مي حبيبة قلبي بجد والله منورة الكون
واللة دا نورك يا اجمل حاجة فى حياتى
واحرجتيني بكلامك الحلو ده بس انت وحشتيني
قولت اجي ازورك يا رب ابقى ضيف خفيف
انتى تامرى يا قلبى
بصي يا قلبي
1-لو حد جرح مي وغدر بيها تقول الغلط من مين؟وليه؟ لاقدرر اللة
اقول الغلط منى انا لانى لما بحب حد بحبة قوى وعكس الناس كلها مبعرفش اكرة قد ما بحب دايما برمى الغلط عليا مبقدرش حتى افكر مجرد التفكير ان الغلط عندة
2-الحب يعني ايه؟ويعني مين؟
الحب يعنى كل حد بحس بحنيتة وبحبة وخوفة عليا حتى ولو مكنش عارف يعبر عن كدة اما مين فهو كل حد اصدقائى اللى همة اخواتى واهلى ودكاترتى
3-اكتر موقف محرج قابلك؟وصرفتي ازاي؟
مرة كنت باكل كشرى عند ابو ناصر انا وصحباتى وبعدين قالولى ادى بقشيش للراجل بعد ما دفعنا الحساب
رحت اديتة لواحد واقف ورايا كان لابس زى الجرسونات بس طلع زبون فى الاخر الراجل بصلى وقالى اعمل بيهم اية دول
طبعا كنت فى نص هدومى واخدت الفلوس واديتها للجرسون وانا ميتة من الكسوف
4-لو مي غلطت في موقف تتصرف ازاي يعني تعتذر تلف وتدور.....ولا ايه؟
الحمد للة انا من الناس اللى بتحب تعتذر ايا كان اللى قدامى لو فعلا غلطت باعتذر مش صاعبة قوى زى ما كتير متخيلين بالعكس كلمة الاسف دى بتشيل حواجز كتير من وجهة نظرى
5-لو مي زعلت من حد تواجه ولا تقول يلا مش مهم وخاصة لو غالي عليكي؟
صدقينى غالى مش غالى انا دايما بتعامل مع الناس على اساس بتعامل مع ربنا ممكن انسى واحمل نفسى الذنب كلة بس لو حد بحبة قوى اقولة انا زعلانة واقول السبب كمان ومسيبوش غير واحنا متصالحين
6-الشخصية الي اعجبتي بيها كان اسمها ايه؟ودراستها ايه؟وعرفتيها ازاي؟
ادى اول فيتو ضاع واللة ما خسارة فيكى يا سمسمتى
7-مين مطربك المفضل؟واكتر اغنية بتحبيها له؟
بحب كاظم الساهر
اغنية انا وليلى
وبحب عبد الحليم
اغنية قارئة الفنجان
وفية كتير
شيرين
على بالى
وتامر حسنى عرفت اللى فيها
وكتير يعنى بس الافضل كاظم وحليم
8-اكتر موقف ضحك مي ومش قادرة تنساه؟
لا المواقف المضحكة كتير جدا
مرة روحت انا وكام واحدة من صحباتى نشترى سنيكر وبعدين لفينا كتير لحد ما لقيت اللى عاجبنى
وكنا اخر يوم امتحانات ولما روحت البيت لقيتنى جايبة الفردتين شبة بعض بس النعل مختلف واحد اسود وواحد برتقالى واقول لصحبتى لازم ننزل تقولى هو مش النعل محدش شايف بجد ورحنا رجعناة وكان يوم عسل
المهم الراجل ملاقاش الفردة التانية الا بعد عذاب وقبل ما يلاقيها قعد يقنعنى ان دى الموضة وانا اضحك ومش قادرة اصدق اللى احنا عملناة وبجد كان موقف تحفة
مي انت عارفة قد ايه بحبك بس شروط اللعبة تقضي الصراحة
