الموضوع فى نفس المكان
و جزاكم الله خيرا
عرض للطباعة
الموضوع فى نفس المكان
و جزاكم الله خيرا
بسم الله الرحمن الرحيم
احب في البداية اتوجه بالشكر لصاحب الموضوع واحيه علي افكاره الرائعة
ولكن لي ملاحظة
لقد رأيت تعدد الآراء بخصوص مكان الموضوع وانه كان في القسم العام وتم نقله لقسم إعلاانات الرابطة
بص يا عزيزي
موضوعك عبارة عن حوار ومناقشة لذلك فمكانة الصحيح قسم حوارات وقضايا اجتماعية وليس القسم العام مادام الموضوع تحول إلي نقاش عام وتبادل آراء لذلك نطلب منك مراعة مكان الموضوع فلقد سبق وان قومت بعمل موضوعين في مكانين ليس لهم علاقة بالموضوع وهذا نوع من الخطئ ... وهناك موضوع لحظة من فضلك وموضوع حملة القسم المناسب في المكان المناسب عليك قرائتهم حتي لا تقع في نفس الخطأ مرة اخري
ولكن لي ملحوظة ربما وقع فيها المشرف العام علي هذا القسم وهو اسم الموضوع وظائف هيه ... الموضوع من اسمه مكانه في قسم الاعلانات ولكن من مضمونة فهو موضوع للنقاش
اشكرك جدا واحترم كل الاحترام رؤية مشرفة القسم وان لها كل التقدير والثناء فيما تفعله داخل المنتدي وداخل القسم العام فهي تؤدي واجبها علي اكمل وجه ولا يجب ان نقلل ابدا من عملها داخل القسم العام وفي المنتدي ككل
بشكرك جداا يا حسن وبالنسبة لى عندما اقوم بنقل موضوع
فأنى افكر مرار وتكرار قبل نقلة من القسم
الى اى قسم سوف أنقلة إليه ؟
وهل هو مناسب له ام لا ؟
وللعلم مش انا اللى نقلت الموضوع لقسم الإعلانات وحين اقوم بنقل اى موضوع
بقوم بإرسال رسالة خاصة للعضو مباشرة لإعلامة بذالك
وشكرا للجميع
يا خبر ابيض
كل ده؟
ايه اللي حصل بقى؟
الموضوع ابسط من كده خالص
انا بس لما اتنقل الاعلانات حسيت ان اللي نقله ما قراهوش
صحيح الاسم اعلانات بس عشان يلفت الانظار
لكن المحتوى نقاش
بس يا باشمهندس حسن مش نقاش اجتماعي
وعمره ما هيكون نقاش اجتماعي
يا افندم انا الحمد لله دارس كويس جدا وفاهم ان الموضوع ممكن يكون فيه تهريج شويه في الأسلوب
بس مش اجتماعي
انا مش باحكي في ادم وحوا
ومش باحكي عن اخر حلم
ومش باحكي على مواصفات فتاة الأحلام
انا احترت كتير ونا باحط الموضوع ده فعلا
لقيت انسب قسم ليه الاقتراحات بس للأسف ما عرفتش احطه فيه وقتها
فلقيت عنوان بيقول لو مش لاقي قسم تحط فيه موضوعك حطه هنا وكان الممنتدى العام
الموضوع عبارة عن خطوط عريضة لورقة اعمل عليها والحمد لله منذ فترة صحيح ليست بالبعيدة لكنها محل دراسة وبحث أكاديمي
افردت الموضوع في مجموعة نقاط مفرده عشان اشوف ردة فعل الناس واللي الحمد لله كانت متوجة بردود الدكتور سيد على الموضوع اكتر من مرة
يا باشمهندس حسن
الموضوع ابسط من كده
مالوش علاقة بمشرفة القسم او غيره
الموضوع اتشال ففي مكان غير مكانه الطبيعي وانا بعت للمشرفين
وكل الحب والاحترام والتقدير لكل المنتدى الأعضاء قبل المشرفين الصغير قبل الكبير
وعمري ما اقدر ازعلكوا مني ابدا
وبخصوص نفس الموضوع المكرر
باعتذر بشدة
الموضوع ده
هوه اول موضوعاتي في المنتدى
والحمد لله اعتقد ان الناس تفاعلت معاه ورحبوا بالأفكار اللي فيه
ولو لاحظت حضرتك اني بأركز عالأفكار وبأبرزها في صورة نقط عشان سهولة التنفيذ
والموضوع المكرر حقيقي حطيته في منتديين عشان الفايدة
لأن أسمه
الخطوات العملية لالتحاق المساح بسوق العمل
بأنقل فيه خبرة من سبقوني في هذا المجال ولم استعين بكتاب او مقالة
فقط الخبرة الذاتية لي ولممن حولي.
