في ضيافه فلان ضيف الحلقه ( esraa)

ربنا يعينك يا جودي

جوووووووووووووووووووووووووووووووودى منوره الكرسى والله وانا اقول الكرسى منور ليه انا مش حسألك دلوقتى كفايه الهم اللى مستنيكى ربنا يعينك بقى

حمد الله على السلامة ياجودى
واهلا بيكى على كرسى الاعتراف
وعشان حضرتيك عنديك اسئله كتير
انا كالعادة هخلى اسئلتى للاخر

جودي جودي جووووووووووووووووووووووووووووديييييييييييييييييييي ييييييييي انتي سمعاني متخافيش احنا معاكي , انتي رحتي فين ؟؟؟؟؟؟ الكرسي مش مريحك ؟, انا بكلم نفسي ولا ايه!! جودي جودي , لاحول ولا قوة الا بالله

ازيكم ياولاد عاملين ايه ، انبسطت اوي والله باهتمامكم الجميل دا بس ربنا يستر واكون عند حسن ظنكم

بس انا كنت عايزه يعني اشرب حاجة الاول او كدا بس هو البرنامج خطير وشفت اللي حصل مع اللي قعدو فيه ع الكرسي قبل كدا ،، يلا نبدأ علطول اهو

هبدأ بأسئلة اسلام

جووووووووودى انا منتظر اللحظه دى من زماااااااااااااان اسال انا اول واحد

وانا مكنتش مستنياها خالص ياسامو والله ههههههههههه

1- مين هى جودى فى البطاقه الشخصيه

اممممممم طيب اسمي ميمي بلاش الحقيقي عشان مش بحبه وعمري 21 سنة مواليد 8 مارس 1987 مسلمة والحمد لله ايه تاني ههههههههه

2-جودى فى الكليه بتبقى عامله ازاى

في حالي خالص يعني هو في بنتين اتعرفت عليهم من اول سنة في الكلية ومفترقتش عنهم وفي حالنا احنا التلاتة

3- المنتدى يمثل ايه لجوووووووووودى

بحبه جدآ ياسامو بس كنت عايزه اقولك اول ما سجلت هنا قلت عشان خاطر حسن وخلاص ويومين وهسيبه بس متقولوش الكلام دا ماشي ؟ ، بعد كدا حبيته اوي ومتوقعتش اني ارتبط بيه اوي كدا وخصوصآ لما شفت روح الناس اللي هنا.

4-جودى و الحب ايه هى الحكايه (عمرك ما حبيتى ) (و لو فى احكى البدايه )

مش هكدب عليك ، حبيت بس محصلش نصيب ولسة علاقتنا ببعض كويسة لحد هذه اللحظة .

5-جووووودى تتمنى ايه فى اللحظه اللى بتجاوب عليها دلوقتى

بتمنى ميقابلنيش سؤال محرج او صعب معرفش اجاوب عليه خصوصآ في الجانب الشخصي .

6-جوووووووووودى العائله بتمثل لك ايه

لو تقصد العائلة اللي هيا بابا وماما واخويا فهما أكيد حياتي كلها واحنا حاليآ بقالنا 5 سنين في تفرق عن بعض ودا اللي زاد حبنا لبعض اكتر وتمسكنا ببعض وكل واحد عرف قيمة التاني .

7-جوووودى المنتدى و الفريق بتاعه بيمثلوا ايه ليكى

المنتدى حبيته اوي والله بلاقي فيه كسر لحواجز كتير زي ما تقول كدا بيرد فيا الروح لما بتخنق وكمان الفريق بتاعه هما السبب اللي خلاني اتمسك بيه عشان روحهم الحلوة اللي فيه بجد حاجة ممتازة

8-لو كان ليكى حريه تقرير مصيرك كنتى قررتى ايه

محدش والله ياسامو فارض عليا حاجة فانا ماشية الحمد لله راضية عن خط سيري بس لو كان في ايديا احدد مصيري فعلآ اللي هو مستقبلي كنت دخّلت نفسي طب الاسنان عشان بحبها اوي وكان حلم عمري بس النصيب باه .

9-لو كان ليكى فرصه انك ترجعى للزمن يوم كنتى حتختارى يوم ايه

اليوم اللي اتوفى فيه اعز صديق لبابا لانه كان عايز يشوفني اليوم اللي اتوفى فيه وانا مكنتش فاضية ومعرفش ان دا كان طلبه الاخير قبل ما يتوفى فاتمني اليوم دا لو يرجع عشان اروحله وافضل معاه .. وربنا يرحمه ويسكنه فسيح جناته يارب .

10-لو كان بايدك انك ترجعى شخصيه راحت من حياتك حنتى حترجعى مين

شخصية راحت من حياتي اممممممم سؤال عايز تفكير مش عارفه يعني والله ياسامو مفيش حد راح من حياتي كان مهم اوي ههههههههههههههه

11-مين هى الشخصيه اللى ليها تاثير كبير فى حيات جووودى و تغيرر مجرى حياتها

مش شخصية اللي غيرت مجرى حياتي ، لكن حياتي فعلآ اتغيرت بسبب ظروف وقعت فيها في يوم وليلة بدون سابق انذار .

و ربنا يستر علينا لما يجيى علينا الدور

ياارب ياسامو ربنا يستر علينا كلنا هههههههههههه

اقتباس:

---

المشاركة الأصلية كتبت بواسطة Wild_Angel

يا حبيبتى يا بنتى انا اغيب كام يوم الاقيكى هنا

شوفتي الدنيا ياوايلد :(

لالالالالا دى الدنيا اتغيرت خالص
متقلقيش يا جودى وراكى رجاله
والبنت ب 100000000000 راجل

دعواتك ياقلبي :)

---

شكرآ لتدعيمك ياروحي

اقتباس:

---

المشاركة الأصلية كتبت بواسطة مهندسة مها عفيفى

الله هييييييييييييييييييييييييييييييييييييييييييييييييي يية
مرحبا جودى .. انا كتييييييييير مبسوطة..
بصى انت بس اقعدى ع الكرسى .. واطلبى ولتمنى ماتجاوبيش ..
فرحتى بيك وبما ان انا صاحبة الموضوع انا باديكى فيتو مفتوح .. ها ايه رايك بقى..
..
ايمن .. كنت فوق الممتاز فى ضيافتك ليناوالله .
. وانا شايفة انك كنت صادق و تلقائى وكنت محبوب خالص فى الفترة دى..
عشان كدة احتمال نعملو لك جولة تانية خليك جاهز بقى ..

---

ميررررسي ياموها ياقلبي على الفيتو المفتوح متهيألي بردو مش هيكفي ههههههههههههههههههههه

اقتباس:

---

المشاركة الأصلية كتبت بواسطة Wild_Angel

السلام عليكم ورحمة الله وبركاته

وعليكم السلام ورحمه الله وبركاته

حبيبة قلبى جودى
طبعا انتى هنا عشان نتعرف عليكى مش ننتقم منك يا قمر

هههههههههههههههههههههه ماشي ياوايلد ياريت يبقى فعلآ تعارف بس

واتشرف انى اسألك شوية اسئله نتعرف بيها اكتر عليكى

ماشي اتفدلي ياروحي خدي راحتك

- هل كنتى مشرفه فى اى منتدى اخر قبل ذلك؟

أيون

- لماذا اخترتى قسم اللغه الانجليزيه لتكونين مشرفه فيه ...وماسر ارتباطك باللغه الانجليزيه؟
هي حاجة لذيذة وفي نفس الوقت بتتعلمي منها حاجة ، بحب اللغات اوي ياوايلد مش بس الانجليزي اللي بدرسه ومن القسم زي ما ممكن تقدمي حاجة مسلية هتكون في نفس الوقت مفيدة حتى ولو بنسبة قليلة

- اجمل البلاد فى نظرك ؟ ولماذا ؟

تركيا ، بجد بتجنن منها اوعى حد يقول عشان مهند ونور هههههههههه لالا والله انا اصلا مش بحبهم ، بس حقيقي تركيا دي خرافة وبتمنى ازورها

- ماذا تفعلين امام شخص مصر على انه يستفزك بكل الطرق ؟؟

بطول بالي اول مرة وتاني مرة وتالت مرة ولو زاد عن حده وطفح الكيل هقول لبابا او اخويا يضربه عشان يبطل يستفزني ولو بنت هتخانق معاها : (

- جودى فى حياتها: هاديه- نشيطه - كسوله لدرجه لا توصف - عصبيه - رومانسيه -قلوقه؟؟ بامكانك اضافة صفاتك الشخصيه ايضا؟؟

هادية نوعآ ما وممكن بردو قلوقة في اوقات كتير بس بالنسبة للرومانسية فهي كتومة شوية عندي مش بتبان .

