فكرة رائعة وياريت الكل يناقشها
عرض للطباعة
فكرة رائعة وياريت الكل يناقشها
فتح الله عليك وعى كل من أقترح الفكرة
حقيقي الفكرة ممتازة والله
وربنا يوفقكم في تنفيذها
أرجو منكم تأخذوا الموضوع بشكل جدي وتعرضوا الفكرة على الدكتور المسئول عن مشروع التخرج
ومن الممكن يكون ده عمل اضافي بعد مشروع التخرج
ياااارب يوفقكم في تنفيذ الفكرة عشان تكونوا خدتوا ثواب في تنفيذ ما انتفعتم به من العلم في الدنيت
بتمنى ابلاغ الدكاترة فى وقت قريب
بسم الله الرحمن الرحيم
بجد بجد ربنا يبارك في الفكرة وربنا يجعلها في إطار التنفيذ يارب هو ده إللي كنت داخل إنهاردة عشان أقوله حاجة زي كدا
لأني صراحة مستخسر كل المصاريف الكتيرة جدا إللي بتتصرف علي مشاريع التخرج بدون فايدة يعني بدون فايدة لينا أو لغيرنا أولا أنا حبتدي في وضع أفكار علي أساسها ممكن نحصر الأفكار إللي ممكن تضيفوها في الموضوع ملاحظة - الافكار تكون محصورة في حيز مكان معين مثل الأسكندرية - ....
1- تكون أفكارنا في مواضيع حساسه مشكلة معاصرة لينا أو وربطها بالتطور في المستقبل مثل ( رفع الشريط الساحلي للبحر المتوسط يابس وماء بالأسكندرية وعمل اللوحات الكنتورية له علي مدار السنين القادمة لمتابعة تطور إرتفاعى ويكون العمل بالأجهزة الحديثة GPS $ total station ومع إحترامي للأجزة القديمة بس إحنا ما بنستعملهاش خالص )
أو مثلا ( رفع المصانع الكبري علي مستوي المحافظة ووضعها علي خريطة الأسكندرية ومقارنتها بلوحات الرياح وتحليل مدي ضررها علي الأسكندرية والتربة والزراعة ) أو ( عمل خريطة توقع عليها مناسيب المياه بالبحيرات التي تحيط بالأسكندرية ومدي تأثرها بإرتفاع منسوب البحر سنويا
2 - ومناقشة المشروع علي مستوي أكبر من القسم والأستعانه بإحدي وسائل الإعلام والإتفاق مع المحافظة وعرض المشروع علي المحافظ وإتوقيعه علي خرائط GIS وطرح الحلول و دعوة أحد دكاترة كلية الهندسة والذي يختص بالمشروع
وذلك لتحقيق التكامل في الماقشة ووضع تصور لأحد المشاريع لو كان هناك مشاريع معينه
3 - ربط الأسكندرية بشبكة إحداثيات عالمية و إدخال ال GPS للمرة الثانية بأكد عشان خاطر ربنا إحنا بنتخرج جهله في الأجهزهة الحديثة وياريت يبقي العمل كامل بال GPS $ total بدون تدخل أي أجهزه أخري لأننا إتعلمناها خلاص في التدريب العمل بكفاية .
4 - تقسيم الدفعة لمجموعات أقل عدد مع توفير اجهزة أكتر وذالك لأن سعر المشروع حيتوفر لأن المشروع حيكون في الأسكندرية وبيتهيألي مع جعل المشروع بالأسكندرية يجب تغيير معادة وهو شهر 2 الملئ بأيام المطر ويمكن جعلة في آخر العام أو في نصف شهر 3 بجد إحنا لو إجتمعنا في إجتماع وعملنا عصف ذهني حنطلع بأفكار أكتر حاجة للبلد .
