اقتباس:
المشاركة الأصلية كتبت بواسطة sweet girl
أنا والله الأسعد بمتابعتك ياحبيبتي بجد
بصي حبيبتي انا ماشية بمبدأ القناعة و الاخلاص في كل شئ والتعامل بصدق تام في كل حاجة في حياتنا
بالنسبة للحكم اللي ماشية بحياتي فيها كتير والله مقدرش اقولك واحدة بس خدي مثلا دي
من قنع من الدنيا باليسير هان عليه كل عسير
وبردو حكمة الأفعال أبلغ من الكلام
وفي حكمة كنت بحبها اوي اللي هيا بمعني اغضب كمان تشاء فستقول اكبر كلام تندم عليه طول حياتك
يبقى الصبر والقناعة والاخلاص في العمل والصدق
حلقة جميلة فعلا و انا مش قادر اقولكم غير بشكركم بشدة
انا استفدت من كم الاضافات الهايلة اللي اضفتوها لينا
و ميمي النهاردة كانت متالقة و جاوبت بكل صراحة و وضوح و كانت اكتر من ممتازة
اما المذيعة فكالعادة دائما مميزة في الاسلوب الجميل اللي بتقدم بيه برنامجها
شكرا جزيلا ليكم و سؤالي بقى
ايه معنى الدنيا منغير ما يبقى فيها ناس بتحب بعض و ايه اكتر حلم ميمي بتحلم بيه و نفسها تحققه من الناحية الشخصية و من الناحية العامة؟
اقتباس:
المشاركة الأصلية كتبت بواسطة Wild_Angel
ماشي ياوايلد انا اهو كلي آذان صاغية ههههههههههه
بس هيا الساعة معاكم بتمر ثواني :D
عشان كدا حسيت اني خلصت ههههههههه
بعد سؤال ايمن الجميل دا جاوبيلى على السؤال دا برضه
ايه اكتر حاجة مش عايزاها تحصلك و بتحلمى بانك عايشه من غير الموضوع دا ؟؟
و ايه الحاجة الى حصلتلك و كل يوم بتضايقك؟؟
باشمهندس أيمـــن منور والله بجد الحلقة وانا مبسوطة جدآ بمتابعتك
سؤالك جميل جدآ والله .. أولا الدنيا متمشيش من غير ناس .. زي ما بيقولو الجنة من غير ناس ما تنداس .. ثانيا الحب .. الحياة بدأت بحب سيدنا آدم لحواء صح فلازم الحب يبقى صفة أساسية جوا قلوبنا كلنا
لان من غير حب مفيش عطاء .. مفيش مودة ... في حقد وكدب ونفاق .. من غير حب مفيش سلام .. في حروب وقتل وتدمير ... ومن غير حب بردو مفيش تضحيات .. في خيانة وغدر ... ومفيش ابداع من غير حب .. في كسل وخمووول
الحب هو أساس كل شئ في حياتنا بجد ومن غيره متمشيش الحياة
أما بالنسبة لحلمي ياأيمن متمناش يبقى حلم عشان بتمنى انه يتحقق .. على الجانب الشخصي أنجح جدآ في مجال دراستي وأكمل دراسات عليا ان شاء الله أما من الجانب العام بطمح أصمم مواقع اسلامية وأحاول أكون وسيلة لتثقيف الناس بديننا وبالثقافة العامة وبردو نفسي أبقى ناجحة جدآ في مجال الهندسة المعمارية ويارب يارب أقدر أعمل جدآ ونفسي أمل عمل خيري كبير قبل ما اموت واسيب صدقة جارية بعد مماتي نفسي والله في كدا
واسفة على الاطالة والله
جزاكم الله خير جميعا
و اشكرك يا وايلد و اشكر ضيفتك ميمى على الحلقه الجميله ده
و اعجبنى الموضوع الخاص بالدعوه باللغات الاخرى
و فعلا موضوع فى غايه الاهميه لتكمله الدعوه للاسلام
و على فكره الناس ده معظمهم اذا حست بالحق بتتبعه
و الموضوع ده اصبح اللجوء اليه ملحاً لان الاسلام مشوه صورته فى الخارج عن طريقة الارهاب
وعن الضرب فى الاسلام فكان اذا ضرب الرسول صلى الله عليه وسلم ضرب بالسواك
و شكرا ليكى يا ميمى انت و وايلد
ربنا يديكي طولة العمر يا ميمي و تحققي كل احلامك و امنياتك
فكرك ان الدنيا تستاهل اكتر من الكلام اللي قولتيه ؟ اي حد يفتكر غير كده يبقى غلطان
