فرصتك فى توجيه سؤال للدكاتره

بصو يا جماعه الموضوع ده فكرتو ايه
احنا بنجمع اساله نسالها لكل دكتور فى الحوارات اللى بنعملها معاهم
فقولنا لازم تشاركونا الموضع ده
ففكرنا ان ممكن اى حد يدخل فى الموضوع ويوجه السؤال اللى هو حابب يساله للدكتور اللى احنا حنعمل الحوار معاه
وبكده نبقى عرفنا كل حاجه احنا عاوزنا فى الحوار او اى حاجه كان نفسنا نعرفها عنو
اللقاء القادم حيكون مع الاب الروحى للمساحه
الدكتور احمد احمد مصطفى
وده شرف لينا طبعا اننا نكون مع الدكتور احمد مصطفى
فاللى عنده سؤال حابب انه يوجهه للدكتو احمد مصطفى عن طريقنا
يكتبه بسرعه مفيش وقت اللقاء حنعملو بكره فى الكليه

يا ريت يا رانيا تسالوه عن نصيحة يحب ينصحها لاولادة (اللي همة احنا طبعا)

و عن رايه في اجيال اخصائيين المساحة اللي اتخرجوا من تحت ايدة وهل هوة فخور بيهم ولا فيه نقد

تفكير عبقري يا رانيا

اقتباس:

---

المشاركة الأصلية كتبت بواسطة thesurveyor

تفكير عبقري يا رانيا

---

شكرا يا صديقى

اولا موضوع جميل اوى يارانيا

احب اسال الدكتور احمد مصطفى سؤال مهم

هل هو ضد تطوير القسم ولا معاه وياترى ليه وايه هو العدد المفروض لشعبة المساحة وايه هى اهم مميزات اخصائى المساحة ؟؟؟؟

ياريت نجمع اكبر اسئلة النهاردة عشان بكرة اللقاء

فين بقية الاعضاء مفيش اسئلة ولا ايه

ايه السلبية دى
مفيش اسئلة من الاعضاء

فعلا فيه سلبية رهيبة

سؤال تانى مهم جدا

تتفتكر يادكتور احمد امتى يكون اخصائى المساحة افضل من المهندس؟

وليه الكلية مابتعملش تنسيق مع كلية الهندسة بحيث يكون فيه ماجستير فى المساحة فى كلية هندسة
او حاجة زى كده؟؟؟؟

السلام عليكم ورحمة الله وبركاته
اولا اتمنى لكى التوفيق يا رانيا فى لقاء الغد بأذن الله انتى والزملاء جميعا

ثانيا لدى بضعة اسئله اود ان اطرحها لأستاذنا احمد مصطفى

-هل هواية القراءة من هواياته المفضلة؟ وفى نظره لماذا نجد معظم الشباب لا تستهويهم تلك الهواية ؟

-اجمل ذكرى عاشها دكتور احمد مصطفى مع طلابه ؟

-ما هى الماده التى احب ان يدرسها لطلابه ؟؟

-ما هى الصفه التى تميز الانسان الناجح فى نظره ؟

شكرا يا وايلد على الاسئله وان شاء الله حنضيفها عندنا

فرصه كبيره اوى انك تتحاور مع عقليه زى الدكتور احمد مصطفى انا بقى عندى سؤال مهم جداً هو ليه ميعملوش اختبارات من سنه اولى ويقسموا القسم لأكتر من قسم يعنى مساحه ونظم معلومات وجولوجى وطقس ومناخ وبشريه وبحار ومحيطات او بينه يعنى والخ بدال الخلطابيطه دى فى اول سنتين وهو رأيه ايه فى الموضوع ده ؟ عاوزين نفكر بفاعليه شويه ونواكب الغرب يا جماعه