عرض للطباعة
يا خبر ابيض يا وائل وجودك منورني
على فكرة لو تابعت الردود
هتلاقي الدكتور السيد الزغبي رد بعد ما حطيت الموضوع على طول
وما شاء الله كان قمة المشاركة والروعة
وراجعة
وما تقلقش خالص
انزل انا مصر ان شاء الله واتقابل بالدكتور سيد وصدقني ان شاء الله هتلاقي حاجات حلوة قوي
وبكرة تشوف
بس على رأي الباشمهندس محمد هاشم
الموضوع محتاج
1- ورقة وقلم
2- ترابيزة مدورة
3- شاي تقيل على حساب الدكتور سيد
ويا وائل باشا
ارجوك ما تبخلش علينا بالردود الايجابية
والنقد
انا بأموت في النقض
بس البنااااااااااااااء
بشمهدنس محمد ،،،
إسمحلى أحييكى جدا على الفكرة الرائعة دى فعلا موضوع كويس جدا ويستحق الدراسه بشكل جدى سواء من الرابطه وإداراتها وحتى مننا كأعضاء كمان
وبصراحة كلامك تقريبا جالى فى وقت انا فى امس الحاجة اليه خصوصا انى وعدد لا باس به من الاعضاء هتخرج خلاص خلاص شهور بل أيام قليله وفعلا انا متخوفة جدا من فكره انى اقعد فى البيت دى او انزل اشتغل اى شغل ـ مع عدم التقليل من شأن أى عمل ـ لكن شغل فى غير مجالنا خالص
انا السنه دى ليسانس آداب جغرافيا ونظم معلومات جغرافية ..ومش عارفة بصراحة أبدا منين ولا إزاى ؟؟
صحيح انا لا انكر مجهود الرابطه الايجابى جدا جدا والحق يقال بس احنا بنطمع فى المزيد وكمان من حق الرابطه علنا ان يكون لينا دور فى ده كلنا بلا استثناء
اخيرا انا بحيي حضرتك مرة تانية وشكرا جزيلا وآسفه للاطالة
وفى انتظار البدء فى شئ رائع وممتاز زى ده
يا سارة
انتي اسم غالي قوي
وما تقلقيش خالص
ان شاء الله دور الأعضاء مهم زي دور المشرفين
وصدقيني طول ما المسئول عن القرارات بياخد بالاقتراحات
ان شاء الله هيبقى فيه جديد
مش هطول عليكي
وده لينك لموضوع لي
بعنوان الخطوات العملية لالتحاق المساح بسوق العمل
http://www.mesa7a.com/forum/showthread.php?t=7459
:pقشطه عليك يا محمد يا فرارجي
ولعتها يا معلم و الدنيا خربت
لاحق بقي علي الردود و المناقشات و الحوارات و الإقتراحات
قشطه عليك يا مان
قابل بقي طابور العاطلين عن العمل اللي هايستنوك في المطار
و إنت راجع بالسلامه إن شاء الله
هههههههههههههههههههههههههههههههههههههههههههههههههه ههههههههه
شربات يا واد
على فكرة
المساحين مطلوبين
والحمد لله انا واثق من اللي باقوله
وبإذن الله هخليني ورا الرابطة دي لحد مفيش حد هيقعد بإذن الله
هوه صحيح حماس بس اللي خلاني متحمس اكتر
رد الدكتور سيد بعد كتابة الموضوع مباشرة
وساعتها هنشغلك يا فقر عشان ما تنبرش فيها
وائل انا بأهزر
والله كلكوا اخواتي
بس والله ووعد بإذن الله أول حاجة هعملها لما أرجع
بعد العيد إن شاء الله
هخاد شاليه في اسكندرية انا والبت سارة وأمها
ههههههههههههههههههههههههههههههههههههه
وطبعا لازم اقابل الدكتور سيد
والموضوع يا وائل اللي مشجعني ليه إنه ربحي
واخد بالك
استثمار
بس استثمار خدمي
وده افضل حاجة نقدر نقوم بيها
وأنا من هذا المكان بأعلن
مروحة هدية لكل عاطل وشمسية
وكمان كرسي وسنارة
ده للاسكندرانية
وهمتكوا معايا
ووالله اللي هلاقيه كاتب بن؟؟؟؟؟ السيركل هاه واخدين بالكوا هقطعه
شوف بقي يا محمد بك أنا تحت أمر الرابطه و الدكتور سيد الزغبي و تحت أمرك و أنا كنت إقترحت علي الدكتور سيد إنشاء فرع للرابطه في القاهره و فرع إقليمي في بني سويف أو المنيا لخدمه الصعيد و الله الدكتور سيد إهتم بالموضوع جدا بس أنا عارف إن مشاغله كتيره قوي و ربنا يعينه بس حاجه حلوه لما نفكر كلنا بعقولنا و ندمج أرائنا و أفكارنا و أرائنا مع بعض و الله هانبقي حاجه تانيه خالص و إحنا إن شاء الله كل حاجه حلوه هانعملها كلنا مع بعض و الكل منها هايستفيد بإذن الله و لازم أول حاجه كلنا نهتم بيها و نخليها أوليتنا هي النقابه
