شكرااا يا بشمهندس على الموضوع الرائع
السؤال السادس
لو حبيت اكبر كل الـtext فى الرسمة كلها بمقدار معين مثلا مرة ونص بس كل النصوص تكون فى مكانها ازاى
عرض للطباعة
شكرااا يا بشمهندس على الموضوع الرائع
السؤال السادس
لو حبيت اكبر كل الـtext فى الرسمة كلها بمقدار معين مثلا مرة ونص بس كل النصوص تكون فى مكانها ازاى
جزاك الله كل خير
اولا واخيرا جزاك الله كل خير
انا لسه ما قريتش بعد المسالة التالتة
بس بجد استفدت كتيييييييييير جدا
الف شكر والله
ياريت بجد لو حضرتك تنزلنا مسائل كتييرة
وقال ايه انا كنت فاكر نفسى برنس كاد ؟؟
الله يكرمك الحقنا بمسائل ومشكلات اكتر
وجزاك الله خير
اقتباس:
المشاركة الأصلية كتبت بواسطة Mohamed Gaber Aly
بعد اذنك يا بشمهندس ممكن ترفعها تانى لان الرابد شير بيقولى error ومش بعرف انزل البرنامج ؟؟؟
وجزاك الله خيرا مقدما
جزاك الله خير بس ياريت ترفع البرنامج علي رابط تاني غير الرابد شير:a34:
ايه يا بشمهندس انت مش بترد علينا ليه
انت زعلت مننا ولا ايه
عموما انا هنزلك حل المسالة التانية يمكن نعرف نرضيك :a35::a35:
اولا الزاوية ɣ1 = الزاوية (2 1^ 4 )
ثانيا الزاوية ɣ2 = الزاوية ( 4 3^ 2)
1- هنرسم النقط التلاتة باحداثياتها على الكاد
وهيبقى عندنا الزاوية (2 4^ 1 ) = 35° 48` 0.2302 "
والزاوية (3 4^ 2 ) = 62° 35` 13.21"
2- من الاوتوكاد نجيب الاطوال للضلعين( 12 & 23 )
L12 =151.60620221 m
L23=249.36931842 m
3- وهنجيب الانحراف لكل ضلع من الضلعين
α12=50°21’24.8”
α23=123°46’5.5”
α21=230°21’24.8”
4- هنجيب الزاوية ( 3 2^ 1 ) =
α21 - α23 = 106°35’19.3”
5- الخطوة الخامسة
we have to solve these eqns :
sin(ɣ1) = k1 * sin(ɣ2
We have to get >>> (k1 & k2 & ɣ1 & ɣ2
k1=(L23*sin 35°48’0.2302” )/(L12 * sin 62°35’13.21” ) s
So >>> k1 = 1.083875948
(ɣ1) = k2 - (ɣ2
k2 = 360° - ( 3 2^ 1 ) - 35°48’0.2302” - 62°35’13.21” s
Take care that --- (3 2^ 1) = 106°35’19.3”
So k2=155°1’27.26”s
Now we can solve>> sin(ɣ1) = k1 * sin(ɣ2) =1.083875948 * sin (ɣ2
take care that
sin (ɣ1) = [sin (k2)]*[cos(ɣ2)] – [cos(k2)]*[sin (ɣ2)]1
1.083875948 * sin(ɣ2) = [sin (k2)]*[cos(ɣ2)] – [cos(k2)]*[sin (ɣ2)]1
(ɣ2) = 67°12’44.7”s
(ɣ1) = 87°49’12.08”s
6- الخطوة السادسة
so we have ---
(α14) =( α12)+ (ɣ1) =50°21’24.8” + 87°49’12.08”
(α14) = 138°10’7.37”
7- الخطوة السابعة
get angel (4 2^ 1) to get length of (L14)
(4 2^ 1) = 180° - ɣ2 - 35°48’0.2302”
(4 2^ 1) = 56°22’47.69”
[ sin(56°22’47.69”)]/[L14]=[sin(35°48’0.2302”)]/[L12]
L14 = 215.8214865 m
8- الخطوة التامنة
get coordinates of pt. 4
E= 81.135 + 215.8214865 * sin(138°10’7.37”)
N= 125.655 + 215.8214865 * cos(138°10’7.37”)
pt. 4 = (225.0748602 , -35.15616465 )
نرسم باه على الكاد
http://img293.imageshack.us/img293/4...0505020309.jpg
مش عارف باه يا بشمهندس هو ده الحل اللى انت كنت عاوزه ولا فى حل تانى ؟؟؟؟؟
ايه هو البشمهندس محمد جابر زعل مننا ولا ايه ؟؟
:a6::a6::a6::a6::a6::a6::a6::a6::a6:
السلام عليكم ورحمه الله وبركاته
اولا انا اعتذر على عدم الرد فى الفتره السابقه وذلك لانه لم يتم اضافه التبليغ الفورى بالبريد الالكترونى.
