ساعتها حقولوا ايه




من تختارين بعدك ليكون ضيفا على ادام؟
حبيب هارتى
bata_batot

---

:a12: :a12: :a12: :a12:
معلش بقى يا بطوط
وعد الحر دين عليه و انا وعدتك ب كدا

ولو ف حد عندو اعتراض ولا حاجه ع الاجابات يقول:a44::a44:

ملاحظ م كل اجابات حواءات ايلى جم هنا
انهم بيهربوا م سؤال ليه حواء مطلعه عين ادام

سبحان الله ......... حواء كلهم صنف واحد فعلا :a16: :a16:


شكرا يا قطه اجاباتك جميله بس انتى يا قطه
هااااااااااااااااااااديه جدا جدا فين العصبيه بس :a36: :a36: :a36:

وف انتظر اجابات بطوط حبيب هارتك

هههههههههههههههههههههههههههههههههههههه
و انتم حتشوفوا عصبيتى ليه
ف حد هنا مستفز لا سامح الله ولا بيقولى قطه

اجابات لذيذه يا بيبو بس الاحلى بقى
انك دلعتينى كذا دلع :a33: :a33: :a33:
وكلهم اول مرة اشوفهم او اسمعهم حتى

بس ف حاجه

اما اقوي شخص اما احس بقلة حيلته او احتياجه ليا

مش شايفه ان ف ده جباروت من حواء حبتين :a10:

وف حته عجبتنى برضه انك بتشوفى نفسك
قليله بالنسبه لنفسك ودى حاجه مهمه جدا جدا جدا :a11: :a11: :a11:

اقتباس:

---

المشاركة الأصلية كتبت بواسطة Baybars

ملاحظ م كل اجابات حواءات ايلى جم هنا
انهم بيهربوا م سؤال ليه حواء مطلعه عين ادام

سبحان الله ......... حواء كلهم صنف واحد فعلا :a16: :a16:


شكرا يا قطه اجاباتك جميله بس انتى يا قطه
هااااااااااااااااااااديه جدا جدا فين العصبيه بس :a36: :a36: :a36:

وف انتظر اجابات بطوط حبيب هارتك

---

يعني الحمد لله ان الواحد داخل يرد بعد الفطار عشان يضرب براحته

:a10::a10::a10:


ده ادم اشاسا يعني خلع راس حوا

فهمي مش بتشوف فاقرب حاجة لها مجنناها ومطلعة عليها البلاء هي عينه اللي طلعتها دي


اول ما بيبص برة بيبقي بعينه

اول ما بيبص عالي ومش راضي عيشته بيبقي بعينه

اول ما يلاقي منها اي شئ يزعله بدون قصد بيبقي بعينه برضه:a25::a25::a25:


يبقي مين مطلع عين وقلب وكبدة وفشة مين:a45::a45::a45:

اقتباس:

---

المشاركة الأصلية كتبت بواسطة Baybars

اجابات لذيذه يا بيبو بس الاحلى بقى
انك دلعتينى كذا دلع :a33: :a33: :a33:
وكلهم اول مرة اشوفهم او اسمعهم حتى

بس ف حاجه

اما اقوي شخص اما احس بقلة حيلته او احتياجه ليا

مش شايفه ان ف ده جباروت من حواء حبتين :a10:

وف حته عجبتنى برضه انك بتشوفى نفسك
قليله بالنسبه لنفسك ودى حاجه مهمه جدا جدا جدا :a11: :a11: :a11:

---

يا زوزوموا يا صديقي


اصلك انت مسالتنيش ايه هي قوتي

هقولك قوتي ف ايدي اللي هتتمدله لو احتاجني وعلي فكرة مش هعتبر نفسي بعطف عليه

لاااااااااااااا

ده لاني محتاجاه

همدله يدي بحب

وانا اما احس بالحب ده


هيبعث عندي تلك القوة :a33::a33::a33:

قوة الحب يا زمااااااااازم

وليست القوة اني اشوفه مذلول او متهااااااان

اقتباس:

---

المشاركة الأصلية كتبت بواسطة Heba Bebo

يا زوزوموا يا صديقي


اصلك انت مسالتنيش ايه هي قوتي

هقولك قوتي ف ايدي اللي هتتمدله لو احتاجني وعلي فكرة مش هعتبر نفسي بعطف عليه

لاااااااااااااا

ده لاني محتاجاه

همدله يدي بحب

وانا اما احس بالحب ده


هيبعث عندي تلك القوة :a33::a33::a33:

قوة الحب يا زمااااااااازم

وليست القوة اني اشوفه مذلول او متهااااااان

---

ااااااااااااااه ايوة يوة ماشى اهبه لا حواء جدعه :a15:

يلا بينا يا صبايـــــــــــا :a33:

http://m7ml.com/uploads6/aa30b37db8.gif

1-هل تعتبرى نفسك حواء التى تعجب ادام وتلفت انتباهه؟؟

اكيد لا طبعا
مش اى حواء ممكن تلفت انتباه ادم مهما كان فيها نسبه من الجمال فده يعتبر اراء مختلفه

2-برايك لماذا الرجل في مجتمعنا لا يساعد المراة في أعمال المنزل ويشعر بأنه نقص لرجولته ؟؟

عن نفسى مقدرش اعمم المقوله دى لان بجد شوفت كتير من الرجال بيساعدوا زوجاتهم وده بيرجع للحب بينهم والتفاهم وده مش بينقص حاجه من الراجل بل بالعكس بيزيد الحب بينهم

