عرض للطباعة
هو مين ده ياعم الحاج اللى مفيش بنات تشتغل,عمرك ماسمعت عن البت اللى بمليوووووووووووووون راجل,وعلى فكره طول ماانتوا بتحقدوا كده عمركوا ماحتطلعوا لادام ابدا,وعشان خاطر الكلام ده بتخلونا احنا نشتغل اكتر ونتعب اكتر عشان نثبت العكس وعلى فكره العبره بالنهايه ومش كل ولد بيقدر يعمل اللى المفروض يعمله لكن البنت الجدعه لما بتتحط فموقف شغل بتشتغل بجد وباذن الله حتتفرجوا الشغل بتاع دفعه السنه دى.وحقولك يكفى ان الاولى عالدفعه صاحبتنا وبنت اظن دى كفايه عليك وكلنا ناويين باذن الله نشتغل ونثبت جداره.
اقتباس:
المشاركة الأصلية كتبت بواسطة amiran
انتي مزعلة نفسك ليه هو حد قلكم هتقعدوا في البيت لسمح الله لالالالالا بالعكس انا مؤمن بالمرأة العاملة بس لو انتي هتقتدري تستحملي جو المساحة وقرفها تبقي فعلا زي مبتقي ست بمليون راجل بس صحيح هيا الست لما تكون بمليون راجل دي يعترف بيها انها ست جميلة ورقيقة وكده ولا متوحشة بئا وحاجات كتيرة يصعب وصفها ياريت الكل يفهم انا قصدت ايه بالموضوع
وهعدها للمرة الاخير البنات هيشتغلو وكل حاجة وده شئ عظيم في حياتنا ان المرأة يكون لها دور فعال في المجتمع واكيد في مجالنا في الاعمال المكتبية تشتغل سكرتير او رسامة كده يعني مش وحش انما شغل مساحة معتقدش
بسم الله الرحمن الرحيم
انا مش هعقم كتير علي الموضوع ده
شوفوا بقا الاستاذ محمد قال ايه في الصفحة دي
http://www.mesa7a.com/forum/showthre...=2729#post2729
ولا تعقيم
اولا السلام عليكم ورحمة اللة وبركاتة
ثانيا مفيش حاجة اسمها البنت ملهاش لازمة فى شغلانة
ثالثا ودة الاهم لية بتستهزأ بالبيت والمطبخ والغسيل والعيال اللى انت اصلا متقدرش تستغنى عنهم انت مثلا لوخرجت زى ما بتقول فى الشمس والصحراء والحر مش لما ترجع البيت بتلاقى اكل وبيت نظيف ولو الاكل مش جاهز يا سلام على الصوت والصحة اللى حترد لك وانت عمال تشخط وتعلى صوتك فالبنت ليها اهمية ويمكن اكتر منك لان لو هى مش موجودة يبقى انت مش موجود فلو سمحت اتكلم عنها بشوية احترام وتقدير لدورها
رابعا انا لسة فى ثانية ومعرفش حاجة عن مساحة قد كدة بس انا لو ربنا اراد ودخلتها انا بوعدك انى حخليك تغير فكرتك عنهم وعلى فكرة مش كل البنات زى ما انت فاكر بتوع مامى وبابى واخواتى بيفطروا مربة يوماتى فية بنات بمية راجل ويردة مش كل الصبيان رجالة بقى ونظام تايسون اللى انت عايش فية دة فية صبيان خرعة ومتقوليش ما قابلتش لانى قابلتهم كتير ومنهم ناس فىالقسم عندنا وسلام دلوقتى علشان رايحة المطبخ
كلام جميل بس برده البنت عمرها صدقينى ماهتبقى زى الراجل عشان البنت اتفضلت عن الراجل فى حاجات كتير اداها ليها ربنا سبحانه وتعالى ووصانا بيها سيدنا محمد (ص) وبرده هى الأم والأخت والزوجه يعنى من اجمل 3 حاجات فى الدنيا يبقى مش مستنيا الشغل يعنى عشان تتميز فيةه او يعنى تتنطط بيه علينا او على جوزها .ههههههههههههه
اقتباس:
المشاركة الأصلية كتبت بواسطة white_heart
هههههههههههههههههههههههههههههه
احنا مش بنستهزا بحد
غرضنا شريف و قصدنا ان شغل المساحة بس للبنات صعب عليهم مش اكتر