فبرجاء قبل الرد على الموضوع يجب ان نختار هذه الخاصيه حتى يقوم المنتدى بارسال بريد الكترونى لى والتبليغ عن مشاركات جديده
ثانيا : لقد قمت بتعديل الرابط للبرنامج TFR
ثالثا: بالنسبه للسؤال حول تكبير خط الكتابه لكل محتويات الرسمه بدون تغيير مكانها سنعتبره السؤال السادس
اجابه السؤال السادس
الملف السابق باسم th.txt هو عباره عن ملف lisp بعد تحميله نقوم بتغيير اسمه الى th.lsp
ثم من الاوتوكاد نقوم باختيار امر appload وذلك لتحميل الملف داخل رسمه الاوتوكاد
بعد ذلك نقوم بكتابه th فى سطر الاوامر سيقوم البرنامج بتنفيذ الليسب الموجود وسيطلب اختيار الكتابه المراد تغيير حجمها
بعد ذلك سيظهر عند سطر الاوامر كلمه new text height
نكتب قيمه ارتفاع الخط المراد مع ملاحظه انه سيقوم بتغيير كل الكتابه التى تم اختيارها الى القيمه الجديده التى كتبناها
اما فى حاله ان هناك عدد من الخطوط مختلفه الارتفاعات واردنا ان نقوم بتكبير كل منها على حده بنسبه معينه
فمن الممكن ان نقوم بتنفيذ امر filter ثم بعد ذلك text height ونقوم بكتابه قيمه ارتفاع الخط المراد تغييره فى المربع الموجود بجوار علامه =x وليكن 2.0 ثم بعد ذلك نضغط على كلمه apply
سيقوم البرنامج بتخزيين الخطوط ذات الارتفاع 2.0 فى الذاكره ونقوم بتنفيذ امر th من الليسب السابق وبعد ذلك نقوم بكتابه حرف p عندما يطلب البرنامج اختيار الخطوط المراد تغيير ارتفاعها ثم بعد ذلك نكتب القيمه الجديده لارتفاع الخط
حل المسأله الثانيه Resection 3 points
اولا شكرا للزميل mhnds2010 على هذا الحل وهو يجيب على تساؤل الزميل مزدهر فى كيفيه ايجاد النتيجه عن طريق المعادلات
وهذا الحل حسابيا ارجو تجربته على امثله اخرى
وساوضح طريقه الحل هندسيا عن طريق الاوتوكاد
من المعلوم ان اى ثلاث نقط من الممكن ان يمر بها دائره واحده
سنفترض ان النقط رقم 2-3-4 يمر بها دائره واحده
القوس المرسوم بين النقطتين 2 & 3 على نفس الدائره يقابل زاويه محيطيه مقدارها 62d 35' 13.2136" a
وبما ان الزاويه المحيطيه تساوى نصف الزاويه المركزيه المشتركه معها فى نفس القوس
هذا معناه ان الزاويه المركزيه التى تمر بالنقطتين 2 & 3 تساوى ضعف الزاويه المحيطيه السابق ذكرها
اى ان قيمتها 125d 10'26.4273" b
فى المثلث 2 & 3 & 5 والاخيره تمثل مركز الدائره
الضلع 2-5 يساوى الضلع 3-5 انصاف اقطار للدائره
اذا فالزاويه المرسومه من 2 الى 3 الى 5 تساوى الزاويه المرسومه من 3 الى 2 الى 5
لان المثلث متساوى الضلعين
قياس زاويه 5 يساوى 125d 10'26.4273" b
قيمه الزاويه 2 او 3 تساوى ((180 - قيمه الزاويه السابقه)/2) = 27d 24' 46.7864" c
نقوم برسم المثلث بين النقط 2 & 3 & 5 بمعلوميه الزوايا التى قمنا بحسابها
ثم نقوم برسم دائره مركزها نقطه رقم 5 ونصف قطرها هو طول الضلع الواصل بين نقطه 2 & 5 او بين 3 & 5
بنفس الطريقه نقوم برسم دائره اخرى تمر بنقطه 1 & 2 ومركز جديد نقوم باستنتاجه
تقاطع الدائرتين هو النقطه المراد معرفه احداثياتها
X = 225.0751 Y = -35.1565
السؤال السابع:
كيف نقوم برسم مثلث بمعلوميه طول ضلع وزاويتين بكتابه اقل عدد من اوامر الاوتوكاد وليكن امر واحد او اثنين على الاكثر؟
