الدعم الفنى للعاملين بالمساحة البحرية

اقتباس:

---

المشاركة الأصلية كتبت بواسطة samomran

طيب انا لى سؤال عند حضريتك

حضريتك قولت

ان اللى يشتغل فى المساحه البحريه

لازم لازم يكون خريج شعبه خرائط

و انا فى شعبه نظم معلومات

و دارس نظم معلومات فى الاكادميه

و استشعار عن بعد

و بحاول انى اربط بينهم و بين المساحه البحريه

هل لى مجال

و هل لازم انى اخد دلوقتى دورات فى الاكادميه

ولا اتدرب الاول فى شركه من الشركات و بعدين اخد الدوره

مع العلم ان اللغه عندى ممتازه

و لو حتدرب فى شركه من الشركات ايه هى و ارقام التليفونات بعد اذنك

و جزاك الله كل خير عنا

اسلام عمران

---

بص يا اسلام ... لما قلت اللى يشتغل فى المساحة البحرية لازم يكون خريج شعبة المساحة لان فى مواد اساسية بتتدرس فى الشعبة مهمة جدا للعمل فى المساحة البحرية ألا وهى الجيوديسيا ومساقط الخرائط ومادة الخرائط الكنتورية ..
جايز تكون المقررات على الدفعتين دلوقتى اتغيرت وانا طبعا معرفش لكن هدفى اللى عاوزك تفهمه ان المساحة البحرية بتعتمد فى الاساس على علم الجيوديسيا اللى هو ارقى علوم المساحة
بالنسبة للدورات والتدريب .. واحده منهم كفاية
لو قدرت تدخل شركة بدون اى خبرة وقبلوا حيدربوك من نفسهم طبعا علشان ياخدوا منك شغل ..وبعدها هما مش حيسيبوك وحتتعين وخلاص
لو اخدت دورات الاول حيبقى معاك شهاده بتقول انك فاهم مساحة بحرية فبالتالى الشركات حتوافق على تعيينك
فهمتنى ؟ وبص على اسماء الشركات فى ردى على محمد حمدان فى المشاركة السابقة
وبالتوفيق للجميع وتحياتى ليك

فينك يا هندسة ؟

طيب ممكن ارقام التليفونات او عنواين ممكن الواحد يروحها

صعبة قوى دى وانا هنا فى السعودية
لكن وعد حأطلب من الزملاء فى اسكندرية
وحاجيب لك طلبك

يبقى جزاك الله خير

من عينايا .. تأمر

السلام عليكم
انا احمد سالم طالب بالسنه النهائيه بكليه الهندسه انا كنت بجهز مشروع التخرج بتاعي وهو مشورع بحري واساسات وكنت محتاج معلومات عن الاماكن داخل الحدود المصرريه علي شاطئ البحر المتوسط محتاح مساحه طول خمسه كيلو متر في نفس العرض تقريبا لانشاء مشروع علي هذه المساحه لو ممكن تساعدوني انو الاقي معلومات عن الموضوع دا في النقط التاليه
1الموقع
2-درجات الحراره علي شاطي البحر المتوسط
3-الضغط الجوي
4- الاعماق
5-ارتفاع الامواج

اكون شاكر جدا لو ساعدتوني في الموضوع دا

اولا : اهلا بيك .. نورت
ثانيا: ممكن معلومات اكتر شوية .. اوصف لى مشروعك والغرض منه وهو عباره عن ايه لأن اللى فهمته من حضرتك ان مشروعك انشاءات داخل المياه .. ودا معناه انك عاوز قياسات مناخية (حرارة رطوبة تغيرات مناخية مؤثرة على الانشاءات المعدنية والخرسانية ) وحالة البحر فى منطقة معينة من البحر الابيض علشان حسابات الخرسانة والاحمال وكده
صحح لى لو انا غلطان !!!
لو الكلام دا صحيح .. انت محتاج جهاز حماية الشواطئ او وزارة البيئة او ما شابه ولو انك سوف تحتاج تعمل مسح بحرى للاعماق وحسابات التيارات والامواج والنحر .. الخ قبل اى شئ زى ما عملنا فى مشروع سان ستيفانو قبل تجهيز حائط صد الامواج والمارينا
ياريت توضيح اكتر لأن غالبا بيانات زى دى مش معايا .. وان كان ممكن نبعت للزملاء الافاضل فى اسكندرية وربنا يسهل
احنا تحت أمرك

يافندم انا شاكر حضرتك فعلا
انا بعد اذنك ضفت حضرتك عندي علي الايميل وها اوضح لحضرتك الموضوع بالكامل علي الايميل

يا مرحب بيك فى اى وقت وفى اى حته