شكرا لك جودى على هذا الرد الوافر
وجعله الله فى ميزان حسناتك
عرض للطباعة
شكرا لك جودى على هذا الرد الوافر
وجعله الله فى ميزان حسناتك
العفو على ايه ياحبيبتي
كنت عايزه بس اطلب من أخت اسامه البنا طلب
ياريت ياقمري تجيبيلي نص بالفتوى دي ومصدرها واسم المفتي
لان انتي عارفه في فتاوي كتير غير صحيحة وخصوصآ المنتشرة على الشبكة العنكبوتية
شكرا يا جودى بجد على اجاباتك الوافية الجميلة اللى بجد بتساعدنا كتير .. جزاك الله خيرا
وجزاكي كل خير ياحبيبة قلبي موااااااااه
السلام عليكم ..اسفة انى اتاخرت عليك فى الاجابة
والاجابة دى.. من مركز الاشعاع الاسلامى للدراسات والبحوث السلامية
بسم الله الرحمن الرحيم
بالنسبة الى الحكم الشرعي للحُب و الذي هو إنجذاب القلب بصورة غير إرادية نحو المحبوب من الجنس الآخر ، و ما قد يرافقه من أنواع التمنيات و الآمال المُحللة شرعاً ، كأن يتمنى الحبيب أن تصبح محبوبته شريكة حياته من خلال زواج شرعي ، فهذا النوع من الحب جائز لا إشكال فيه إن توقف عند هذا الحد ، و ما لم يتعدى الى النظر أو اللمس المُحرَّم ، أو المحادثات المحرَّمة .
و لعل الصحيح أن هذا النوع من الحُب ـ البريء من الحرام ـ ليس له مصداق في الواقع الخارجي إلا نادراً ، ذلك لأن أغلب ما يجري بين الجنسين في العصر الحاضر ليس من هذا القبيل ، بل هو علاقة شبه متكاملة ملؤها الإفتتان و الإثارة و الشهوة المحرمة ، و نتيجته الإنزلاق الى مهاوي الرذيلة و الفساد ، و هذا النوع من الحب حرام يجب الإبتعاد عنه .
لكن ليس المقصود من قولنا هذا أن الإسلام يخالف الحُب و يُحرِّمَه بصورة مطلقة ، و ذلك لأن الحُب في واقعه أمر غريزي و فطري و آية من آيات الله المهمة ، جعله الله عزَّ و جلَّ بين الجنسين سبباً لإستمرار النسل البشري و استقراره و راحته و سدِّ حاجته ، و رفع النقص و الحرمان عن الجنسين بواسطة إنشداد كل منهما الى الآخر لكن بالطرق المشروعة ، قال الله عزَّ و جلَّ : { وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ } ، ( سورة الروم : الآية : 21 ) .
والله اعلم..
يعني لما الصلاه تقيم في الساجد النساء تصلي ومينغش نصلي الفجر الا بعد الاقامه (وانا بصليها في البيت)
يعني طول لما الساجد مأقمتش الصلاه انا في البيت كمان استني زيهم ولما تقيم اصلي
ياحبيبتي الآذان بمجرد ما يترفع معناه اننا دخلنا في وقت الصلاة
يعني صلاتك سواء قبل الاقامة او مع الاقامة او بعد الاقامة مقبولة باذن الله
هيا الاقامة بتتعمل ليه ؟ مش عشان الصلاة تبقى في جماعة ؟؟
بس لما تكون امرأة وتصلي في بيتها ليه متصليش قبل الاقامة هل ربنا مش هيقبل صلاتها كدا؟
متهيألي الفتوى دي مش صحيحة يااخت اسامه عارفه ان لو فعلا فتوى مشكوك فيها الواحد هيشك
بس دا كلام غير مقبول لاول وهلة وربنا بيتقبل صلاتنا بمجرد من الآذان يترفع وندخل في معاد الصلاة
بعدين اقولك على حاجة
كنت مرة شفت واحد بيسأل ان لو المؤذن اتأخر في القاء الآذان وكنا دخلنا في وقت الصلاة فما الحكم الشرعي في هذه الحالة ؟
