برنامج •●• محــارة♥ قلــب •●• هديـــه من البرنامج لكل اللى شاركوا....ص 83

اقتباس:

---

المشاركة الأصلية كتبت بواسطة Wild_Angel

غداً بأذن الله ثانى حلقات برنامج محــارة قلـــبhttp://dc03.arabsh.com/i/00330/2vhmgtaysrqc.gif
أتمنى من كل قلبى أن نستفيد من البرنامج وأن ينال أعجابكم


ستكّون المحاره جوهره وليست لؤلؤه
جوهرهhttp://dc01.arabsh.com/i/00269/ig205tyo3t6n.gif أضاءت المنتدى من أول دخولها

أتمنى أن نشارك غداً فى أكتشاف كنز من المجوهرات فى هذه المحاره

لا تنتظرونى
فأنا أنتظر تواجدكم وتواجد هذه الجوهره غداً ان شاء الله
العاشره مساءً

شاركوا معنا فى الساعه الحادية عشر فى نقاش مفتوح مع ضيفة البرنامج

---

ربنا يخليكى ويكرمك يا حبيبه قلبى وإن شاء الله تكون حلقة جميلة

أمين أن شاء الله

ربنا يكرمك يا مروه ومنتظرينك بكره بأذن الله

واااااااااااااااااو

مروه حبيبتى منوره يا قلبى بجد انا فرحانه اوووى انك هتبقى ضيفه البرنامج بكره

وان شاء الله هتبقى حلقه جاااااااااامد مووووووووت

فى انتظارك وانتظار البرنامج بكره ان شاء الله

أن شاء الله تنورينا يا Sweet
واتمنى ان الحلقه تنال اعجابكم ان شاء الله ونستفيد منها

حتنورونى جميعاا من أول جوهرة المنتدى حتى أخر كنز الاعضاء المتواجد بالمنتدى

مرمر ضيفه الحلقه التانيه دا شيء جامد جدا

واتوقع حلقه مفيده جدا ان شاء الله

انا سعيد جدا بوجودك يا مرمر في الحلقه

واختيار موفق يا انجل

ومستني الحلقه بكره

جزاكم الله كل خير

وايلد وندى
بجد فكره جميلة والتنفيذ اروع
الحلقة رائعة .. آسف جدا انى دخلت متأخر بس انتو عارفين ظروفى اليومين اللى فاتوا
ميرامار .. ضيفة متألقة فى أى حوار .. ما ينفعش نعلق بعدها
لكن لازم أقول ... حوار جميل رائع مفيد ... شكرا جدا تانى ليكو كلكم على أفكاركم وتعليقاتكم
وبارك الله فيكم

بصراحة الاسئلة واجباتها كانت اكثر من رااااااائعة


جزاكي الله كل خير يا انجل وميرا


ومنتظرة حلقة النهاردة بأذن الله

بشكركوا جداا يا جماعة ويا رب تكون حلقة جميلة ودمها خفيف

فعلا بجد برنامج رائع رائع رائع

و اخواتنا الاتنين مها واسراء قدموا نقاش فوق الرائع و المفيد

صحيح متاخرة مني بس غصب عني بجد

انا معاكم انشاء الله النهارده و خصوصا ان ضيفة الحلقة النهاردة مروة

ونقولها الجماهير مستنيه الحلقة بتاعتها الليلة و نتمنالها التوفيق انشاء الله

جزاكم الله كل خير على مجهودكم الجميل

ياااااه ايه الردود الجميله المشجعه دى
أن شاء الله الحلقه تكون عند حسن ظنكم
وكلنا نستفيد منها
بشكر:
Karmo وأن شاء الله تعجبك الحلقه النهارده وتستفاد منها

باشمهندس محمد هاشم وان شاء الله حننتظرك فى الحلقات القادمه

وآلاء احنا حننتظرك النهارده تشاركى معانا

ومرمر العسل النهارده حتنورينى ان شاء الله واتمنى ان الجميع بجد يستفيد من الحوار

وأيمن جمال لتواجده معانا ومتابعته للبرنامج وان شاء الله تتواجد معانا النهارده

وبشككككر كل اللى شارك وحيشارك معانا

أنتظرونا الليله

بجد نعم الاختيار يا اسراء

انا حنتظر الحلقه و ان شاء الله تكون جميله

أن شاء الله يا خالد تعجبكم الحلقه
جزاك الله خيراً وأشكرك على مرورك

بجد ان زعلانه اووووووووى لانى مش هقدر احضر معاكو البرنامج النهارده


لان حصلتلى ظروف كده بس ان شاء الله هبقى اقرا جميع المشاركات اللى تمت فالحلقه


وان شاء الله تبقى الحلقه جميله ومفيده مع مرمر ووايلد

ربنا يخليكى يا sweet
وان شاء الله تتعوض الحلقات الجايه

انا هنا لو روحت بعيد أبقوا نادوا عليا

http://dc05.arabsh.com/i/00349/1ga8x1nlwwmr.gif

أهلا بيكم ومرحباً فى برنامج محارة قلب
برحب بضيفتى الرقيقه مرمر (Marwa Mahmoud) وبشكرها على تواجدها معانا فى الحلقه

http://dc05.arabsh.com/i/00349/t7o65fk7drn6.gif

برحب بيكى فى القسم الاسلامى وأشكرك وأشكر كل الاعضاء اللى بيشاهدونا من خلال الشاشه :D

