شكرا جزيلا
اخدت العناوين اللى كنت عاوزها
عرض للطباعة
شكرا جزيلا
اخدت العناوين اللى كنت عاوزها
hi اه فعلا
و جزاك الله كل خير فعلا
انا كلمت البعض و البعض الاخر لسه
و الله انا ساعى فى الموضوع ده
و ربنا ييسير الحال
و جزاك الله كل خير بجد
سلاموا عليكم عم الباش مهندسين كلهم محمد باشا هاشم ازي الصحه يا بيه وازي احوالك اظن انا وحشتك مش كدا بردوة ههههههه وحشني جدا جدا جدا والله انا عراف انك ما بتقراش ليا اي كتابه هنا الا لما ابقا عاوز منك حاجه بس نعمل ايه بقا مالناش حد بعد ربنا غير سعادتك ادخل في الموضوع علطول كنت بقول لحضرتك انا كلمت رئيس القسم عندي عشان انزل تدريب وهوة كلم واحد مهندس شغال في شركه subوالراجل قال ليه يجيب لي ورقه يوجي بس ولما روح ت لهقعد يعقدني مالمساحه البحريه وهاتتعقد نفسيا والليله دي يعني ولقيت منه مفيش قبول للتدريب وكمان قال لي ان كل الشغل سفر ومفيش حد بيسافر علي المركب غير اللي شغالين بس فا مش هانزل البحر يعني ولا هشوف حياه عمليه الا بعد الشل الرسمي وقال لي لازم اتدرب ارضيه الاول واكون متفوق في الارضيه وان الكورس اللي هوة بتاع الاكاديمية مالوش لازمة فا انا مش عارف اتصرف ازاي فا عاوز راي حضرتك اروح لرئيس القسم تاني ولا ايه ولو روحت انا علي الشركة علطول من غير حد ممكن يقبلوا تدريبي ولا لاء المهندس دا ال لي انه هايدربني نظري علي الالب توب علي البرامج وكدا يعني وانا مش عندي برامج فا اسمح لي لو تجيب لي برامج تستخدم في المساحه البرحية اخليه يدربني عليه مستني رد حضرتك ومتاسف علي الاطالة تسلمي لي يارب يا باش مهندس
http://movie.6rb.com/img/actor_album...fd534e86f5.jpg
وعليكم السلام أخ حمداناقتباس:
المشاركة الأصلية كتبت بواسطة hemdan00
اهلا بيك فى اى وقت .. انت طبعا بتوحشنا.. وشكرا لسؤالك عنى .. اليك ردى على اسئلتك:
لما روحت عقدنى فى المساحة البحرية: بص صديقى .. من غير تعقيد .. ومن غير تبسيط .. نصيحة أخوية: مفيش شغل فى العالم مفهوش تعقيدات .. وصعوبات سواء فى المعلومات أو الممارسه فبلاش تتخض زى ما اتفقنا .. استعن بالله وشمر وخد نفس عميق وتوكل على الله واللى يقول لك صعب .. قول فى نفسك باذن الله سهلا
بالنسبة لصعوبة المساحة البحرية ..أكيد الراجل كان يقصد أن العمل فى البحر صعب وشاق ليس إلا.. وليست المساحة نفسها .. وفعلا هو عنده حق وحاقول لك ليه (اذا عرف السبب بطل العجب) العيشة فى سفينة متأرجحه ليل نهار .. الكبائن صغيرة ومشتركة (اقل كابينة فردين ووصلت مرة لستة أفراد) .. الحياة المشتركة بمعنى ان اى حاجه تستخدمها .. بعد ما تخلص لازم ترجعها مكانها (اغلبنا مش متعود على كده) .. موارد السفينة محدودة بالنسبة للعدد عليها بمعنى ان فى ورديتين صباحية ومسائية وميس (صالة) الطعام مثلا تستوعب وردية واحده فقط .. فلو صحيت بالليل وحبيت "تنقنق" حاجه .. ممكن تلاقى الصالة مكتملة وقت الوجبه ولازم تنتظر قليلا .. الحمامات مشتركة (بس النظاقه والمطهرات متوفرة) دا مش معناه ان مفيش طاقم خدمة ونظافة وطباخين .. لأ طبعا كل ده متوفر .. بس المبدأ عندنا .. اترك المكان نظيفا كما وجدته نظيفا ..