رد عليه الشيخ وقاله ان ربنا سبحانه وتعالى قال في كتابه العزيز ( فيما معناه ) ان الصلاة علينا كتابآ موقوتآ يعني لو كنت مـتأكد ان جيه وقت الصلاة فصلي علطول حتى لو مترفعش الآذان
فهمتيني يااخت اسامه ..بمجرد دخول وقت الصلاة فصلاتك مقبولة ان شاء الله وباذن الله مينفعش حد ييجي يقولك صلاتك مش مقبولة عشان مش بتقيميها مع الآذان وافرضي انك ساكنه مش جنب جامع ولا في مدينتك اصلا جامع هتعملي ايه مش هتصلي الفجر ؟؟
انا جاوبتك بالمنطق ياحبيبتي وبردو هبحثلك عن اجابة بس انتي على فكرة مقولتليش مصدر هذه الفتوى وقائلها
هل سماع الاغانى حرام شرعا
علي فكره انا اسمي اميره وبشكرك علي الرد ومصدر الفتوي هو الشيخ خالد الجندي في برنامج القاهره اليوم مع عمرو اديب
قال كل الصلاوات تصليها بمجرد سماع الاذان ماعدا صلاه الفجر نصبر لحد الاقامه
ربنا يبارك فيكم جميعا ويكون فى عون جودى ومها لانهم بالفعل اثبتوا جداره هائله فى البحث عن الفتاوى واجابات للاسئله
جزاكم الله خير واعز بكم الاسلام ان شاء الله وجعل الايمان نور قلوبكم
الموضوع رائع وان شاء الله تكون ليه مشاركة جزاكم لله خير وبارك الله لكم
منورة الموضوع يامحبة الرحمن وأكيد اي بصمة ليكي فيه هتبقى قيمة جدآ ومشرفة لينا ياحبيبتي
بصي ياأميرة ياحبيبتي سألت كتير في سؤالك بس مفيش اي سند بيثبت صحة الفتوى اللي انتي سمعتيها
مع اني أشك انها تندرج تحت كلمة مفتي لأنك بتقولي انك سمعتيها على لسان الداعية خالد الجندي ودا داعية مش ممكن يبقى مفتي!!
بعدين عشان نسهل الموضوع ياقمري أي حاجة حرام كان أكيد الشيوخ وضحهولنا او نبهونا
لأن الشيوخ عارفين ان في ناس كتير اوي بتصلي الفجر بعد الآذان الأول علطول بدون ما يستنو الاقامة
لذلك انا متأكدة ان الموضوع دا مفيهوش اي حرمانيه ..أصل كل حاجة ربنا بيحرمها بتكون ليها ضرر كبير على الانسان واحنا قاعدين بنتكلم على صلاة !!
عشان كدا صعب اوي نحط جنبها كلمة حرام !! فلو في أي كلام او حرمانية زي ما بقولك كان الشيوخ نبهونا عليها ويارب تكوني فهمتيني ياقمري
جزكي الله خيرا تعبتك معايا
""اللهم اجعل لنا من مجلسنا هذا خيرا""
ربنا يجازينا جميعا خير ويصلح لنا جميع شؤننا وشؤن المسلمين اللهم امين
اهلا بيك يا عصام .. وسؤالك صعب قووووووى عليا لان انا هاجاوب بالضبط كما يقول الشرع ..
فتقبل الاجابة حتى ولو كانت صعبة .. وحاول مع نفسك جاهدا تطبقها
بسم الله الرحمن الرحيم
سؤال حكم سماع الاغاني ؟؟؟؟؟؟ هااااااااااااااااااااااااااااااام
ان شاء الله سارد بمقال منقول ووصلة سماعية للشيخ محمد حسين يعقوب
قال تعالى :
( ومن الناس من يشتري لهو الحديث ليضل عن سبيل الله )
كان ابن مسعود يقسم بالله أن المراد به الغناء ..
وفي الصحيح قال صلى الله عليه وسلم :
" ليكونن من أمتي أقوام يستحلون الحر والحرير والخمر والمعازف " ..
ونص العلماء على تحريم آلات اللهو والعزف .. والتحريم يشتد والذنب يعظم
إذا رافق الموسيقى غناء ..
