عرض للطباعة
ياجماعة لما تبقو بتشتغلو فعلا في الصحرا والحر ووسط السحالي والعقارب تعالو وقلولنا بقلب جامد ان البنات متنفعش وقولو اللي انتو عايزينو
والبنت لما تيجي تقولك انا اتدربت وبطلع 12 ساعه تدريب في الصحرا تقولولها دا تدريب دلع x دلع وملوش علاقة بالواقع كأنكم انتو اللي شفتوه يعني ومش لسه طلبة زيكم زيها
متخديش الموضوع جد اوي كدة احنا مش كل ما تحصل حريقة في حتة هنروح نطفيها احنا بنهزر وبعدين الارزاق بايد ربنا و البنت لو ليها رزق في بق الاسد هتاخدة .......احنا كلنا بنهزر بس بجد البنات فعلا مينفعش يشتغلوا في المساحة ابدا.....مع احترامي طبعااقتباس:
المشاركة الأصلية كتبت بواسطة judy
لالالالالالا انا مش باخده جد ولا حاجة هو لازم يبقى هزار
لو حضرتك فهمتني غلط يبقى آسفة مقصدش
انا المجني علية و هقاضيكي بتهمة كمية الاعتذارات اللي عمالة تكسفيني بيها ..... ممكن لو سمحتي متعتذريش ....كلنا اخواتاقتباس:
المشاركة الأصلية كتبت بواسطة judy
السلام عليكم يا شباب
انعايز اضيف حاجة
انا كنت مرة موجود فى مطعم الصفوانى الى فى الأبراهيمية وبعدين جبت سيرة المساحة انا واصحابى
فاردت واحدة ست من الناس الى موجودين وقالت انا خريجة سنة 84 شعبة مساحة ولسة ماجنيش التعيين ال يية مستنية التعيين
انا سمعت الكلام دة من هنا وفطست من كتر الضحك لسة مفكرة نفسها فاكرة حتى مساحة افريقيا اد اية
والله الواحد لو سئلها حتى المقررات اية الى درستيها ممكن تقولك بامية كوسة لوبيا كدة يعنى من المطبخ عندها
ههههههههههههههههههههههههههه
هههههههههههههههههههههههههه قولهم يا عم قولهم
دى مسألة تفضيل بين الولد والبنت فى شغل أساسا للولد ويا ريتك كونت طلبتلها فرخه أحسن
احب انى اسلم على جميع رواد المنتدى
و اعتذر عن الغيابات الكتيرة بيتاعتى
الغياب دة بقى ليه ؟؟؟؟؟؟؟؟؟؟؟؟؟؟؟؟؟
خمن ----------------فكر ------------------------اقول ----
طب هقول
نزلت شغل ها يا جودى ش_____________غل
واحنا فى صيام
و الله بصحى من النوم عشان السحور قبل الفجر _امرطبيعى - و اقعد لحد الساعة 5 -ومالو - انزل الساعة 5.30 تمام شايل العدة - العملية مية مية كدة -نوصل الموقع على الساعة 6 نبدأ نشتغل لحد الساعة 10.30 الشغل يكون لذيذ و العملية تمام
من هنا يبدأ العذاب الساعة 11 تكون الشمس فوق الراس و عينك متشوف الا النور المخ حبة حينطق يقول ارحمنى من العذاب و طبعا الجلد كله اتشوى و يا سلام لما يكون المساعد معايا غاوى استظراف ----------- بيموتنى معاة
انا عملت حاجة عشان موضوع الشمس _حاجة كدة حصرى ليا و ليكو _لا تقولى خوذة ولا كاب و لا بتاع - انا جبت جيركن ماية كبير و اخدته معايا فى المكان اللى اروح فية طبعا حتألوا هو انا مش صايم ؟؟ اكيد طبعا بس دة عشان ابل جسمى كله بالمية كل شوية دة طبعا غير ان انا المفروض مغطى وشى كلة
دة كمان عشان الرملة اللى احنا شغالين عليها لونها ابيض شبة الجير طبعا بتعكس الاشعاع و بتعمل اشعاع ارض
دة بقى بيكون لحد الساعة 4.30 تمام
بليل
احنا قاعدين فى حتة اسمها سيدى عبد الرحمن قبل مطروح بشوية
انزل اروح لواحد صحبى معايا فى الشغل فى نفس الموقع بس مع ناس تانية المهم و انا رايح مفيش مشكلة و انا راجع بقى اساسا المنطقة دى مفيهاش اعمدة نور لكن فيها حيوان تخين شوية مدى على كلب رخم يقعد يهوو عليا من اول ما انزل من عند صاحبى لحد ما ارجع السكن بتاعنا و طبعا طول ما هو ماشى يقعد يلم فى صحابو و طبعا عل ما اوصل لحد السكن بتكون الزفة كملت
دوت طبعا بالاضافى الى كمية السحالى و البراص اللى الواحد اتعود عليها كل يوم
و على فكرة ف تعالب بتطلع بليل فى الموقع (كلام الحراس و الامن )
دة طبعا غير ان الواحد ممكن يلاقى نفسه زى الزفت بس الحمد لله انا فى حته كويسة
اقتباس:
المشاركة الأصلية كتبت بواسطة ahmedko
ههههههههههههههههههههههههههههههههههههههه
سدقتوني يا جماعة
اهو احمد راح و شاف بنفسة
انا بقالي اربع سنين في الشغلانة دي لفيت اسكندرية كلها و نزلت القاهرة و الاسماعيلية و دمياط و اخرهم مشروع شركة البي دي اتش
عشان تبقوا تسدقوني بعد كدة
السلام عليكم ورحمة الله وبركاته
اولا لازم الفت نظركم لشئ مهم جدا
يمكن بالفعل احنا منقدرش على الشمس وكده وده لاننا بالفعل مخلوقات رقيقه ولكن ده ميمنعش ان فى بنات تقدر ..واؤكد انى مش منهم
ثانيا انا معاكم ان مجال الدراسه غير الشغل خالص بس تخيلوا كده لو انتم فى الشعبه رجال فقط يا نهااااااااااااااارى كنتوا حتحسوا ان الدنيا سووووووده
مين اللى كان يحضر مثلا مواد نظريه ويلخص المحاضرات ولا مين اللى يقدر فيكم يستحمل يقعد محاضره نظريه تلات ساعات مع العلم ان كان عدد الشباب فيها قليل مش معدوم اوى يعنى
واهم حاجه بقىىىىىىىىىىى مش فاكرين رسم الخريطه الجيولوجيه كثير من الشباب مكنش ليهم فى التلوين ولا حتى الرسم والحمد لله على وجود البنات فى هذا الموضوع ومع ذلك الخرائط دى اتعادت فى كذا مجموعه اكثر من 3 مرات
عموما انا اكون سعيده جدا انى اكون ربة منزل على الاقل اربى اولادى تربيه صالحه تصلح المجتمع يمكن انشأ مهندسين مساحه كمان مش اخصائيين ويكون عندهم ضمير ومخلصين للمجتمع
و اخيرا ليس من قصدى بالطبع انى اجرح فى اخوتى الشباب فالرجال قوامون عن النساء وعموما يا شباب لكم دور مهم فى جمعية المراه المتوحشه وده المنتدى اللى بنفكر نعمله ان شاء الله:p وده عشان الشباب اللى حيتعبونا فى القسم نوديهم المنتدى ده:D