كمان الانعزال ممكن تغيب عن البيت فترات طويلة .. ممكن وسائل الترفيه تكون بسيطة (تليفزيون - دش -ترابيزة بنج بالدور طبعا - تليفون دولى بالقمر العربى الثريا بتكلفه دولار امريكى للدقيقة ) .. كمان الوجبات بميعاد فطار من 5-7 ص غذاء من 11-1 م عشاء من 6-8 م .. ممكن مواعيد وجباتك مختلفة .. ممكن طعم الاكل مش قد كده .. بس الكميات والتنوع متوفر ة وهكذا .. فى كمان نقطة مهمة جدا وهى تعليمات السلامة والأمن على السفن التعليمات دى بتاخد فيها كورسات اجبارية لان ممنوع الصعود على ظهر سفن الخدمة بدون اجتياز الدورات دى واسمها شهادة الحتميات (ثلاثة انواع : مكافحة حريق - اسعافات اولية - الحفاظ على سلامة الارواح ) .. تعليمات السلامة دى كتير ومش مجالها هنا وحنفرد ليها مقالة باذن الله تعالى .. المهم انك لابد من معرفتها ومعرفة مكان جاكيت النجاه بتاعك ومكان قارب الهروب ورقمه وتعمل ايه لو سمعت جرس انذار الحريق ... واى تحرك فى السفينة بحساب كى لا تأذى نفسك أو تتسبب فى أذية الآخرين .. وهكذا .. المهم ان اى صعوبة ليس لها علاقة بالمساحة .. الصعوبات كلها من هذا القبيل ..اظن مش مشكلة ولا ايه؟ ههههه بص كله بالتعلم والتعود يهون ولو فى رغبه وتصميم .. حتشعر بالسعاده مش بالضيق
مفيش سفر ولا حياة عملية : فعلا .. زى الراجل ما قال .. التدريب نظرى بالمكتب لحين ما تتعين فعليا .. لأن ببساطه زى ما قولت لك .. علشان تطلع بحر لازم تكون أخدت دورات الحتميات والجواز الاسود .. فلأن الراجل لسه مش عارف الأمور حتمشى معاك ازاى .. حتقعد تتدرب فى المكتب نظرى لحين ما تخلص اوراقك وتتعين فعليا .. اضف الى هذه نقطة هامة بالنسبة للمؤسسات (نقطة فى مصلحتك) وهى التأمين على حياة حضرتك .. مناطق العمل اللى بنشتغل فيها على حفارات ومنصات بترول وفى عرض البحر مصنفة مناطق عالية المخاطر لذا لا يسمح لمتدربين بالسفر .. إلا بعد التعيين وساعتها حتبقى بتتدرب برضه بس بشكل رسمى .. فهمتنى ؟ لكن هذا لا يقلل من التدريب فى المكتب لأن ببساطه حتتدرب على الأجهزة نفسها مش على ورق او صور او اشكال توضيحة او افلام فيديو او مجرد مانيوال
بالنسبة للمساحة الأرضية : اللى يقصده الراجل - زى ما قلت لك من قبل - الجيوديسية ونظام الاحداثيات فى مصر (هلمرت 1906 ) مساقط الخرائط (ميركاتور) وانظمة تحديد الموقع DGPS .. الأتوكاد .. EXCEL .. surfer .. مش الحاجات دى برضه بتستخدم فى المساحة الارضية ؟ ..... هو دا قصده لكن دماغك ما تروحش للتوتال والميزان .. وان كان لازم تكون عندك خلفيتهم طبعا بحكم الدراسة
كورس الاكاديمية مالهوش لزمه : بص يا أخى العزيز .. من أسئلتك المرة دة .. واضح أنك أخدت رأيه فيما قرأته هنا معنا .. فالراجل أعطاك رأيه .. ودلوقتى منتظر ردى أنا على كلامه ...وردى: لا تعليق
التدريب على برامج المساحة على اللاب جميع شركات مصر باستثناء فوجرو بتستخدم برنامج الـ NaviPAC وهو برنامج قوى ومشهور فى العالم .. واى برنامج مساحة - علشان هو جديد عليك - حيبقى شكله صعب .. شكله فقط وبمجرد ابحارك فيه حتلاقيه برنامج سهل والتعامل معه منطقى زى ما بتتعامل مع ويندوز او الاتوكاد.. كل امكانيات الويندوز متوفره فيه .. نوافذ .. ازرار .. قوائم منسدلة ..وهكذا .. اظن فهمتنى ؟