وتتفاقم المصيبة عندما تكون كلمات الأغاني عشقاً وحباً وغراماً ووصفاً
للمحاسن ..
بل هي مزمار الشيطان.. الذي يزمر به فيتبعه أولياؤه..
قال تعالى :
{ واستفزز من استطعت منهم بصوتك وأجلب عليهم بخيلك ورجلك }..
وقال ابن مسعود : الغناء رقية الزنا.. أي أنه طريقُه ووسيلتُه..
عجباً..
هذا كان يقوله ابن مسعود لما كان الغناء يقع من الجواري والإماء
المملوكات.. يوم كان الغناء بالدفّ والشعر الفصيح..
يقول هو رقية الزنا..
فماذا يقول ابن مسعود لو رأى زماننا هذا..
هل سمعت مغنياً غنى في التحذير من الزنا ؟ أو غض البصر ؟
أو حفظ أعراض المسلمين ؟!! أو في الحث على صوم النهار .. وبكاء الأسحار
..
كلا.. ما سمعنا عن شيء من ذلك..
بل أكثرهم يدعو إلى العشق المحرم .. وتعلق القلب بغير الله ..
والغناء اليوم أعظم وأطم .. فهو يقترن بالتصوير الفاضح ..
.. فما من مطرب إلا ويترنح حوله نفر من الراقصات ..
وما من مطربة إلا وحولها نفر من الرجال يتراقصون ويتمايلون فمن يجيز يا
أمة الإسلام مثل هذا الاختلاط والسفور والرقص وتعرية النحور؟!
فهذه حرمات الله عز وجل .. فلا تعتدوها .. وهذه حدوده فلا تتجاوزوها.
وما كان الله ليضل قوماً بعد إذ هداهم حتى يبين لهم ما يتقون!!.
فهل غناء السابقين أولى بالتحريم أم هذا ؟!
ابن عباس يحرم الغناء .. ابن مسعود يحذر منه .. جابر بن عبد الله يصفه
باللهو … مكحول .. مجاهد.. ابن تيمية .. ابن القيم ..
والعلماء المعاصرون .. كلهم يحذرون منه ..كلهم يحرمونه .. فبقول من تقتنع
؟ إن لم يقنعك قول هؤلاء؟!
الموضوع منقول
عصام .. اسمع راييى الشخصى وربنا يعفو عنى اذا كنت اخطات فيه ..
طبعا الكلام اللى فى الفتوى دة صحيح ..
لكن الحلال بين والحرام بين ... ولو قلنا ودى مافيهاش فصال ان الاغانى بتاثر فينا جدا..
طب الاغانى الوطنية اللى بتنمى الحس الوطنى
والدينية اللى بتعلق قلوبنا برسول الله وحب الدين.. اكيد مش حرام ..
لو قدرت على نفسك انك تبتعد عن اى كلام ياثر فيك يخليك ترتكب ذنب او تفكر بطريقة لا ترضى الله .
كمان .. فى حديث صحيح عن رسولنا الكريم ..بيقول معناه"" كل ما فى هذة الدنيا ملعون .. اللا ذكر الله"
وعشان مانروحش بعيد .. العلم يندرج تحت ذكر الله لانه سبحانه هو من حث الانسان على العلم ..
فحاول تشغل وقتك بالتعلم والدراسة..
وشوف لو قدرت ماتسمعش اغانى اوك .. ماقدرتش لو لقيت انك سمعت اغنية مرة وكلامها ينافى الفتوى اعلاه .. ماتسمعهاش تانى..