بحييكي جدا جدا مرة تانية و شكرا على مناقشتك الجميلة
و شهر رمضان جميل عليكي و على كل اخواتنا و حبايبنا في المنتدى
اعاده عليكم بكل خير و يمن و بركات و محبة لله
اقتباس:
المشاركة الأصلية كتبت بواسطة خالد أبوسعده
لا بجد منور ياخالد
:D:D:D:o:(
أكتر حاجة مش عايزاها تحصلي وبحلم اني كل يوم عايشة من غير الموضوع دا .. .. أنا نفسي مموتش على معصية و جوايا ضمير صاحي دايما لاغلاطي وأخطائي حتى لو شيطاني متمكن مني فيها بس ببقى واعياها وعارفاها وببقى نفسي مموتش عليها وانا بجاوب السؤال دا فعلا من قلبي ودياول حاجة خطرت في بالي لما قريت سؤالك
الحاجة اللي حصلتلي وكل يوم بتضايقني اممممممم هفكر في دي معلش انا بقلب في دماغي... بص ياخالد يعني هي الحاجات اللي ممكن تدايقني كل ما افتكرها هيا الحاجات اللي اكون دايقت فيها ابويا أو أمي .. دا اللي بيخلي قلبي معصور من الحزن والندم بجد مفيش شعور فوق انك تحس انك سبب زعل باباك او مامتك وربنا ما يحرمني منهم ويخليهم راضيين عني يارب
اقتباس:
المشاركة الأصلية كتبت بواسطة عبد الرحمن
شكرآ على كلامك ياعبد الرحمن وعلى اضافتك القيمة وفعلا في جدل عن موضوع ضرب الاطفال وضرب الزوجات بس فعلا زي ما قلت الرسول عليه افضل الصلاة والسلام في ضربه يكون بالسواك وخفيف كمان مش مؤلم ولا مبرح أبدآ
وأنا سعيدة ان عجبك نقطة الدعوة باللغات الاخرى لان على رائيك الناس دي فعلا لا تبحث عن الجدال ولكن تبحث عن الحقيقة وعندهم فعلا تقبل لاعادة التفكير والنقاش الجاد في المواضيع دي
شكرا ليك مرة تانية على متابعتك للبرنامج
اقتباس:
المشاركة الأصلية كتبت بواسطة AYMAN GAMAL
بشكرك جدى ياأيمن على اهتمامك ومتابعتك وان شاء الله تحل ضيف قريبا ونستفيد كلنا من نقاشاتك الجادةوالقيمة في كل المواضيع
وكل سنة وانت طيب ان شاء الله يكون شهر مبارك وكريم عليك وعلى الاهل يارب
http://dc02.arabsh.com/i/00372/wg9ktowu5652.gif
تبقى من الوقت 20 دقيقه لكل اللى عايز يسأل ميمي او يتناقش معاها
بتجيبي منين الحاجات الحلوة دي ياوايلد :):)
حبقى ابعتلك حبه كده على وش الايس كريم اللى حجبهولك :D:)
ماشى حلو يا اسراء انا كنت لسه حسال فاضل اد ايه..
ميمى :D:D
لو يوم جالك ابنك كدا و قالك ماما هو ربنا فين ؟؟ و ليه احنا مبنشوفهوش و ازاى هو بيشوفنا ؟؟
حتردى عليه تقولى ايه؟؟
ماشي ياروحي مش حرماني من حاجة خالص :):)
بجد كنتي ضيفة رائعة وكلامك كان رائع وردودك كانت اروع واشكرك علي الكلمات الرائعة اللي كتبتيها ربنا يبارك فيكي
وبالنسبة للأضافة والله انا مكنتش حضيفها في نصف البرنامج بس الأضافة جاءت بالخطأ اسفة ياوايلد
علي الخطأ اللي حصل مني وسط البرنامج
بالعكس يا وسام انا سعيده انك دخلتى واضفتى الاضافه دى ربنا يبارك فيكِ
اقتباس:
المشاركة الأصلية كتبت بواسطة خالد أبوسعده
مش عارفه انتو مركزين على الاطفال بالذات ليه ههههههههههه
بص ياخالد انا على فكرة عايزه اعرف بردو ردودكم على السؤال دا عشان عايزه اعرف هقول ايه بردو
انا فكرت كتير اوي في السؤال بصراحة ومش عايزه أطول لاني عايزه أعرف رد مثالي نرد بيه على أطفالنا
مبدأئيا مينفعش نتهرب منهم أو نقولهم كلام تاني ومينفعش نقول منعرفش عشان يبقى عنده ثقة دايما فينا ولازم نرد بالحقيقة
