ايه هيا الصفة اللي تحب تغيرها في نفسك ؟

اقتباس:

---

المشاركة الأصلية كتبت بواسطة shimo shimo

بجد الموضوع حلو اوى و كمان جديد و متميز
انا الصفة اللى مش حلوة فيا انى طيبة جدا و صحابى كلهم بيقولوا انى طيبة جدا او بمعنى اصح بأخذ الامرور ببساطة
يعنى مش كل حاجة اقف عندها و بطنش على حاجات كتير وفى معملتى معاهم بكون طيبة جدا
بس اللى انا بزعل عشانة ان ساعات بيفتكروا الطيبة و حبى للناس لانى اجتماعية جدا انة ضعف فى شخصيتى مع انة بالعكس انا بعتبر الطيبة دية ميزة
ونفسى يفهمونى صح لانهم كتير قلولى ان لازم ابقى جد فى معاملاتى شوية و لكنى لم استطع فعل هذا لان الطيبة مرسوخة في شخصيتى

---

شكرآ حبيبت ألبي شيمو على مشاركتك الجميلة دي وفعلا كلامك كله صح كل الناس بتعتبر الطيبة الزيادة مش كويسة مع انها ملهاش اي علاقة بالجدية في المعاملة ..انتي ممكن تبقي جد في تعاملك وطيبة بردو وكون الواحد يبقى اجتماعي اصلا دا عمره ما كان ضعف ..امال الانطوائي المنعزل يبقى اسمه ايه ؟ .. بالعكس المثل بيقول امشي عدل يحتار عدوك فيك ..يعني خليكي طيبة واتعاملي بحسن نية زي ما انتي ودا ممكن يخلي اللي قدامك يستغربك ويستغرب ردود افعالك وممكن يضطر اللي قدامك انه ينصحك تسيبي الصفة دي عشان هو دايما قلقان من ردود افعالك لانها صفة نادرة دلوقتي ..شكرا ليكي ياقمري وياريت تتقبلي رأيي

اقتباس:

---

المشاركة الأصلية كتبت بواسطة samomran

انا نفسى انى اغير من عصيبيتى و خصوصا انى صعيدى يعنى دماغى قفل حديد

---

هههههههههههههههههههههه معلش ياسامو انت عايش في اسكندرية مش في الصعيد يعني لازم تطول بالك وتهدي اعصابك دايمآ وان شاء الله بعقد النية واستمرار المحاولة بيتغير الطبع

مرسيي يا جودي والله كلامك جميل وحكيم

ربنا يهديكي لما فيه الصلاح والخير دايما

اقتباس:

---

المشاركة الأصلية كتبت بواسطة judy

انا لو مكانك متمناش الصفات دي تروح مني ياخالد حتى لو كانت بتسببلك تعب واحباطات بس احسن بكتير من الحيرة اللي ممكن تقع فيها لو كنت مش فاهم دماغ اللي قدامك صدقني مش عارفه اقولك ايه انا مش شايفة انها صفات وحشة ابدآ دي صفات نادر حد يتصف بيها وياريت تستخدمها دايما عشان تنمي خبرتك في فهم الآخرين حتى لو اتصدمت في ناس كان ممكن تحبها وانخدعت فيهم .. دا كتاب مفتوح بيوريك كل الناس على حقيقتهم ولو انت عايز تتخلص من الصفات دي يبقى انت مش واقعي وبتحب تعيش في اوهام بتخلقها لنفسك بس انت عارف اي وهم زي اي حلم ليه نهاية ومش بيتحقق

---

تعرفى
رغم ان الموضوع دا مضايقنى
بس مريحنى فى اوقات كتير
يالا ما علينا
قدرنا و لازم نعيش بيه
و كله مقدر و مكتوب

بجد يا جودى انا بديلك شهادة طبيب نفسى


بس مش معتمده
يعنى متشتغليش بيها بره هههههههههه


بجد و الله انت فاكهة المنتدى
و من غيرك دمه حيبقى تقيل

بصي يا جودي هوانا مش ذكية اوي عندي نسبه بسيطة بس ساعات بتضيقني
بتخليني افهم حاجات لو ما فهمتاش يبقى افضل بس موضوعك جميل اوي

اقتباس:

---

المشاركة الأصلية كتبت بواسطة snow white

بصي يا جودي هوانا مش ذكية اوي عندي نسبه بسيطة بس ساعات بتضيقني
بتخليني افهم حاجات لو ما فهمتاش يبقى افضل بس موضوعك جميل اوي

---

سيبينى بقى يا جودى شويه اتكلم
تلميذك الى اتعلم منك

بصى
الموضوع دا بيتعب فعلا
لان انا كده
بس بأمانه بيتعب وقتها
و بيريح بعدها كتييييييييير اوى
مشكله الموضوع دا ان لو حاجة مش فاهماها بتتعبى اوى
و دماغك بتفضل تلف و تدور لحد ما تجيبها
و بيجى 100 فكره فى دماغك فى وقت واحد
فبتتعبى اوى
بس بأمانه
الموضوع دا عواقبه انك مبتتخدعيش
و مبيضحكش عليكى بسرعه
و دا رغم التعب بيريح اوى بعدين
و بيحميكى من جروح كتيره ممكن تتجرحيها بعدين

كفايه كده
كملى انت يا جودى الكلمتين الي كنتى قايلاهملى

انا كنت هقول لسميرة ان هيا مشكلتها نفس مشكلتك ياخالد وانت أحسن واحد تقدر ترد عليها :)

انت لخصت الموضوع في اخر اربع جمل قلتهم

علي فكره انت بتساعدينى كتير و اتعلمت منك كتير

ربنا يخليكى لينا يا جودى

ربنا يخليك ياخالد انا بكون مبسوطة اوي لما حد بيرتاح من كلمة قلتها ونفسي كل الناس تبقى مرتاحة او على الاقل تدي لنفسها فرصة تفضفض

واتأكد في الآخر انك اللي بتساعد نفسك لو اديت لنفسك فرصة تسمع غيرك او تحاول تفضفض لغيرك

شكرا على كلامك وانت دايما زوء والله