`·.¸¸.·¯`··._.· ( صالون الرابطة العلمى ) `·.¸¸.·¯`··._.·

بص يا اسلام

موضوع العوائق الى مش حنقدر نشيلها

مثلا لو كانت تل او هضبه

خلينا واقعيين انت لو فيه تل او هضبه فى وسط الارض الى انت حترفعها الى المفروض بعد كدا حتعمل عليها مشروع بتبقى الارض دى متنفعش اساسا

بس هو انا علي حسب علمى ان فى كذا حل للموضوع دا

اولا اننا نشوف تكوينات التل او الهضبه دى لو كانت طفل مثلا او رمل فسهل ازالتها و بكدا بتكون اتحلت المشكله

لو كانت صخور ناريه فعليه العوض يا اما تبنى فوقها او انك تبنى جنبها و مش حينفع تشيلها

نيجى لو كنت حتبنى عليها

فى طريقه مش عارف اسمها بس انا ممكن اشرحها

بنوقف جهازين تيدوليت او توتال واحد علي كل جنب من الجانبين بتوع التل او الهضبه

و بنختار نقطتين فوق التل بحيث يمكن رؤيتهم من الجهازين مع العلم ان الجهازين مبيشوفوش بعض

و بيتم تظبيتهم بحيث انهم يبقوا علي خط واحد ( عمليه التتليت ) بتحريك النقطتين الى فوق التل او الهضبه

و بكدا يكون عندنا خط القاعده الى منه سهل جدا اننا نقدر نرفع سطح الهضبه

دا علي حسب علمى و اكيد الناس الى اشتغلوا و قابلوا الحاجات دى ادرى منى و عندها حلول احسن

جزاك الله كل خير يا خالد


انا عارف معظم اللى انت قولته

و مستنى الباقى و مشاركتهم

و ان شاء الله نوصل لحل افضل و راى اكيد

شكرااااااااااااااااااا يا صديقى

عزيزى محمود سليم
موضوع جميل جدا ومفيد جدا
عذرا على الدخول المتأخر بسبب مشكله فى النت
وانا مشترك طبعا

انا بشكركم كلكم جميعا يا شباب على المشاركات الفعاله

والف شكر ليك يا باشمهندس على تلبية الدعوى والمنتدى كان ضلم من غيرك اليومين دول

المفروض بقى
اننا نفتح مواضيع للنقاش

مش نرد على الاساله وبس
لانه مش موضوع للرد على الاساله
ده شبية بالصالون الثقافى
او ندوه علمية

وكله بيتناقش مع كله

احنا عايزين دلوقتى نقول كيفية استخدام القوانين الرياضية الخاصة بالمساحة

اذالم تتوفر عندى بعض الاجهزه فى المكان الذى اعملبه
او عطلت
ويوجد معى بعض الادوات البدائية

عايزين نعيش كده شويه فى الرياضه
وقوانين الرياضة الخاصة بالمساحة

شكرا ليك يا اخى وصديقى العزيز محمود

اسمحلى انى اشارك

احيانا المساح بيشك فى شغل الجهاز , يشك انه مش متعاير كويس او ان الارقام الموجوده به غير دقيقه

او بيكون مثلا انت محتاج توقع بعض النقط فى الفيلد وانت معكش توتل استيشن( مش شرط ان يكون توقيع دقيق جدا , لكن ممكن ان يكون توقيع بشكل مبدئى ...زى بعض الاعمال الانشائيه



فى الوضع ده بيكون العامل الحاسم والمؤثر هو مهاره المساح نفسه وخبرته العلميه , وعقليه المساح كمهندس مساحه وليس سائق جهاز

ممكن يتم التوقيع مثلا بالمتر الشريط:

فى بعض اعمال التكشيف عن الخوازيق بيكون مش مهم استخدام التوتل استيشن للكشف عن النقط الموضوع فيها الشكاير والاشاير الحديديه التى تحدد مكان الخازوق, بيقوم المساح بمعرفه اماكن الخوازيق من خلال المتر الشريط

من خلال انه من خلال حسه المساحى بيضع نفسه فى مكانه فى اللوحه ويحدد موقعه ويوجه اللوحه على شكلها الحقيقى المحدد له من خلال الارض..