بالنسبة للـ نافى باك .. من مميزات البرنامج ان حضرتك ممكن تعمل له setup على جهازك الشخصى (Windows XP or vista only ) فى طور المحاكاة وتقعد تجرب حاجات كتير وتتعلم .. مش كده وبس ملفات التعليمات المرافقة للبرنامج فعلا تحفة .. حتفيدك كتير بجانب شرح الأخ الفاضل من subsea
وفى المشاركة القادمة سوف أضع لك كل البرامج والمواضيع اللى تفيدك - هدية لحضرتك - ربنا يوفقك
سبحانك اللهم وبحمدك نشهد ان لا اله الا انت نستغفرك اللهم ونتوب اليك
إلى الأخ حمداناولا
إليك الرابط الذى يحمل برنامج NaviPAC
http://www.2shared.com/file/5593690/...7/NaviPac.html
إذا أردت أى استفسارات أخرى فعلى الرحب والسعة
تعليمات هامة للتثبيت فى طور المحاكاة فقط
HW/SW REQUIREMENTS
Windows 2000, Windows XP Professional , Vista or higher (Windows NT 4.0 not supported anymore!)
Pentium 2 GHz or higher (Demo can be less)
At least 200 MB of hard disk space
512 MB RAM – for NaviPac
Recommended display resolution: 1024x768
Running NaviPac-NT without a dongle requires that all instruments are set to simulated mode in the Setup program (default). This dongle must be placed on LPT1 or USB.
Windows installation must include TCP/IP protocol
SW INSTALLATION PROCEDURE
To install the NaviPac-NT SW do the following:
Type X:\NaviPac-NT\Install\Version3.5\Setup from Run in Start menu (or click on Setup.exe from Windows NT Explorer). The set-up program will automatically copy files (app. 95 MB) to a path specified by you ($EIVAHOME) and update Windows registry database and .INI files. Note: There are more items to install than immediately seems visible (scroll down in Setup).
You may need to restart your computer
Install dongle support by activating Wibu key from the auto-run or X:\WIBU-Key Installation\WKruntime. MUST ALSO BE PERFORMED FOR DEMO, AS IT USES COMMON DLL’s.
ثانيا
كل ماتريد معرفته عن النافى باك واستخدامه
فى الرابط التالى ستجد الـ EIVA Software Training & Documentation Site
http://download.eiva.dk/online-training/index.htm
وهى الشروحات المقدمة من شركة إيفا رسميا لبرنامج الـ NaviPAC
ثالثا
مقالة شاملة ممتازة للأخ / ابراهيم عن المد والجذر
هامة جدا فى المساحة البحرية
http://mesa7a.com/forum/showthread.php?t=6008
رابعا
قواعد وضوابط العمل بالبحر ، المنظمة العالمية للمقاولون البحريون IMCA ونشاطاتها ،
المواصفات المحددة للمساح البحرى ومؤهلاته
سلسلة حلقات يعنى ايه مساح بحرى ؟
خامسا
المساحة البحرية وعلاقتها بصناعة كشف واستخراج البترول من قاع البجر
مقالة تفهمك يعنى ايه مساحة بحرية وتطبيقاتها فى صناعة البترول اللى هو 99% من شغل المساحة البحرية وبالعربى وموجهه لغير المتخصصين وخريجو آداب مساحة
