لو سمحت يا بشمهندس عايزين نعرف اكتر ماهية المساحة البحرية بالضبط وهل هى اصعب من المساحة الارضية؟ ومن الناحية اعملية ماهى اهم الدول التى توفر فرص العمل لهذا المجال ؟ ومن الناحية المادية إيضا ؟؟؟ وشكرا جزيلا..........
عرض للطباعة
لو سمحت يا بشمهندس عايزين نعرف اكتر ماهية المساحة البحرية بالضبط وهل هى اصعب من المساحة الارضية؟ ومن الناحية اعملية ماهى اهم الدول التى توفر فرص العمل لهذا المجال ؟ ومن الناحية المادية إيضا ؟؟؟ وشكرا جزيلا..........
انت ماسبتش حاجه مش عاوز تعرفها عن المساحه البحريه
عموما .. تعريفها حتلاقي الاخ اللي قبلك كاتبه فوق مع الاضافه لكلامه ان احنا ماننساش طبعا ان المساحه البحريه مش اكتر من رفع و توقيع عادي و شغل مناسيب او بمعني ادق اعماق و كنتور و حساب مسافات و مساحات و تحديد زوايا ... كل شغل المساحه العادي بس في البحر
اما عن موضوع الصعوبه ,, انا شايف انها اصعب من المساحه الارضي طبعا لاسباب كتيره ده غير ان فيها عوامل كتير جدا تصعب الشغل فيها زي السفر الكتير و البحر اللي ممكن تتعب منه
الدول اللي فيها شغل مساحه بحريه هي دول اللي فيها شغل بترول او غاز طبيعي في البحر .. زي مصر و دول الخليج و الهند و غرب افريقيا و مناطق كتير من اوربا و امريكا الجنوبيه .. بس بالنسبه لمصر في شركات كتير جدا فيها شغل مساحه بحريه .يعني فرصه العمل فيها مش صعبه خصوصا لو عندك خلفيه
المرتبات دي لسه بدري عشان تتكلم فيها .. بس بصفه عامه مرتبات المساحه البحريه كويسه
لو عندك اي استفسارات تانيه ابعتهالي
السلام عليكم يا باش مهندس محمد أريد الاستفسار عن طبيعه العمل والمرتبات تتراوح من كام لكام بعد إذن حضرتك لأنى بحاول تقديم فى شركه مصر مارين وبارك الله فيك معك سعيد صلاح مساحه أرضيه
بارك الله فيك يا باش مهندس لإهتمامك وزادك علما ورفعك بالعلم النافع فى الدنيا والاخره
طبيعة العمل مش حتختلف كتير عن المساحه الارضيه ... المساحه عامة فكرتها واحده رفع و توقيع
بس طبعا الاجهزه و الافكار بتختلف في المساحه البحريه عن المساحه الارضيه
لو اتعلمتها حتبقي سهله مش صعبه اوي كده ... بس هي غامضه للناس شويه بس هي سهله علي فكره
موضوع المرتبات ده مش محدد .. يعني بيختلف من شركه لشركه ..
بس مصر مارين شركه حلوه .. و كويس انك تبتدي فيها
مش مهم المرتب ... المهم انك تكون بتعرف تشتغل في المساحه البحريه .. تعرف تشتغل علي الاجهزه كويس
او حتي عندك خلفيه عنها .. تكون كويس في الكمبيوتر و سوفت وير النافي باك
و لما تشتغل و تبقي كويس ابقي فكر في المرتب
و لو عندك اي استفسارات تانيه ابعتهالي
بارك الله فيك يا بشمهندس محمد وعلي فكرة يا جماعة الباشمهندس محمد استاذى وهو اللى معلمنى شغل المساحة البحرية فبارك الله فية وجزاة الله عنى خير الجزاء
سؤال بس يابشمهندس من فضلك
هو حضرتك يعنى خريج اية
أنا خريج اداب اسكندريه .. قسم جغرافيا شعبة المساحه و الخرايط
دفعة 2006
سؤال غبى منى انا عارفة بس اصلى حضرتك والبشمهندس مصطفى بتتكلمو عن المساحة البحرية ومكنتش اعرف ان المساحة دى انواع اصلا كنت فكراها مساحة عمارات واراضى بس مكنتش اعرف انها كذا نوع كنت فاكرة حضرتك هندسة
مشكور يابشمهندس محمد على مجهودك واهتمامك بمساعدة الاخرين الف شكر لحضرتك وجزاك الله كل خير