أنا لو اتعرضت للموقف دا قدام ابني وهو صغير هقوله ربنا موجود بس مينفعش نشوفه عشان احنا صغيرين اوي قدام قوته واحنا لازم نحس بيه بس ولو شكك في وجود الله والعياذ بالله هضربله أمثلة بسيطة زي مثلا اني لو ضربته هيحس بألم بس مش هيقدر يشوفه بس عارف ان في ألم .. زي الهوا اللي بيطلعه من بقه هقوله انفخ مثلا كدا .. مش هيقدر يشوف الهوا دا وعشان أثبتله ان في هوا هديله بالونة مثلا ينفخها فهيتأكد ان في هوا
وبكدا هيبقى عنده قابلية ان في حاجات موجودة بنحس بيها ومش بنشوفها ودي خطوة كويسة عشان يقتنع ان ربنا موجود بس مينفعش نشوفه واننا هنشوفه في الاخر خالص ف الجنة ان شاء الله
اقتباس:
المشاركة الأصلية كتبت بواسطة محبة الرحمن
والله والله انتي الرائعة يامحبة انتي متعرفيش بحبك قد ايه
انا طبعا صفر ع الشمال جنبك وجنب لباقتك في الرد وزوئك وعلمك واضافاتك القيمة جدآ جدآ بجد ما شاء الله عليكي
وانا نفسي بجد اشوفك ضيفة في البرنامج عشان نستمتع بيه وزي ما قلتلك عشر حلقات مش كفاية معاكي والله
بشكرك جدى مرة تانية على اضافاتك حبيبتي وربنا يبارك فيكي يارب
عايزة اسأل بقي ياميمي
سؤال واحد : ايه اللي كنتي عايزاني اوضحه بالنسبة لدراسة الفقة والحديث والتوحيد في السعودية
معلش طلع في سؤال تاني: بما انك نفسك في تصميم مواقع اسلامية ايه هو اكتر موضوع بتحسي ان الناس لازم تتعلمه من تعليم دينا الحنيف مع العلم علي اننا لابد واننا نتعلم كل شئ في هذا الدين بس ايه اللي تحسي انه اثر فيكي اوي وحيأثر في الناس اوي لو اتبعوا تعاليم الله فيه؟
ربنا يباركلك يا ميمي يارب
وربنا يرزقك بأذن الله بالذريه الصالحه
على فكره اسلوب اقناع الطفل من اهم الاساليب وبجد دى بتعلى نسبة ذكاء الطفل
على فكره بالنسبه لموضوع لو اطفالنا سألتنا الاسئله دى
فى موضوع هايل جداً اسمه
إذا سألك طفلك اين الله فى قسم الدين والحياه وده الرابط بتاعه لكل اللى عايز يتصفحه
http://www.mesa7a.com/forum/showthread.php?t=5664
ميمي يا كميله بعد ما تردى على محبة الرحمن
عايزينك تختمى البرنامج معانا عشان منطولش عليكى
بجد الله ينور يا اسراء
علشان كله يعر اجابه السؤال دا
بارك الله فيكى
اقتباس:
المشاركة الأصلية كتبت بواسطة محبة الرحمن
حبيبتي محبة .. أنا فعلا كنت عايزه بس أوضح لوايلد موضوع ان في دول بتهتم بالدراسات الدينية بشكل مكثف عن باقي الدول على رأسهم المملكة فكنت بستوضح منك بس المواد الدينية اللي بياخدوها وكدابس مش أكتر لان في باقي الدول بتكون مادة واحدة بس للدين ومش بتتكلم بشكل تفصيلي زي السعودية
أما بالنسبة للسؤال التاني : أكتر موضوع بحس انه ممكن يجذب الناس المواضيع اللي بتربط العلم بالدين وهيا اللي بنقول عنها الاعجاز القرآني لأنه بحس ان دي حاجات ملموسة وواقعية قدام عنينا تخلي اي حد يدخل في قلبه قناعة تامة بأن الاسلام هو دين الحق وأن القرآن هو كلام الله بدون اي شك
وعشان كدا الموقع اللي بنوي أعمله خصصته لكدا بس بجيب أبحاث علمية وبربطها بالآيات القرآنية وفي كافة المجالات في الجيولوجيا في النباتات في الحيوانات في جسم الانسان في الفلك في الرياضة في كل حاجة ودا ممكن يبقى دفعة لأهل الغرب في ان فضولهم يزيد لمعرفة المزيد عن هذا الكتاب وعن هذا الدين وبالتالي الوصول للحقيقة