وانهم ميقدروش يستحملوا خالص بعكس الراجل
مش كلامي صح؟
هما يا أيمن مش عايزين حد يخاف عليهم شكلهم
مهو لو كل بنت استرجلت وقالت انا بمليون راجل دي تبقا كارثة
هههههههههههههههههههههه
يا حسن خليهم يحلموا الحلم العربي
انا مستغرب من الرقم المليون دة كنت فاكر ان البنت ب 999999 راجل
هنعمل ايه بس هما محسسنا ان الموضوع عافية يعني
الواحد متهيألو انهم أكتر من كده يا أيمن وحاسب علشان الخطر
بص بقى انت وهوة البنت احسن منكم كلكم على الاقل تحت رجليها الجنة يعنى لو زعلتها تطرد منها بالسلامههههههههههههههههههههههههه وبعدين انتو عمالين تقولوا البنت متنفعش فى حاجة متنفعش فى مساحة خلاص خليناها لكم بس انتو اصلا عملتوا اية فيها ما انتوا بتدرسوا وبعدين على راى اللى قالتها بتقعدوا على القهاوى وتنسوا كل حاجة ويا عينى لو حد فيكو اتوظف بيبقى عاوز يبقى رئيس مجلس ادارة فى اسبوعين ومتنكروش لانى عندى نفس النوعية :p:p:p
اقتباس:
المشاركة الأصلية كتبت بواسطة white_heart
هههههههههههههههههههههههههههههههههههههه
بلااااااااااااااااااااااااااش
انا ولله الحمد القريبين مني عارفين انا شغلي عامل ازاي
وكفاية يعني شعار الشركة اللي معلقة في التوقيع بتاعي و كان ليا الشرف اني اشتغل مش اتدرب معاهم
وياريت محدش يتشاقى عشان محدش يتعور
ههههههههههههههههههههههههههه ياحول الله
خلينى انا برضو كل ماادخل هنا افضل اضحك عليكم كدا هههههههههههههههههههههه
بقولكم ايه عشان ترتاحو انتو الاتنين ما ايه رأيكم نقفل القسم خالص
هههههههههههههههههههههههههههههههههههههههههههههههههه ههههههه
ياربىىىىىىىىىى منكم لله
كل دا وعلى المنتدى امال لو عرفتو بعض فالكليه هيكون فى ضرب نار ولا طرد من المواقع هههههههههههههههههه
اقتباس:
المشاركة الأصلية كتبت بواسطة white_heart
هههههههههههههه منورة يا مي مالك اعصابك يا بنتي مش كده اهدي انتي بس حد يجيبلها واحد شاي بحليم يا جماعة
وعلى فكرة يا شيمو احنا لو اتقابلنا مش حنتخانق علشان احنا اعصابنا باردة
اقتباس:
المشاركة الأصلية كتبت بواسطة white_heart
والله يا مي انتي صعبانة عليا
الله عليك يا ابو على اذا كان احنا شاربين المراقتباس:
المشاركة الأصلية كتبت بواسطة thesurveyor
على فكرةيا بنات
اقولك على سر متقولوش عليةلحد
1- ايمن جمال كان الصبف دة شغال فى بورسعيد
2- السيد جابر الصبف دة كان فى السويس
3- هيثم يوسف الصيف دة كان فى مدينتى
4- العبد لله الصيف دة كان فى سيدى عبد الرحمن
و غيرنا كتير
من الاخر اطلعوامنها و احنا نلاقى شغل
طبعا كلنا شغل مساحة عشان الدماغ متروحش لبعيد و تفتكرونا كنا بنصيف
ههههههههههههههه وتعالوا شوفوا منظر احمديكو بقا عامل الزاي مش هقولكم يعني
اقتباس:
المشاركة الأصلية كتبت بواسطة ahmedko
احمد دلوقتي بقى احمد المعدل قبل التحميض
هههههههههههههههههههه
عرفين برة فى اوروبا والدول المتقدمة
بيعملوا حفلة بعد كام سنة من التخرج .. ويشوفوا حال الناس
على كلامكم بقى احنا هنتلخبط مابين الصور والنيجاتيف بتاعها
مش فاهمك يا بشمهندسة
أنا مردتش اكتب اى حاجة غير لما اققرا اللى إتكتب كله.
