انت اللى منور يا اشرف و اللهاقتباس:
المشاركة الأصلية كتبت بواسطة tiger
عرض للطباعة
انت اللى منور يا اشرف و اللهاقتباس:
المشاركة الأصلية كتبت بواسطة tiger
حلمي
في البيت
أن يكون والدي بصحه وسلام وأخواتي كمان
و اني اموت قبليهم عشان مش هقدر على فرقهم لحظه
حلمي في الدراسه
أمنيه حياتي أن أكمل هندسه أسكندريه بص دخلني وموتني فيها
حلمي العملي
أن يكون عندي أكبر شركه هندسيه و مقاولات
حلمي في بلدي
ياريت تنضف !!!
حلمي في كليتي
أن يغيروا أسم كلية الاداب بصراحه أسم تقيل ومش لايق على المساحه !
أسف يمكن احلامي أحلام يقظه
هو الفرح من غير حضريتك يبقى فرح يا استااااذى ده كلام برضه
و ما تخفش ان شاء الله حبعت لحضريتك ميسد كووول من استراليا
اسلام عمران
مندوب الفرقه الثالثه شعبه نظم معلومات جغرافيه
ايه يا استاذ محمد الموضوع الجميل دا
انا دخلت لقيت القسم بيشع نور غريب كدة
وبعد البحث وبعد ماجيبت كورومبو .. عرفت السبب موضوع لاستاذنا الجميل..
منور والله ..
انا باختصار كل اللى نفسى فيه يتلخص فى كلمة واحدة ((العدل))..
على فكرة هارجع تانى واجاوب بالتفصيل ... باشكرك جدا
ايه الموضوعات الشديدة دي يا استاد محمد
اقتباس:
المشاركة الأصلية كتبت بواسطة mesa7a
منور الموضوع و الله ياباشمهندس
ربنا يدى لوالديك الصحة و العافية و يفرحوا بيك و يتشرفوا بيك كدة
من غير مانقول يومى قبل يومهم و كلام الناس العواجيز اللى اللى زى حالاتى
وبعد اذنك مش احسن حاجة هندسة انت اثبت نفسك فى مجالك و سيبك من المسميات يا باشمهندس
بس حلو تغيير اسم الكلية علشان مش لايق على اسم شعبة فى احد اقسامة
طاب مايلغوا على كدة الشعبة احسن
ههههههههههههههه
عالعموم ربنا يوفقك و معلش لو كنت اتاخرت فى الرد عليك
اقتباس:
المشاركة الأصلية كتبت بواسطة ميرا مار
القسم منور بناسة يا باشمهندسة
ودا شرف ليا انا انى أكون معاكم فى القسم
وحضرتك و الله منورة الموضوع
بس بجد شملتى كل شئ بحلمك
.....
.....العدل.....
.....
مااقدرش غير انى اقول
يـــــــــــــــــارب
يتحقق
سؤال جميل أوى يااستاذ محمد...بس صعب أوى دى تالت مرة اجاوب عليه وأمسح الإجابة
بس سؤالك فكرنى بأبيات حكيمة جداً للعقاد بتقول....
صغيرٌ يطلبُ الكِبرا .. وشيخٌ ود لو صَغُرايمكن الابيات مش بتتكلم عن الاحلام بالتحديد بس عن عدم الرضا بالحال مهما كان....!!!
وخالٍ يشتهي عملا ً.. وذو عملٍ به ضَجِرا
ورب المال في تعب .. وفي تعب من افتقرا
وذو الأولاد مهمومٌ .. وطالبهم قد انفطرا
ومن فقد الجمال شكي .. وقد يشكو الذي بُهِِِِرا
ويشقى المرء منهزما .. ولا يرتاح منتصرا
ويبغى المجد في لهفٍ .. فإن يظفر به فترا
شُكاةٌ مالها حَكَمٌ .. سوى الخصمين إن حضرا
فهل حاروا مع الأقدار .. أم هم حيروا القدرا ؟
أما عن أحلامى ...يمكن من ست سنين كان ممكن اجاوب على السؤال ده زى كل الناس ،،،بس دلوقتى للاسف صعب أجاوب إجابة أحس الناس هتفهمها ...بس بردو هجاوب أو بمعنى أصح هفضى اللى فى قلبى
هكلم الاول عن الناس القريبين منى
والدى والدتى بحلم إنى أخليهم يحجوا بيت الله ده فى المستقبل ...أما فى اللحظة دى نفسى أبوس إيدهم أوى
أخويا اختى أتمنى إنى أكون الحضن اللى يرموا همومهم فيه ومشوفش فى عنيهم أى نبرة حزن او حيرة
أصحابى...هو حلم غريب شويه بس نفسى أطمن عليهم ...(أنا بحس إن أصحابى ولادى)
أساتذتى....رغم إنى مش من المتفوقين فى الدراسة بس بجد نفسى أتخرج وكل واحد فيهم حتى لو ميعرفنيش بالاسم بس يكون جواه شئ ليا يخليه لو ربنا اراد وشوفته بعد كدا حتى لو شبه عليا من بعيد أشوف فى عنيه نظرة رضا وإبتسامة
شخص عزيز أوى عليا وهى توامى ...نفسى أشوفها أسعد إنسانة فى الدنيا ولو بإيدى بجد أحضنها فى قلبى وأبعدها عن اى حزن أو جرح
أما عن المجتمع حواليا
الشارع...انا اكتر شئ يسعدنى فى الشارع إنى أسمع دعوة من حد ميعرفنيش ولا أعرفه لمجرد موقف حصل معاه بتكون صادقة اوى ...نفسى أشوف الرحمة بين الناس فى الشارع هتفرق كتير أوى
أما عنى انا ........
دراستى...مش مهم تقدير ولا شهادة بصراحة بس أتمنى إنى اللى درسته ينفعنى فى حياتى وأنفع بيه حد تانى
شغلى...بصراحة سيباها لربنا وإن كنت بشوف إنى خلقت لمهمة اكبر من العمل الوظيفى
شريك حياتى...انا بشوفه حد اكبر من كلمة حلم او امنية لآنه عبارة عن الجزء التانى من الحياة وكانى بتولد من جديد مع فارق انى بكون مدركة شويه للحياة..بس نفسى فى حد أحبه أوى ولما اديه عمرى وحياتى كلها أحس بردو إنى لسه مقصرة فى حقه عندى
أولادى (إن شاء الله) يوسف وفاطمة...نفسى احفظهم القرآن كله بإذن الله
وبعد كل الكلام ده عندى حلم صغير اوى اوى ..........نفسى أحس بالامان
انا نفسى انى اموت وأنا بأذن ..عشان أحشر وانا بأذن يوم القيامة..
نفسى كمان احلم بالرسول...
بحلم بجيييييييييييييييييييييييييييييييش كبيييييييييييييييييييييييييييييير (جيش الامة العربية ) وهو بيحارب اليهود...
اولا الموضوع جديد ورقيق......بس لما فكرت ف كل اساله حضرتك لاقيت الاجابه توجع اوى..يمكن عندى انا بس....لاقيت انى نفسى فى حاجه واحده بس...... وهى انى اعد لوحدى فى جزيره بره الارض.. .(بره الكره الارضيه)وما يبقاش فيها حد ابدا معايا غير امى و بس..لان الناس بقت وحشه اوى ..