- الاكله المفضله ؟ والمشروب المفضل ؟ والهوايه المفضله ؟ والمكان المفضل ؟والوقت المفضل لجوووودى؟

الكشري المصري فزيع بحبه موت وبحب المحشي والتبولة وفتة الحمص وبالنسبة للمشروب بحب عصير المانجا او الفراولة اكتر حاجة ، الهوايات كتير اوي بالنسبة للرياضة كنت بلعب باليه مائي وسباحة وفروسية وبجانب دا بحب القراءة جدآ جدآ والنت والتصميم بانواعه ، اما المكان المفضل البحر في اي مكان وخصوصا بالليل او آخر النهار لما يكون الجو هادي ، اه والوقت اهو زي ما قلت بالليل اوي او في وقت الغروب بس ميكونش في ضوضاء .

كفايه كده المرداى ومبسوطه انك حتفضلى معانا 5 ايام تنورى الموضوع

---

انتي اللي منورة علطول ياروحي ميرسي على اسئلتك الحلوة والخفيفة دي عجبتني اوي اوي

اقتباس:

---

المشاركة الأصلية كتبت بواسطة المهندس ايمن جمال

جوديييييييييييي

ايوة ياموووووووون

منورة الكرسي

الله ينور حياتك

ايه احساسك دلوقتي و انتي على كرسي الاعتراف؟

نفس احساسك بالزبط انت المفروض اللي متسألنيش لانك لسه قايم من عليه هههههههههههه

ايه سر تفوقك في الانجليش ماشاء الله و الله اكبر طبعا؟

مش للدرجادي يامون انت كمان ما شاء الله ممتاز بس يمكن بالتمرس حبيته

انهي حياة تحبي تعيشيها (انك تكوني انسانه عادية - فنانه مشهورة - عالمه و مكتشفه)

الاخيرة والله بجد كنت بقول لماما دايما نفسي اكتشف حاجة وكدا عشان لما اموت يقولو اسمي وكدا فاهمني؟ يعني هيا الاخيرة عمومآ عالمة ومكتشفة

ياريت تعرفينا بنفسك زي ما مكتوب في بطاقتك او جواز سفرك

منا عرفت لسامو بس اذا على جواز السفر يعني عايز رقمه ولا ايه ؟ هههههههههه

البقية في السكة

ماشي ان شاء الله

سنعود قريبا انشاء الله

---

ترجع بالسلامة هههههههههههههه

اجابات منطقية حتي الان

ازيك يا جودىhttp://www.almlf.com/get-10-2008-x6082b6u.gif
عامله ايه انا قولت عيب اوى تكونى هنا ومنضايفكيش انتى ضيفه عزيزه على قلبى
واى خدمه تعوزيها قولى على طول
دى حاجات بسيطه كده http://www.almlf.com/get-10-2008-merhnhu5.jpg
طبق كشرى بس ابقى كليه بكره عشان احنا دلوقتى بليل احسن يتعبك
http://www.almlf.com/get-10-2008-agfuwep5.jpg
وأبقى اتحلى بطبق الفراوله ده

واستنى اسئله جايه كتير لانى فعلا حابه تكونى هنا ضيفه مش ضيفه وبس لأ ده انتى صاحبة مكان:)

يالهوووووووووووي ياوايلد ايه الطبق دا ، دا مغررررررررررررري جدآ:eek:

بجد مش قادرة عايزه اكله هو وطبق الفراولة ليه بتعملي فيا كدا لييييييه

ميرسي ياقلبي ضيافتك دي احلى ضيافة شفتها بس نفسي في الكشري دا حقيقي بجد مش فارق معايا ليل ونهار انا حببببببببببببببببببه في اي وقت

ميررسي ياوايلد بحبببك اوي

اقتباس:

---

المشاركة الأصلية كتبت بواسطة thesurveyor

اجابات منطقية حتي الان

---

ميرررسي للغاية

عدنا يا جودي
جاهزة؟

السؤال بيقول:

امته جودي بتحب تكون لوحدها؟

اكيد فيه موقف مر عليكي في حياتك و نفسك ان الموقف ده يعود من تاني ,ممكن تحكيهولنا؟

قدوتك في الحياة؟

ايه هيه الحاله اللي ممكن تكرهي فيها حد بجد؟

ممكن تقوليلي الفرق بين جودي من خمس سنين و جودي النهاردة ,اكيد فيه حاجه اتغيرت فيكي

هل بتؤمني بالمثل اللي بيقول (عشان تكون انسان سعيد لازم تكون طفل سعيد)

امته ممكن تقولي انا اتخنقت منك يا (فلان) وياريت لو سمحت متكلمنيش تاني ابدا

ممكن تحكيلنا عن اجمل قصة مرت في حياتك؟

كفايه كدة ولا اكمل

لنا عودة

هاهاهاهاهاهاهاهاهاها
ايمن بينتقم من جودى
انا بساند جودى و اعلن تاييدى لها
و اعرض مساعدتى لها
و بقدملك هدية ياريت تقبليها
اقعدى و اربطى نفسك للاعضاء الكرام
[IMG]http://www9.0zz0.com/2008/10/22/22/702189290.jpg[/IMG]

نزلها واحد لمونادو يا حسن

ايـــــــــــــــــــــــــــــــــــــــــــه انا جيت و معايا الكلام كله
جووووووووودى انتى عارفه معزتك عندى و انك دايما بتدعمينى و بتشجعينى
1-لو اتمنيتى انك تسافرى للد غير تركيا حتكون ايه ؟
2-جودى لو لقيت الحب امامها حتاخده ولا تسيبه؟
3-جودى تفضل الزواج عن حب ولا صالونات ؟مع التفسير فى الاختيار؟
4-قولى لى الاسمءا دى بتمثل لك ايه فى حياتك (من المنتدى)؟
(حسن) (ايمن جمال) (احمد ايكو) (زرور) (ساسا) (رانيا) (وايلد انجل) (ساره) (ساره جمال) (اشرف تايجر) (حوريه) (جوجو) (اسلام عمران)
5-جودى تعمل ايه لما تفتكر احساس اتسرق منها؟
6-جودى تعمل ايه لو اتعرضت ان قلبها اتكسر؟
7-هلى من الممكن ان جودى تحب من جنسيه اخرى او اصغر منها سنا؟
انا مستنى ؟؟............؟

اوعي تسدقيه يا جودي انا مش بنتقم منك زي ما احمديكو بيقول

انا هجيبلها العصير و انا عارف هيه بتحب تشرب عصير ايه

http://www.almlf.com/get-10-2008-vjiac2sq.jpg

تفضلي يا جودي Your Mango

خلاص يا حسن بلاش دور الليمونادو اللى وصينا عليه من شوية
هات دور مانجا اسماعيلاوى و اعصره كويس
و يا سلام لو تجيب التلج
و سيبيلى بق يا جودى
دة الكرسى هدية منى