أجابه هذا السؤال توضح بعض الخصائص الهامه الموجوده فى الاوتوكاد والتى تفيد فى اعمال المساحه خاصه المتعلقه بالزوايا والانحرافات
ارجو ايضا وضع بعض المشكلات التى تواجه الساده الزملاء حتى نفكر فى طريقه حلها سويا
جزاكم الله خيرا
وعليكم السلام ورحمة الله وبركاته
الف شكر يا بشمهندس على مجهودك العظيم معانا
بجد بنتعبك
شكرا يا بشمهندس
معلش باه الكلية جابتلى زهايمر بدرى
نسيت خاااالص الطريقة ال graphical دى
مع انى مادام هارسم عالكاد يبقى المفروض استخدمها
بس كويس والله ادينا بنفتكر
ممكن يا باشمهندس محمد مثال للسؤال السابع
علشان نعرف نفكر معاك
وانا اللى عليا السؤال الثامن ان شاء الله
سنحاول رسم مثلث متساوى الاضلاع طول كل ضلع 100 م وستكون طبعا قياس زواياه 60 درجه
سنقوم برسم خط واحد فقط طوله 100م ثم بعد ذلك نستخدم بعض خواص الاوتوكاد لرسم الخطين الاخرين وتكوين المثلث
اولا : نرسم باستخدام امر line خط طولة 100 متر
ثانيا :باستخدام امر ray نرتكز عند احد طرفى الخط ونرسم شعاع مطابق للخط المرسوم تماما
ثالثا: نقوم بعمل تحديد للشعاع فقط واختيار امر rotate ونحدد الزاوية المطلوبة 60
رابعا: نكرر نفس الخطوت الثانية والثالثة عن النقطة الثانية من الخط
خامسا: سيتقاطع الشعاعان فى نقطة نقوم برسم خط يمر بنقطة التقاطع وباستخدام امر trim نقطع الخط بعد نقطة التقاطع
وبهذا نكون قد رسمنا المثلث المطلوب
انت كده رسمت خط وشعاعين وعملت trim للخطين
المسأله طلبت رسم خط واحد فقط وبعد كده استخدام خصائص الاوتوكاد المساعده لرسم الخطين الاخرين
المطلوب استخدام الخط الذى قمت برسمه لعمل الخطين الاخرين مش حاقدر اقول اكتر من كده والا اكون قد حللت المساله
1- هنرسم خط افقى طوله 100 متر
http://i39.tinypic.com/elbp7r.jpg
2- من الطرف الايمن للخط الافقى هنرسم دائرة نصف قطرها 100 متر ومن الطرف الايسر بردو هنرسم دائرة اخرى نصف قطرها 100 متر
http://i42.tinypic.com/ju7iic.jpg
3- نقطة تقاطع الدائرتين هو راس المثلث
http://i40.tinypic.com/2woyxy9.jpg
انا صراحة مش عارف الا الحل دة يا باشمهندس
وبالنسبة لحل الزميل mhnds2010
هو اعتمد على انة عارف اطوال اضلاع المثلث وليس على
المعطيات طول ضلع وزاويتين
منتظرين توضبح اكثر او اجابة يا هندسة
اقتباس:
المشاركة الأصلية كتبت بواسطة ahmed waheed shalaby
لا على فكرة هو فى حاجة تقريبا اسهل من كدة
هوالراجل عمل اللى عليه ووضح لنا كل حاجة
الباقى علينا احنا
وبعدين الحل بتاعى هو هو المعطيات
انت مش عندك ده مثلث متساوى الاضلاع ... يبقى كل زواياه 60 درجة يبقى كل اضلاعه = 100 متر ( على حسب المعطى من مهندس محمد جابر )
ولا ايه ؟؟؟
اقتباس:
المشاركة الأصلية كتبت بواسطة mhnds2010
لو سمحت ممكن اعرف اسمك الاول
وتخيل لو عندك معطيات غير دى زى مثلا طول ضلع 50 وزاويتين 75 و65 تقدر ترسم المثلث بنفس الطريقة
انا قصدى على كدة انت حلك صح وانا حلى صح برضة
ومنتظرين اجابة الباشمهندس محمد جابر
مظبوووووط :a41::a41:اقتباس:
المشاركة الأصلية كتبت بواسطة Ahmed Waheed Shalaby
وبالنسبة للاسم --- ( امال انا داخل ب nick name ليه ؟؟ ) :a12::a12::a12::a12:
اقتباس:
المشاركة الأصلية كتبت بواسطة mhnds2010