سادسا
مرجع فى المساحة البحرية باللغة الانجليزية
مانيوال سلاح المهندسين الأمريكى - الكاتب د. جمعه داوود
الكتاب دا من الآخر ههههه
http://www.mesa7a.com/forum/showthread.php?t=7964
واخيرا وليس آخرا طالع : مانيوال الهيدروغرافيا (سلسلة مقالات تشرح علم المساحة البحرية) باللغة العربية
وبالتوفيق ان شاء الله وتحت أمرك فى أى وقت .. اخوك مشرف القسم
طبعا انا شاكر المجهود العظيم والحاجات الجميله اللي جبتهالنا دي ومتشكر اكتر واكتر علي رد حضرتك الجميل وذوق حضرتك في الكلام بس انا كنت عاوز الفت نظر حضرتك لحاجه جضرتك بالنسبه لي زي المرجع الكبير اللي الواحد بيرجع ليه لما يبقا حيران في حاجه يعني ما ينفعش ااخد استفسار من مرجع واروح اسال فيه كتاب عادي بمعني ان حضرتك اي كلام بتقوله لي هنا باخد علي محمل الجد من غير ما استفسر فيه لا من دكتور ولا من رئيس قسم ولا من اي مهندس تاني لسبب لان حضرتك عندي في مرتبه عاليه جدا جدا من الغلاوة والباش مهندس اللي انا كلمه حضرتك عنه انا ما سالتوش في اي خلفيات عن الكورس دا هوة اللي كلمني من غير ما اساله قال لي علي مقابلته يوم ما راح يشتغل وانه ما كنش يعرف حاجه في المساحه البحريه وانهم قال له هايدربوة من غير ما ياخد الكورس فا قلت له يعني مش مهم رد قال لي لاء خليك ف المساحة الارضية وركز اوي علي التوتال والتوديوليت لانك بترمي بيهم نقط واحداثيات في البحر قبل الشغل لكن اني ااقر كلام حضرتك هنا في المنتدي واسال فيه ما حصلش والله واسف اذا كنت ضيقت حضرتك بكلامي او حضرتك اخدت عندي انطباع خطأ ربنا يعلم غلاوة حضرتك عندي عاملة ازاي ومتشكر يا غالي علي البرنامج وتدريباته وعلي كل حاجه في المنتدي
http://www.sarkosa.com/vb/imgcache/45832.imgcache.jpg
اقتباس:
المشاركة الأصلية كتبت بواسطة hemdan00
شكرا أخى العزيز على توضيح وجهه نظرك
وأحب أن أؤكد لك أننى فخور بشعورك تجاه المنتدى وجميع إسهامتنا
وكذلك أريدك أن تعرف أننى لم أقصد سوى أن لكل منا رأيه الخاص وأننى لم أتضايق من كلامك إطلاقا
لذا لادعى لأسفك إطلاقا
محصلش حاجه خالص
اهلا بك فى أى وقت .. وطمنا دايما على أخبارك
السلام عليكم يوجد جهاز اسمه Rtk وهو وهو من الاجهزة المساحية الدقيقة
ارجو من تتوفر لديه معلومات عن هذا الجهاز نشرها ومن الله الجزاء
عزيزى أحمد الـ RTK ليس جهازا وانما اسلوب من اساليب الرصد بالاقمار الصناعية GPS
سنأتى لك بما تريد ان شاء الله فى غضون 24 ساعة نظرا لبعض الانشغال بالعمل حاليا
واتمنى فى المستقبل أن تضع اسئلتك فى الموضوع :
عندك سؤال . محتاج دعم فنى . هنا ملتقى الخبرات للطلبة والعاملين بالمساحة الهيدروجرافية
http://www.mesa7a.com/forum/showthread.php?t=7915
الكاتب : مشرف القسم
موضوع لطرح التساؤلات العامة والفنية المتعلقة بالمساحة البحرية للطلبة والعاملين بهذا المجال
حتى يلق سؤالك الاهتمام المرجو
وبعد اذنك سيتم دمج هذا الموضوع ضمن الموضوع السالف الذكر
بسم الله ماشاء الله يا بشمهندس
ربنا يجازيك كل خير يا رب