بالروح بالدم نفديكى يا جودى
انا معايا 4 فيتو احب اديهوملك هديه يا حبى
الواد مون ده بينتقم منك بس احنا معاكى متقلقيش يا جودى انتى عارفه معزتك عندى
اما انا مش حسال يا حبى علشان الضغط حيكون شديد عليكى
لما اعوز حاجه حبقى اقولها بينى وبينك
اتفقنا يا حبى
هههههههههههههههههه
متقوليش لحد

كووووووووووووووووووووووووووووووسه
الحق يا ايمن ينفع اللى بيعملوه البنات دول انت لما كنت موجود كنت مزنوق فى الاسئله و اتفضحت شوف اللى بيحصل ده
انا مارضيتش اسالك لما كنت موجود الا سؤال واحد عشان انا عارف موقف بس هنا انا مع ايمن ضد جودى و انتظروا منى اسئله جااااااااااااامده
بالروح بالدم معاك يا مون الى الامام يا صديقى
ههههههههههههههههههههههههههههههه

و انتى عارفه معزتك عندى يا جودى بس انتى فى الحزب المعادى بقولك ايه سيبك من حزب رانيا و تعالى معانا الحزب و الله امسكك الحزب كله
قولتى ايه

اقتباس:

---

المشاركة الأصلية كتبت بواسطة المهندس ايمن جمال

عدنا يا جودي
جاهزة؟

جاهزة يامون بس انت هتعود كم مرة : d

السؤال بيقول:

امته جودي بتحب تكون لوحدها؟

والله يابني علطول بكون لوحدي ، كنت بحب الوحدة اوي لغاية ما اتخنقت منها واتقلبت ضدي بدل ما كانت صديقتي بقت بتقتلني دلوقتي .

اكيد فيه موقف مر عليكي في حياتك و نفسك ان الموقف ده يعود من تاني ,ممكن تحكيهولنا؟

امممم اسئلتك يامون عايزه تفكير استنى باه اشغّل الذاكرة .. بص هجاوب الباقي وارجع على دا ،، خلاص رجعت اهو احلى موقف مر عليا يوم بطولة السباحة في الكويت سنة 2004 دي كانت آخر سنة ليا في الكويت وجاية بعدها على مصر فـ في اليوم دا خدت المركز الاول على مستوى كل الاندية وصوري نزلت في الجرايد وحسيت باهتمام فزيع من كل اللي حوليا غير فرحة بابا وماما بيا كانت لا توصف ، فدا كان اول احساس باني انجزت حاجة بجد كانت فرحة لا توصف لان مكنتش متوقعة اجيب العاشر حتى من البنات اللي شوفتهم معايا ههههههههههههههه فانا نفسي يرجع تاني عشان اشوف الفرحة الكبيرة دي في ماما وبابا

قدوتك في الحياة؟

بابا اكيد وكتير والله بيقلولي انتي نسخة طبق الاصل منه في التصرفات والشخصية وهكذا

ايه هيه الحاله اللي ممكن تكرهي فيها حد بجد؟

بجد بجد يبقى لما حد يغلط في ابويا او امي او اخويا مش بكرهه كمان ببقى عايزه اقتله 15 مرة

ممكن تقوليلي الفرق بين جودي من خمس سنين و جودي النهاردة ,اكيد فيه حاجه اتغيرت فيكي

ياااااه يامووون دا انت محدد المدة اللي فعلآ اتغيرت فيها 180 درجة ، بجد سؤال حلو ، بص في حاجات اتغيرت وفي حاجات لسه موجودة ، يعني مثلا من خمس سنين كنت معرفش اتصرف في اي حاجة ودايمآ خايفة دلوقتي الحمد لله معتمدة على نفسي تمامآ ومعدتش بخاف من حاجة بردو من 5 سنين كنت مش حاسة بقيمة اهلي وعلاقتنا ببعض مش قد كدا لكن دلوقتي علاقتنا ببعض زادت مليون مرة عن الاول وعرفت قيمتهم بجد بردو من 5 سنين كنت عصبية اوي لدرجة تكسير اي حاجة تقابلني دلوقتي اعصابي هادية جدآ وصعب اوي اتعصب ،، لكن الحاجات اللي فضلت باه الانطوائية وعدم الثقة في الآخرين والخجل نوعآ ما والحاجات دي باه يعني في حاجات كويسة وفي مش كويس

هل بتؤمني بالمثل اللي بيقول (عشان تكون انسان سعيد لازم تكون طفل سعيد)

بصراحة اول مرة اقراه ههههههههه بس انا شوية متفقة معاه وشوية لاء ، لان الطفل بيكون معلهوش اي مسؤولية والمفروض انت انسان كبير بتتحمل مسؤولياتك وكل ما التزمت بيها هتكون حياتك منضبطة اكتر وبالتالي هتكون سعيد في حياتك ومش حاسس باي ضغوط لكن لو هتفق معاه فدا عشان الطفل ملاك مش ممكن يحقد او يكره حد وممكن لو حد زعله يتسامح علطول وينساله الموقف اللي زعله .

امته ممكن تقولي انا اتخنقت منك يا (فلان) وياريت لو سمحت متكلمنيش تاني ابدا

والله يامون اضطريت اقولها لناس كتير لأن ساعات بتيجي عليا اوقات بكون فيها مضغوطة جامد وفي دماغي مليون حاجة عارف لما تحس ان المسؤولية كلها عليك مفيش حد هيشيلها معاك ؟ وبعدين ييجي حد يدلع عليك او يتقمص او يزعل منك على حاجات تافهة فبقوله الكلمة دي .. وممكن كمان اقولها للناس الرغايين اوي لدرجة تخنق ، بجد قابلني ناس قمة التجاهل متنفعش معاهم مهما عملت بقهم في ودانك ليل نهار فبتخنق اوي منهم وبيطلع مني الكلام دا غصب عني .

ممكن تحكيلنا عن اجمل قصة مرت في حياتك؟

اممممممم بردو دا عايز تشغيل ذاكرة طيب انا هطلع اجاوب السؤال اللي فوق وبعدين انزل لدا باه هههههههه ، خلاص جاوبت السؤال التاني وجيت على دا حاسة اني بلخبطكم هههههههههه المهم اجمل قصة مرت عليا هيا حصلت ع النت عمومآ وكانت من 3 سنين كدا ، كنت بدخل شات على الرومات بتاعة الياهو وبعدين اتعرفت على شاب هندي كان نفس عمري انا هتكلم بصراحة باه ماشي ، كان اسمه جولدي وبعدين الشاب دا بصراحة كنت برتاحله اوي اوي وبحسه زي المصريين كدا دمه خفيف ومحترم جدآ بس للاسف كان بوذي ، بعدين والله انا ما كنت بكلمه عن اي حاجة في الدين ، لقيته في يوم بيسألني عن ديني واتكلمنا اليوم دا كتير في الجانب دا بس وكان بصراحة بيستفزني اوي بكلامه عشان كل مفاهيمه عن الاسلام غلط في غلط بعدين الواد اختفى مدة كبيرة اوي وبعد فترة بفتح لقيته فاتح فرحنا اوي اننا اتكلمنا بعد كل المدة دي بعدين ( معلش انا بطول عشان بجد الحكاية حلوة ) المهم بعدين يامون ايه باه ، سألته كنت فين دا كله ؟ والله يامون اجابته كانت زي اللي هقولهالك دي .. قالي : كنت بدور عليه ، فسألته : بتدور على مين ؟ ، فقالي : على الاهك .. فاتنرفزت افتكرته بيتريق على اخر كلام بيننا .. فقلتله : طيب لقيته ؟ ، قالي : اه وجيت عشان اشكرك .. فمفهمتش زي ما تقول اتخيلت انه اسلم بس خايفة اسأله وميطلعش كدا ، بعيدن لقيته بيقولي انه أسلم وانه بيروح لجنة اسلامية عشان يتعلم اكتر عن الاسلام وانه لما بيصلي بيحس بخشوع رهيب بين ايدين ربنا ، كلامه هزني بصراحة ايدي وقفت عن الكتابة ، مكنتش متخيله حوار عادي هيخلي شخص زي دا يدور كدا ويسأل وربنا يهديه في الآخر . بجد ياموون دي من احلى المواقف اللي حصلتلي بجد بدون قصد ،ودلوقتي كلامنا منقطع من سنة ونص كدا لاني غيرت الايميل وكدا بس بسأل ربنا يثبته ويهديه أكتر

