بتحبية؟؟؟؟ يبقى لازم تسيبية
السلام عليكم ورحمة الله وبركاته
بتحبية ؟؟؟؟؟؟؟
يبقى لازم تسيبية
ايوة تسيبية
تسيبية عشان ربنا
هايسيبك عشان انتي قولي هاتقي ربنا!!!!مفيش مقارنة بين انك تختاري ربنا و انك تختاري اللي بتحبيه
وَمَنْ يَّتَّقِ اللهَ يَجْعَلْ لَّهُ مَخْرَجاً
ده وعد من ربنا
ومن تعجّل شيئاً قبل أوانه عوقب بحرمــــــانه
بعدين القلوب ربنا بيقلبها....يعني ممكن مش تسبيه وتلاقيه مش بقي بيحبك او حتي انتي مش بقيتي بتحبيه
ااو ممكن تتجوزا بس مش هاتعيشوا سعداء....عارفة ليه لان ربنا هاينزع البركة
بعدين ايه يساوي الرعب ان اهله اواهلك مش عارفين..وياتري هايوافقوا ولا لأ؟؟؟وياتري ايه اللي هايحصل؟؟
"ولا يحملنكم استبطاء الرزق أن تأخذوه بمعصية الله، فإن الله لا ينال ما عنده إلا بطاعته". رواه البزار، وصححه الألباني
يعني الاحسن انكم في اي حال من الاحوال مش تتكلموا..لانكم لو مش في نصيب بينكم مش هاتكوني اتعلقتي بيه لدرجة ان مش ينفع يوم يعدي الا ما تكلميه ..ولو حصل نصيب بينكم ياسلاااام علي رضا ربنا ^_^
خلي شعارك:
مش هاغصب ربي عشان حد
وهرضي ربي علي حساب اي حد
عايزني...بيتنا مفتوح
مش عايزني...يبقي كل شيء قسمه ونصيب
هااااا.عندك الشجاعة انك تضحي بحاجة غالية عليكي عشان ربك ؟؟؟
هاتيجي معانا ...وهاتقولي انا مستسلمة ليك يارب العالمين؟؟؟
هاتحملي مسؤلية تربية جيل مسلم مؤمن بالله لما تكوني ام باذن الله؟؟؟
هاتقولي يارب انا عايزة اكون من الشباب اللي نشأ في عبادة الله وربنا هايظلهم تحت ظله في يوم لا ظل له؟؟؟
يبقي خلاص
لو اخدتي القرار انك تبعدي عن اللي بتحبيه فترة لحد ما يتقدم ليكي رسمي
...
يبقي لازم يكون في خطوات عشان تثبتي علي قرارك لانه فعلا ... صعب وجدا كمان
اولها
******:
ماتسمعيش اغاني
بالذات الاغاني الرومانسية الحزينة
لها تأثير مرعب
لانك هاتسمعيها و تأثر فيكي جدا و ترجعي تتكلمي تاني ..اغنية تقول ارجعلي..مش عارف اعيش من غيرك...حياتي ولا حاجة...هاضحي بكل حاجة عشانك
فاتحسي انك كلمات الاغنية
!!!!!!!!!
في ناس عايشين حياة غيرنا تماما و بتأثر فيهم الاغاني و يضحوا بكل حاجة عشان اللي بيحبوهم حتي لو بربنا!!!!! عارفين ليه؟؟؟
لان قلوبهم ضعيفة
قوي قلبك بالله...الله...رب العـــــــــــــــالمين
قوليله قويني بيك انت يارب مش اي حد تاني
الخطوة التانية
***********
من اهم الخطوات...^_^ الافلام الرومانسية...ارجوووووكي قليلها اوووي اووووي
هاتتفرجي علي الفيلم بعد لما يخلص تقولي فيــــــنك ...وحشني اوي ..مش قادرة...تأثير الفيلم ...اكتر من الاغنية...بيأثر في الانسان جدا...وده طبيعي وتمثيل زي ما احنا عارفين وبرضوا بتصدقوا
ده حتي مش عندهم فترة خطوبة بيحبها و يتجوزها علطول
احنا المسلمين..عندنا بقي فترة الخطوبة اللي بربنا راضي عنها
^_^
الخطوة التالتة:
***********
افتكري علطول انتي ليه اخدتي قرار انك تبعدي...عشان ربنا...عشان انت عزيزة...عشان انتي بنت ناس محترمين اللي عايزها يجي لحد البيت
اياكي تكوني من اللي بيحبوا الولد اللي مرتبطة بيه زي حب ربنا
يحبونهم كحب الله!!!!!!!!
وَمِنَ النَّاسِ مَنْ يَتَّخِذُ مِنْ دُونِ اللَّهِ أَندَادًا يُحِبُّونَهُمْ كَحُبِّ اللَّهِ وَالَّذِينَ آمَنُوا أَشَدُّ حُبًّا لِلَّهِ وَلَوْ يَرَى الَّذِينَ ظَلَمُوا إِذْ يَرَوْنَ الْعَذَابَ أَنَّ الْقُوَّةَ لِلَّهِ جَمِيعًا وَأَنَّ اللَّهَ شَدِيدُ الْعَذَابِ
الخطوة الرابعة:
************
لو هو مش قادر يبعد عنك وكل شوية يتصل...غيري رقم الموبايل والايميل ...بنية انك عايزة من ربنا انه يبارك في حبكم...ودي لمصلحته لو بتحبيه...لانه كده ممكن يفكر ان فعلا الموضوع غلط ويشوف الحق حق والباطل باطل
وربنا ينور بصيرته
الخطوة الخامسة:
***********
ادعي ربنا كتيـــــــر انه يثبتك....الدعاء ليه تأثير السحر علي فكرة
قوليله يارب انا عملت كده عشانك انت بس لاني بحبك رغم اني بعصيك ...بس هاضحي باغلي ما في حياتي عشانك وانت هاتعوضني فترة البعد دي لحد ما نتخطب باذنك
الخطوة السادسة:
**************
الصحبة الصالحة...مش تمشي مع بنت مصاحبة...عشان مش تخليكي تفكري طيب انا بعمل ربع اللي هي بتعمله
قارني نفسك بالبنات اللي مش مصاحبين خااالص وقريبين من ربنا و قولي عايزة اكون زيهم
الخطوة السابعة:
**************
دي مهمة برضوا للثبات...انك تكلمي البنات عن فكرة الارتباط الغلط
ده هايشجعك اكتر انك تثبتي
هاتقولي مش ينفع اقول حاجة واعمل حاجة
ولو غلطتي برضوا ارجعي كلمي الناس تاني لحد ما تثبتي
ان شاء الله
الخطوة التامنة:
***********
كل ماتفكري انه ممكن يسيبك عشان مش هاتتكلموا...افتكري ان خلاااااااص الاقدار كتبت من زمااااااان مين اللي هايكون جوزك...يعني لو هو اللي مكتوب انه يكون جوزك مش تتعبي نفسك...غصب عنه هايكون جوزك
^_^
يارب اكون قدرت افيدكم بأي جملة ... واطمني... محدش هايتجوز جوز حد