اوك يا (مهندس):a8:
مفيش مشكلة ممكن نتناقش فى حل تانى لو عندك فكرة تانية لحد الباشمهندس محمد يبقا موجود معانا
شكرا لحل الزميل احمد وحل الزميل مهندس اللى ان شاء الله يقولنا على اسمه فى قسم التعريف بالاعضاء الجدد
من المعطيات فان المثلث متساوى الاضلاع وطول الضلع يساوى 100 متر والزوايا تساوى 60 درجه
نقوم برسم الخط عن طريق امر line
Command: L LINE
Specify first point
نختار اى نقطه على الشاشه
Specify next point or [Undo]: @100,0
نقوم بتحديد طول الخط 100 فى الاتجاه السينى مثلا
Specify next point or [Undo]: enter
ولن نقوم برسم اى شئ اخر فى الاوتوكاد
Command:
نقوم باختيار الخط بالضغط عليه فى نقطه عن طريق الماوس
سيظهر لنا ثلاث نقاط واحده فى منتصف الخط واثنين عند الاطراف
نقوم بالضغط على اول نقطه عن الطرف الايمن
وبالضغط على الماوس اليمين ستظهر لنا قائمه بها عده اوامر
سنختار منها Rotate
Command:
** STRETCH **
Specify stretch point or [Base point/Copy/Undo/eXit]: _rotate
** ROTATE **
سنجد ان الخط يتحرك معنا فى جميع الاتجاهات ولكن حول النقطه التى قمنا باختيارها
نقوم بكتابه حرف C فى سطر الاوامر وذلك لعمل نسخه جديده من الخط
Specify rotation angle or [Base point/Copy/Undo/Reference/eXit]: C
** ROTATE (multiple) **
فى حاله الدوران مع عقارب الساعه نكتب قيمه الزاويه المراد دوران الخط بها بالاشاره السالبه
Specify rotation angle or [Base point/Copy/Undo/Reference/eXit]: -60
سيقوم الاوتوكاد برسم خط جديد بزاويه مقدارها 60 درجه من الخط الاصلى
** ROTATE (multiple) **
نريد الان ان نقوم برسم الخط الثالث بنفس الطريقه ولكن دون الخروج من الامر
وبالضغط على الماوس اليمين ستظهر لنا قائمه الاوامر مره اخرى
نختار فى هذه المره base point
Specify rotation angle or [Base point/Copy/Undo/Reference/eXit]: _base
Specify base point:
نختار نهايه الخط من الناحيه الاخرى
ثم نقوم بتنفيذ نفس الطريقه التى قمنا بها من الطرف الاول
** ROTATE (multiple) **
Specify rotation angle or [Base point/Copy/Undo/Reference/eXit]: C
** ROTATE (multiple) **
Specify rotation angle or [Base point/Copy/Undo/Reference/eXit]: 60
** ROTATE (multiple) **
Specify rotation angle or [Base point/Copy/Undo/Reference/eXit]:
فى حاله ان اطوال الاضلاع غير معلومه فاننا سنضيف امر بعد تنفيذ ماسبق
وهو امر fillet حتى يقوم الاوتوكاد بتوصيل الخطين ببعضهما او قطعهما عند نقطه التقاطع
عذرا ان الطريقه بسيطه جدا ولكن شرحها طويل بعض الشئ
الهدف هنا هو استخدام الاوامر التى تظهر لنا عند اختيار نقطه من نقاط الخط فهى اوامر متعدده من الممكن ان تفيدنا كثيرا فى الرسم
شكرا يا باشمهندس محمد
بالفعل حل سهل جدا
جزاك الله كل خير
ثوانى ويكون السؤال الثامن جاهز
السؤال الثامن
الرسم عبارة عن كروكى لمكان مرفوع بواسطة الشريط والتيودوليت
المعطيات
اطوال ثلاث اضلاع وزاويتين
المطلوب
اولا:رسم المكان
ثانيا: التحقق بواسطة قانون مهم ان الرسم صحيح
ثالثا: ايجاد مساحة المكان بالفدان والقيراط والسهم