كفايه كدة ولا اكمل

لا كمل ياموون براحتك انت أسألتك بترجعني بذاكرتي لحاجات حلوة اوي بجد

لنا عودة

---

ان شاء الله

اقتباس:

---

المشاركة الأصلية كتبت بواسطة ahmedko

هاهاهاهاهاهاهاهاهاها
ايمن بينتقم من جودى
انا بساند جودى و اعلن تاييدى لها
و اعرض مساعدتى لها
و بقدملك هدية ياريت تقبليها
اقعدى و اربطى نفسك للاعضاء الكرام
[IMG]http://www9.0zz0.com/2008/10/22/22/702189290.jpg[/IMG]

نزلها واحد لمونادو يا حسن

---

كدا يااحمد يعني تعشمني فيك في الاول وبأيدها وبساندها

في الآخر تحطني ع الكرسي دا :mad::mad:

ال اقبلها ال لاء طبعآ مش عايزاها وبعدين هربطك انت فيه

جووووووووودى جاوبى على اسئلتى طيب ؟

اقتباس:

---

المشاركة الأصلية كتبت بواسطة samomran

ايـــــــــــــــــــــــــــــــــــــــــــه انا جيت و معايا الكلام كله

نورت البيـــــت ياسامو :d

جووووووووودى انتى عارفه معزتك عندى و انك دايما بتدعمينى و بتشجعينى

ربنا يخليك ياسمسم

1-لو اتمنيتى انك تسافرى للد غير تركيا حتكون ايه ؟

لو اجنبي استراليا او كندا لو عربي لبنان

2-جودى لو لقيت الحب امامها حتاخده ولا تسيبه؟

هخاف آخده ياسامو ، بس يارب على ما اقرر أخده او لاء ميضيعش مني

3-جودى تفضل الزواج عن حب ولا صالونات ؟مع التفسير فى الاختيار؟

عن حب أكيد التفسير ان بابايا ومامتي عودونا على كدا عودونا نحب بنفسنا كل حاجة ومفيش اجبار على اي حاجة كمان هما واخدين بعض عن حب واكيد نفسهم ولادهم اللي هما احنا يعني نعيش قصة حب زيهم فـ أكيد افضل الزواج عن حب

4-قولى لى الاسمءا دى بتمثل لك ايه فى حياتك (من المنتدى)؟

ماشي حاضر

(حسن) (ايمن جمال) (احمد ايكو) (زرور) (ساسا) (رانيا) (وايلد انجل) (ساره) (ساره جمال) (اشرف تايجر) (حوريه) (جوجو) (اسلام عمران)

حسن او كعبول = هو عارف معزته عندي عاملة ازاي وهو السبب في اني اشوف واتعرف على باقي الاسماء التانية اللي هتيجي دلوقتي فمفيش كلام هقدر اعبرله فيه عن شكري اني اتعرفت عليكم .

أيمن جمال = بجد انسان جميل روحه جميلة جدآ وعنده قلب كبير اوي ودايمآ عامل روح في المكان اللي بيبقى فيه

أحمد ايكو = اللي كان عايز يحطني ع الكرسي البشع دا هههههههههههه بس يلا هقول فيه كلمتين حلوين بس دول بجد والله مش هزار ، احمد من الشخصيات اللي بحترمها اوي وبحب فيه خفة دمه وهزاره .

زورو باه = بحس انه دايمآ مفرفش بس بردو بيعد يتريق ع البنات دايمآ ويكتب توبيكات كدا ضدنا ومش عارفه امتى هيرضى عننا .

ساسا = لفت انتباهي بطريقه تنسيقة لموضوعاته وتنظيمها ، فبعتبره انسان عنده زوء عالي في كل حاجة ودمه خفيف بردو

رانيا = دي كانت لازم تتقال اول اسم بجد عشان روني دي حتة سكره كدا بجد ، والله انا حاسة اني لو شفتها مش هحس اني اول مرة بشوفها ، هيا اه هتبقى اول مرة بس مش هتبقى كأنها اول مرة .. فاهمني ولا ايه ؟ مش مهم باه انا بحبها بجد روني وبرتاحلها اوي بحس اني عارفاها من زمان

وايلد انجل = عسوووولة اوي بردو وهادية جدآ بحس انها عقلانية اوي ومتزنه في مشاركاتها وروحها جميله اوي

سارة = سارة بتمنى لو اتعرف عليها حقيقي يعني مش منتدى وكدا عشان بجد بحس انها سكر اوي وشخصية محترمة فوق الوصف ، عاجباني اوي بصراحة

سارة جمال = لسه والله مخدتش انطباع واضح عنها سامحيني باه

أشرف تايجر = هايل بجد انا كنت بعزه اوي في الاول بس دلوقتي بقيت بعزه اكتر وبحترمه اوي وبقول يارب يرجعلنا بالف سلامة بجد انسان شهم بكل معنى الكلمة وجدع اوي

حورية = حبيبة قلبي بحس انها بنت شقية كدا وبحب فيها اوي شفافيتها يعني وهيا بتتكلم كدا بحس انها بتقول اللي في قلبها علطول بدون اي تحفظات او حواجز او تزيين للكلام ، فانا بحبها اوي اوي لمصداقيتها دي

جوجو = دي حبيبة قلبي باه ، قلت قبل كدا ان جوجو حد ارتحتله بمجرد ما شفت اسمها بس وكنت معجبة جدآ بيها ودلوقتي انا معجبة بيها اكتر وكان نفسي بجد اشوفها يوم الرحلة بس للاسف مشغولة جدآ وان شاء الله تيجي فرصة قريبة عشان نشوف بعض

اسلام عمران = حد محترم اوي وعنده زوء عالي في الكلام ومش عارفه بيسأل كتير ليه :p ، بس انت بجد ليك معزة كبيرة مش عشان القسم بس وشغلك فيه لاء ههههههههههه لانك تستحق احترام كل الناس

مش عارفه ليه مسألتنيش يااسلام عن شيمو : كنت عايزه اقولها ليكي يوم ياشيمو وبس هههههههههههههههه بس غير كدا هيا عارفه رايي فيها لوحدها

5-جودى تعمل ايه لما تفتكر احساس اتسرق منها؟

السؤال دا صعب اوي ايه دا ياسامو احنا اتفقنا على كدا ؟ اكيد لما بحس ان في احساس اتاخد مني او اتسرق مني زي ما بتقول قلبي بيوجعني اوي وخصوصآ لو حسيت اني اتحرمت منه ومش هينفع أحسه لمدة طويلة .

6-جودى تعمل ايه لو اتعرضت ان قلبها اتكسر؟

لا الحمد لله محدش لغاية دلوقتي كسر قلبي وان شاء الله ميقابلنيش الحد دا بس متهيألي ياسامو اي حد بيتكسر قلبه مش بيعمل حاجة بيحس بالعجز من الانكسار اللي حصله .