حلو يا حسن الموضوع ومحتاج نقاش فى مجتمعنا هذا (المجتمع الشرقى) , لان دور المرأة محدود فى نظر الرجل الشرقى ,وده مش عيب , ومقدرة شعور الولاد كلهم تجاهنا.
وبشكركم على تعاطفكم معانا .
بس احب أقولكم أنتوا ليه حطيتو دور البنت طبخ وكلام من ده ,دى امور بديهية لو شفت بنت بتقول مبعملش حاجة سورى العيب فيها لوحدها.
الموضوع ميتوقفش عند الحد ده , ده اسمى(أعلى ) شغل فى رأى ان تكون الست رئيس مجلس ادارة المنزل.
لكن دلوقتى ,حاليا, الان, فى عصرنا ده , فى عصر العولمة وعصر الانفتاح ودور المرأة الفعال اللى عمال بيزن فى ودننا .
احنا ملناش ذنب فى اللى احنا فيه قالونا لازم ناخد حققوقنا لازم نشتغل زينا زى الراجل.( بصرف النظر عن نوعية الشغل سواء مساحة او غيره )
يعنى اصعب شغلانة للست فى راى, البيت وتربية لاولاد والله صعبة جدا جدا ومحتاجة بذل جهد اكتر من 20 ساعة فى شمس , خوف ام على ابنها او جوزها اصعب من منظر تعبان يخوف او حشرة غريبة تشوفها.
فقلبها واعصبها تتحمل أكتر من كدة.
لو قسنا قوة التحمل عند الراجل والمرأة ,بالطبع قوة التحمل عند المراة أقوى من الرجل وده مش كلامى ده كلام علمى وابحثوا فى الموضوع.
نرجع لنقطة تانية ان البنت بعد ما بتخلص جامعة تعمل اية ؟ حتروح طبعا تدور على شغل , ولا حتورح تدور على عريس تتقدملوا عشان مينفعش تشتغل زى ما بتقولوا .
فى الزمن ده بصراحة الراجل بيطلب من الست تساعده فى مصاريف البيت هوة للى بيقولها تشتغل وهية اللى مش عايزة,
ياجماعة أنتوا مش حاسين بالدنيا دى بتغلى , بس لسه فى رجاله عندها كرامة مبتحبش تشغل الست بتعته ( شكلكوا كلكوا من النوعية دى).
بطلب طلب منكم تكون الاراء محايدة لكى نستفيد من الموضوع ونطلع بالمفيد وبلاش كلام دبش يا درش (لكل الولاد)
انا كسارة لن اتنازل عن عملى بإذن الله , لكن لو جه الوقت اللى تكون هناك اولويات اهم من العمل, بيقى بدون تفكير اتنازل عنه (اللى يستاهل)
كلام متوازن يا سارة وانا كان نفسي كل البنات يفهمو انا قصدت ايه الموضوع مش عند ولا حاجة الموضوع مسئلة قدرات
اولا متفقين ماشي ان شغل المساحه مرهق وممكن البنت تتعب منه ومش هننكر برده ان فيه ولاد ملهاش فى الطور ولا الطحين وزى قلتها وبنات كتير احسن منهم وبعدين كفايه انى درست حاجه بحبها وعندى فضول انى اعرف فيها اكتر
وبعدين يا اخ the master مفيش واحده هتروح الشغل فى الصحرا هتاخد ابنها معها الشغل وتسيبه يلعب فى الصحرا ماهى مش رايحه النزهه ياريت الموضوع ميبقاش هزار كده وخلاص اللى يقول كلمه يكون عارف بيقول ايه
برافوا عليكي يا نوجا انتي كده فاهمة كل حاجة والحمد لله ادي خريجة متقولكم مفيش شغل للبنات في المساحة ظهر الحق
