ليه منقولش ان شركات المناديل هى اللى عملت الفيروس ده
علشان تزود مبيعاتها من المناديل:1:
ههههههههههههههههه
عرض للطباعة
ليه منقولش ان شركات المناديل هى اللى عملت الفيروس ده
علشان تزود مبيعاتها من المناديل:1:
ههههههههههههههههه
اه صح زى ما شركات استيراد الفراخ المجمدة
عملت فيرس أنفلونزا الخنازير كدا ههههههه
أسعدنى مرورك ومستنى صوتك عشان نحسم
الموضوع دا النهاردة
ومن النهاردة مفيش كمامات
أنا الحكومة أنا الحكومة
لا يا كريم
ردى فى الصفحة الاولى
ارجع شوفه وانا صوت خلاص
اقتباس:
المشاركة الأصلية كتبت بواسطة Mahmoud Slem
كلام جميل جدا ومقنع جدا
وانا قصدى ان منظرها يضايق
وهى نفسها بتضايق اللى لابسها
وان ممكن يغنى عنها مناديل معطرة
طب سؤال بينى وبينك كدا :
حضرتك بتلبس كمـــــــامــــــــــــة؟؟:euro:
ههههههههههههههههههههه
لا
بس اذا كنت نازل فى مكان زحمة اوى
وعارف ان التهويه فيه وحشه
اكيد هلبسها وهيبقى معايا مناديل كمان ليه بقى
لانى مش هفضل طول النهار حاطط ايدى على بقى ومنخيرى بالمنديل
علشان التلوث
فى الحاله دى الكمامة افضل
علشان استعمل ايدى الاتنين ولا ايه
ولا ايه بى سى دى ..........
طبعا صح اباشمهندس
وبأكد تانى على كل الاعضاء
اللى حتخشتصوت فى الاستفتاء
إن أنا عايز حد يقنعنى وأظن ان
الباشمهندس محمود كلامه كان مقنع جدا
مش ليا بس لكل اللى قراه
بس أنا ما زلت عند موقفى :1:
الله ينور يا كيمو
موضوع وجميل وجه في وقته
وان النهارده شفت العيال الصغيره لبسين كمامات
وريحين المدرسه وعملين يلعبه بيها ويشدوها
والحياه عادي جدا
وانا شايف انك تحرص بس الكمامه مش هيا الوقايه وملهاش لازمه
طالما بيتلعب بيها وبتتلوث اكتر من الجو
جزاك الله كل خير
(قل لن يصيبنا الا ما كتب الله لنا هو مولانا وعلي الله فل يتوكل المؤمنون)
(أَيْنَمَا تَكُونُواْ يُدْرِككُّمُ الْمَوْتُ وَلَوْ كُنتُمْ فِي بُرُوجٍ مُّشَيَّدَةٍ )
صدق الله العظيم
والله مبادره جميله منك في هذا الموضوع احب الاول اشكرك عليها
طبعا اللي ربنا كاتبله حاجه من مرض او ابتلاء معين اكيد مفيش حاجه هتحميه منها
انا هتكلم عن موقف شخصي ليا انهارده كنت راجعه من المجمع في الباص المكيف وطبعا زحمه جدا وناس بتعطس وبتكح والباب مقفول
فانا حطيت الكمامه وطبعا البني ادمين الظراف جدا متواجدين بشده في بلدنا
تريقه وتلقيح كلام مش فاهمه ايه ده
كنت قاعده كاني جايه من كوكب تاني هههههههه
مع كل التحذيرات اللي بنسمعها ومفيش فايده في ثقافة الناس في بلدنا
معلش اسفه علي الاطاله
رايي طبعا ان الكمامه مهمه في الاماكن المقفوله والزحمه
الوقايه خيرا من العلاج؟؟؟
وطول ما الاشاره صفرا لازم نخلي بالنا ههههههههههه
شكرا ليك
اقتباس:
المشاركة الأصلية كتبت بواسطة ALY ELSAYED
جزاك الله كل خير
على المتابعة والتشجيع
بجد تشرفت بمرورك
اقتباس:
المشاركة الأصلية كتبت بواسطة lolaa fahmy
الشكر لله طبعا
أولا بشكرك على مشاركتك الفعالة دى
ثانيا طبعا الموقف اللى انتى كنتى فيه دا
كان لازم تحطى الكمامة ودا الصح
وهو دا بقى وقت الكمامة بجد
واللى ميعملش كدا طبعا غلط فى اتوبيس مكيف ومقفول
وكمان مليان ناس بتعطس ياخراشى يا اختى !!!!!!:bones:
دا انتى اللى تضحكى علهم مش هما اللى يضحكوا
ربنا يهدى وطبعا انا مش مع السخرية من اللى لابس كمامة
ولا حتى نبص له بصة كانه بيعمل حاجة غريبة
لانه بياخد بالأحوط والأمان
والوقاية خير من العلاج
ومين عالم يكون هو عنده برد وبيحمى اللى حواليه
بدل ميحط المنديل كل شوية
وهو مش ضامن حيعطس امتى
فى الحاالات اللى زى دى بقى مطلوب فيها فعلا كمامة
بكرر شكرى ليكى وسعدت بمرورك كثيرا