ناااااااااااااااااااائر ونئييييييييييييير .... مع كرييييييم

هل ممكن أن تثور مصر مثل تونس .. أم أن هذا مستحيل؟

http://www.mesa7a.com/forum/imgcache/3531.imgcache.jpg
نائر: تونس ضرب أروع وأعظم المثل لكل العالم في التضحية والثورة من أجل الحرية
نئير: المرة دي مش حختلف معاك فعلاً ما قام به من إنجاز الشعب التونسي في خلال أيام شئ عظيم .. ودرس واجب على الشعوب العربية أن تتعلم منه
نائر: تفتكر يا نئير ممكن الثورة دي تتنقل لمصر؟ أو ممكن يحصل زيها في بلدنا؟
نئير: حنبدأ نختلف!! .. مين قال إننا في مصر محتاجين ثورة؟!
نائر: أنا لم أسألك احنا محتاجين ولا لأ .. أنا بسألك احنا نقدر نقوم بثورة ضد الاستبداد ولا لأ
نئير: ما أنا مش حجاوب على سؤالك قبل أن أوضح لك إننا لسنا في حاجة لثورة.
نائر: أنت أكيد بتهزر .. كل الأوضاع السئية اللي في مصر ومش محتاجين ثورة؟!
نئير: أنا بتكلم جد .. الأوضاع سيئة لكن لا يحتاج الأمر لثورة.
نائر: لو فرضنا إننا لا نحتاج إلى ثورة .. كيف نغير هذا الواقع السيئ؟؟ كيف نواجه 30% بطالة؟؟ .. 4 مليون عانس؟؟ وأكبر نسبة فشل كلوي في العالم؟؟ وأكبر نسبة سرطان ثدي في العالم؟؟ ومستوى تعليم ضحل؟؟ وقدر حريات يكاد يكون معدوم؟؟ وتعذيب .. واعتقالات .. وتزوير .. وفساد؟؟
نئير: حيلك .. حيلك .. بلاش الحماس والشعارات .. أنا معاك إن كل ده موجود لكننا لا نحتاج إلى ثورة .. لأنها لو حدثت فعلاً ستضيع البلاد .. أنا أميل للتغيير التدريجي الآآمن .. السلمي
نائر: تدريجي؟؟ وسلمي ؟؟ وآآمن ؟!! .. بقالنا في نظام فاسد 30 سنة وتقولي تدريجي؟! البد ضاعت في كل المجالات وتقولي تدريجي؟؟ .. أنت عايزنا نتدرج أكتر من كده إيه؟؟
نئير: لكن لو قمنا بثورة البلد حتضييع
نائر: ليه؟؟ ما تونس انتصرت إرادة شعبها .. والبلد ما ضعتش ولا حاجة
نئير: أيوة آآمن أنت تعرف إنه مات 60 مواطن تونسي من أجل الثورة .. وبعدين مصر وضعها مختلف والشعب ممكن يختلف بينه وبين بعضه
نائر: أنت ايه عايز تحسسني إننا أقل نضح وفهم من الشعب التونسي .. احنا مرينا بمواقف واحتلال أصعب .. وانتصرت في النهاية مصر بشعبها العظيم
نئير: يا نائر الشعب بيخاف .. النظام علمه الخوف .. الخوف من الكلمة والمشاركة والإيجابية .. الشعب خايف
نائر: معنى كلامك إننا لا نستطيع القيام بثورة .. وإن الشعب يعجز على إسقاط هذا النظام المسبد الفاسد
نئير: بصراحة .. نعم .. احنا بنخاف والغالبية العظمى من الشعب سلبي ولا يشارك حتى لو أتيحت له الفرصة في الحياة السياسية أو الإنتخابات أو الإضرابات أو المظاهرات .. الشعب مشغول فقط بلقمة العيش
نائر: غير صحيح .. الشعب حي وصاحي .. والمظاهرات اللي بتحصل في مصر كل يوم مين بيعملها؟
نئير: أقولك دليل .. محمد بو عزيزي الشاب الذي فجّر ثورة تونس وحرق نفسه .. حصل في إسكندرية حادثة شبيهة له عندما حرق سائق توك توك نفسه لأن ضابط شرطة انتزع منه التوك توك لكن لم يحدث بعدها شئ .. وطبعاً تعرف حوادث مقتل خالد سعيد .. ومصطفى عطية وسيد بلال على يد الشرطة .. ولم يتحرك الشعب
نائر: ليه بتحسسني إننا شعب جبان .. أو إن الشعب انتهى .. أو كأننا ميتين وملناش إرادة .. الكلام ده غير صحيح .. احنا صحيح صابرين ومستحملين .. لكن في لحظة واحدة حنقوم ومش حنقعد إلا بنصر لبلدنا
نئير: موووووووووووت يا حماااااااااااااار
نائر: التاريخ بيقول إننا شعب مناضل .. واجهنا محتلين ومستبدين كتير وانتصرنا عليهم
نئير: أديك قولت بنفسك .. التاريخ .. الماضي .. لكن الحاضر والواقع إننا شعب ساكت ساكن صامت سلبي

ها

هل نستطيع أن نثور على حالنا وأن نغيره؟؟ أم أنه مستحيل؟

منقول