السلام عليكم ورحمة الله وبركاته
انا موجود اهو يا اسراء ومستني
واتمني انها تكون حلقة جميلة ومميزة ان شاء الله
السلام عليكم ورحمة الله وبركاته
انا موجود اهو يا اسراء ومستني
واتمني انها تكون حلقة جميلة ومميزة ان شاء الله
السلام عليكم وكل سنة وأنتم جميعا طيبين يارب
السلام عليكم ورحمه الله وبركاته
أهلا وسهلا بيك ياأيمن
حناخد بس أجازه فى رمضان
وبعدها يمكن نرجع بالبرنامج او ممكن نجيب فكره برنامج جديد يا ايمن
طبعا السلام عليكم و رحمة الله و بركاته و كل عام و كل اهل و اسرة المنتدى من اعضاء و ادارة بالف صحة و سلامة
كل واحد له فانوس رمضان هدية
http://www.up.alammod.com/uploads/88862ae18c.jpg
وعليكم السلام ورحمة الله وبركاته
اهلا بحضرتك يا باشمهندس هاشم
ربنا يخليك يا أيمن
كل عاام وانت بخير
يا سلام بس لو كل واحد يلغي ظهور توقيعة عشان المشاركات تبقي تحت بعضها علطول
كل عام وانتم واسركم الكريمة بخير
وان شاء الله نهنى بعض برمضان والاعياد اعواما عديدة
وتمنياتى للجميع بالصحة والتوفيق وشكرا جزيلا على دعوتك يا اسراء
وميرسى لمون على الفانوس ........... معندكش حاجه فيا المفتش كورمبو
اهلا وسهلا بيك يا حسن
نورت البرنامج
حاضر نلغى وجود التوقيع
كل عام وانت بخير :)
وانتى طيبه يا نهى
اهلا اهلا بيكِ
اخيراً لقيت حد من المشرفات نورنا
وانتي بالف صحة وسلامة يا اسراء
وكل عام والاعضاء والمشرفين والادارة والامة الاسلامية كلها بخير
هنبدأ امتي ان شاء الله بئا؟
اقتباس:
المشاركة الأصلية كتبت بواسطة Wild_Angel
موجودة من بدرى هو أنا أقدر أتأخر يا جميلة
عندك حق يا حسن النهارده اول يوم فى التراويح
يعنى رسميا رمضان بدأ من مغرب اليوم
والليلة دى من ليالى رمضان
والشاطر بقى ما يفوتش ثانيه من ليالى رمضان
ولا ايه يا اسراء
اقتباس:
المشاركة الأصلية كتبت بواسطة Mohamed Hashem
عنيا ليك يا باشمهندس محمد
كل عام و انت بخير
انت تؤمر بس
بالنسبة لفانوس عم كرومبو فميغلاش عليك طبعا
http://files.fatakat.com/2009/7/1248303630.jpg
نبدأ الاسئله أولاً
بنهى
بما انها اول مشرفه معانا هنا
كل عام وانتى طيبه يا نهى
ورمضان مبارك ان شاء الله
نهى* الصيام ينقى النفوس
فكيف نغتنم فترة الصيام؟؟
http://dl9.glitter-graphics.net/pub/...rvg8xnldxk.gif
واجبات الضيافه لحد ما نهى تجاوب على السؤال
اقتباس:
المشاركة الأصلية كتبت بواسطة Wild_Angel
وانتى طيبة يا أسراء
والله فى ناس بتبقى فاكرة أن الصيام هو الأمتناع عن الطعام والشراب بس لكن المفروض العين تصوم بالأمتناع عن النظر لأى شىء محرم
الأذن تصوم بالأمتناع عن السماع لأغانى والنميمة والحاجات دى
السان يصوم أنه ما يغتبش الناس
وكل كده يخلينا ننقى نفوسنا بأذن الله ونغتنم الفرصة الجميلة دى
سؤال تانى للمشرفين اللى معانا بقى عشان يفكروا فيه عقبال ما نهى تجاوب
* معظم الشباب للاسف بيحاولوا يقتلوا وقت الصيام بالنوم!! على حد قولهم والاخرون بينزلوا يشتغلوا بس حرانين طووول الوقت وتعبانين
واسهل حاجه انهم ممكن يتنرفزوا لانهم تعبانين من الصيام نصيحه صغيره ليهم كده يا شباب
جزاكِ الله خيراً يا نهى
والله فعلا خير الكلام ما قل ودل
ربنا يبارك فيكِ وصوماً مقبولا وافطاراً شهياً
السلام عليكم ورحمه الله وبركاته
ازيكم يا شباب كل رمضان وانتم بخير وان شاء الله رمضان مقبول الاجر والثواب
اسف على التأخير
والله يا اسراء .. قتل الوقت باى شئ مفهوش اكتساب حسنات خسارة
فى رمضان وفى غيره