بعد ذلك يقوم المساح بالقياس بالمتر الشريط بالمسافه الموجوده الطوليه والعرضيه من خلال المتر الشريط للوصول لاماكن الاسياخ الموجوده, ويقوم بالحفر ويجدها ( مش طبعا بيحفر بالضبط بيلاقى مركز السيخ الحديد الموقع بالتو تل استيشن ....لكن ده بيكون فيه خطا ترحيل مقداره سنتيمترات بسيطه
..............


ممكن التوقيع من خلال التيدوليت.........


وده من خلال زاويه ومسافه من خلال المتر الشريط او من خلال قياس المسافه تاكيومتريا.....

زى مثلا توقيع الاعمده فى الاعمال الانشائي , فى بعض الشركات ممكن ميكونش فيه توتل استيشن

بيكون الحل التوقيع من خلال اتخاذ زاويه بالتدوليت افقيه والقياس بالمتر الشريط مسافه معينه وبيتم وضع السيخ الحديد المممثل لمركز اكس العمود



اما القوانيين الرياضيه فى المساحه


اعتقد انها تكير جدا,, لكن ممكن نوجزفيها قوانين اساسيه

1- كافه قوانيين حساب المثلثات .

2- قوانيين فيزيائيه مثل قوانيين نيوتم فى الاجهزه الحديثه ( مثل الجى بى اس...والمحطه الزكيه ....واجهزه المسح الفراغيه )

3- قوانيين رياضيه بسيطه الجمع والطرح والقسمه والمتواليات .......


اتمنى انى اكون قدمت كلام مفيد فى الموضوع

شكرا ليكم جميعا على المتابعه

طيب معنى كلامك كده ي اسلام انه ممكن ارفع واوقع باى جهاز مساحى ولكن بتتفاوت الدقةمن جهاز لجهاز

طيب هل فى بعض القوانين تحدد لى مقدار الخطاء فى عملة التوقيع
علشان متكونش العملية سايبة
ولو الخطا ده كان غير مسموح به
فاكيد لازم اوقع تانى

مثلا التيدوليت اوقع نقطة عن طريق الزاوية
ما هى برده القيم المتفاوتة

يعنى على حد علمك يا اسلام

اشكرك يامحمود على هذه الفكرة التى ستقوى من منتداكم وانا اسف للتاخير وانشاء الله اتفرغ بعض الوقت لهذا الصالون واشارك معاكم بموضوعات وتمنياتى لك بدوام التقدم فانت انسان جاد ومتميز

اقتباس:

---

المشاركة الأصلية كتبت بواسطة Mahmoud Slem

طيب هل فى بعض القوانين تحدد لى مقدار الخطاء فى عملة التوقيع
علشان متكونش العملية سايبة
ولو الخطا ده كان غير مسموح به
فاكيد لازم اوقع تانى

---

توقع تاني ده بعد ما تكتشف بعد التوقيع لنقطة او اكثر ان توقيعك كان خاطئ تماما فتعيد ترتيب نفسك مرة اخرى

ايه اللي ممكن يحصل لو وقعنا خطا بدون تدارك الخطا اللي وقعنا فيه في التوقيع :

عند التوقيع الخاطئ للاحداثيات لا يمكن تصحيحه خاصة بعد الانتقال الى المرحلة الثانية و التي تتمثل في الصب الخرصاني

فيكون حل هذه المشكلة تكسير ما تم صبه و هذا صعب و خطير لان الصبة جديدة و صلبة جدا جدا و قد تاخذ اياما طويلة جدا في تكسيرها و الحل الاخر تغيير لوحة التصميم بعمل تصميم معدل هذا طبعا لو كانت قابلة للتعديل مثل بعد عملية صب الخوازيق

امثلة للتوقيع الخاطئ هو عمل اعمدة مقلوبة ,بمعنى انك تعكس اتجه الشمال و تخليه شرقا او العكس و يتم التوقيع على هذا الاساس الخاطئ فيختلف تصميم الاعمدة بدلا من 50 *40سم مثلا فتصبح 40*50 سم بعد عكس الاتجاه

