ممكن بعد اذنكم يا جماعة تشرحولنا طبيعة العمل في المشروع
عرض للطباعة
ممكن بعد اذنكم يا جماعة تشرحولنا طبيعة العمل في المشروع
اقتباس:
المشاركة الأصلية كتبت بواسطة موبوتو
هو الاكل نوع واحد و يارب يغيرلكم الاكل بدال التورلى ده
ده كان حاجه صعبه اوىىىىىىىىىى
اقتباس:
المشاركة الأصلية كتبت بواسطة Hassan Mohamed
لوقصدك شغل ال فيلد هيكون زى التدريب العملى بس على ارض اوسع من الملعب بس كشغل مفيش فرق كبيير
بجد يا جماعه انا بدعيلكم من دلوقتى
وربنا معاكم يا رب وبجد هتوحشونا جدا
فترة غيابكم
بس يا ريت بعد رجوعكم بالسلامه
ان شاء الله عايزين نعرف كل اللى هيحصل
بالتفصيل
وربنا معاكم
اه ممكن اجى مرافق يا عم حسن واعمل انا
السندوتشات والاكل لو حبيتوا
بص يا حسن انتوا بتعملوا اجتماع كل ليلة لتحديد العمل باي جهاز
في اول يوم من 8 لحد 12 تقوموا بعمل المحطات
و بعد ذلك كل مشرف ياخد مجموعتة علي النقطة المحددة ( مع العلم ان المشرف يتغير كل يوم و كذلك المحطة )
انا حقول لك علي ترتيب الاجهزة مع مجموعتنا
اول يوم كان الميزان و عملنا ميزانية طولية حول الوادي
تاني يوم تيودوليت و كانت المجموعة مقسمة علي الاجهزة مع المجاميع الاخري بسبب قلة الايام لانتقال كل جهاز لكل مجموعة فقسمنا علي مجموعة اخري
تالت يوم بلانشيطة و كنا في المحطة 3 و قمنا برسم حدود الوادي و كل الظاهرات المجاورة للوادي
اليوم الرابع توتل و احنا المجموعة الي جبنا اكتر عدد من النقط باستخدام التوتل
اليوم الرابع و الاخير قمنا بعمل ميزانية شبكية و بعد ذلك استخدمنا gps و بعد كدة كملنا شغل بالتوتل مرة اخري و لكن اخر يوم العمل يكون جماعي في عمل الشبكية و نقوم بالانتهاء في هذا اليوم الساعة 12 و بكدة خلصنا عمل الموقع
بس كدة
و ربنا معاكوا و ترجعوا بالسلامة كلكم
والله يا سلمي مش عارف اقولك ايه بجد بتجاوبي بضمير ومش بتبخلي علينا بحاجة واكيد بنستفاد منك وانتظريني انتي وزمايلك الخريجين في مزيد من الاسئلة
اولا الموضوع ممتاز
وردود جميع الاعضاء متميزة
فيما عدا الردود المتعلقة بالاكل فى الفندق فى مشروع التخرج
بوادى الخروبة بصحراء مرسى مطروح
اولا الاكل كويس يا جماعة
وكلنا بناكل منة زى بعض سواء المشرفين او الطلاب
ثانيا ممكن كل واحد ياخد بطانية معاة علشان الجو برد شوية
و لاتقلقوا نهائيا من المشروع
وان شاء الله عمركوا ما حتنسوا ايامة ابدا
صحيح الشغل مرهق و متعب بس حتحبوه جدا و حتتمنو فى اليوم الاخير انكم ماترجعوش و نطول المشروع شوية
بس ماينفعش
حتحبوا الوادى جدا و الصحرا جدا جدا
وان شاء الله حنزلكم القصيدة اللى كتبناها حبا للوادى فى مشروع تخرجى عام 2002 ع اصدقائى
بعنوان " مع السلامة يا خروبة "
وانا مش حأقول حاجة تانية بعد الشرح الوافى اللى قالتة سلمى (المتألقة) فى ردودها
ربنا يخليك يا استاذ محمد
بس بالنسبة للاكل
انا يا استاذ محمد لحد دلوقتي منعه حد يعمل تورلي في البيت من ايام المشروع
ههههههههههههه
و بجد يا جماعة حتتبسطوا اوي من الشعر بتاع استاذ محمد
بجد تحفة
معكم ابراهيم السنباطي خريج قسم الجغرافيا جامعة الاسكندرية
انا اول ما اتخرجت طبعا اول حاجة عملتها شوفت موضوع الجيش و بفضل المولي سبحانه و تعالي
اخدت تاجيل 3 سنين لكن خلال الفترة دي اخدت كورسات في الرابطة علي اجهزة الميزان و التوتال
و الاوتوكاد و السيرفر و اللاند ديسك
يعني بقي عندي خلفية بالاجهزة و البرامج المساحية الحديثة لان الدراسة في قسم المساحة اكاديمية
بالدرجة الاولي لا اقلل من شأنها فالدراسة الاكاديمية مهمة جدا
و كمان التدريب علي الاجهزة و البرامج مش كافي مش تعجيز و لاتعقيد لكن لازم من التدريب العملي لكن في
اي شركة مثلا المقاولون العرب-طلعت مصطفي - بتروجت -النصر العامة للمقاولات (حسن علام)- اوسكار - اوراسكوم -المهم انك تنزل تدريب
و لو اي حد عايز ينزل تدريب يكلم الدكتور السيد الزغبي الامين العام للرابطة عمره ما هيتأخر و عايز اقول لكم انت ممكن تاخد الخبرة و انت لسة بتدرس
يعني و انت لسة طالب و الله المساحة اسهل من كدة مفيش و عايزكم تحبوا المساحة عشان المساحة مش عشان الشغل
حب ما تعمل لكي تعمل ما تحب
حب المساحة عشان تعمل اي حاجة في حياتك
و الحب دة مش بالساهل يعني اسعي و عافر و انت هتلاقي
ازاي
هات كتب في المساحة لا تبخل عليها و تذكر الكاتب / عباس محمود العقاد لما كان بيحوش مصروفة و هو طفل عشان يجيب كتب يقرا فيها
اتعرف علي مهندسين مساحة مش بس عشان تتدرب لكن خليه صاحبك و صديقك يعني مش عشان مصلحتك بس
ادخل علي النت و علي منتديات فيها حاجات جديدة عن المساحة و كل ما يتعلق بيها حاول تستفيدمنها قدر الامكان و ماتستهونش
و مهم جدا انك تاخد كورسات في اللغة و الكمبيوتر