الحكم بإعدام هشام طلعت ومحسن السكري لقتل المغنية سوزان تميم

شباب سألت صديق محامى قال: لم يحدث فى تاريخ القضاء المصرى أن تم إحالة أوراق متهم إلى مفتى الجمهورية ورفض أو إستطاع النقض تبرئته
دا بيحصل فى الأفلام بس
إحالة الأوراق إلى المفتى ... معناها إستقرار يقين هيئة الحكم على إدانة المتهم بالتهمة ولأن القتل العمد يوجب القصاص الشرعى فالحكم يتطلب شرعيه دينية فرأى المفتى هنا للإجازة فقط ... ولم يحدث أن أحالت المحكمة أوراق متهم إلى فضيلة المفتى وعندها شك ولو 1% لأن النقض فى كل الأحوال بيطلب إعادة ( حتى لو الأحكام مش إعدام )
أما لو كانت قرصه ودن يبقى وصلنا لعصر ما حدثنا عنه الحبيب المصطفى عليه الصلاة والسلام "إنما أهلك الذين قبلكم أنهم كانوا إذا سرق فيهم الشريف تركوه وإذا سرق فيهم الضعيف أقاموا عليه الحد" او كما قال
اما بالنسبه لمن الجانى : المتهم أم المجنى عليها ؟ ... فالله أعلم بحقيقة ما حدث ...
فليغفر الله لى ولكم ولجميع المسلمين ..وليتوب عن المسيئين ويغفر خطايا المذنبين ويرحم أموات المسلمين

بسم الله الرحمن الرحيم

انا شايف ان الحكم فيه نوع من الشدة والقسوة والظلم

اتمني ان الحكم الجديد يعيد الحق لاصحابه

بشمهندس هاشم شكرا على المعلومات دى انا مكنتش اعرفها الحاجات دى انا كنت بوهم نفسى واقول ممكن الحكم دة يتخفف

وان شاء الله يتخفف لان دة راجل كويس وبيعمل حاجات كويسة كتييير لكن الىل ماتت دى اصلا متجوزة 4 كانوا اعدين فى المحكمة وبيقولا احنا ورثتها وكل واحد معاه قسيمة جواز يعنى متستاهلش ان واحد حتى يستجن يوم عشانها دة غير انه اصلا يبقى ابن اخت ماما سوزاان يعنى ربنا يسهل بقى والامور تتحل

انا لابس الترنج الاحمر احتفالا بالحكم عليهم بالاعدام بس يارب يتنفذ

اقتباس:

---

المشاركة الأصلية كتبت بواسطة Youssef Mostafa

بشمهندس هاشم شكرا على المعلومات دى انا مكنتش اعرفها الحاجات دى انا كنت بوهم نفسى واقول ممكن الحكم دة يتخفف

وان شاء الله يتخفف لان دة راجل كويس وبيعمل حاجات كويسة كتييير لكن الىل ماتت دى اصلا متجوزة 4 كانوا اعدين فى المحكمة وبيقولا احنا ورثتها وكل واحد معاه قسيمة جواز يعنى متستاهلش ان واحد حتى يستجن يوم عشانها دة غير انه اصلا يبقى ابن اخت ماما سوزاان يعنى ربنا يسهل بقى والامور تتحل

---

عزيزى يوسف
شكرا لك ولكم لانى سألت مخصوص بسبب الموضوع ده .. القانون عمره ما كان من اهتماماتى (باستثناء قانون المرور طبعا ههه )
السؤال - والعلم عند الله - كل القصة دى وثروة المطربة المغمورة - بيقولوا بالملايين وبالدولار - فى حياتها الفنية القصيرة التى لا تتعدى سنوات والأدلة وشهادة منفذ عملية القتل .. والتسجيلات الصوتية والـ 2 مليون جنيه المحولين لحسابه .... وهو برئ ... ؟؟؟؟؟؟؟؟؟؟؟؟؟
أتمنى طبعا إن ربنا يظهر الحق .. ولكن لو حصل .. مش حأشك لحظة فى عدالة المولى .. ممكن برئ يخش السجن .. لكن برئ يعدم ؟ عموما أنا شاكك فى برائته .. وأعمال الخير - للأسف الشديد - لم تعد مظهر من مظاهر التقوى ... رأيت بعينى فى القاهرة راقصة تقيم موائد الرحمن الفاخره لكل الفقراء
ولكن هل يرضيك انه علشان ابن اخت ماما سوزان .. يفلت من عقوبة
صديقى وصلنا لمرحلة مزرية .. ان الشاب اصبح يقاس مدى نفوذ اهله بقدرته على كسر القواعد والمألوف واشارات المرور طبعا ...

اقتباس:

---

المشاركة الأصلية كتبت بواسطة كريم أحمد

انا لابس الترنج الاحمر احتفالا بالحكم عليهم بالاعدام بس يارب يتنفذ

---

اول مرة نتفق فى حاجه انا وانت يا كيمو
شكلك حتعمر معايا هههه

وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ (42) مُهْطِعِينَ مُقْنِعِي رُءُوسِهِمْ لاَ يَرْتَدُّ إِلَيْهِمْ طَرْفُهُمْ وَأَفْئِدَتُهُمْ هَوَاء (43) وَأَنذِرِ النَّاسَ يَوْمَ يَأْتِيهِمُ الْعَذَابُ فَيَقُولُ الَّذِينَ ظَلَمُواْ رَبَّنَا أَخِّرْنَا إِلَى أَجَلٍ قَرِيبٍ نُّجِبْ دَعْوَتَكَ وَنَتَّبِعِ الرُّسُلَ أَوَلَمْ تَكُونُواْ أَقْسَمْتُم مِّن قَبْلُ مَا لَكُم مِّن زَوَالٍ (44)


كل ظالم نهاية عادلة من الله سبحانه وتعالى

لالالا مش كدة ياجماعة دة مهما كان عمل حاجات كويسة وفاتح بيوت ناس كتير ولو اتعدم احنا بردو حنتضر لان البلد حيحصل فيها هزة قوية جدا فى الاقتصاد بتاعها ودة حياثر على مصالح الكل وربنا يقدم اللى فيه الخير وانا سمعت دلؤتى ان المفتى ممكن مينفذ الحكم ولو قال لايجوز يبقى الحكم حيتحول لمحكمة تانية وقاضى تانى خالص ودة اللى حيحصل فعلا حينقلوا المحاكمة لقاضى تانى فى منطقة تانية وانا بصراخة من المؤيدين بشدة ببرائته خصوصا بعد ملقوا ان السكين اللى اتقتلت بيها المجنى عليها مشرشرة غير السكيمة اللى هو متهم بيها انه بعتها لمحسن انها كانت سكينة عادية وان شاء الله طبعا لو كان برئ ربنا معاه ولو كان قتل فعلا بردو ربنا معاه لان انا من المعجبين بالراجل دة جدا