يا هلا بيكى يا حبيبه قلبى

طبعاً أحب أهنيكى وأهنى كل الاعضاء بالنجاح وأتمنى التفوق والنجاح دوماً للجميع

مرمر النجاح نعمه ومنحه ربانيه يهبها الله لمن يشاء . فما بيد العبد لكى يحافظ عليها؟؟

طبعا بضم صوتى لصوتك وبهنى كل الأعضاء بالنجاح والتوفيق الدائم

النجاح نعمة من عند ربنا وبالتأكيد لازم يشكر ربنا عليها

ويؤمن ان نجاحة دة ماهو إلا توفيق من عند الله

وطبعا لازم يعمل اللى عليه عشان ربنا يوفقة ويحافظ على نجاحة دة

ربنا يكرمك يارب يا مرمر ويكرم الجميع
* سلسلة النجاحhttp://dc05.arabsh.com/i/00349/xtqycl1w7lsi.gif مكونه من عدة حلقات ترتبط ببعضها ولكن حلقتها الرئيسيه الصله بالله. من رأيك ما هى الحلقه التى تأتى بعد تلك الحلقه الاساسيه؟؟

(حسن الظن بالله )

ان الإنسان يكون على يقين دائم ان الله معه

ولن يضيع جهدة أبدا

وأن النجاح سيظل حليفة إن توكل على الله دائما

تصدقى أجمل كلمه فعلا هى حسن الظن بالله
فهناك حديث قدسى
عن أبي هريرة - رضي الله عنه - قال : قال النبي - صلى الله عليه وسلم - : يقول الله تعالى : ( أنا عند ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي ، وإن ذكرني في ملإ ذكرته في ملإ خير منهم ، وإن تقرب إلي بشبر تقربت إليه ذراعا ، وإن تقرب إلي ذراعا تقربت إليه باعا ، وإن أتاني يمشي أتيته هرولة ) .رواه البخاري و مسلم

نيجى بقى لنقطه تانيه مش شايفه أن ظاهرة الغش بقت موجوده كتير وان ناس كتير بقت الحكايه دى موجوده عادى عندهم ؟؟
عايزاكى تقولى كلمه لحد بيغش سواء فى أمتحانات ولا شغل ولا حتى فى دنيته وتعاملاته مع الناس ..

فعلا عندك حق يا أسراء

بجد الغش دة انا بعتبره شئ سئ بل قبيح جدااا

انا مش عارفة ازاى أنسان مسلم ومؤمن بربنا يجيلو قلب يغش

ولا يقتصر هذا على الغش فى الإمتحانات .

لا طبعا دلوقت بنشوف الغش فى كل حاجة ولا حول ولا قوة إلا بالله

بجد يا ريت اللى بيعمل كدة يتقى الله ويعلم أنه سيأتى يوما ويقف بين يدى الله

فماذا سيجيب إذن ؟؟

ورسلتى ليه قول رسول الله صلى الله عليه وسلم

(( من غشنا ليس منا ))

وهذا يكفى عن أى كلام أخر سيقال

اللهم صلى وسلم وبارك على سيدنا محمد على اله وصحبه أجمعين


مروه الحمد لله وماشاء الله أتعرفنا عليكى كلنا من مده مش طويله من المنتدى
عيزاكى تقوليلنا أتعرفتى على المنتدى أزاى؟
وأزاى رسمتى لنفسك طريق فى المنتدى؟
ومين اطلق عليكى لقب جوهرة المنتدىhttp://dc04.arabsh.com/i/00272/cgtoqkb7km7v.gif؟؟

انا بقالى كتير اوى ما دخلتش المنتدى بس بجد فكرة الموضوع جميله اوى
انا اول مرة اشوفة النهارده بجد ممتازة الفكرة

أوكى أنا هجاوب عما تحضرى أبريق من النسكافيه
ههههههههههههههههه
أيه رأيك

من عنيا الاتنين كله جاهز:)

http://dc05.arabsh.com/i/00349/v0ft3nle1fwp.gif

ودى حلويات لكل اللى بيشاركوا معانا وبيحبوا الحلويات احنا بنحب نكرم ضيوفنا

http://dc01.arabsh.com/i/00349/f8rajaztsqdf.gif

ولبن للى عايز مع الكافيه

http://dc03.arabsh.com/i/00330/dwbajz17xgxt.gif

بص يا ستى

كنت فى محاضرة لأستازى الفاضل للدكتور سيد الزغبى فبسأله عن موقع ندخل عليه

نستفيد منه ونحصل منه على معلومات وكدة فقالى على الموقع

فابلفعل دخلت على المنتدى وسجلت فيه وفضلت بعدها فترة مدخلوش كان لسه المنتدى صغير

ومفهوش المعلومات الكفايه اللى كنت محتجلها سعتها وطابعا مكنتش اعرف اى حد فيه غير الدكتور سيد

بس بعدها بدأت أدخل وأشارك و أكتر حاجة عجبتنى فيه روح الاخوة والصداقة الموجودة فيه

حبيت المنتدى اكتر وقررت أنى أستمر فيه ..