الحل لتدارك الخطا في المشروع : قراءة بيانات اللوحة جيدا و عدم التسرع في التوقيع

شكرا جزيلا

و هل يمكن هنا لو اتعطل منى التوتال

شاتغل بتيودوليت

فى رفع المشروع كله

و ازاى

على الغرم من ان التوتال اشمل و اعم

و التيودوليت برامجه معدوده جدااا

ايه العمليات الحسابيه المطلوب عملها

و العمليات المطلوبه فى بناء سور طوله 200 متر و ارتافعه 6 متر

و العمليات المطلوبه فى بناء حائط عرض 150 و ارتفاعه 100

و شكرا

اقتباس:

---

اشكرك يامحمود على هذه الفكرة التى ستقوى من منتداكم وانا اسف للتاخير وانشاء الله اتفرغ بعض الوقت لهذا الصالون واشارك معاكم بموضوعات وتمنياتى لك بدوام التقدم فانت انسان جاد ومتميز

---

بجد يا دكتور يد ده شرف كبير ليا وللموضوع تلبه الدعوه

ويارب حضرتك تدخل معانا وتفيدنا بخبراتك الشخصية والعلمية
ونتنمى ان الموضوع ينال اعجاب كل اللى هيدخلوا الموضوع

يا اسلام بالنسبة انك تشتغل الشمورع كله بالتوتل ده مش هو الاساس ولكن افرض ان المشروع اجبرك على كده
جهازك باظ اتسرق اى حاجه زى كده
غير معاير
وانت فى مكان بعيد عن البشريه ولو طلبت جهاز جديد ممكن ياخد وقت طويل
فازاى اخصائى المساحة يكون عنده الخبره انه يتصرف فى مثلهذه الامور بخرابتة وطبعا دهههيخلية يستخدم بعضالقوانين الرياضية الخاصة بالمساحة
حتى يساعد على اكتمال العمل

طيب القوانين ايه بقى

انا كتبت المعطيات كلها تقريبا يا محمود و عايزين اى حد من الخريجين يشرح لنا كلنا

او اى حد من الدكاتره و الاساتذه الافاضل

و هل يمكن هنا لو اتعطل منى التوتال

شاتغل بتيودوليت

فى رفع المشروع كله

و ازاى

على الغرم من ان التوتال اشمل و اعم

و التيودوليت برامجه معدوده جدااا

بسم الله الرحمن الرحيم
بص يا اسلام ,انت ممكن تستخدم التيدوليت طبعا لرفع منطقة
انت في العمل المساحي ممكن تلجا للرفع بطريقتين رئيسيتين:

1- بالاحداثيات وله اجهزته طبعا مثل التوتال و ال GPS
2-بالانحرافات و لها اجهزتها برضه مثل التيدوليت الديجيتال او الاوبتيكال و البوصلة و البلانشيطه و التوتال ايضا و يمكن اضافة الميزان ذو المنقلة لو كانت ظروف استخدامه تسمح وهذا كله يرجع الى الدقة المرجوة او المطلوبة من عملية الرفع للمشروع

كل جهاز مساحي له الغرض من استخدامه و ما يميز كل جهاز عن جهاز الدقة فقط


ايه العمليات الحسابيه المطلوب عملها

و العمليات المطلوبه فى بناء سور طوله 200 متر و ارتافعه 6 متر

كل المطلوب منك بينش مارك او روبير ومنها ناتي بال Z + نقطتين معلومتين الاحداثيات X,Y

ثم ياتي دور الاجهزة المساحية المختلفة في توقيع نقطة بداية السور و نقطة نهايته و ممكن كمان نقط اضافية مساعدة على طول السور

اما عن ارتفاعه فليس بها مشاكل بعد كده تعليه 2 او 4 بس انا مش قادر اتخيل سور ارتفاعه 6 متر ,دورين يا اسلام ,شفته فين ؟

السؤال الاخير غير مفهوم ازاي سور عرضه 150 ! الالو كنت تقصد سور يحيط بارض عرضها 150 * 100 كده تفرق طبعا

