عرض للطباعة
بصراحة مش عارفة ابتدى منين ولا ازاى
اولا اعرف نفسى
الاسم : امل محمود
السن 19 سنة و6 شهور
عندى 3 اخوات
هشام 18 سنة
جهاد 11سنة
علياء 7سنين ونص
عليتى واصحابى كل حاجة فى حياتى
قبل الكلية مكانش ليا اصحاب خالص
وفى الكلية ابتديت اعرف صحاب
بقا ليا صحاب كتير جدا الحمد لله
كنت بانتقم بقا وبعوض الفترة اللى فاتتنى من غير اصحاب
هههههههههههههههه
معرفتش معنى اهمية الصداقة فعلا الا اما وقعت فى مشكلة
وملقتش حد جنبى يصبرنى بعد ربنا غير اصحابى
دلوقتى مقدرش استغنى عنهم
بالنسبة لطفولتى
انا محبتهاش خالص
ومش بحب افتكرها اصلا
كانت صعبة عليا
وبما انى انا واخويا هشام سننا قريب من بعض
كنا كل حاجة بنعملها مع بعض
ومكانش فى تفرقة فى البيت عندى بينى انا وهو خالص
بالرغم من اننا صعايدة
ههههههه
لا تتسرع فى اختيار حبيبك لتسد حاجتك من الفراغ الذى يملأ قلبك حتى لا تعيش فى وهم تفيق منه على جرح اصعب من الفراغ الذى كنت تعيشه
و تهدأ الأحزان
إن ضاق العمر بأحزاني
أو تاه الدمع بأجفاني
أو صرت وحيدا في نفسي
وغدوت بقايا إنسان
سأعود أداعب أيكتنا
وأعود أردد ألحاني
وأعانق دربا يعرفني
وعليه ستهدأ أحزاني
مواقف طريفة حصلت معايا فى طفولتى
انا وهشام بما اننا طول اليوم وشنا فى وش بعض
كان لعبنامع بعض وبس
وهو كان شقى اوى لانة ولد
وانا كنت هادية بس ميغركمش
اتشاقيت بسببة
كنا بنطلع فوق دولاب اوضة النوم فى الشقة القدبيمة بالسلم
وكان فى فرق بين سقف الدولاب وسقف الاوضة
كنا بنطلع فوق الدولاب وننط من علية على السرير
وفى مرة بدل من انى انط عالسرير نطيت عالارض
وعينيكم ماتشوف الا النور
الحمد لله مااتكسرتش فيا حاجة
لكن صباع رجلى الكبير حصلة شرخ بسيط
وبردو محرمتش واستمرينا فى النط بعد ماخفيت
ومن ضمن شقاوتنا انا وهو بردو
كان عندى 5سنين وهشام3
ماما راحت السوق وسابتنا سوا نايمين
صحينا ملقنهاش
وقعدنا نعيط
لغاية ماجت ماما
حسينا بيها بتفتح الباب قومنا استخبينا منها
وطبعا دخلت الشقة ملقتش حد
قعدت تدور علينا ملقتناش
قامت مشيت وقعدت تدور علينا عند قريبنا كانو جنبنا
وكان يووووووووم
وكل دا واحنا مستخبين
ههههههههههه
بس اخدنا حتة علقة
ايييييييييية
عنب
ههههههههههههههههههههههه
بالنسبة للاختين الحلوين هناء وشيرين (جهاد وعلياء)
دول بقا زى بناتى
اما واحدة فيهم بتعيط بحس انى عايزة اعيط معاها
ولو واحدة اتعورت ولا جرالها حاجة بتلاقينى جريت عليها قبل ماما
مقدرش استحمل عليهم اى حاجة
اختار الى بعدى
هبة بيبو
انطلقى يابيبو
موضوع جميل جدا
عسل اووي حكاية النط من الدولاب للسرير ههههههههههه كل دا وهادية
متنظرةةةة هببببببة تنورنا