حسن متحورش الكلام احنا لينا القدره اننا نشتغل فى المساحة حتى ولو القله مننا بس انتو بتنفو ده بس احنا عندنا قدره عايله جدا على التحمل اللى بيخلينا نستحملك يخلينا نشتغل فى الصحراء ولا ايه يا صديقى
أنا خايف أتكلم أخد ضربه زى ما حصل فى اللقاء فى واحده زميلتى أحم أحم عارفه نفسها أكيد فاكره أن قدرت التحمل عند البنات كبيره وأحب أفكرها أن مش كل البنات عندهم قدرة تحمل والى عندهم القدره زى حضرة الباش مهندسه رانيا قليلون جدا جدا جدا جدا كمان مره جدا وبجد حسن وأحمديكو والعبد لله وأى شخص أتكلم فى الموضوع الشغل ده أتكلم من رؤيه واقعيه وعمليه 0
ملحوظه : نداء للبشمهندسه رانيا حضرتك مكلفه تجيبى صور الجنس اللطيف الى شغالين فى العمل الحقلى وكمان أحصائيه بعددهم فى المجال ده وخدى بالك فى ناس نفسهم يشوفو الحاجات دى0
حضرتك قولتى كده فى اللقاء مع السبعه الأوائل المتقدمين لشعبة المساحه0
اوك يا لذيذ ححط صور للموقع اللى انا كنت شغاله فيه وحوريكم ان البنت ممكن تشتغل فى المساحه
لالالالالالالالالالالالالا كلام اشرف واضح يا رانيا بيقولك هاتي صور بنات بتشتغل وبتتطحن زي الشباب مش تقوليلي صور موقع .... ال موقع ال ورينا البنات بتشتغل الزاي في الموقع ....
حسن انت جى تهدى النفوس ولا ايه لا انا واشرف كنا متفقين فى الفيديو وروح اتفرج عليه انى ححط صور الوقه مش صور بنات فهمت يا كعبووووووووووووووووووووووووووووووووووووووول
حضرتك يا باش مهندسه لازم تخلى البنات يكون عندها أمل فى الشغل لما يتخرجو أن زى ما حضرتك قولتى أنهم هما الى حيشتغلو وأحنا حنعد نتفرج متنسيش الأحصائيه بعدد العاملات من الجنس الخفيف هههههههه أصدى اللطيف الظريف وتكون أحصائيه صحيحه لأن فى ناس بتراجع وراكى 0مترقبه يعنى0
اه جاي اهديها
ياحول الله
اقولكم انا على حاجه مش انا كليه تجارة انجليزى بس قسم ادارة اعمال
اعترف اعترررررررررررف ان لو مش لقيت شركه اشتغل فيها
هشتغل فالبوفيه بتاع اى بنك
حلو كدا
اهدووووووووووووووو بقئ
:rolleyes: كل ما ادخل هنا الاقى شد وجذب
يااشرف انت وحسن البنات اللى دخلو مساحه نصيبهم كدا
بطلو بقئ استفزاز فيهم
ارحموا من فى الارض يرحمكم من فالسماااااااااااء :)
شيموووووووووووووووووووووووووووووووووو شيموووووووووووووووووووووووووووووووووو
احنا يا بنتى مكتوبين للمساحه بس هما قهرانين اننا بناخد اماكنهم فى الشغل متغاظين يعنى
عندك حق يا رونىاقتباس:
المشاركة الأصلية كتبت بواسطة lover angel
بصى يا جميل احنا فعلا نستحملهم
يلا هنعمل ايه بقئ هى دى ضريبه الحياة ههههههههههههههههه
نستحملهم ونريح دماغنا
منور حسن انت واشرف :p:p:p
بنورك يا شيمو أصولا كونتى خدتيلك من الحب جانب بس أنتى مش جغرافيا ولا مساحه وفرحانه وبتدحكى علينا من بره ماشى وبعدين فين مواضيعك ولا أكتبلك نداء زى رانيا0