السؤال مش غبي و لا حاجه .. السؤال عادي جدا
انا عارف ان انتي استغربتي الوضع شويه لان انا و مصطفي في المساحه البحريه و مفيش حد في الكليه عندنا بيدرسها .. صح كده ؟؟
دي حقيقه .. مفيش حد في الكليه بيدرس المساحه البحريه لانها بتحتاج شغل عملي , و طبعا العملي في المساحه البحريه صعب جدا تنفيذه في الكليات .,, ده غير ان السوفت وير اللي بنستخدمه في المساحه البحريه اشتراكه غالي جدا و بردو الاجهزه المستخدمه فيها كتير و كل جهاز سعره عالي
عشان كده اللي بيتخرج من اداب شعبه مساحه بيبقي عنده خلفيه نظريه بس مفيش اي حاجه عملي
بيتعلم الموضوع ده في الشركات تحت التدريب لفترات معينه لغايه مايبتدي يتعلم الشغل عالاجهزه الجديده بالنسبه
و ده اللي حصل معايا بعد ماتخرجت و لفيت عالشركات عشان اتعلم و اتدرب و لقيت مساحين اقدم مني استلموني و دربوني لغايه ماتعلمت زيهم و اكتسبت الخبره منهم في سنتين و نص .. و مصطفي كمان جه عندنا الشركه و انا شرحت له الشغل العملي و طلعنا مع بعض بحر و فضلت معاه لغايه مابقا بسم الله ماشاء الله مساح بحري بريمو ..ههههههه
و علي فكره هندسه بردو مفيهاش شغل مساحه بحريه
و انا بشكرك علي اهتمامك يا أمل
شوفي .. انا حقولك ظروف الشغل في المساحه البحريه و انتي قرري بنفسك ينفع للبنات و لا لأ
اولا .. السفر بعيد عن البيت لفترات كبيره . 20/30/50/100/120 يوم متتاليين
ثانيا.. العزله عالمراكب بعيد عن الدنيا و التليفزيونات و احيانا التليفونات كمان
ثالثا.. المجهود العضلي .. لان المساح البحري مالوش مساعد زي المساح الارضي
رابعا .. و هو الاهم . العيشه عالمراكب دي كلها مافيهاش غير رجاله و بس . و بينامو 3 او افراد في غرفه واحده حسب مساحه المركب و عدد الافراد اللي عليها , يعني مافيهاش خصوصيه خااالص
ايه رايك ..؟ هههههههههه
شكرا علي ردك يا امل ... و ربنا يهون علينا ...هههههههههههه
باذن الله هابقى اول مهندسة مساحة بحرية
قول يارب
ربنا يكرمك و تحققيها ..احنا نفرحلك طبعا
المهم .. مش محتاجه مدرس فيها يعلمك ؟؟؟
هههههههههههه
ميرسي ليكي يا أمل .. و خلاص بقا احنا بقينا اخوات و اصحاب
مفيش داعي للالقاب ,, و الكلام ده للناس كلها طبعا .
ميرسي يا امل
الرجاء مساعدتي العثور على برنامج Hypack و nav pac و الكراك لهما ، شكرا
اوكيشن يابشمهنندس
ههههههههههههههه
لا .. انا مش حزهق ابدا . بس اسألي
أنا يا surveyor000 بأشتغل فى المساحه البحرية وعضو جديد معاكم
أى خدمة أقدر أقدمها لك ؟
الكورسات حاليا عبارة عن سنه دراسه كاملة تعادل دبلومه فى المساحه البحرية
الموضوع كله 12 مادة تاخدهم على اربع ترمات
الترم بمايعادل 3000 جنيه مصرى
يعنى الموضوع كله 12 الف جنيه
وممكن تضغطهم على 3 ترمات أو أقل لكن الفلوس نفس الرقم طبعا
ودا حسب تفرغك (ممكن تكون بتشتغل مثلا)
أما موضوع إشتغل وخلاص فالكلام دا صحيح ووفر فلوسك ولكن
فى أحد العقود التى إشتركت بها خارج مصر فى ماليزيا العميل وهو الشركة الوطنية للبترول (تاليسمان) طلب السيرة الذاتية لأعضاء فريق المساحه
وكانت المفاجأة .... إعتمد فقط الأعضاء الذين يحملون شهادات فى المساحه البحرية
قد لا تحتاج لذلك داخل مصر ولكن لماذا لا تفكر بالعمل بالخارج ..... العائد المادى مختلف تماما ... تمام ... أكثر من عشرة أضغاف الدخل بلا مبالغه