يا ريت يا محمد أقدر أتواصل معاك علي الياهو تبقي عملت فيا خدمه كبيره قوي
يا برنس الليالي وشك حلو قوي
الموضوع ده وصلني بيه اشارة عالياهو بعد ما انت ما كتبته على طول
بالصلى عالنبي
فجأة كده ومن غير مقدمات لاقيت الجهاز راح لون وجه لون
وادخل يا وائل يا خويا عالموقع ألاقيه واقع
لما زهقت فقلت هيه بانت
هههههههههههههههههههههههه
وائل انا باهزر طبعا
بص يا وائل
مفيش مؤسسة ناجحة بتنجح بالفكر الفردي
وخدها قاعدة لا خاب من استشار
ومش شرط السن انا شايفكوا كلكوا سابقين سنكوا
وموضوع فروع الرابطة الاقيمية ممتاااااااااااااااااااااز
بس
التنفيذ والتنفيذ ده
ان شاء الله هيتم بس عايز دفعات واحنا فيها ان شاء الله
بس تعرف اللي اهم من كده ايه؟
التعريف بالرابطة
قل لي كده كام واحد مساح في مصر مشترك في الرابطة؟
انا نفسي مش مشترك
طب قل لي كتم مساح يعرف الخدمات اللي بتقدمها الرابطة؟
طب ايه الميزة اللي هتخلي بتاع المحافظات ينزل اسكندرية عشان يشترك؟
اسئلة عايزة بلورة
بس الحل السريع دلوقتي
حملة اعلانات على المواقع بس والله مش عارف الميكانيزم بتاعها ايه؟
فمن وجهة نظري الاعلام ثم الاعلام ثم الاعلام ثم الاعلام
من خلال حملات مدروسة
فمن باب اولى ان عدد الأعضاء يزيد
ومن باب أولى عدد الزوار يزيد
عارف ده معناه ايه؟
ان انت ساعتها كمنتدى مش هتكلف الرابطة مليم عشان الاعلانات اللي هتيجي لك
لأن الاعلانات بتروح للمواقع الأكثر تصفحا
وبعد كده يكون الموقع ربحي
فهمتني يا برنس الليالي؟
يلا ساهم بقى بشوية افكار
عشان الأفكار اللي هتتحط
هتتبلور كخطوط عرضة هنتناقش في آلية تنفيذها ان شاء الله
وعلى فكرة ممكن ده يبقى اعلان كويس جدا في المنتدى
بس بعد الامتحانات طبعا
حملات مثلا
الأولى للتعريف بالمنتدى لأكبر قطاع من المساحين ومنها مثلا اننا نحط اللينك كاعلان لكل اقسام المساحة في كليات مصر
ومنها اننا نطبعه مثلا ونوزعه على الخريجين
طبعا اللي باقوله مش كل حاجة
يعني فكروا معايا
والحملة التانية
حملة الأفكار
وهندفع فلوس كمان للأفكار اللي هيتعمل بيها كتشجيع مبدئي يعني هنبدأ بالخطوات العملية مننا الأول
وهكذا ان شاء الله
يا رب يا وائل الناس تساهم
انا بس مستنيهم يخلصوا امتحانات وان شاء الله هنبدأ في اللي قلت عليه
انا سعيد جدا جدا جدا بكل بهذا الحوار الجميل الممتع والمفيد جدا ايه الحماس ده انا نفسى فى كدة ومش لاقى الا القليل من الاشخاص اللى واقفين معايا وده مش كفاية كل الافكار دى والحماس ده انا اتمناه وانا على اتم الاستعداد لتبنى هذه الافكار والمقترحات القوية واللى ممكن تنفيذها ارجوكم استمروا وبأذن الله سيتحقق الخير لكل زملائنا وابنائنا فعلا الرابطة محتاجة جهد كبير وناس مخلصة ويالا ايدينا فى ايد بعض مع جزيل شكرى وتقديرى لكم جميعا
يا دكتور قلتك حضرتك قبل كده
اعتبرنا رجالتك ان شاء الله
وان شاء الله مش بالكلام وباذن الله حضرتك هتشوف ده لما انزل الاجازة ان شاء الله
حتى لو مكنش فيه نصيب اتقابل بالمهندس محمد هاشم فإن شاء الله
هقابل حضرتك ونتناقش ان شاء الله في الاقتراحات
وبخصوص الاقتراحات اللي عندي ان شاء الله هحاول ابلورها قدر استطاعتي وفي حدود دراستي
وان شاء الله واثق في كل اخواتي اللي في المنتدى انهم هيساعدونا
كل حسب استطاعته
ولد او بنت وان شاء الله هنساعدهم بقدر المستطاع
لا لا مفيش نصيب ايه يا محمد
يا دكتور سيد حنرتب ميعاد أكيد ونزور حضرتك فى الكلية
بس انا يمكن اسبق محمد الفرارجى فى النزول
لكن ان شاء الله حنتلم كلنا فى مصر عند حضرتك نتابع فكره محمد ..