انت تسأل واللى بعدك يجيب!!! لو جريء ادخل..

يبقى ترجعوا لبعض تانى
مادام فى حب
وممكن يكون وقت غضب او حد فيكم غلط فى التانى والاعتراف بالغلط مش وحش
وربنا يهدى عباده



سوالى انا بقى

مين اكتر واحد انت تزعل عليه فى حياتك ؟

انا اولا بشكرك علي الموضوع الرائع ده اما اجابه سؤال اشعر بالندم لما بفوت او اسيب حاجه كانت في ايدي و بعدين ادور عليها تاني اي فكره او شئ مادي في مقدرتي الحصول عليه و لكني مع التردد بسيبه اما عن سؤال مصر ام الدنيا فا مصر اولا نزل عليها معظم الانبياء و الرسل اما ام الدنيا لانها محبوبه عند الشعوب الاخري و بسبب حضارتها الفرعونيه و اعجازتها و عجز العالم امام هذه الاعجازات و الانجازات و بعدين تشرفت بذكر اسمها في القران و دي اجابه السؤال من و جهه نظري اما السؤال بتاعي فهو
ما هو اهم هدف تحب تحقيقه اولا بصراحه

هنالك نواحي كثيره مثال اولا العائله كلها بلا استثناء اما في حياتي الشخصيه الصاحب الجيد اي الصاحب الذي يدعو للخير عندما يتم خيانته اما بتكلم عنه او اي شئ اخر

الموضوع جميل اوى بجد وفعلا محتاج جراءه
انا دخلت عليه اكتر من مره بس من غير ما اشترك
بس قولت كفايه كده وبالنسبه لأجابه السؤال
ما هو اهم هدف تحب تحقيقه اولا بصراحه
انى اشتغل فى الوظيفه الى بحلم بيها والى اتعلمت ليها
وده فعلا بكل صراحه


-

الله ينور يا محمود
مواضيعك كلها قويه طبعا
تحياتى ليك
انا جيت اشترك
نسوا يتركوا لى سؤال
ههههههههههههههه

موضوع جميل ياحوده

الله ينور وطالما مفيش اسئله

يبقي حسئل علي طول

ياريت نعرف ايه هيا اكتر حاجه ممكن تزعلك بجد ؟؟

اكتر حاجه ممكن تزعلنى

لما اقرب الناس ليا بيتغيروا و من غير سبب

ايه الحلم اللى كان نفسك تحققه و مقدرتش؟

مش عارفه يا ناديه
لما بلاقى حلم متحققش ساعتها بحس انى الحمد لله لسه صاحيه
واقدر أحقق فى حياتى واقع اجمل بكتير من الاحلام

وياااارب ربنا يوفقنا ويكتبلنا الخير


سؤالى بقى:

ما اقسى لحظه مرت بك ولاول مره تقول ذلك الدعاء لا اله سبحانك انى كنت من الظالمين ؟

من شهرين تقريبا
كان عندى مشكلة كبيرة والحمد لله اتحلت
بس كانت فظيعة
الحمد لله انها عدت على خير

لو بايدك تحقق حلم واحد فى حياتك ياترى هيكون اية؟؟؟؟

لا انا عندى الحلام كتير اوى اوى
مينفعش حلم واحد

بس ما دام السؤل بيقول كده
يبقى لازم التزم بيه
انا بعد ما ارضى بابا وماما

نفسى اتكفل بطفل يتيم لغايه لما يكبر ويطلع حاجه كبيره

وده موقف حصل معايا
وده لراجع لاننا السنه اللى فاتت احتفلنا باطفال ايتام فى عيد الايتام

والاطفال دى قبل ما تروح انا كنت اتعلقت بيهم وبالاخص طفل صغير بريئ كل حلمه فى الحياه زى اى طفل يلعب زيهم
فكنت مش عايز اخليه يحتاج حاجه
ولما رحت علشان اجيبله حاجه ملقيتهاش بصيت فى عنين الطفل ده
وبكيت لما شوفت فى عنيه انه حاسسس انه وحيد ومكسور

بجد انا بتمنى ان ربنا يكرمنى فى حياتى واكفل طفل يتيم واصرف عليه كانه ابن من ابنائى لغاية ميكبر ويتجوز ويقدر يعتمد على نفسه

معلش طولت عليكم فى السؤال بس كنت حابب اعرض موقف علشان الحلم ده
علشان محدش يستغرب من حلمى



سؤال للى بعدى
اقسى لحظات حياتك اللى مرت عليك وسابت اثر فى حياتك ؟

ياريت اللى يدخل يشوف السؤال ميخافش ويخاف يجاوب
لازم تكون جريئ وتواجه


شكرا ليكم جميعا على المشاركات الجميله دى