7-هلى من الممكن ان جودى تحب من جنسيه اخرى او اصغر منها سنا؟

حبيت فعلآ ياسامو من جنسية اخرى ودا كان السبب في عدم التوفيق بيننا بسبب الجنسية لذلك مش ناوية احب من جنسية تانية بعد كدا عشان عارفه رأي اهلي في الموضوع دا ، أما بالنسبة لصغر السن بصراحة مش هقدر أحب حد اصغر مني ولو بيوم واحد لاني بحسه ساعتها اخويا الصغير ومينفعش الشعور دا يتقلب لحب .
انا مستنى ؟؟............؟

---

يارب متكونش استنيت كتير :p

اقتباس:

---

المشاركة الأصلية كتبت بواسطة المهندس ايمن جمال

اوعي تسدقيه يا جودي انا مش بنتقم منك زي ما احمديكو بيقول

انا هجيبلها العصير و انا عارف هيه بتحب تشرب عصير ايه

http://www.almlf.com/get-10-2008-vjiac2sq.jpg

تفضلي يا جودي Your Mango

---

ايوه كدا يامون ارفع من معنوياتي وخليك جنبي

وميرسي ع العصير الجميل دا كتر من الطلبية شوية باه ههههههههه

اقتباس:

---

المشاركة الأصلية كتبت بواسطة samomran

كووووووووووووووووووووووووووووووسه
الحق يا ايمن ينفع اللى بيعملوه البنات دول انت لما كنت موجود كنت مزنوق فى الاسئله و اتفضحت شوف اللى بيحصل ده
انا مارضيتش اسالك لما كنت موجود الا سؤال واحد عشان انا عارف موقف بس هنا انا مع ايمن ضد جودى و انتظروا منى اسئله جااااااااااااامده
بالروح بالدم معاك يا مون الى الامام يا صديقى
ههههههههههههههههههههههههههههههه

و انتى عارفه معزتك عندى يا جودى بس انتى فى الحزب المعادى بقولك ايه سيبك من حزب رانيا و تعالى معانا الحزب و الله امسكك الحزب كله
قولتى ايه

---

ال اسيب رانيا ال طب خليها تشوف الكلام اللي كتبته دا ياسامو وشوف هتعمل فيك ايه هههههههههههههههههه

اي حد ضدها انا ضده بدون كلام :p

اقتباس:

---

المشاركة الأصلية كتبت بواسطة samomran

جووووووووودى جاوبى على اسئلتى طيب ؟

---

جاويت وربنا

ها جودى كيفك اشتقنالك واللة كفاية ترحيب نبدا بالاسئلة
اولا "اية هية مواصفات شريك حياتك اللى تتمنيها فيه ؟
ثانيا"اية اكتر حاجة بتضايقك فى المنتدى ؟
ثالثا"اكتر حلم كنتى حتموتى ويتحقق وما اتحققش ؟ واكتر حلم كان نفسك ميتحققش واتحقق؟
رابعا " مين اقرب حد لقلبك يعنى مين اول حد بتروحى تحكيلة لو زعلانة او حتى مبسوطة؟
خامسا"اكلة اول مرة تجربيها ومعجبتكيش وقررتى مش تاكليها تانى؟
سادسا" اكتر حشرة بتحبيها؟ واكتر حشرة بتتقرفى منها ؟ واكتر حشرة ازيتيها؟
سابعا"لو مكنتيش انسانة كنتى تتمنى تبقى اية؟
ثامنا"اكتر مغنى بتحبية ؟ ومغنية؟ وممثل؟ وممثلة؟
تاسعا" اكتر اغنية بتردديها دائما؟ اكتر فيلم ومسلسل بتحبى تسمعيهم؟
عاشرا" ما معنى الحياة من وجة نظر جودى ؟
الحادى عشر"نفسك تعملى اية دلوقتى ؟



يا رب اكون ضيفة خفيفة عليكى يا بخت من زار وخفف طبعا مفيش اخف من كدة؟

اقتباس:

---

المشاركة الأصلية كتبت بواسطة white_heart

ها جودى كيفك اشتقنالك واللة كفاية ترحيب نبدا بالاسئلة

أهلين وايت هارت اشتائتلك العافية يلا وانا هبدأ في الاجوبة ههههههههههههه

اولا "اية هية مواصفات شريك حياتك اللى تتمنيها فيه ؟

تعرفي ممكن اتمنى حاجات كتير وفي الاخر نصيبي يكون مع واحد مش فيه مواصفات زي دي بس بحبه زي ما هوا ، بص انا مش هقول مواصفات فتى الاحلام لانه زي ما بنقول أحلام يعني عمره ما هيبقى حقيقي بس هقولك اكتر حاجة ممكن تشدني للي قدامي ، اول حاجة انه يكون هادي وغامض ومش سهل اي حد يفهمه ويكون مؤدب واكيد الشكل مهم مش اولوية بس مهم بردو واحب يكون مثقف اوي ورومنسي اوي بردو ويكون معتدل في دينه مش متسيب ولا متشدد واكيد يكون فاهمني وفهماه والحاجات دي باه متهيألي ممكن يكون في حد فيه الصفات دي .

ثانيا"اية اكتر حاجة بتضايقك فى المنتدى ؟

لما بشوف مواضيع كتيره اوي في يوم واحد ومش بلحق اقراها كلها ولما بفتح موضوع الاقيه كبير اوي ومش منسق بتدايق من شكله

ثالثا"اكتر حلم كنتى حتموتى ويتحقق وما اتحققش ؟ واكتر حلم كان نفسك ميتحققش واتحقق؟

اني ادخل طب اسنان ياوايت وكنت في حالة نفسية صعبة في ايام التنسيق لما طلعت النتيجة وكمان كان نفسي ادرس في القاهرة او عين شمس بس النصيب باه ،بس يعني ايه ياوايت اكتر حلم كان نفسي ميتحققش ؟ هو ازاي الواحد هيحلم بحاجة نفسه متحصلش ، لكن لو تقصد اكتر حاجة مكنتش عايزاها تحصل وحصلت اني اتفرق عن اهلي المدة دي كلها .

رابعا " مين اقرب حد لقلبك يعنى مين اول حد بتروحى تحكيلة لو زعلانة او حتى مبسوطة؟

ماما ودودي صاحبتي

خامسا"اكلة اول مرة تجربيها ومعجبتكيش وقررتى مش تاكليها تانى؟

لاء بصي هما كانو 4 حاجات باكلهم ومعدتش بطيقهم بجد عشان جالي تسمم من هم وهما المكرونة الباشميل والبتنجان المخلل وبابا غنوج والرقاق مش بحبببببببببببببببببببهم والله كنت بحبهم بس دلوقتي مش بحبهم ونفسي اتسدت عنهم

سادسا" اكتر حشرة بتحبيها؟ واكتر حشرة بتتقرفى منها ؟ واكتر حشرة ازيتيها؟

انتي عرفتي منين اني بحب الحشرات ياوايت ؟ دا سؤال جميل اوي بجد اكتر حشرة بحبها الفراشة بس مش بتقرف من حشرة معينة بس ممكن من الصرصور لما يموت مفعوص يعني لما تفعصه بالشبشب او كدا فاهمني .. واكتر حشرة اذيتها هيا الدبور وابن خالي اللي كان بيشجعني على الافعال العدوانية دي عشان كان بيحط في ديلها عود كبريت ويشل حركتها وساعات كانت تموت مننا وبردو وانا صغيره كنت بحب اعذب الصراصير واخليها ماشية واحط عليها كلوركس وديتول واحيانا شامبو واسيبها تتعذب بالكيماويات لحد ما تموت خالص وكنت بغرق الدبان لحد ما يموت .. ربنا يسامحني انا بحاول ابقى صديقتهم ومش بأذيهم دلوقتي عشان اعوض عن ذنوبي دي .