وشكرا وربنا يوفقك
أنا فى 14 سنه عمل فى الأوفشور لم أصادف بنات أو سيدات يعملن فى المساحه أو حتى مهندسات إلكترونيات
فقط على بعض السفن الأجنبية والحفارات فى مصر أو خارجها وجدت بعضهن يشغلوا وظيفة إسمها ضابط ملاحة أو ضابط إتصالات راديو وكلها وظائف خاصة بالسفينة ولا علاقه لها بالمساحه
وكان لهم كابينه منفصله ويتعاملوا بمنتهى الإحترام من جميع أفراد الطاقم
والخصوصية الكاملة متوفره لهم
وعلى فكره موضوع مفيش تليفزيونات ومفيش تليفونات دا إنتهى من حوالى عشر سنوات بلا مبالغه مفيش سفينة مفهاش مارين دش و تليفون الثريا أو ما يسمى فى سات وعليه يتم تحميل شبكة الانترنت كمان وأحيانا تجدى ترابيزه بلياردو وبنج بونج وصاله فيديو لو البرامج المذاعه بلغة غير لغة الطاقم
أنا مثلا مشاركتى دى أرسلتها لكم بالانترنت وأنا حاليا فى البحر على حدود السعودية والكويت فى منطقة الخافجى على بعد 20 ميل من الساحل
وشكرا
الكورسات حاليا عبارة عن سنه دراسه كاملة تعادل دبلومه فى المساحه البحرية
الموضوع كله 12 مادة تاخدهم على اربع ترمات
الترم بمايعادل 3000 جنيه مصرى
يعنى الموضوع كله 12 الف جنيه
وممكن تضغطهم على 3 ترمات أو أقل لكن الفلوس نفس الرقم طبعا
ودا حسب تفرغك (ممكن تكون بتشتغل مثلا)
أما موضوع إشتغل وخلاص فالكلام دا صحيح ووفر فلوسك ولكن
فى أحد العقود التى إشتركت بها خارج مصر فى ماليزيا العميل وهو الشركة الوطنية للبترول (تاليسمان) طلب السيرة الذاتية لأعضاء فريق المساحه
وكانت المفاجأة .... إعتمد فقط الأعضاء الذين يحملون شهادات فى المساحه البحرية
قد لا تحتاج لذلك داخل مصر ولكن لماذا لا تفكر بالعمل بالخارج ..... العائد المادى مختلف تماما ... تمام ... أكثر من عشرة أضغاف الدخل بلا مبالغه
وشكرا وربنا يوفقك
شوف يا صديقى
برنامج الـ Navi PAC
ليس له كراك حتى الآن ولن يكون
لأن الشركة المنتجه له والتى إسمها EIVA وبالمناسبه هى شركة دانمركية وقد زارنا فى مقر شركتنا مدير قسم المبيعات والتسويق منذ 6 شهور
صممت له حمايه قد تكون غريبة بالنسبة للبعض ولكن العاملين فى مجال المساحة البحرية يعرفونها جيدا
هذه الحمايه تسمى hardware protection ويطلق عليها أيضا دونجل Dongle أو أحيانا يسمونها الموديول
وهى عباره عن جزء مادى يشبه memory stick يتم تركيبه على منفذ الـ USB فيعمل البرنامج فى النمط الحقيقى وإذا لم يتم تركيبه لايعمل البرنامج إلا فى نمط المحاكاة simulation وطبعا نمط المحاكاه هذا لا يمكنك من أى شئ سوى التدريب على البرنامج فقط
http://www10.0zz0.com/thumbs/2009/06.../950016218.jpg http://www10.0zz0.com/2009/06/01/14/974744571.jpg
هذا الدونجل يباع مع البرنامج أى أنك إذا أردت شراء نسختين من البرنامج مثلا فيجب عليك شراء عدد 2 دنجل ونسخه واحده من البرنامج على إسطوانه مدمجه
وتقريبا فشل كل من حاول فك شفرته من المساحين ولذلك نسخ البرنامج لا يفيد فى أى شئ ومع ذلك راسلنى على ايميلى وسارسل لك نسخه ربما تفيدك فى التدريب عليه فقط ولكن إعلم أن حجم إسطوانته كبير ربما 600 ميجا
وأخيرا راجع الموقع الرسمى للشركة لمزيد من التفاصيل والصور www.eiva.dk
وشكرا
عزيزى أبو المعتز