بس للاسف ادم بتاع الايام دى بيبص ف الموضوع ده على انه نقص فعلا لرجولته

3-هل تبكى حواء لادام؟؟ ومتى ؟؟

هل تبكى ؟
على طول بصراحه من اى موقف حزن فرح بس بكاء عن بكاء بيفرق

4-ماذا تعني لك المراة العاملة ؟؟ " عايزة تشتغلى ولا لأ؟ ولو ادام معترض هيكون موقف ايه ؟

من حيث المراه العامله فانا شايفه انو عادى انها تشتغل بس تقدر توازن بين البيت والشغل واهم حاجه ان يكون الشغل ده يرضى ربنا وزوجها

بس لو حست ان مقصره فى حق دينها وزوجها واولاده فبلاش احسن

5-ماذا تفعلى عندما يقول لك ادام ( آحبك ) بصدق ؟؟

بصراحه بصراحه كده
انا شايفه ان كلمه بحبك دى بقت كلمه عاديه بتتقال فى كل فيلم واغنيه :a33:
بس لو فعلا الكلمه دى بجد اكيد هحس ان خلاص لاقيت الانسان اللى فعلا بيحبنى وبيخاف عليا ومش هشيل للدنيا هم هحس ان فى انسان معايا واقف جمبى وكده يعنى

6-ماذاتريدين من الرجل ان يفعل عندما يكون هو المخطئ؟ وماذا تفعلى عندما تكونى أنتى المخطئه؟؟

لما يكون هو اللى غلطان يقول بس انا غلطت فى كذا مش يفضل يعاند وكده مش عايزه اكتر من كده ( الاعتراف بالحق فضيله )

ولما اكون انا اللى غلطانه هحاول ارضيه على قد مقدر لغايه ما يتصالح

7-متى تشعرى بأنك اضعف شخص بالوجود أمام ادام؟ ومتى تشعرى بالقوة ؟

لما احس بحنيته معايا وخوفه عليا

اشعر بالقوه اكيد يعنى لما يكون معايا

8-كيف تريدين من ادام معاملتك في قمة عصبيتك ؟؟ وكيف تعامليه في قمة عصبيته؟؟؟

ميتكلمش معايا والكلام يتأجل فيما بعد

وهو كمان لما يكون عصبى افضل ان اسيبه يهدى مع نفسه وبعدين نحسم القرارات

9-مالذي يغضبك في ادام ؟ ومالذي يعجبك فيه؟؟

اللى بيغضبنى الشك وعدم الثقه

اللى بيعجبنى بقى حنيته عليا

10-ادام حنون ورومانسي/جميل/ جاد وصارم/ عملي/ ثرى / البادى بلدنج 100 100 :a36:

أيهما تتمني؟؟

ادم يكون رومانسى على طول :a34: وعملى
جاد وصارم بحدود مقبوله

11-متى تكون حواء سبب في بحث ادام عن حواء غيرها؟؟

من وجهه نظرى ان ادم بيدور لوحده على حواء تانيه بس انا شايفه طالما ان حواء متقيه الله فيه ومراعيه حقوقه ووجباته يبقى خلاص
بس برضه لو ادم شاف ان ليه اسباب يقبلها الاسلام ممكن فى الحاله دى يشوف واحده تانيه

12-متى تشعرى بتأنيب الضمير؟؟

لما اكون سبب فى نزول اى دمعه من اى شخص

13-هل تشعرى بأنك مثاليه ؟؟

لا ما فى حد مثالى كل انسان ليه درجات ونسب معينه ومحدش كامل 100% الا الله عز وجل طبعا

14-كيف تتعاملى مع ادام عند رفض طلب لك ؟؟
هشوف وهسمع منه هو رفض ليه
لو عنده حق يبقى اوك هو ادرى لكن لو رفض مزاجه يعنى يا ويله هنكد عليه :a33:
لا بجد اكيد هزعل وهاخد موقف

15-وقع شجار بينك وبين ادام ادى الى زلة لسان منه جرحت كبرياءك فخرج
وعاد تحمل لك هدية هل تسامحيه؟؟

من طبعى طالما الانسان عرف انو غلطان واعترف هسمحه
اذا كان الرب بيسامح العبد مش هيسامح عيب اوى

16-حين يهدى لك ادام هدية ولا تعجبك ذوقه ماهي رد فعلك؟؟

ما فيش حاجه اسمها مش هتعجبنى مجرد انو جاب هديه دى فى حد زتها اعظم حاجه جاتلى

17-ماهي احتياجات حواء التي يغفل عنها ادام ؟؟

اكيد طبعا كل همو الشغل البيت العيال
اومال فين بقى الحنيه والكلام ده بيتنسى

18-ليه حواء بطلع عين ادام ؟؟ جاوبى بصراحه :a36:

بطلع عين ادم عشان ادم هو اللى بيستفزها بمعاملته وكلامه
مع العلم ان حواء ممكن تكسبها باقل كلمه يا ادم حواء عاطفيه بطبعها

اكسبها واكيد مش هطلع عينك

19-دائما ادام متهم انه بصباص ايه رايك انتى ف الكلام ده؟؟

متهم !!!

لا تعليق

20- أهمسى بما تريدين لحبيبك ** فماذا تقول؟؟

لا
مش بقول حاجه انا بسمع بس

من تختارين بعدك ليكون ضيفا على ادام؟

وحواء الاولى ايلى معانا

بصراحه كده جالى توصيه من سلطات عليا على بنوته مجننه المنتدى معاها فعشان كده قررت ان نتعبها شويه معانا
وهى

spider girl :a15:
ربنا معاكى

محسسنى ان حواء ملاك نازل م السماء
ف السؤال بتاع ليه حواء مطلعه عين ادام
كلكم بتقولى ازاى وفين وامتى :a10:

عامتا شكرا يا بطوط اجاباتك جميله
بس ليه لا تعليق ع سؤال بصباص ؟؟