طريقى فى المنتدى اترسم مع نفسة انا كنت بدخل واشارك زى اى عضوة

وبضع مواضيع بس كان بحب وإخلاص بجد للمنتدى

ومكنش فى بالى الاشراف خالص لحد مجه اليوم ودخلت فيه دائرة الإشراف الجميلة دى ..

واللى أطلق عليا لقب جوهرة المنتدى أخى الفاضل يوسف مصطفى اللى بجد وحشنا جداا

ربنا يكرمة ويوفقة فى حياتة يا رب وبتمناله النجاح الدائم

مرسى ليكى يا حببتى جدااا

تسلم أيدك بجد كلك زوق

مممم منورانا دايما بجد يا مرمر وأتمنى أن روح الاخوه والمحبه بجد تفضل موجوده بيننا دايما طيب يا ستى أدى النسكافيه بتاعك أهو بس مش عارفه مين اللى جواه ده:) http://dc05.arabsh.com/i/00349/aeti2boka8gd.gif
مرمر أكيد نجاح الانسان مش بييجى مصادفة ولكن من المؤكد ان الانسان بيكون حاطط ادام عنيه أهداف بيحاول يحققها أيه هى أهدافك؟؟

ايه دة مين اللى فى الكوبايه دة خلص النسكافيه

من قبل مدوقه :o :o

أطلع ياض

هدفى دلوقت أن ربنا يكرمنى وأتخرج من الكليه

دة أهم هدف عندى

وبعد كدة فيه حجات كتير مترتبه على نجاحى وتخرجى من الكليه

لسه فى علم الغيب بس بجد بتمنى أحققها

مرمر هل ترين أن تكوين شخصية الانسان له عامل كبير بالنسبه لنجاحه؟؟

ودايماً بنلاقى أن الخوف والقلق بيسيطر علينا وقت الامتحانات الدنيويه والابتلاءات الربانيه
تفتكرى أيه أفضل طريقه يحاول بيها الانسان السيطره على هذا الاحساس
وتغيير هذه الطباع للاحسن؟؟

http://dc05.arabsh.com/i/00349/kos5ljer9r6p.gif

أمممممممم

بالتأكيد شخصية الإنسان بتلعب دور كبير فى نجاحة

طبعا كلنا بنخاف وبنقلق ودة شئ طبيعى

بس فى طريقه حلوة اوى اننا نتغلب على الخوف والقلق وعدم الإطمئنان اللى بجد بيأثر علينا بشكل كبير

اننا نحس ان ربنا دايما معنا ونحسها اكتر لما نفتح صفحة من كتابه ونبدأ نقرأ كلامة

بجد هنرتاح أوى ..

الواحد بتمر عليه ظروف صاعبه كتير بس من فضل ربنا إنه بيلاقى معاه هديه لا تقدر بثمن وهو ( كتاب ربنا )

لو كل واحد جرب كدة وخلى ربنا دايما فى بالله مش هيبقى فيه خوف ولا قلق ابدا

على فكرة انا جعانة الاكل بتاعكوا دة مينفعنيش

عاوزة حاجة أكلهااااااااااااااااااااااااا

ملياش دعوة

أخر سؤالين يا مرمر
عشان كل اللى الاعضاء يشاركوا معانا لمدة ساعه

مروه أكيد كلنا بنؤمن بوجود الحسد وكتير بيخافوا منه
ومفيش أجمل من اننا نذكر ربنا وآياته وقتها
بس تفتكرى هل الخوف من الحسد دافع أن لو أنسان ناجح يخاف أنه يساعد اللى حواليه عشان ده ميأثرش فى نجاحه؟؟

السؤال التانى

أيه رأيك فى الحكمه دى بالنسبه للنجاح؟؟
""محدش عرف النور إلا اللى مشافش غير الضلمه""http://dc01.arabsh.com/i/00084/4flwwz7c4jfe.gif
يعنى اللى كان دايما بيعانى من الفشل أكيد لما يوصل للنجاح حيكون ليه طعم تانى

ثوانى يا مرمر ونجيبلك حاجه تاكليها
عقبال ما تجاوبى على السؤالينhttp://dc01.arabsh.com/i/00349/b34dilyq9bp9.gif

الحسد موجود ومذكور فى القرأن

بس دة مش مبرر أن الإنسان الناجح يساعد اللى حوليه

لإن كدة بيبخل عليهم بعلمة لو كان إنسان صاحب علم

او بماله لو كان صاحب مال ... إلخ

وبكدة هيبقى حرام عليه لأنه كان فى إستطاعتة انه يساعد

لكنة بخل بمسعدتة دى ..

وعمر مساعدتة دى ماهتأثر على نجاحة إطلاقا لنة هيساعد لوجه الله

وربنا أكيد هيكرمة وهيحفظة وهيبعد عنه كل سؤ