تخيلى واحد قال لحضرتك اتفضلى ادخلى محل الدهب ده واتفرجى واللى يعجبك .. خديه ببلاش
تدخلى حضرتك .. تتفرجى وتقعدى تتكلمى مع زميلتك شويه .. وتردى على الموبايل شويه وانتى ماشيه جوه المحل
وتطلعى من باب الخروج وما اخدتيش ولا حاجه
هو ده رمضان .. وهى دى حسنات رمضان .. ولله المثل الأعلى
أى عقل فى قتل الوقت .. أى حكمه فى تصييع نهار رمضان بمسلسلات ولا فوازير ولا نوم
اهلا بيك يا احمد منورنا
لا مفيش تاخير ولا حاجه
ععايزينك بس ترجع الصفحه اللى فاتت
وفى سؤال مطلوب من المشرفين يقروه
جاوبلنا عليه
اقتباس:
المشاركة الأصلية كتبت بواسطة Wild_Angel
اولا بنشكرك عالسؤال المهم ده
فعلا دي حقيقة بنشوفها و بتحصل و موجودة
النوع ده من الشباب بيعمل كده عشان مش عارف ايه الغرض الحقيقي من الصوم و ايه فوايده
شهر رمضان و صيام ايامه بيعلمنا فيه الصبر على العطش والجوع وتحمل المصاعب في سبيل الله
كمان بيعلمك يعني ايه انك تحس بالفقراء والمحتاجين
بيعلمنا الانضباط ومحاسبة الذات
و التكافل الاجتماعي
لو النوم ممكن يعلمهم كده فاحسن ليهم يناموا طول السنة
و لو كانت النرفزة دي الوسيلة الوحيدة للتعبير فيها عن تعبهم في شهر مبارك زي ده فلازم يعرفوا ان الصبر عالتعب ده جهاد في سبيل الله ولازم يحتسبوه عند الله
والله تشبيه جميل يا باشمهندس هاشم
واجابتكم كلكم ممتازه
طب ننتقل بقى لسؤال تانى عشان بعد اجابتكم ناخد فاصل عشان اذان العشاء
رمضان ضيف وزائر بييجى فى السنه مره واحنا وقتها بنصوم 30 او 29 يوم
والجوع اللى بنشعر بيه للاسف بيشعر بيه 365 يوم فى السنه ناس كتير جداً ؟؟ ايه النقاط اللى ممكن تقترحوها علينا جميعاً
نقدر نقضى على شعور المساكين والفقراء بالجوع والمشقه وياريت تكون فى افكار جديده تفيدنا
اقتباس:
المشاركة الأصلية كتبت بواسطة Wild_Angel
فعلا ان معظم الشباب بيقضوا معظم وقتهم نوم فى رمضان
لكن انا شايف ان اللى مشغول بطاعه ربنا والصلاة و القرأن يعنى اللى بيستغل رمضان صح عمرة ما حيفكر يزود عدد ساعات النوم بل حيزود عدد الساعات اللى حيكون صاحى فيها
بس انا شايف ان الشباب اللى بيحولوا يزودا وقت النوم دول مستنيين ميعاد المغرب بسرعه يعنى سورى فى اللفظ مستنيين الاكل والشرب
وحتى الحر فى رمضان برضه اعتقد ان اللى مشغول فى العبادة ويفتكر نار جهنم مش حيبص لحاجة اسمها حر فى رمضان
ورمضان مش بييجى غير مرة واحدة بس اعتقد عيب اوى نستقبله بالنوم طول النهار
دة حتى هديه من ربنا
والرسول صلى الله عليه وسلم كان اجود مايكون فى رمضان
اللهم صلى وسلم وبارك على سيدنا محمد وعلى اله وصحبه اجمعين
بارك الله فى شباب المسلمين
طيب معاكم سؤال فوق اهو ياريت تجاوبوه قبل اذان العشاء
يلا يا نهى جاوبى معاهم :)
عقبال ما اجيب واجبات الضيافه واجى :)
عارفة يا أسراء لو زكاة المسلمين كلها تتجمع فى مشروع كبير لتشغيل الناس الفقراء والمحتاجة القادرة على العمل أو فى عمل مشاريع مفيدة للمجتمع أما الناس اللى ما تقدرش تشتغل فعلا هى بس اللى يدفع لها فلوس نقدية
نقدر بكده نقضى على ظاهرة الفقر أو على الأقل نقلل منها
اقتباس:
المشاركة الأصلية كتبت بواسطة Wild_Angel
الحل الوحيد للحكاية دي طبعا طبعا اوجدها الاسلام من قديم الازل
الزكاااااااااااة يا جماعة الزكاة
الزكاة ركن من أركان الإسلام ,قال النبي صلى الله عليه وسلم: «بني الإسلام على خمس: شهادة أن لا إله إلا الله، وأن محمداً رسول الله، وإقام الصلاة، وإيتاء الزكاة، وصوم رمضان وحج البيت الحرام».