وفي النهاية لم ارد ان يتحول الموضوع لمثل هذه الحوارات والنقاشات الجانبية
ولكن وجب علي التعقيب على ما ذكرته سيادتك خصوصا وان به لهجة تأنيب ولوم
وباكرر اسفي تاني
وللعلم
انا الحمد لله شغال على البحث ان شاء الله
وهيترفع باسم جديد وبشكل اجدد
ولكن بعد الامتحان
وارجوا من الادارة
بل الح عليها في الرجاء
اريدباب ثابت لمناقشة بعض جوانب البحث
وان شاء الله نتقابل بعد الامتحانات
سلام عليكم
طبعا يا بشمهندس محمد فكرة الموضوع فوق الممتاز وجيده جدا جدا
بس عشان يتم موضوع زى ده لازم
اولا :- يكون عند الرابطة شبكة معلومات و بيانات كبيرة جدا عن كل مكاتب المساحة وشركات المقاولات اللى محتاجة مساحين و اللى موجودة فى مصر والبلاد العربية على الاقل لكى تستطيع الرابطة ان تقوم بدورها فى توظيف الناس بطريقة صحيحة وسليمة.
ثانيا :- لابد ان تكون الناس التى تريد ان تعمل عن طريق الرابطة يكونوا من أعضائها و بكده تستفيد الرابطة بان عدد أعضائها يزيد وبالتالى يكون لنا الحق فى أنشاء نقابة لان
1- الرابطة قامت بدورها فى توظيف الناس والحفاظ على حقوقهم .
2- أن عدد أعضاء الرابطة بقى كبير.
ثالثا :- أن الرابطة تقوم بتوظيف خريجى قسم الجغرافيا بشعبتيها فقط ولا تقوم بتوظيف أى من خريجى الكليات الاخرى ومعهم دورات فى المساحة وبكده تكون فرصة جريجى قسم الجرافيا أكبر فى العمل وذلك لكى نحافظ على انفسنا من الاخرين وحتى لا يصبح مجال المساحة شغلت اللى مالوش شغلانه.
وبكده تكون الرابطة لها دور فعال فى توظيف خريجى قسم الجغرافيا بشعبتيها و أيضا قامت بعملها على أكمل وجه مثل النقابة و أحسن شوية .
وبكده أكون خلصت أقتراحاتى
ويارب تفيدكم
وشكراااااااااااااااااا
منورني والله يا محمود
عموما اقتارحاتك جميلة وان شاء الله مثمرة
وبالرغم من الردود الكتيرة والجميلة عالموضوع تقريبا انت اكتر واحد قدم اقتراحات
ربنا يبارك لك
انا تقريبا نهاخد فكرتين من كلامك
1- الاقتصار في مشروع التوظيف على خريجي الشعبتين المساحة ونظم المعلومات فقط .
2- كل عضو ينضم لهذا المشروع يتم قيده في الرابطة وبالتالي يزيد العدد ويحق لنا عمل نقابة.