و زي ما قولنا فوق اما بطريقة الانحرافات او بطريقة الاحداثيات

شكرا جزيلا يا اسلام

و العمليات المطلوبه فى بناء حائط عرض 150 و ارتفاعه 100

و شكرا

جزاك الله كل خير يا ايمن

انا تقريبا فهمت

والله يا شباب .. انا متابع معاكو ومستنى حد يقع فى البحر ويطرح سؤال فى البحرية ههههههه
وعلى فكره تخصصك فى البحرية بيعطى لك فكره واسعة عن أعمال برية كثيرة بحكم انك لازم ترفع خط الساحل بالتوتال وطبعا بالنسبة للـ GPS دا شئ أساسى وأكيد
ما علينا
كلامكم كله زين ..
محمود واسلام وموبوتو .. افتراضات عدم الثقة فى الاجهزة او حدوث اعطال فجائية .. دا صحيح 100% ووارد وعلشان كده المساح المحترف لابد - وممكن نعتبرها من شروط العمل - أن يختبر أجهزته قبل التحرك من المكتب وإتخاذ كل الأحتياطات لمثل تلك الأمور فى الحقل كأن يصطحب معه أجهزة وإكسسوارات إضافية إحتياطيا as a backup .. دا ضرورى جدا لتقليل الوقت المهدور فى الاعطال ولعدم توقف سير الاعمال ودى عملية هامة وصعبة يقوم بها أكثر أفراد الطاقم خبرة والمنظمة العالمية IHO تطلق عليها mobilization وتعنى التخطيط فى المكتب للعملية وما تستلزمه من أدوات وعمل خطة العمل مع الوضع فى الإعتبار جميع احتمالات الاعطال الممكنة الحدوث سواء فنيه أو حتى تخص بيئة العمل سواء كانت مساحة برية أو بحرية وربنا يسهل ان شاء الله ويعيننا ونقدم مقالة مفصلة عن ما يسمى Risk assessment
وتقبلوا تحياتى والله ينور على النقاش والموضوع

شكرا جزيلا يا هندسه

جزاك الله كل خير على المعلومات و الاضافات المميزة

http://img167.imageshack.us/img167/7738/99801138oz2.gif

بجد يا ايمن ردودك بسم الله ا شاء الله
بدل على تميز ومهاره عاليا

بجد شكرا ليكم على المناقشه المثمره

اقتباس:

---

المشاركة الأصلية كتبت بواسطة eslam mamdouh

بجد يا ايمن ردودك بسم الله ا شاء الله
بدل على تميز ومهاره عاليا

بجد شكرا ليكم على المناقشه المثمره

---

شكرا جزيلا يا اسلام

ربنا يكرمك يا رب

جزاك الله كل خير

ايه يا شباب

فين الحوارات ما بينا
عايزين منبطلش كلام
ههههههههههههههههههههههههه
فى العلم يعنى

طيب انا ممكن اعرف ان احنا فى شغل المساحة على الشاطئ بنستخدم ليه شغل المساحة الارضية ومش بنستخدم شغل امساحة البحرية
وكمان ايه الاختلاف والدقة والصعوبة اللى بتقابلنى فى مثل هذا العمل


فينك يا باشمهندس محمد هاشم
انا وقعت فى شبر ماية وانت اللى هتلحقنى
هههههههههههههههههههههههه

فكرة الموضوع رائعه جدا
وان شاء الله كلنا نتستفاد من بعض
بس عايزة اعرف المواضيع العلمية حتنحصر فى المساحة بس ولا ممكن مواضيع غير المساحة
ميرسى كتييييييييييييير ليك

اهلا بيكى وان شاء الله تنورى فى الصالون

ولكن هو خاص بالمواضيع العلمية الخاصة بالمساحة ونظم المعلومات
ومفيش مانع اننا ندخل بعض مواضيع الجغرافيا
ولكن الاساس هو المناقشات العلمية فى المساحة ونظم المعلومات الجغرافية

ووحتى ان كان ده مش مجالك
ممكن تتابعى معانا وتستفادى بمعلومات تفيدى بيها غيرك

ويارب الكل يستفاد

اسمحلى يا صديقى العزيز محمود انى اقول معلوماتى البسيطه المتواضعه عن الفرق بين المساحه البحريه وسماحه الشواطئ والموانى