من المميزات الرائعة فى شركة EIVA منتجة برنامج NaviPAC إنها جعلت قسم كبير من موقعها على النت لتعليم البرنامج للمبتدئين فحتى لو معندكش أى فكره تقدر تبدأ من هنا
Welcome to the EIVA Software Training & Documentation Site
وده اللينك
http://download.eiva.dk/online-training/index.htm
ولكن يتوجب عليك التسجيل أولا مجرد إسم مستخدم وكلمه مرور ولا أى بيانات أخرى ويصبح بين يديك أكثر من 600 ميجا من المعلومات كلها عن برامج الشركة ومش بس مكتوبة ببرنامج WORD أو PDF لأ كمان كثير منها ببرنامج Power Point
وأنا تحت أمرك فالحمد لله بأستعمله من حوالى 13 سنه إلى الآن
وشكرا
معلش يا جماعه بس للأمانه
المساحه البحرية الآن ومن فترة مش بعيدة يتم تدريسها فى كلية الهندسة جامعة الزقازيق فرع شبرا
وقد كانت كليات الهندسة بباقى الجامعات المصرية لا يدرس فيها المساحة إلا بعض مواد فى قسم مدنى
والمتخصص فى المساحة برضه بيفضل قسم مدنى بس يعمل مشروع التخرج مساحه
إلى أن تم عمل لها قسم منفصل إسمه قسم المساحة فى جامعة الزقازيق فرع شبرا
ومعروفين فى السوق دلوقتى بأنهم مهندسين مساحة شبرا
وللأمانة هم أكثر تخصصا من الآداب حيث أن شعبة المساحة والخرائط تركز أكثر على علم الخرائط cartography
وشكرا
فعلا الرابط لم يعمل معى أيضا
كنت أود أن أطلع على كتاب باللغة العربية فى المساحة
آخر كتب رأيتها كانت أيام الجامعة كتب الأساتذة العظام : على شكرى - محمود حسنى عبد الرحيم - رشاد الدين مصطفى
ياريت تحل مشكلة الرابط وشكرا مقدما
اهلا بيك معانا في المنتدي .. و يارب تكون المواضيع اللي هنا عجبتك
و متشكر علي ردودك .. أنما حضرتك بتشتغل في شركة ايه ؟؟؟
واهلا بيك يا زميلى العزيز
والله ترحيبكم الحار سواء منك أو من مشرفين الأقسام أثلج صدرى
وأتمنى أن نكون عند حسن ظنكم دائما
عزيزى أحمد
لماذا التغيير من المساحة الأرضيه للبحريه
لماذا العودة لنقطة البداية ... المساحة الأرضيه لها مجال كبير وواسع أيضا وأوسع من البحرى وخصوصا فى الدول العربية ... التشييد والبناء فى دول الخليج حاليا على أشده بينما مجال المساحه البحرية تأثر كثيرا بالأزمة العالمية التى أثرت على إستثمارات الأموال فى قطاع البترول واستخراج النفط وهو العصب الذى تقوم عليه المساحة البحرية إن جاز التعبير
وعلى فكره إسم شركة برثوم : الشركة المصرية للمساحة إيكوس وكان صاحبها ألبرت برسوم سلامه ومديرها وحاليا م/ شاهير إبنه
وعفوا لا أقصد الإساءة ولكن وجب التصحيح
وشكرا
شكرا أخي هاشم على المساعدة .
البرنامج مطلوب بكثرة في سوق الشغل و نحن نستعمل في تونس hypack .
شكرا مزة أخرى .
تمام شقيقى التونسى
وللعلم سعره يبلغ الآن فى نسخته العادية Lite Ver.
حوالى أربعة آلاف يورو
ورغم ذلك مطلوب بكثرة كما قلت حضرتك
وقد رأيت شركات عالمية تستخدمه فى فرنسا وإيطاليا
وشكرا
إضافة أخرى لموضوع الكورسات
ما يلى المواد التى درستها بالأكاديمية العربية للعلوم ولكن كان ذلك عام 1995
والأسعار كانت نختلفة جدا بالطبع
Course Titleومادة درسناها باللغة العربية وإسمها : القانون الدولى
Geodetic Survey
Plane Surveying
Marine Geophysics
Depth Surveying
Comprehensive Planning & Operations
Surveying Instruments
Remote Sensing
Satellite Positioning
Nautical Charts
Physical Oceanography
وشكرا