ربنا يبارك لك ان شاء الله
بالفعل اقتراحين محترمين ويؤخذ بيهم ان شاء الله
وان كان الاقتراح الأول وهو حق سيكونمصدر ازعاج واعتراض لكثير من الأعضاء خصوصا خريجي الشعبة العامة
تقبل تحياتي وتقديري للاقتراحات
ومرحبا بك في فريق عمل تنفيذ المشروع ان شاء الله
شكرا كتييييييييييييير يا بشمهندس محمد وربنا يوفقك و يوفق لكل من سوف يشارك فى هذا العمل
وشكرااااااااااااااا
:confused: لية نسيين أقسام معهد المساحة ؟
ياجماعه دول 3 معاهد فى مصر وفى ناس كوادر الرجاء النظر وشكراً
لو عيزين مساعدة بمختلف أوجهه آنا معنديش مانع ، فى إحصاء وجمع المعلومات عن الشركات التى تطلب أقسام المساحة ... الخ
يا باشمهندس افكارك رائعة وجزاك الله خيرا
وده المطلوب من الأعضاء اقتراحات وافكار وجزاك الله خيرا
نقطة معهد المساحة حقيقي مش بايدي دي بايد الادارة
وانا مش في الادارة
وما اقدرش افتي فيها
بس لو هتطبق يبقى التنفيذ مجاله معروف وهناخد مسلك جمع البيانات اللي عن الكليات ما فيهاش مشكلة ان شاء الله.
النقطة الخاصة بمجهود حضرتك في جمع البيانات الخاصة بالشركات اللي بتطلب مساحين او نظم معلومات
مممممممممممممممم
مش عارف اقول لك ايه؟
خايف اقولك ابدأ وحضرتك تشتغل
وتجيب بيانات خاصة بعضو تاني يكون مكلف يها
احنا الأول عايزين ورشة عمل للمشروع
نختار فيها الأعضاء وكمان وظيفة كل عضو
بس ممكن على بركة الله حضرتك تبدأ ان شاء الله
وانا هسهل على حضرت
ايه رأيك لو تتخصص في الوزارات والهيئات الحكومية فقط
"عالأقل في الفترة الحالية"
يعني وزارة البيئة,الدفاع, البترول, هيئة الاستشعار عن بعد......... وهكذا.
وده مش تقليل من مجهودك بالعكس والله
بس انا عايز نبدأ منظمين
ومن دلوقتي حضضرتك بقيت عضو في فريق عمل المشروع وده بعد اذن الادارة طبعا / وموكل لحضرتك
جمع البيانات الخاصة بالهيئات الحكومية المصرية وده في المرحلة الحالية من المشروع ان شاء الله
وارجو جمع البيانات يتم من خلال التالي
1- يكتب في جدول اكسيل
يكتب اسم الوزارة او الهئية
يكتب عنوانها على النت
يكتب عنوانها في الواقع الفعلي
يكتب الايميل الخاص بالاتصال "اتصل بنا او الاتش آر".
يكتب التخصصات المطلوبة إن وجدت.
وذلك لأن كل من سيجمع بيانات سيتم جمعها في هذا السياق "لتوحيد ادخال البيانات على الداتا بيز".
وربنا يبارك لك يا باشمهندس
سلام عليكم
بس انا ليه رأى فى الموضوع ده ان لازم نشوف الرواتب فى مصر بالنسبه للمساحين كام عشان لما نتفق مع الشركات على الراتب لا يكون قليل ولا يكون عالى يعنى انا كنت شغال فى مصر قبل ما اسافر السعوديه براتب 2000 جنيه مع ان انا دفعه 2006 وفى واحد صاحبى شغال براتب 2500 فى واحد تانى شغال براتب 1500 وواحد تانى شغال براتب 1000 وتالت براتب 700 عشان كده لازم نقدر نحدد كم الراتب حتى لا يحدث مشاكل لان ممكن نحدد مثلا راتب قلبل فى حين ان ممكن واحد تانى بيكون بياخد اعلى يعنى بمعنى اصح لازم نسئل كويس اسعار الرواتب كام وتقدر نحدد حتى لا نظلم احد
بالنسبه للموضوع مهم جداااااااااااااااااااااا وياريت يتنفذ فى اقرب وقت وانا ممكن اساعد فى انى اعطى بعض اسماء الشركات المحتاجه لمساحين بس تكون مضربه تدريب كويس على الاجهزه المساحيه الحديثه وايضا بس اسماء المكاتب فى السعوديه المحتاجه الى مساحين