ده من كتاب الخرائط البحريه للدكتور نيقولا ابراهيم


مساحه الشواطئ والموانى تتخصص فى رفع وتوقيع خط الساحل ةوتوقيع اماكن الشمندوات والعلامات الارشاديه الموجوده فى المياه الاقليميه وتحديد اتجاه القنوات الملاحيه ومراقبه حركات السفن وتحديد ارتفاع المد والجزر وبناء المرافئ الصناعيه والمداخل الاساسيه للميناء .
وتحديد الوقت المناسب لدخول السفينه الى المياه الاقليميه وعمليات الشحن والتفريغ

اما المساحه البحريه فهى تشمل العمل فى اعالى البحار وتحديد المسار الصحيح للسفينه وعمليات استخراج البترول وتكريب الحفارات


وطبعا بالنسبه للاجهزه المستخدمه فى مساحه الشواطئ والمواتى تختلف بعض الشى عن الاجهزه المستخدمه فى المساحه البحريه فيما عدا اجهزه تخديد المواقع العالمى

وتتشابه الاجهزه المستخدمه فى مساحه الشواطئ والمواى الى حد كبير مع المستدمه فى المساحه الارضيه ( ميزان - تيدوليت - توتل)

الموضوع جميل جدا
و يمكن به الاستفاده والافاده وتعديل المعلومات
شكرا ليك يا محمود على الفكره الرائعه ده

و لنتواصل....

طيب بما اننا دخلنا فى المساحه البحريه

يا باش مهندس محمد على اى اساس احدد ميعاد دخلو و خروج السفن من الاحواض

و ايه هى الاسس و الاجهزه المستند اليها فى فعل ذلك

فكره رائعه وانشاء الله الكل يستفيد ويفيد وتقبل مروري

اقتباس:

---

المشاركة الأصلية كتبت بواسطة Mahmoud Slem

ايه يا شباب

فين الحوارات ما بينا
عايزين منبطلش كلام
ههههههههههههههههههههههههه
فى العلم يعنى

طيب انا ممكن اعرف ان احنا فى شغل المساحة على الشاطئ بنستخدم ليه شغل المساحة الارضية ومش بنستخدم شغل امساحة البحرية
وكمان ايه الاختلاف والدقة والصعوبة اللى بتقابلنى فى مثل هذا العمل

فينك يا باشمهندس محمد هاشم
انا وقعت فى شبر ماية وانت اللى هتلحقنى
هههههههههههههههههههههههه

---

انا اهو يا بشمهندسين ... معلش كنت مشغول فى العمل قليلا بس معاكو

بص يا صديقى العزيز العكس هو الصحيح .. عند رفع الساحل يؤخذ فى الحسبان إعتبارات المد والجذر لذا شغل المساحة البحرية هو اللى بيستخدم وبمعنى آخر أدق .. لما نتكلم عن مساحة الشواطئ يبقى بنتكلم على المساحة الهيدروجرافية ..
بمعنى أن رسم خط الساحل بيتم بأجهزة التوتال أو DGPS من خلال البر ولكن هذا ليس معناه
مساحة برية .. لأن المساح بيستخدم جداول المد والجذر فى الحسابات أثناء رسم الخرائط

