هل توافق على الزواج من فتاه معاقه

؟؟؟؟؟؟؟؟؟؟؟؟؟؟؟؟؟؟؟؟؟؟؟؟ بصراحه مش عارفه ارد بس بجد الموضوع ده مهم اوى والسؤال ده كان شاغلنى اوى مش لانى خايفه ما اتجوزش لكن لانى حبه اعرف الناس ايه نظرتهم للمعاقين لانى والحمدلله عندى اعاقه بس بسيطه اوى الحمد لله بس اكيد كنت ببقى متضايقه اوى وانا صغيره لما حد كان بيتريق عليا لكن كان بابا ديما يقولى ان ربنا بيبتلى العبد اللى بيحبه فكبرت جوايا الجمله ديه لدرجه انى نسيت بس انا بصراحه بتضايق اوى من كلمه معاقه او اعاقه يعنى بحب اقول انى تعبانه مثلا بدل معاقه بس عارفه احيانا لما بقعد افكر مع نفسى بقول طيب وايه اللى يخلى واحد سليم يفكر فوحده معاقه ؟؟ حتى لو الاعاقه بسيطه وهو فى استطاعته انه يتجوز واحده سليمه (وده كان راى من اللى اتقال ) بس فعلا سبحان الله ربنا لما بياخد من الانسان ولو حاجه صغيره اوى بيعوضه بحاجه كبيره اوى بدالها بس اهم حاجه ان البنى ادم يكون راضى بحكم ربنا وما يتضررش اكيد ربنا هيكافئه وانا لو هقولك رايى كعضوه فى المنتدى فهقولك انى لو اللى بحبه انسان معاق اكيد هكمل معاه وهرتبط بيه لانى اصلا مش هبقى شايفه اعاقته ديه لكن لو هقولك نظرتى انا (كمعاقه) فاكيد لو ارتبطت بانسان يقدرنى ويحترمنى كانسانه ليا حقوقى هبقى طايره بيه اوى وهحاول انى احققله كل اللى يتمناه منى حتى ولو كان فوق طاقتى ......لكن لو حسيت ان الموضوع شفقه او عطف فساعتها انا اللى مش هرضى بكده لان اصعب حاجه انك تحسى ان اللى قدامك بيشفق عليكى او انه يعاملك على انك اقل منه ...عشان كده انا بتمنى انى ارتبط بحد بحبه ويكون بيحبنى لانه لو بيحبنى مش هيفرق معاه كل الكلام ده وشكراااااااااااااا اووووووووى عالموضوع الجرئ والجميل ده وياااااااااارب يااااااااااااارب مكنش طولت عليكم لانى كنت حبه اشارك فالموضوع ده