المسأله دى سهله يااحمد عاوزين حاجات جامده
بس عموما انا فى انتظار الحل من احد الزملاء
والمشكله الجايه عندى ان شاء الله
اقتباس:
المشاركة الأصلية كتبت بواسطة mohamed gaber aly
التقيل جاى فى الطريق ياباشمهندس ان شاء الله
المسألة سهلة واهم حاجة نستفاد منها باى شىء
ومنظر الحل معاك يا باشمهندس من احد الزملاء
ومنتظر المشكلة الجاية اللى حضرتك حتعملها
sahla pas 7lwa ya rayesاقتباس:
المشاركة الأصلية كتبت بواسطة Ahmed Waheed Shalaby
3ayez a7elaha pas 3andy pokra imte7anat & mona2shet mashrooo3
ad3ooly :a46::a46::a46::a46::a46:
حندعيلك ان شاء الله بالتوفيق فى الامتحان بعد ماتقول اسمك ايه
حل السؤال الثامن
اولا:
طول الضلع الرابع = 147.2949 م
الزاويه فى الركن الاعلى يمين = 81d 59' 38"angle
الزاويه فى الركن الاعلى شمال = 91d 46' 01" angle
ثانيا: مجموع الزوايا = 360 درجه
ثالثا: المساحه = 6 فدان 15 قيراط 16.36 سهم
يارب تطلع صح
السؤال التاسع:
كيف ننسخ الاشياء من layer الى اخرى سواء كان خط او كتابه او مضلع او اى شئ موجود فى الرسمه مع الاحتفاظ بها فى نفس الطبقه الاصليه؟
اقتباس:
المشاركة الأصلية كتبت بواسطة mohamed gaber aly
حافكر فى الحل ان شاء الله
يارب اوصل للحل يارب
حل السؤال التاسع
نتخيل ان هناك مضلع مثلا موجود بال layer رقم 2 ونريد نسخة فى ال layer رقم 1
نقوم بعمل تحديد للمضلع ثم نختار امرcopy opject ونقوم بوضع المضلع فى المكان المراد وضعة فية
نقوم باختيار ال layer رقم 1 ثم نحدد المضلع المنسوخ ثم نضغط على امر make opject's layer current
وبهذا نكون قد نسخنا المضلع من ال layer رقم 2 الى layer رقم 1 واحتفظنا بالمضلع فى نفس طبقتة الاصلية
صح كدة يا باشمهندس ولا اية
تمام يااحمد الحل سليم
وهذا ليسب يقوم بهذه الخاصيه ايضا
ملف مرفق 582
بعد تحميل الملف برجاء تغيير اسمه الى col.lsp
حيث تقوم بتحميل الملف اولا داخل الاوتوكاد من امر appload
ثم باختيار ال layer الجديده التى تريد ان تضع عليها نسخه من بعض الاشياء فى الرسمه
بعد ذلك نقوم بكتابه col وهى اختصار ل copy layer
سيقوم الليسب بعمل نسخه من كل الاشياء التى اخترتها الى الطبقه الجديده
كل هذه المسائل عباره عن تمرينات حتى نقوم بالدخول على الرسومات الهندسيه للمشروع والمشاكل التى تواجهنا وكيفيه التغلب عليها
جزاكم الله خيرا
صديقى العزيز احمدكو شكرا جزيلا على هذة المعلومات
ولى طلب عند حضرتك علما باننى اعلم ان هذا ليس مكانة
وهو شرح برنامج
microsurvey لانى عندى البرنامج ومش عارف استخدمة
السلام عليكم ............جزاك اللة خير يا بشمهندس على الافكار الرائعة والمجهود الرائع دة ...وربنا يوفقك.......ودعواتنا بمزيد من التفوق
السؤال العاشر
قطعة ارض رفعت باستخدام الشريط والثيودوليت والمطلوب رسمها على برنامج الاوتوكاد وحساب ما يلى:
اولا: المساحة الاجمالية بالفدان والقيراط والسهم والمطلوب تقسيمها الى قطعتين متساويتين بينهما طريق 4 متر حسب الكروكى المرفق اوجد مساحة كل قطعة وايجاد احداثيات اركانها علما بأن الطريق مناصفة بين الشريكين.
ثانيا: ايجاد ابعاد كل قطعة على حدة والزوايا الداخلية
ثالثا: ايجاد احداثيات نقط التقسيم