اليكم النظام المصرى القديم فى ترقيم الخرائط المليونية
http://www.iraqpics.net/images/1vndp7stw70y5nnshrvj.gif
http://www.iraqpics.net/images/od03dbbirur7roscu4jr.gif
النظام المصرى القديم فى ترقيم الخرائط المليونية
NH36
اول حاجه دي خريطة مليونية
طيب اعرف موقعها ازاى ؟؟
اولا اول حرف لازم يكون يا اما N او S
N <<<< يعنى تقع فى نصف الكره الشمالى اى شمال خط الاستواء
S <<<< يعنى تقع فى نصف الكره الجنوبى اى جنوب خط الاستواء
طب اعرف ازاى دوائر العرض اللى بتقع بينها اللوحة ؟
سؤال ذكى جدا من انسان اذكى منه جدا
بص يا ابو الزماله دلوقت انت عندك حرف ابجدى من الحروف الابجدية الانجليزية وليكن H
نجد ان حرف H فى اللغة الانجليزية رقمه 8
اضرب 8 *4 يساوى 32
هات الرقم اللى قبله وبيقبل القسمة على 4 هيكون 28
اذن اللوحة تقع بين دائرتى عرض 28 ، 32
طب ازاى احسب خطوط الطول ؟
وده برضو سؤال اذكى من السؤال الاولانى
بص يا زميل
انت عندك دلوقتى رقم بعد الحرف الابجدى الرقم ده لوكان اكبر من 30 اذن الخريطة تقع فى النصف الشرقى "من 31 : 60"
اما لو كانت اقل نجد انها فى النصف الغربى "1 :30 "
طب دلوقتى عرفنا انها بتقع فى النصف الشرقى
طب انت بردو مريحتنيش هى بتقع بين اى خطى طول
انت مستعجل جدا على فكرة مينفعش كده
انت دلوقتى معاك رقم وليكن 36 اطرح منه 30
يتبقى 6 تمام جدا او جميــــــل جدا
اضرب ال6 *6 هيديك 36 هات الرقم اللى قبله اللى بيقبل القسمة على 6 وهو 30
اذن الخريطة تقع بين خطى طول 30 / 36
وبكدة خلصت الخريطة المليونية
استنى يا عم شوية لسة بدرى انت مصدقت ولا ايه
الخريطة 500,000:1
تنقسم الخريطة المليونية الى 4 لوحات نصف مليونية
وبالتالى فان ابعادها 2 درجة عرضية * 3 درجات طولية
والصورة دى بتوضح ده
http://www.iraqpics.net/images/3rwfn8bxngmrj0k391e.jpg
ولكن فى النظام المصرى القديم فانه يهمل ترقيم تلك الخرائط
وتنقسم الخرائط المليونية الى 24 خريطة ربع مليونية 250,000:1
تاخذ حروف ابجدية انجليزية capital letters من A حتى p
ويكون ابعادها 1 درجة عرية و1 درجة طولية
http://www.iraqpics.net/images/zt4dj6x8c3k02t96fafb.jpg
كل خريطة من الخرائط ربع مليونية تنقسم الى 6 لوحات 100,000:1 بابعاد 30 دقيقة *30 دقيقة
وتاخذ ارقام من 1 : 6
http://www.iraqpics.net/images/2ue9apkrdja6g6s23dae.jpg
وايضا كل خريطة من الخرائط 100000 فانها تنقسم الى 4 لوحات 1: 50,000 بابعاد 15 دقيقة فى 15 دقيقة
وتاخذ حروف ابجدية small letters من a الى d
http://www.iraqpics.net/images/74609btfzh8wbybpsnw.jpg
وهذه الخريطة 1 : 50,000
ممكن نقسمها الى 4 خرائط 25,000
وتكون ابعادها 7 دقائق و 30 ثانية طولية ونفس الابعاد فى الاتجاه العرضى
وتاخذ الخرائط الجديدة ارقام من 1 الى 4
ملحوظة هامة جدا
لو عايزين كتاب ندرسه عندك كتاب الجغرافيا العملية بتاع سلقونا "سنه اولى "
فى كل اللى احنا هندرسه
وممكن نحل المسالتين دولن ولو محدش حلهم هيتمد المرة اللى جاية
NS 55 P3c2
SP 37 N2b1
وان شاء الله دى هتكون بداية انطلاقة جديدة لشعبة المساحة والخرائط الفرقة التالتة
ومن النهاردة مفيش حكومة "نظم " احنا الحكومة احنا الحكومة