ربنا يباركلك يا ميمي واحنا بأذن الله بعد أذن الاداره
تقدرى بعد ما تخلصى الموقع تعملى موضوع فى الاقسام الاسلاميه تتكلمى عن الموقع واهدافه وتحطيلنا الرابط بتاعه
عشان تعم الفائده
http://dc05.arabsh.com/i/00244/2ylpfqwpsnfs.gifhttp://dc02.arabsh.com/i/00372/f28y9tdi1m1k.gifhttp://dc05.arabsh.com/i/00244/2ylpfqwpsnfs.gifhttp://dc02.arabsh.com/i/00372/f28y9tdi1m1k.gifhttp://dc05.arabsh.com/i/00244/2ylpfqwpsnfs.gifhttp://dc02.arabsh.com/i/00372/f28y9tdi1m1k.gifhttp://dc05.arabsh.com/i/00244/2ylpfqwpsnfs.gifhttp://dc02.arabsh.com/i/00372/f28y9tdi1m1k.gif
عايزاكى تختميلنا الحلقه يا Mimi
لا بجد شكرآ يااسراء والله وشكرآ لخالد هو اللي كان ليه الفضل في اننا ناخد بالنا من الموضوع دا
او انا اللي مكنتش واخدة بالي منه بس فعلا بشكره جدآ انه نبهني ليه وبشكرك انك وصلتهولي وبشكر صاحب الموضوع شهاب طبعا على اضافته للمنتدى
وانا بشكر كل اللي مشاركين في البرنامج دا وكل اللي اتفرجو بس وبشكرك جدآآآآ جدآآآآآآآآآآآآآآآآآآآآآآآآآآآآآآآآآآآآآآ ياوايلد بجد
بجد انتي هايلة فعلا مش عارفه اقولك ايه يابخت كل الضيوف الجايين بيكي
ودا هدية من ليكي بسيطة كدا بمناسبة شهر رمضان المبارك
http://www6.0zz0.com/2008/08/31/15/871071473.gif
ودي شوية فوانيس لباقي الاعضاء و متتخانقوش ياولاد
http://www.al3sr.com/vb/uploaded/59_1158583918.jpg
كل واحد ياخد فنوسه يلعب بيه شوية ويرجعهولي هههههههههههههههههههه
ميرسي ليكم كلكم وكانت حلقة لذيذة موووت والله
الله ينور علي الحلقه الجميله ديه
انا قريت كل الي فتني والنقاش جميل جدا
شكرا ليكي يا انجل والله اسئله جميله جدا ومذيعه هايله
وميمي والله منورا الحلقه بردودها الجميله واسلوبها اللذيذ
والحلقه عجبتني جدا ونقاش جميل مع المشاهدين
عجبني جدا النقاش عن تعلم ثقافات ولغات واديان الغرب
وبجد فعلا دا سلاح استراتيجي قوي جدا اننا نكون علي علم بحضارات الغرب
وتقاليدهم وفعلا من هنا احنا ممكن نعرف نقاط ضعفهم
بجانب تمسكنا بدينا ولغتنا وعادتنا
اكيد حنبقي احسن منهم واقوي منهم بمراحل
ياريت اعرف توقعاتك لو فعلا احنا العرب علي علم بثقافات الغرب ؟
اقتباس:
المشاركة الأصلية كتبت بواسطة Wild_Angel
ربنا يبارك فيكي ياحبيبتي ويسعدك دايما زي ما بتسعدينا كدا وتبسطينا وتدينا ايس كريم :):)
اكيد انا بيشرفني بعد ما اخلصه اتكلم عنه وانشره وفكرتك دي بجد هتشجعني اشتغل فيه بسرعة
وممكن تشوفيه في بدايته كدا من هنا
وان شاء الله لما يخلص خالص هقولك ان شاء الله
وشكرآ مرة تانية ليكم كلكم :):)
http://dc05.arabsh.com/i/00372/wv0v5uue753l.gif
انا بشكرك جداً يا ميمي من كل قلبى
وبشكر كل اللى شاركونا
خالد ابو سعده
sweet girl
وايمن جمال
محبة الرحمن
عبد الرحمن
بجد بشكر كل اللى شاركوا وملحقوش يسألوا وكل الناس اللى كانت بتشاركنا قبل كده ومكانوش معانا النهارده
ضيافه ممتعه يا http://dc01.arabsh.com/i/00090/6i60aicod82s.gif Mimi http://dc01.arabsh.com/i/00090/6i60aicod82s.gif وبشكرك جداااا