سابعا"لو مكنتيش انسانة كنتى تتمنى تبقى اية؟

كنت احب ابقى ملاك عشان متحاسبش وادخل الجنة بس لو قصدك كائن حي كنت اتمنى ابقى حصان

ثامنا"اكتر مغنى بتحبية ؟ ومغنية؟ وممثل؟ وممثلة؟

مفيش حد معين اوي بس اجنبي انريكي وكريج ديفيد وشاين وورد ومارك انطوني ودانكن جيمز وجوش جروبان وكتير والله والعربي ممكن سامو زين تامر ورامي صبري وعمرو دياب .. في المغنيات باه افريل لافين وسيلين ديون طبعا وايفانسينس واينيا وديلتا جودريم وماندي موروجنيفير لوبيز وغريس ديب وميكاييلا وشيرين وكاتيا حرب دول اللي فاكراهم حاليا وفي الممثلين بلاش احسن هما كتيررررررررررررر جدآ جدآ بحب السقا واحمد حلمي وجون ترافولتا ونيكولاس كيدج وويل سميث وجين كلاود وليوناردو دي كابريو وطبعا التون جون وتوم كروز وجورج كلوني وفي الممثلات منى ذكي وياسمين عبد العزيز ونيكول سابا وانجلينا جوليجنيفر آنستون وجيسيكا البا وسارة ميشيل وسلمى وكتيررر اوي اوي

تاسعا" اكتر اغنية بتردديها دائما؟ اكتر فيلم ومسلسل بتحبى تسمعيهم؟

مش بهتم اوي بالاغاني يعني مش بحفظ اوي كلماتها بس اكتر اغنيه أثرت معايا بتاعه رامي صبري حبيبي الاولاني واغنيه بحلم بيك سامو زين وانا عارفك ساموزين وعرفت معنى الحب سامو بردو

عاشرا" ما معنى الحياة من وجة نظر جودى ؟

الحياة حلوة عيشي فيها حلاوتها وتفادى قساوتها وانا بقول دايما لنفسي ياوايت كل واحد وليه عمر واحد ومحدش ابدآ هيعوضلك اليوم اللي بيروح من عمرك فـ يااما تعيشيه مبسوط او تعيشيه حزين .
الحادى عشر"نفسك تعملى اية دلوقتى ؟

نفسي أكلم ايمي صاحبتي لانها وحشتني اوي اوي اوي بس مستنية اخلص الاجابات وهكلمها ان شاء الله

يا رب اكون ضيفة خفيفة عليكى يا بخت من زار وخفف طبعا مفيش اخف من كدة؟

---

اني زي العسل والله واسئلتك فريدة من نوعها وجميلة اوي بجد

عدنا مرة اخرى و حان وقت الحساااااااااااب هاهاهاها

قبل ضحكة الاشرار دي انا احب اهنيكي على صراحتك

قدامك طريقين : واحد بيوديكي على الناس اللي بتحبيهم و التاني بيوديكي عالناس اللي بيحبوكي ,تختاري ايه مع العلم انه مينفعش انك تكوني بتحبيهم و همه بيحبوكي في نفس الوقت؟

اوصفيلي صفات الصديقة المثالية اللي في خيال جودي

حكاية مش عايزه تفتكريها و تتمني انك ترجعي بالزمن و تغيري احداثها

فرصة جت لحد عندك و رفضتيها و ندمتي عليها بعد كده ؟

حلم اتمنيتيه و اتحقق ؟

جودي من الناس اللي بتخبي مشاعرها جواها و مبتحبش تفضفض لحد؟

شكرا يا جودي

طيب يامووون انت والضحكة الشريرة بتاعتك دي هههههههههههه

استنى بس انزل اجيب حاجة من تحت واطلع اجاوبك ماشي : >

يلا سي يو

اقتباس:

---

المشاركة الأصلية كتبت بواسطة judy

طيب يامووون انت والضحكة الشريرة بتاعتك دي هههههههههههه

استنى بس انزل اجيب حاجة من تحت واطلع اجاوبك ماشي : >

يلا سي يو

---

ههههههههههههههههههه سي يو

اقتباس:

---

المشاركة الأصلية كتبت بواسطة المهندس ايمن جمال

عدنا مرة اخرى و حان وقت الحساااااااااااب هاهاهاها

وانا أيضآ عدت ياموووون ، ال هاهاها ال

قبل ضحكة الاشرار دي انا احب اهنيكي على صراحتك

ربنا يخليك يابني

قدامك طريقين : واحد بيوديكي على الناس اللي بتحبيهم و التاني بيوديكي عالناس اللي بيحبوكي ,تختاري ايه مع العلم انه مينفعش انك تكوني بتحبيهم و همه بيحبوكي في نفس الوقت؟

والله سؤال محير موت يامون بجد ليه بتعمل فيا كدا بجد فكرت كتير فيييه انت عارف كأنك بتسألني ايه ؟ بتمشي ورا عقلك ولا قلبك ؟ لو رحت للناس اللي بيحبوني يبقى مشيت ورا عقلي ولو رحت للي بحبهم يبقى مشيت ورا قلبي متهيألي يامون هاجي على عقلي حتى لو دا كان القرار الصح وهروح للي بحبهم وامشي ورا قلبي لاني لما بحب حد والله بحبه بجد فلو رحت في طريق اللي بيحبوني هفضل ندمانة طول الوقت اني مخترتش الطريق التاني

اوصفيلي صفات الصديقة المثالية اللي في خيال جودي

الصديقة المثالية اللي في نظري هيا اللي تغير من الدمعة اذا مشيت على خدي وتشيل دايمآ همومي واللي تديني ومنسألش ازاي وليه ولمين وكم وايه المقابل ؟ واللي تاخد من ابتسامتها عشان ترسمها على وشي واللي تقرا عنيا قبل لساني ، اللي تصدقني في الوقت اللي كل الناس بتكدبني الصديقة المثالية يامون اللي تخليني مش محتاجلها ابدآ لانها دايمآ معايا ، هيا اللي تخاف عليا ابقى حاسة بالوحدة لما اكون قاعدة مع حد تاني غيرها لان الوحدة مش معناها انك تبقى لوحدك بس ، هيا اللي تخلي ودانها ملجأ لغضبي وعصبيتي وتخلي قلبها قبر لهمومي واحزاني، صديقتي اللي تشوفني احسن واحدة في الدنيا لما الكل يقول عني فاشلة ، صديقتي اللي تقسى عليا لو لقيتني بقسى على نفسي ، تعرف يامون والله العظيم انا بوصفلك صاحبتي فعلآ ، هيا كدا فعلا وكل دا قليل عليها كمان .

حكاية مش عايزه تفتكريها و تتمني انك ترجعي بالزمن و تغيري احداثها

أيام الغزو ياموون كانت ايام وحشة جدآ جدآ لان مامتي اتصابت برصاص العراقيين في ضهرها غير اننا لما سافرنا مصر رجعنا لقينا بيتنا عبارة عن اخرام بس وكل حاجة فيه مسروقة كل حاجة بمعنى الكلمة حتى فستان فرح ماما ولعبنا وحاجتنا مش فاهمة ياخدو لعبي لييييه : ( لو الزمن هيرجعني للايام دي هموت كل واحد عراقي قدامي مليون مرة .

فرصة جت لحد عندك و رفضتيها و ندمتي عليها بعد كده ؟

امممممممم يووه عليك ياايمن اصبر لما افتكر ،، مش عارفه والله ياايمن مش قادرة افتكر

حلم اتمنيتيه و اتحقق ؟

مفيش حلم حلمته واتحقق ياموون او لسه متحققوش ونفسي يتحققو بس دا مش معناه اني تعيسة هههههههه لاء ممكن اقولك في حاجات باه حصلت مكنتش في الحسبان وفرحت انها حصلت ومبسوطة وراضية والحمد لله

جودي من الناس اللي بتخبي مشاعرها جواها و مبتحبش تفضفض لحد؟

شوية ياموون خصوصآ في المسائل العاطفية لكن اي حاجة تانية ممكن افضفض بسهولة فيها .