اقتباس:
المشاركة الأصلية كتبت بواسطة أبو إلياس مصطفي
الله ينور اقتراحات رائعة
لكن كيفية التواصل مع الدكاترة فى وقت زى ده؟؟
شكرا أخي علي التواصل
زي ما أنا قلت ممكن نخلي الفترةالحاليه فترة النقاش بسبب الأمطار وتأجيل المشروع لحين وضع الخطة وياريت تكون خطة مشتركة في وضعها بيننا وبين الدكاترة أما كيف وأين ومتي ؟؟
من هنا ودلوقتي نكمل التصويت وتجميع الآراء وطبع صفحات الموضوع كمستند وتقديمة لرئيس القسم بس دة عايز وقت سريع يعني الحاضر يبلغ الغايب بالدخول والمشاركة السريعة هامة جدا في تفعيل الأفكار لو تمت ووصل عدد المشتركين كبير ساعتها صاحب الموضوع كمنتخب يقوم بتحديد معاد مع الدكتور سيد وطباعة صفحات الموضوع وتقديمها له وهو من يقدمها لرئيس القسم بالنيابة عنا وهكذا في أي فكرة إحنا عايزنها ((( الديموقراطية )))
يارب يتقبل هذا العمل ويجعله قيد التنفيذ
[GASIDA="type=center bkcolor=#000000 color=#FFFFFF width="100%" border="9px inset #0033FF" font="bold large Arial" bkimage="""]بسم الله الرحمن الرحيم
بعد السلام عليكم ورحمه الله وبركاته
انا بعتذر على انى مكنتش متابع الموضوع الفتره اللى فاتت بس الموضوع مكنش بيفتح عندى
ثانيا
انا بشكر كل اللى شارك فى الموضوع برايه اوبافكاره او بمجرد تعليقه على موضوع وبجد مبسوط جدا ان الفكره بدات تنتشر بشكل جدى وتاخد اهتمام بعض الناس
وشكر الاخ ابو الياس مصطفى على الافكار الرائعه مع انى زعلان منه ان الافكار كلها لتخصص المساحه واحنا كده بتوع نظم المعلومات روحنا بلاش بس انا عارف ان ده تخصصه علشان كده هو طرح الافكار دى
وبشكر برضوا اخويا وصاحبى وحبيبى محمد سامى على اهتمامه بالموضوع وبافكاره اللى طرحها
وبناشد الدكتور سيد الزغبى فى شويه طلبات نرجو الرد عليها
1- امته نقدر ننزل نناقش الدكاتره فى القسم بالفكره ولوحتى على الدكاتره المختصين مع انى كنت احب وجود الدكاتره كلهم علشان اكيد افكارهم هتفيدنا كتير
2- ايه الوقت اللى اكيد الدكتور ممدوح التهامى هيكون فى فى القسم علشان نشكل مجموعه من المنتدى نروح نطرح عليه الفكره
3- راى حضرتك فى الفكره طبعا يهمنا جدا وكمان بما ان حضرتك احد المسؤلين عن مشروع تخرج الفرقه الرابعه نظم انتساب واللى هكون واحد منها ان شاء الله
واخيرا احب اقول لحضرتك ان اى اقترراح من حضرتك هيكون دفعه معنويه لينا كلنا وليه انا شخصيا اننا نعتبر الفكره قابله للتنفيذ واكيد حضرتك فاكر ان حضرتك كنت بتناشدنا دايما بجمله ان البلد دى بتاعتنا واحنا اللى لازم نفكر فى مستقبلها بصوت عالى
واسف على الاطاله
السلام عليكم وحمه الله وبركاته
اخوكم فى الله[/GASIDA]
أخي حفيد سيف الله المسلول
أنا بعتذر بس أنا ذكرت تخصص نظم المعلومات علي أدي لو تكرمت حضرتك تبدأ بوضع المقترحات
بالنسبة لإستفساراتك
1 - إمتي ( إحني حنجمع الأفكار علي صفحة المنتدي ونطبع الصفحات ونبعتها للدكتور السيد وهو إللي يرتب ميعاد لإجتماع مع الدكتور ممدوح )
2 - إحنا مجرد حنجكع أفكار علي المنتدي والدكتور السيد هو من يراجعا ويقوم بترتيبها وصياغتها و يحدد ميعاد مع الدكتور مع حضور أحد العناصر النشطة في المنتدي وليكن صاحب الموضوع والمشرف علي القسم الخاص بالموضوع وطالب وطالبة لتمثيل القسم
يا دفعة رابعة فين الردود لو في نية للتغيير