الزكاة تطهير للمال و بتعلم التكافل و اللي من نتايجها انه محدش هيلاقي محتاج او محروم
فكره متميزه يا نهى
فعلا بس اللى يفكر فى حكومتنا
ربنا يسهل الحال للجميع
بس هى فكره حلوه وياريت نكون مثل الصحابه
ويكون الجيل الجديد فيه حد قدوته عمر بن الخطاب يحكم البلاد ويكون عادل
الحمد لله على نعمة الاسلام
طيب يا أيمن عاايزينك تكتبلنا نبذه مختصره عن الزكاه
الزكاة للأسف محدش بيطلعها زى ما ربنا قال
ومن غير ما أتأكد من كده
ببساطة الألف جنيه بيطلع عليهم 25 جنيه
يعنى لو جنابك عندى 100 الف حتطلع 2500 جنيه
ولو كانوا مليون حتطلع 25 الف
ممكن تقول لى كام واحد معاه مليون .. وبيطلع الزكاة مضبوط
لو افترضنا انهم بس الف واحد فى مصر
الزكاة حتكون 25 مليون جنيه
صدقت بقى ان اغلب الناس مش بتطلع الزكاة مضبوط
احنا محتاجين التزام بجد .. والغنى يعرف حق الله فى ماله
وانه حيتحاسب على كده يوم الدين .. وفلوسه حتأخره عن دخول الجنه
وممكن تضعه فى أعلى المراتب فى الجنه وممكن ... ربنا يهدى الجميع
جزاك الله خيراً يا باشمهندس هاشم
والله حقيقى ده احنا ماشاء الله عندنا اغنياء كتتييييير فى مصر
يلا كل واحد منه لله
طب انا عندى اقتراح وعايزه اخد رأيكم فيه
لو كل واحد عنده على الاقل طقم هدوم يعنى قديم بس يتلبس مش متبهدل
واخده ولو فيه عيب خياطه يوديه لوالدته او اخواته البنات يصلحوه و غسله وكواه وحطه فى كيس شيك
والكلام ده برضه للبنات
وحاول يدور على اماكن يودى الهدوم فيها او لناس يعرفهم وميقدروش يجيبوا هدوم
ها ايه رأيكم؟؟
نأجل الاقتراح لبعد صلاة العشاء عشان الشباب اللى حتنزل تصلى العشاء و التراويح
انا شايف ان الذكاه اعظم من اى قانون اتعمل لحمايه حقوق الانسان
ربنا حمى حق الفقراء والمساكين بالذكاه
الفكرة ان الاموال جميعها اموال ربنا وربنا قسم علينا نعمه بالعدل يعنى ربنا مظلمش حد ومعنى انى مثلا فقير ان دة ظلم من ربنا ومش معنى انى غنى ان دة رضا من ربنا
يعنى ربنا قسم علينا النعم غنى وفقير بالتساوى
وعشان كدة ربنا امر الغنى انه يدى الفقير من ماله لان ربنا ادى المال دة للغنى امانه ومعنى انه تغاضى عن حق الفقير فى المال يعنى انه مصنش امانه ربنا فى المال اللى معاه
ومعلش طولت
نبذه مختصرة عن الزكاة
الزكاة فريضة من فرائض الإسلام فهي فريضة اجتماعية تؤدّى في صورة عبادة لتطهير القلوب و الانفس
يقول تعالى "خذ من أموالهم صدقة تطهرهم و تزكيهم بها"
وسيلة تراحم و تضامن بين أفراد الأمة
و هي ضريبة الإسلام الاجتماعية التي جعلها الله حقاً في أموال الأغنياء للفقراء
الله هو صاحب المال
ليست إحساناً من المعطي و ليست تسولاً من الآخذ
تعريف الزكاة :
حصة مقدرة من المال فرضها الله عز وجل للمستحقين الذين سماهم في كتابه الكريم
وفي الحديث الصحيح قال صلى اللّه عليه وسلم لمعاذ حين أرسله إلى اليمن: (أعْلِمْهُم أن اللّه افترض عليهم في أموالهم صدقة تؤخذ من أغنيائهم وترد على فقرائهم.) أخرجه الجماعة.
نراكم بعد الصلاة انشاء الله
فاصل اعلانى
وسنتواصل بعد صلاة العشاء والتراويح
جزاكم الله خيراً
فاصل أعلانى
شاهد معنا اجدد موضوعات قسم
رمضان على منتدى الرابطه
http://img215.imageshack.us/img215/3154/31033777c.gif
احم احم
السلام عليكم ورحمة الله
كل عام وانتم بخيييييييييييييييييير يا اهل المنتدى
ويارب
يااااااااااااااارب نخرج من رمضان مغفور لنا والرب عنا راضى
انتم وانا وكل من يقرأ هذا الموضوع اللهم امين
كل عام وانتِ بخير يا ميرا
سعيده اوى انك جيتى
خليكى معانا
بعد صلاة التراويح البرنامج حيبتدى عشان نكمل معاكم