سعداء لتواجدك معانا يا كارمو بس أتأخرت شويه
ميمي ان شاء الله تجاوب عليك
ميمي جاوبى السؤال الاخرانى ده وعقبال ما اجيب الايس كريم واجى
على فكره الفانوس جميييييييل اوى وعجبنى:)
اقتباس:
المشاركة الأصلية كتبت بواسطة KARMO_RX
شكرآ ليك ياكارمو على تعليقك الجميل دا وشكرآ لاهتمامك بالحلقة ومتابعتك
وفعلا رائيك صح مية بالمية ودا رائيي بردو لو كنا على علم بثقافات الغرب
ثقافة اللغة وثقافة دينهم دول لوحدهم هتخليك صاحب سلاح قوي جدآ للدفاع عن نفسك وعن دينك وعن شبهاته
لانه الدين مرتبط بكل حاجة في حياتنا وبالتالي انت مش بتدافع عن الدين بس دا انت بتدافع عن أمة كامة وعن حياتهم الاجتماعية اللي بيطبقو فيها دينهم
وانا شايفة والله رغم السلبيات الكتيرة اللي بتحصل دلوقتي ان في جانب كويس جدآ بيسعى للنقطة دي وشباب بردو وربنا يباركانا فيهم وفيك يارب
شكرآ مرة تانية على تعليقك اللي كان مسك الختام
أنا بشكرك جداااااااً يا ميمي انك قعدتى معانا كل ده
وبشكر ضيوفنا الكرام اللى شافوا البرنامج
بجد شكرا على الفانوس ربنا يجعلّك أحسن واقرب فى رمضان لربنا يااااارب
الاتنين ايس كريم بتوعنا اهو مخصوص ناكلهم عند الشلال بقى يا ميمي
كل عام وانتو بخيررررر ورمضان كريم....والله أكرم
تصبحوا على خير
السلام عليكم ورحمة الله وبركاته
ميرسي ياحبي والله هاتي بأه ناكل سوا
http://dc05.arabsh.com/i/00372/vw74ohnk196z.gif
ميرسي للجميع وتصبحو على خير
سلام الله عليكم جميعآ
حلقه حلوة اوى يا ميمى
واستفدت منها كتير
ان شاء الله ربنا يوفقك وتحققى كل افكارك
بشكرك يا ويلد على الحوار الرائع ده
اسفه انى مكنتش موجوده من الاول
معلش تتعوض المرة الى جايه ان شاء الله
ورمضان كريم عليكم جميعا
كنتي فين بس ياسارة مسمعتنيش وانا بنادي عليكي
وكل المسجات والميسدات اللي بعتهالك كدا تطنشيني :p :p
يلا معلش تتعوض المرة الجاية ان شاء الله يمكن تبقي انتي الضيفة
:):)
حلقة جميلة جدا .. وانتى يا ميمى كنتى متميزة فى اجاباتك كالعادة
برافو اسراء على الاسئلة الموجهه بالليزر .. اصابت كل الاهداف
شكرا لوسام على مداخلتك .. كان توقيتها صح
ميمى .. مرة تانية .. اسجل اعجابى بالموقع اللى انتى بتصمميه الآن
بجد مجهود رائع .. ربنا يجعله فى ميزان حسناتك - ولصاحب الفكره ايضا على ما فهمت انه خالد
كنت متابع لحد البريك لكن النت للأسف .. فصلت فى وقت بايخ
معلش اسراء ان شاء الله تتعوض ومزيد من الضيوف والنجاح للتوبيك
تقبلوا تحياتى جميعا
اقتباس:
المشاركة الأصلية كتبت بواسطة Mohamed Ha[B
ياريت يا بشمهندس كنت ابقى انا صاحب الفكره
بس للاسف مش انا
انا لسه اول مره اسمع عن الموقع من خلال البرنامج برضه زيى زى كل الناس الى كانت بتفرج
جزاكِ الله خيراً يا ساؤه سعيده ان الحلقه عجبتك
وان شاء الله تكونى معانا المره الجايه
وانا بشكرك يا باشمهندس محمد
شرف لينا انك تابعتنا وان شاء الله تشارك معانا فى النقاش المره الجايه
شكراَ يا خالد لمتابعتك
جزاكم الله خيرا
بجد الله ينور
الحلقه اكتر من رائعه والله
ماشاء الله عليكى يا وايلد وعلى تقديمك واسالتلك بجد روعه
وماشاء الله على ميمى كانت بجد هايله اجاباتها كلها مقنعه وفى الصميم
بجد برنامج مشرف على كافة المستويات