شكرا يا جودي

---

العفو يامووون اسئلتك جميلة اوي

اهلا منووووووووره الكرسي يا جودي

وانا قول الكرسي بيضحك ليه

اتاريكي هنا

والله منوره


انتظريني قريبا يا جميل

اقتباس:

---

المشاركة الأصلية كتبت بواسطة الشبح

اهلا منووووووووره الكرسي يا جودي

وانا قول الكرسي بيضحك ليه

اتاريكي هنا

والله منوره


انتظريني قريبا يا جميل

---

الكرسي بيضحك ليه هههههههههههههههههههههه

طيب ياشبوحة في انتظارك: d

بما انى مسألتش قبل كدة وللاسف مكنتيش متابعة اوى وكان نفسى اسئل ناس كتير بس يالله بقى مش مهم كله قام بالواجب معاهم بس ملحوقة فأعوض دة فى جودى الجميلة :p

1 2 3 استعدىىىىىىى

ازيك عاملة اية؟

اسئلة صغننة وخفيفة خالص متقلقيش

بسم الله

اية رأيك فى دفعتك؟
عايزة تشتغلى والا لا ؟وتفضلى تشتغلى فى مصر والا برة مصر؟
اية الحلم اللى حلمتى بية وحققتيه ؟ واية اللى لسه محققتهوش؟
اية الانطباع الاول اللى الناس بتاخدة عنك دايما؟
اية الصفة اللى بضايقك فى نفسك ونفسك تتخلصى منها؟
اية اكتر حاجة ممكن تضايقك فى الشخص اللى بتتعاملى معاه؟
واية اكتر صفة تحبى تبقى موجودة فى الشخص اللى بتتعاملى معاه؟
اية رأيك فى الحب من اول نظرة ؟
هدية جتلك فرحتى بيها اوى كانت اية؟ ومن ميييين؟
اية الحكمة اللى بتؤمنى بيها؟
اية هوة الامان بالنسبالك؟
اية اكتر حاجة ممكن تفرحك؟
اية الصفات اللى لو لقتيها فى الشخص اللى اتقدملك تقول لا والف لا ؟
قوليلنا موقف ضحكك اوى؟

*تعملى اية فى المواقف دى:
لو وانتى ماشية فى امان الله ومتشيكة ووراكى مشوار مهم هوب راح عيل صغير رش عليكى مية هتعملى معاه اية؟
لو لقيتى واحدة جية بتسلم عليكى وانتى متعرفهاش هتعملى اية ساعتها؟
لو واحد جة قالك بحبك وانتى فى قبول هيكون رد فعلك اية؟ ولو مش قبلاة هتقوليله اية ؟
لو بتحبى واحد وصحبتك جت قالتلك انها بتحبة ؟ ساعتها هتختارى مين الحب والا الصداقة؟
لو اللى بتحبية جة وقالك معلش مش هنقدر نكمل مع بعض؟
لو لقيتى واحدة صحبتك متغيرة معاكى ومن غير اسباب وسألتيها قالتلك مفيش حاجة؟
لو حد حرجك وسط صحابك؟

اختارى 3 من المنتدى ووجهلهم نصيحة او كلمة اوى اى حاجة

توجهى الكلمات دى لمين

كلمة شكر
كلمة عتاب
كلمة حب

بتمثلك اية الاشياء دى

الصدااقة
الحب
الاسرة
الكلية
البحر
الورد

رتبى الحاجات دى

الاسرة-الشغل-الحب-المال-الصداقة


بس كدة كفاية دول المرادى

شفتى انا طيبة ازاى

جودةى يا حرام
والله
مكنتش عايزك
تبقى
على الكرسى
هههههههههههههههههههههه
بس معلش
خيرها فى غيرها
ههههههههههههههههههه
منوره الكرسى طبعا

اعزوريني يا جودي مش عارف اسئلك عندي شويا مشاغل انتي عارفة بئا ربنا معاكي علي هذا الكرسي العصيب

من ميمو الطيب

وعشان انا طيب اسئلتى اليله متخفيش بس انا شايف تحامل فى الاسئلة فظيع معلش يا جودىماذا يعنى لكى 1-الحب
2-الصداقة
3الحب من اول نظره تؤمنى بيه وهل حصل معاكى
4-انتى بتحبى دلوقتى ولا

5-ممكن تكونى شريره.امتى
6-اكتر موقف فى حياتك زعلك بجد
7-تحبى تقولى لمين -شكرا -بحبك مش عايزه اعرفك تانى-انته عمرى-الصديق-احلى حاجه فىحياتى




من ميمو الطيب
رابعة مساحة انتساب موجه
يا روح قلبى Rللابد

اقتباس:

---

المشاركة الأصلية كتبت بواسطة IsLaMiC GirL

بما انى مسألتش قبل كدة وللاسف مكنتيش متابعة اوى وكان نفسى اسئل ناس كتير بس يالله بقى مش مهم كله قام بالواجب معاهم بس ملحوقة فأعوض دة فى جودى الجميلة :p

يلا معلش ياقلبي هتعوضيها ان شاء الله بس هو انتي هتعوضي كل الضيوف اللي فاتو فيا ولا ايه هههههههههه : D

1 2 3 استعدىىىىىىى

I'm Ready Sweety

ازيك عاملة اية؟

الحمد لله تمام ياقلبي انتي عامله ايه كدا ؟

اسئلة صغننة وخفيفة خالص متقلقيش

ماشي معاكي مفيش اي قلق : D
بسم الله

اية رأيك فى دفعتك؟

هقولك ياروحي زي ما قلت قبل كدا اني في حالي جدآ في الكلية ومليش احتكاك جامد بدفعتي مع اننا عددنا تقريبآ 120 بس يعني كلنا عارفين بعض كويس بس مش بحب اتعامل مع ناس كتير وبحاول اخلي دايرة صداقتي صغيرة جدآ بس عمومآ مفيش مشاكل مع اي حد فيهم وكلهم كويسين .

عايزة تشتغلى والا لا ؟وتفضلى تشتغلى فى مصر والا برة مصر

أكيد أحب اشتغل لاني بحب اوي المجال اللي بدرسه بجد ونفسي اديه من طاقتي على قد ما اقدر وبالنسبة لمكان الشغل ان شاء الله هيكون برا عشان بابا بيشتغل في نفس التخصص والمكان متوفر يعني غير باه اني مش عايزه ابعد عن اهلي اكتر من كدا .

اية الحلم اللى حلمتى بية وحققتيه ؟ واية اللى لسه محققتهوش؟

زي ما قلت بردو لسه يعني مش لاقية حلم حلمته واتحقق بشكل واضح بس ارجع واقول اني قنوعة جدآ باي حاجة ومؤمنة بالقدر ومفيش حاجة بتحصل الا ما بتكون خير من عند ربنا أما باه اللي لسه محققتوش فهو اني نفسي اعمل دراسات عليا بعد ما اخلص ان شاء الله واحترف كل شغل الجرافيكس والتصميم واسافر تركيا .

اية الانطباع الاول اللى الناس بتاخدة عنك دايما؟

الهدوء وبالنسبة للبنات كتير قالولي كنا بنشوف فيكي في الاول انك مغرورة بس ربنا يحفظنا من الغرور انا بكره الصفة دي .

اية الصفة اللى بضايقك فى نفسك ونفسك تتخلصى منها؟

أكتر صفة ان معنديش ثقة في نفسي وافتكر من كتر ما اتقالتلي الكلمة دي من ماما وبابا ومن الناس بقت طبع فيا وحاولت كتير ابقى واثقة في نفسي او في اللي بقدمه بس مش قادرة دايمآ عندي حتة كدا مهزوزة ، فنفسي اتخلص من الصفة السيئة دي .

اية اكتر حاجة ممكن تضايقك فى الشخص اللى بتتعاملى معاه؟

بجد اكتر حاجة تدايقني في اللي قدامي لو رغاي وكمان مش بحب الناس اللي بتعد تمدح في نفسها كتير بس اكتر حاجة فعلآ هي الرغي شئ مزعج جدآ جدآ .

واية اكتر صفة تحبى تبقى موجودة فى الشخص اللى بتتعاملى معاه؟

الوضوح والصراحة

اية رأيك فى الحب من اول نظرة ؟

بيحصل بس لناس وناس ممكن تبقى فعلآ هي نظرة الحب مع ناس وممكن تبقى مجرد نظرة اعجاب . بس عمومآ مجربتهاش عشان اقولك ياقلبي .