ويا عصام باشكرك جدا على سؤالك وفى النهاية كلنا بنجاهد نفوسنا .. وربنا يقدرنا
جزاكي الله كل خير ميرا على هذه الاجابة الوافية
جزانا واياكم يا جودى انت كمان مجهودك الحقيقة بيساعدنى كتير وبيشجعنى على المواصلة ربنا يكرمك وكل اعضاء المنتدى امين
كلما دخلت هنا شعرت برغبه شديده بأن يبارك الله فيكم سواء السائل او جالب الاجابه
ميرامار وجودى....ذراعى هذا الموضوع
اكرمكم الله فى دينكم ودنياكم وادخلكم الجنه فى اخراكم
جزانا واياكم يا وااااااايلد
فين يا جماعة الاسئلة .. احنا منتظرينكم فى اى وقت
انا عندى سؤال
ياريت تجاوبو عليه
هى كتابه الشعر الغنائى حرام
وان اعرضه على المنتدى دا بردو حرام
والله ياوايلد مش عارفه اقولك ايه على كلامك الجميل ميرسي ياحبيبة قلبي على كلامك الحلو دا وربنا يبارك فيكي ويكرمك بالفردوس الاعلى انتي وكل من شارك في الموضوع دا ولو مجرد المشاهدة
تعالي باه يااوجي ياروحي واحشاااني جدآ والله بصي كان في موضوع في المنتدى هنا في قسم المواهب والفنون فيه اجابتك
اسمه (( ما هو حكم شعر الغزل )) ... لو عايزه تشوفيه دوسي هنا
ولو موصلتيش منه لحاجة قوليلي ياحبيبتي وانا هجيبلك اجابة على سؤالك بشكل تاني أسهل ان شاء الله
والله ياحودى بد جزاك الله كل خير ويجعل مثواكى الجنة ويحسن ختامك ان شاء الله وكنت عايز اعرف يعنى ايه الله الصمد
والله انا مش عارفه اقولك ايه ياميدو على الدعوة الجميلة دي بجد ربنا يكرمك ويباركلك ويجازيك كل خير
نيجي بأه لسؤالك : " يعني ايه الله الصمد "
بص ياميدو كلمة الصمد اسم من أسماء الله الحسنى
معناها في اللغة : الصمد معناها القصد وفي حديث معاذ بن عمرو بن الجموح في قتل أبي جهل بيقول : " فصمدت له " يعني قصدته لحد ما جبته
والصمدُ : السيِّدُ المطاع الذي لا يقضى من دونه أمر ، سيِّد متمكِّن ، مطاع ، أمره نافذ
وأصمد إليه الأمر : أسنده إليه
المصمود في الحوائج : أي المقصود في الحوائج
وبردو الصمد ؛ هو الذي لا جوف له ، أي الشيء الأصم . حجر لو نقرته لا يعطيك صوتاً ، فهو صَمَدٌ أي أصمّ . أما العلبة الفارغة لو ضربتها تحدث صوتاً ، فالصمد هو الذي لا جوف له
-------------------------------------------
دا كان معنى الصمد في اللغة ياميدو
أما الصمد اذا كان وصف لله عز وجل واذا كان اسم من أسماء الله الحسنى فهي معناها : المقصود
(الصمد) الذي يصمد إليه الخلق لقضاء -أي: يتجه إليه الخلق- ولدفع الضر عنهم، ولجلب الخير لهم.
في قول تاني بيقول : أن المراد بـ(بالصمد): المُصْمَد الذي لا جوف له، وقد ثبت أن الرسول صلى الله عليه وسلم قال: (لما خلق الله آدم جعل إبليس يطيف به..) يعني: يدور حول آدم، ينظر! ما هذا المخلوق الجديد؟! (..فلما رآه أجوف عرف أنه خلق لا يتمالك)، أي: يسقط سريعاً، وأيُّ شيء يسقطه بسرعة. فمن العلماء من قال: إن (الصمد): الذي لا جوف له. ومن العلماء مَن قال: (الصمد) يحمل هذه المعاني كلها: •فهو سبحانه السيد الذي انتهت إليه السيادة في كل شيء. •وهو سبحانه الصمد الذي يصمد إليه الخلق لقضاء حوائجهم. •وهو سبحانه الذي لَمْ يَلِدْ وَلَمْ يُولَدْ * وَلَمْ يَكُنْ لَهُ كُفُواً أَحَدٌ [الإخلاص:3-4].