وذلك لأن خط الساحل الذى هو خط العمق صفر متغير من وقت لآخر فى المكان الواحد ويختلف عرضا واتساعا من منطقة لأخرى (الكويت مثلا فرق المد والجذر يصل فى بعض اوقات السنة لخمسة امتار وفى الاسكندرية 50 سم فقط وفى بعض أجزاء من النرويج يصل إلى 15 مترا بينما فى السويس يصل إلى مترين وهكذا) ودا معناه ان هناك أجزاء تنغمر بالمياه فى المد العالى وينحسر عنها الماء فى الجذر الواطى لذا رفع الساحل يدخل فى بند المساحة البحرية وخط الساحل المرسوم على الخرائط البحرية هو (LAT فى الصورة) الخط الذى لا تصله المياه اطلاقا بينما هناك خط أخر يحيظ بمنطقة مظللة بالاخضر على خرائط الادميرالية الملاحية هى منطقة من الارض تكون جزء من قاع البحر وقتا ما فى اليوم وتصبح جافه يابسه فى وقت آخر
أما الصعوبة كلها تتمثل فى العمل فى مناطق صعبة الوصول اليها فليس كل شواطئ العالم رملية فمنها الجرف الشاهق ومنها الشواطئ الصخرية وما الى ذلك وكلنا يعرف أن منطقة الشاطئ هى التى يتكسر فيها الموج ويوفر بيئة صعبة العمل فيها بدقة
كما أن نطاق البلل/الجفاف الذى يعمل فيه المساح يسبب صعوبة أخرى لذا نرى تقنيات حديثة دخلت المجال (مجال رفع المناطق الساحلية ) تستخدم فيها تقنيات حديثة جدا بالطائرات المروحية و الهليكوبتر Hydrographic airborne laser sounding
حيث تقوم الطائرة بمسح المنطقة الشاطئية باستخدام الليزر فى نطاق طيف اللونين الاخضر والاحمر فالمناطق اليابسه تمتص اللون الاحمر والمناطق المائية تعكسه بينما الماء ينفذ اللون الاخضر ليصل الى القاع ويرتد منه فيمكن حساب العمق فى المناطق الضحلة الشاطئية وفى نفس الوقت رسم الخط الفاصل بين اليابسه والماء
أما عن الدقة فكل اعتبارت الدقة تنصب على أنظمة تحديد الموقع المعروفة سواء كان توتال أو GPS وأفضل طريقة وأسلها استخدام نظام الملاحة ابالاقمار الصناعية مع طريقة الرصد RTK وهى لتوفير دقة عالية وصلت لأقل من قدم واحد

http://www7.0zz0.com/2009/06/17/08/659095645.jpg

ميرسى جدا ليك
انا فعلا ده مش مجالى خالص خالص
بس جميل اعرف معلومات جديدة

اقتباس:

---

المشاركة الأصلية كتبت بواسطة samomran

طيب بما اننا دخلنا فى المساحه البحريه

يا باش مهندس محمد على اى اساس احدد ميعاد دخلو و خروج السفن من الاحواض
و ايه هى الاسس و الاجهزه المستند اليها فى فعل ذلك

---

والله يا اسلام دخول وخروج السفن من والى الموانئ والاحواض يتوقف على ثلاث متغيرات

مقدار العمق فى ذلك الحوض ويقصد به أقل عمق يصل اليه مستوى الماء فى الجذر المنخفض
ومقدار غاطس السفينة وطبعا دا يتوقف على حمولتها
وعامل ثالث اخير وهو سرعة واتجاه الريح
طبعا العامل الاول والثانى مفهوم ايه ضرورتهم لكن الثالث ليه ؟ السبب هو - ودا شغل بحرى بحت للربابنة وليس للمساحين - ان المؤثرات البيئية على السفينة وهيكلها هو الامواج والتيارات البحرية والرياح وفى حالة الموانئ والأحواض الداخلية يكاد ينعدم تأثير العاملين: الموج والتيارات البحرية فبالتالى تكون الرياح لها التأثير الأعظم لذا نجد أن حركة السفن الضخمة نكون بواسطه قاطرات صغيرة للتحكم الكامل فيها أثناء عبورها من بواغيز الموانئ وقد يصل الأمر إلى منع دخولها او مغادرتها اذا ما تجاوز الريح سرعة 25 عقدة مثلا أو 18 عقدة فى مناطق معينة
أما الأسس والأجهزة فهى تستند على أخذ أرصده دقيقة لفترات طويلة من الوقت لحركة الماء ارتفاعا وانخفاضا فى هذا الميناء لسنوات وعليه يتم عمل جداول زمنية لأنسب وقت لدخول وخروج السفن
ويستخدم نظام كالتالى فى تلك القياسات

http://www7.0zz0.com/2009/07/04/02/291299437.jpg

وكنت قرأت مقالة عن حساب فروقات المد والجذر باستخدام DGPS RTK

اسفه اني اتاخرت في الرد
موضوع حلو جدا
و بجد شايفه شرح اكتر من رائع
و معلومات مفيده جدا
ميرسي اويييييييييييييي

اقتباس:

---

المشاركة الأصلية كتبت بواسطة eslam mamdouh

اسمحلى يا صديقى العزيز محمود انى اقول معلوماتى البسيطه المتواضعه عن الفرق بين المساحه البحريه وسماحه الشواطئ والموانى
ده من كتاب الخرائط البحريه للدكتور نيقولا ابراهيم
مساحه الشواطئ والموانى تتخصص فى رفع وتوقيع خط الساحل ةوتوقيع اماكن الشمندوات والعلامات الارشاديه الموجوده فى المياه الاقليميه وتحديد اتجاه القنوات الملاحيه ومراقبه حركات السفن وتحديد ارتفاع المد والجزر وبناء المرافئ الصناعيه والمداخل الاساسيه للميناء .
وتحديد الوقت المناسب لدخول السفينه الى المياه الاقليميه وعمليات الشحن والتفريغ
اما المساحه البحريه فهى تشمل العمل فى اعالى البحار وتحديد المسار الصحيح للسفينه وعمليات استخراج البترول وتكريب الحفارات
وطبعا بالنسبه للاجهزه المستخدمه فى مساحه الشواطئ والمواتى تختلف بعض الشى عن الاجهزه المستخدمه فى المساحه البحريه فيما عدا اجهزه تخديد المواقع العالمى
وتتشابه الاجهزه المستخدمه فى مساحه الشواطئ والمواى الى حد كبير مع المستدمه فى المساحه الارضيه ( ميزان - تيدوليت - توتل)

---

العزيز إسلام ممدوح
اسمح لي يا صديقي العزيز انى أضع بعض النقاط فوق الحروف حسب خبراتي المتواضعة مع كامل احترامي للعميد نقولا ابراهيم
المساحة المائية هي اللفظ الأعم و الاشمل للعلم من حيث النظرية أما التطبيق فهو تارة يستخدم لجس الاعماق فى المجارى المائية كالانهار وتارة لرفع خط الساحل فى البحار أو تحديد عمق الميناء وما يستتبع ذلك من تطهير او زيادة عمقه (لتحديد الوقت المناسب لدخول السفينه الى الميناء وعمليات الشحن والتفريغ) فيما يعرف بالتكريك وكذا وضع الشمندورات الملاحية
لذا لا فرق بين المساحه البحريه ومساحه الشواطئ والموانئ

أما المساحة المائية التى تتم فى أعالى البحار.. اصطلح على استخدام لفظ offshore surveying لها ..
لذا فاللفظ المعرب " أعالى البحار " قد يقودنا الى تصور فرق بين مساحة الشواطئ والمساحة البحرية
على أساس البعد والقرب من الساحل

وإذا اتفقنا على أنه لا فرق بين الاثنان فلا فرق بين الاجهزة المستخدمة فى كليهما (المساحة الساحلية و
البحرية ) واذا كنا نستعمل أجهزة مثل التوتال فى رفع الشواطئ فهو لان تلك الاجهزة تناسب العمل من خلال
البر وليس لتشابه مساحة الشواطئ مع المساحة الارضية وقد قل الاعتماد على ذلك بعد تطور نظم RTK
ووصول الدقة بها لأقل من بضع بوصات (بوضع محطة التصحيح المرجعية على نقطة معلومة واستخدام وسيلة
اتصال بموجات الراديو telemtery system بين الراصد والمحطة )

أما أجهزة الـ GPS فهى كما تعلم .. منظومة لتحديد الموقع مشتركة مع أى تطبيق من تطبيقات علوم المساحة الارضية أو المائية ( الهيدروجرافية)
فى الحقيقة ... التعاريف والأصطلاحات التى استخدمتها تبدو كأنها فلسفية بعض الشئ ولكن وجب التوضيح للإفادة
وكما يقول الدكتور جمعه : والله أعلى وأعلم

الاخ الاكبر والصديق العزيز مهندس محمد هاشم

شكرا على توضيحك المميز , وبجد الفكره وصلت وتعدلت لدى كافه المفاهيم عن المساحه المائيه والمساحه الشاطئيه والمساحه البحريه.....