هدية جتلك فرحتى بيها اوى كانت اية؟ ومن ميييين؟

اممممم اه كانت أورج YAMAHA EZ-30 وكان اللي جابهالي بابا فرحت بيها اوي لاني بحب العزف والميوزيك

اية الحكمة اللى بتؤمنى بيها؟

في حكم كتير اوي بحبها بس خليني اكمل اجابات الاسئلة التانية وارجع على دا ، بصي من ضمن الحكم اللي بحبها بتقول تكلم وأنت غاضب .. فستقول اعظم حديث تندم عليه طوال حياتك. وفي واحدة تانية بتقول فيما معناه يعني من قال لك أنه يحبك مثل أخيه ..فتذكر قابيل وهابيل .

اية هوة الامان بالنسبالك؟ احساسي دايمآ بربنا

اية اكتر حاجة ممكن تفرحك؟ اني اشوف فرحة اهلي في قلوبهم

اية الصفات اللى لو لقتيها فى الشخص اللى اتقدملك تقول لا والف لا ؟ الغيرة - الانانية - الكدب - البخل

قوليلنا موقف ضحكك اوى؟ مش فاكرة والله بس بردو هجاوب وارجع للسؤال دا ، والله مش فاكرة انا فكرت كتير بس حاليا مش قادرة افتكر حاجة محددة بس هقولك حاجة دايمآ تضحك اصحابي عليا اني طول ما انا ماشية معاهم ومندمجة باه في كلامهم لازم اتخبط في حاجة وخصوصآ كتفي يااما في عمود او في دولاب او في حيطة وهكذا : D

*تعملى اية فى المواقف دى:

لو وانتى ماشية فى امان الله ومتشيكة ووراكى مشوار مهم هوب راح عيل صغير رش عليكى مية هتعملى معاه اية؟
يالهوووي ايه الموقف دا هزعق للولد طبعآ بس مستحيل هكمل المشوار بالمنظر دا ، فهرجع البيت اظبط نفسي تاني وانزل عادي باه ما ممكن المواصلات هي اللي تأخرني في كذا حاجة ممكن تأخرني بس هفضل مثلا شهر كامل متغاظة من الولد دا .

لو لقيتى واحدة جية بتسلم عليكى وانتى متعرفهاش هتعملى اية ساعتها؟

يااااه ليه بس كدا دي حصلت معايا كتير اوي بتحرج اوي بس بكلمها كأني عارفاها وفاكراها بدون ما اقول اسمها بس عارفه دي لو قابلتني في الشارع هتكون أهون من انها تكلمني في الموبايل ، لان في بنتين كانو بيكلموني علطول وانا لحد هذه اللحظة مش عارفاهم بجد . بس الحمد لله معدوش بيتصلو : D

لو واحد جة قالك بحبك وانتى فى قبول هيكون رد فعلك اية؟ ولو مش قبلاة هتقوليله اية ؟

لو في قبول هقوله طيب هبقى افكر في الموضوع وارد عليك ههههههههه يعني يااسلاميك بمشي دايمآ الموضوع بشكل كوميدي مش بفضل يفضل بشكل رومانسي عشان بتحرج جامد أكيد لو قلتله كدا هيتحرج بس بردو مش هينفع ارد عليك بنفس كلمته حتى لو كانت روحي فيه ، انما لو مفيش قبول هصارحه في لحظتها وافهمه انه انسان كويس ويستاهل اللي يحبه بجد وكدا يعني وبنات كتير يتمنوه بس وهفهمه اني مش عايزه اظلمه معايا المهم تطلعي منها بشكل زوقي بدون تجريح .

لو بتحبى واحد وصحبتك جت قالتلك انها بتحبة ؟ ساعتها هتختارى مين الحب والا الصداقة؟

مش عايزه كلام خالص لما اتنين صحاب شباب يكسبو بعض ويخسرو بنت ليه احنا البنات كمان منبقاش كدا ؟ لاء طبعآ هبقى باقية على صداقتي واخسر اللي حبيته عشانها ويمكن هو كمان بيحبها ومش بيحبني فبلاش اخسر الاتنين وفي كل الحالات كنت هختار صاحبتي دي مش عايزه تفكير .

لو اللى بتحبية جة وقالك معلش مش هنقدر نكمل مع بعض؟

هتبقى صعبة أوي عليا بجد بس هطلب منه يفهمني الأسباب وهسيبه يمشي في الطريق اللي هو عايزه لان اللي يحب بجد بيدفن فكرة الفراق دي وبيطيرها من دماغه ومش بيعملها اي حساب وبردو مش هنسى كلام ربنا وعسى أن تكرهو شيئآ وهو خير لكم .

لو لقيتى واحدة صحبتك متغيرة معاكى ومن غير اسباب وسألتيها قالتلك مفيش حاجة؟

لو صاحبتي اوي وبحبها اوي هفضل وراها ومش هسيبها ومش هخليها تسيبني او تبعد عني الا ما تكون كويسة وظروفها كويسة مش في حالة هي مش كويسة فيها ، انما لو بنت عادية يعني ومش عايزه تكلمني تاني عادي معنديش مشاكل .

لو حد حرجك وسط صحابك؟

أصحابي بيفهموني من عيني وانا كمان دول اصحابي الانتيم واكيد هيفهمو انهم احرجوني ويحاولو يصلحو الموضوع غير كدا انا مش ببين اي مدايقة لحد ما نبقى لوحدنا واعاتبهم باه.

اختارى 3 من المنتدى ووجهلهم نصيحة او كلمة اوى اى حاجة

امممممممم كدا يااسلاميك لازم الاحراج دا طيب هشوف كدا :

1 - الشبح وسام عمران : اتقو شر الحليم اذا غضب هههههههههه وقصدي على رانيا ابعدو عنها ومتجروش شكلها :p
2 - زورو : ياريت تبطل تكتب تريقة على البنات على فكرة انا مش متدايقة منك بالعكس بحب دمك الخفيف بس دي نصيحة يعني : D
3 - حسن كعبول : متخليش ودانك مع اي حد عايز يعاديك ومتديش اي اهتمام للمواضيع دي .

توجهى الكلمات دى لمين

كلمة شكر : بشكر أوي صاحبتي وحبيبتي دودي واختها ريم لأنهم وقفو جنبي في أصعب الظروف اللي مريت بيها .
كلمة عتاب : بعتب على أستاذ محمد عشان حارمنا من مشاركاته وطلته وبجد وحشنا أوي .
كلمة حب : بقولها لصاحبتي jojo و Lolla عشان دول اللي عرفوني يعني ايه صداقة بجد ويعني ايه حب بجد .

بتمثلك اية الاشياء دى

الصدااقة = قلم عاجز عن التعبير.
الحب = دوري عليه في قلبك الاول بعدين دوري عليه برا .
الاسرة = روحي اللي عايشة بيها وعقلي اللي بفكر بيه .
الكلية = السلمة الاولى لمستقبل جميل وحقل تجارب لـ 100 سنة قدام في 5 سنين بس .
البحر = قبر لا محدود للاحزان والهموم وونيس موجود في اي وقت
الورد = هنستمتع بيه علطول لو كان في مكانه الصح ، وهتستمتعي بيه يوم او يومين لو شلتيه من مكانه .

رتبى الحاجات دى

حاضر

الاسرة-الشغل-الحب-المال-الصداقة

الأسرة - الصداقة - الشغل - الحب - آخر حاجة المال ( لأن المال خادم جيد ..لكنه سيّد فاسد )


بس كدة كفاية دول المرادى

كانت أسئلة كتيرة بس من جمالها بجد محستش بالوقت اني بتطلعي مني حاجات ممكن اكون بكتشف نفسي فيها لاول مرة بجد

شفتى انا طيبة ازاى

---

انتي طيبة وسكر وعسل وكل حاجة حلوة ^_^