يارب تكون وصلت للاجابة اللي انت عايزها ياميدو وجزاك الله كل خير
جزاكى الله كل خير وبجد والله يعنى ربنا يباركلك شكرا ياجودى
وجزاك كل خير يايوسف وجعل مثواك ومثوانا الجنة
ربنا يكرمك ويباركلك واتمنى تكون استفدت
مرسى ليكى ياجودى
وبجد انتى كمان وحشانى
جزاك الله خيرا يا جودى
والله غبت عن المنتدى غصب عنى بس كنت مطمنة بوجودك
ربنا يكرمك واينا وكل اخوانا واخواتنا فى المنتدى..
ربنا يخليكي ياحبيبة قلبي ويجازيكي كل خير
والف حمد لله ع السلامة ان شاء الله ترجعليلنا زي الاول كدا
جزاكم الله خيرا وجعلكم عزة ونصر للامه الاسلاميه
(اللهم انصر المسليمين فى كل مكان )وليا سؤال عندكم وارجو الرد عليه انا انسانه ومتهيقلى ان مفيش حد قطع فى الصلاه بس بيرجع تانى لصوابه انا بحب اوى الصلاه بس سعات يامه بنسه انا بتكلم بصراحه ونفسى انى مقطعش فى الصلاه وحاجه كمان انا لما بصلى واكون فى خشوع بفكر فى اوى حاجه وانشغل بيه اعمل ايه
كل عام والجميع بخير مع دعائى ان تعود هذه الايام المباركة على الامة الاسلامية بالخير والبركات
وحضرتك بكل خير يا دكتور ويارب يتقبل دعائك ويعم الخير علينا وعلى امتنا الاسلامية بكل خير وبركة
طبعا يا ريما باشكرك على صراحتك..
وتعرفى ان فى شيطان من الجن بس شغلته الهاء ابن ادم عن الصلاه
وانه بيفكره بمكان حاجات مخصوص وهو بيصلى..
المهم
اولا تقربى من ربنا على قد ماتقدرى..
عودى نفسك على قراءة القران والله ولو سطر واحد يوميا ..
وعودى لسانك على الذكر.. كقول بسم الله عن كل عمل وكقول
ربنا يكرمك وجزاك الله خيرا ..
والصلاه على رسولنا الكريم.. وكل عمل خير يقربك من المولى..
اخر حاجة ساعة الصلاه .. اجعلية ميعاد مقدس .. مش زى ماتربينا مش مهم بعدين
لا جاهدى وحاربى نفسك
ماتصليش وانتى جعانة او عطشانة او وراك اى حاجة تشغل بالك ..
اخر خطوة
اوا ماتبداى الصلاه
استحضرى عظمة الله وتخيلى انك واقفة بين ايديه وخلى الصورة دى قدامك
مااتقدش انك هتسرحى بعدها ..
وربنا يقدرك ويقدرنا
واللهم اعنا على ذكرك وشكرك وحسن عبادتك
جزاكم الله خيرا السائل والمسئول
كل عام وانتم بخير وتقبل الله صالح الاعمال
شكر خاص لمرور الدكتور السيد الزغبى
كل سنة وجميع اعضاء المنتدى وجميع الامةالاسلامية بخير ومتنسوش الدعاء للفلسطينيين فى غزة و العراقيين وجميع المسلمين فى كل بقاع الارض
اللهم انصرنا على اعدائنا
وارنا فيهم ثارنا
واقر بذلك عيوننا
اللهم امين
وانا عندي سؤال
بصوا هو اليوم بيبقي مزحوم طول النهار ومش بعرف اقرا القران علشان كده عاوزه اقراه في التلت الاخير من الليل فده يعتبر تلاوه ولا قيام علشان انا مش عاوزه يضيع عليا اجر القيام فالقراءان باليل يعتبر قيام ولا لازم الصلاه
يعني الصلاه لوحدها والقران لوحده علشان مش بقدر اقراه وانا بصلي القيام فبقراه لوحده
انا هاسال لك يا اميرة
بس تاكدى
انت انتى حتى لو سهرتى تتاملى فى خلق الله
وتقولى سبحان الله
او تذكرى الله فدا يعتبر طبعا قيام الليل لانه عبادة وكل العبادات مطلوبة
...عموما انتظرى اجابة فى اقرب وقت هاسال متخصص
وشكرا لك يا اميرة ع السؤال الجميل
انتي نسيتيني ولا ايه يا ميرا