طبعا ما كتبته لم يكن خطا من العميد نيقولا ابراهيم , ولكنه بالتاكيد سؤء فهم منى للمحتوى العلمى

شكرا يا بشمهندس محمد على توضيحك بوجد الفكره وصلت جدا

وفى انتظار المزيد من حضراتكم

بالمناسبه يا بشمهندس محمد

كان عندى سؤال لحضرتك عن الفرق بين المساحه البحريه المستخدمه فى توجيه السفن والملاحه البحريه والمساحه البحريه المستخدمه فى استخراج البترول......هل فى فرق فى الدقه لكل منهما وفرق فى الاجهزه المستخدمه

شكرا ليك جدا يا بشمهندس

وجزاك الله كل خير

موضوع جميلل جدا يا محمد
بارك الله فيك

اقتباس:

---

المشاركة الأصلية كتبت بواسطة eslam mamdouh

الاخ الاكبر والصديق العزيز مهندس محمد هاشم

شكرا على توضيحك المميز , وبجد الفكره وصلت وتعدلت لدى كافه المفاهيم عن المساحه المائيه والمساحه الشاطئيه والمساحه البحريه.....

طبعا ما كتبته لم يكن خطا من العميد نيقولا ابراهيم , ولكنه بالتاكيد سؤء فهم منى للمحتوى العلمى

شكرا يا بشمهندس محمد على توضيحك بوجد الفكره وصلت جدا

وفى انتظار المزيد من حضراتكم

---

بشمهندس اسلام .. وقاك الله وايانا الخطا والنسيان
انت ممتاز حبيبى ما شاء الله عليك و كله صح .. هو الموضوع بس مجرد الفاظ وتعبيرات وكده
انما انت زى الفل ربنا يحميك ويكتر من امثالك
تحياتى وتمنياتى بالتوفيق فى عملك

اقتباس:

---

المشاركة الأصلية كتبت بواسطة eslam mamdouh

بالمناسبه يا بشمهندس محمد

كان عندى سؤال لحضرتك عن الفرق بين المساحه البحريه المستخدمه فى توجيه السفن والملاحه البحريه والمساحه البحريه المستخدمه فى استخراج البترول......هل فى فرق فى الدقه لكل منهما وفرق فى الاجهزه المستخدمه

شكرا ليك جدا يا بشمهندس

وجزاك الله كل خير

---

الاثنين واحد والله يا سلوم .. تحديد موقع وجس اعماق بنفس الاجهزة بس المعالجه وشكل ومقياس رسم الخريطة والوانها ورموزها يختلف بس وذلك من اجل الغرض فخرائط الملاحة مقياسها صغير ورموزها مختلفة شوية بينما خرائط المسح لاستخراج البترول مقياسها كبير ممكن يوصل 1/1000 بس واهتمامها بالتفاضيل بينصب على الخطوط البحرية والكابلات وطبيعة القاع
وشكرا ليكو جدا
تحياتى

الرفع المساحي هو تخيل الواقع والتعبير عنه علي الورق والعكس

هناك فروق عديده بين الاجهزه اعتمادا علي دقتها لكل ثانيه

بسم الله الرحمن الرحيم

اولا : اشكر اخ محمود علي طرح الموضوع المهم المفيد للجميع (فالعلم بالعمل والعمل بالنقاش )
ثانيا: كنت اتمني ان يفرد لاي موضوع موضوع قائم حتي يكون مرجع يرجع اليه الجميع عند الحاجة لذلك ( فمن خلال الموضوع المقترح تحدثنا عن عدة مواضيع اخري داخل الصفحات)
ثالثا: كنت اتمني ان تكون المشاركة مباشرة عن ذكر التهاني والحمد (لان الموضوع مفروض يكون مرجع )

رابعا: هناك مقوله مشهورة تقول (اضف عمرا الي عمرك) وذلك باضافة خبرات الاخيرين الي خبرتك

خامسا: سوف اكتب عن موضوع الرفع المساحي (داخل هذا المنتدي وضمن مقترح الاخ محمود ولكن في موضوع منفصل)

اخي محمود باراك الله فيك
وجزاك الله خيرا
فانت لست في الفرقة الثالثة
انت استاذ بتقديم الافكار الكبيرة

بجد يا بشمهندس محمد انا استفدت فعلا و الله من خبرتك

جزاك الله خيرا