حسام المصرىحقيبه اسرارك عند من تضعها؟
لو فى اسرار بتكون عند واحد صاحبى هو اقرب حد ليا بس انا اصلااا مش عندى اسرار بمعنى اسرار يعنى مثلا مش متجوز عرفى :box:
الى اين تأخذك ذروة الغضب؟
وكيف تعبر عنها؟
لا بتودينى فى داهية لانى من النوع اللى مش بيعرف يخبى غضبه
بتخانق طبعا بس بهدا على طول مش بتطول اكتر من دقيقة
متى يعاندك النسيان؟
يوووو كتير
هل حدث ان انتصرت على نفسك يوما واحصيت عيوبك؟
يعنى عامه انا من الشخصيات اللى مش بتشوف عيوبها لكن من خلال عيون اقرب الناس ليا فعلا قدرت اغير حاجات كانت غلط فيا
متى يقسو قلبك؟
الكدب لما حد غالى ومهم عندى يكدب عليا
ماذا تحب فى حياتك؟ وماذا تكره فيها؟
بحب الناس وبحب اشوف الناس كلها مبسوطة وبكره اللى بيتعمد يأذينى او يأذى الناس
متى تخجل من نفسك؟
لما اضطر اكدب
ما هو هدفك فى هذة الحياة؟
انى كل اللى اعمله يكون تمهيد يدخلنى الجنة
صفة فيك تحبها؟ وصفة تكرهها؟
الحمد الله الناس شايفين ان عندى كاريزما مختلفة يعنى شخصيتى مش زى حد ودى حاجة عجبانى فى نفسى
صفة تكرهها الوفاااااااااااااااء المبالغ فيه انا شخص وفى جدا لدرجة مبالغ فيها لدرجة انها اصبحت عيب بجد
اكثر شىء بيعصبك؟
لما اكون فى موقف ضعف فى اى موضوع حتى لو فى ماتش كوره والاهلى خسران مثلا
من مثلك الاعلى؟
مش كلام شعارات والمفروض الكل يقول سيدنا محمد لكن فى اللى انا شايفهم بعينى بصراااااااااااااااحة مش عايز اكون زى اى حد عايز اكون نفسى
تجربه مريت بيها وتتمنى تكرارها؟
انى اجاوب على الاسئلة دى تانى بجد اسئلة حلوه
اعظم شىء فقدته؟
الحمد الله مفيش حاجة عظيمة فقدتها بس فى مرحلة الفقدان هفقد قريب حد غالى عندى بس بحاول والله
اعظم جرح دفنته؟
مدفنتوش لان لسه عايش فى الجرح ده لحد دلوقتى وهداوية او هدفنه لسه مش عارف
(يا........مين علمك تجرح) لمن تهديها؟
هههههههههههههههههه my love
ماذا تقول لمن ظلمك؟
اها الجملة دى عايزها فعلا بقولها للاتنين ولد وبنت منكم لله انتوا دمرتوا حياة اتنين وكل ذنبهم انهم يعرفوكوا وانتوا مش عايزين تشوفوفهم سعداء وبس ده هدفكم فى الحياة وانا بحاول اعمل كل حاجة علشان نوصل يوم القيامة وانا اكون فى الجنة ويجى هما يوقفوا على باب الجنة وميدخلوش بسبب انهم تعمدوا يدمروا حياتى وانا مش هسامحهم ويدخلوا النار
كتاب حياتك بماذا تصفه فى كلمات معدودة؟
طفولة سعيدة تغيرات طبيعية ولكن فيها بعض الحاجات السيئة
الان سعيد ولكن ناقصلى حاجة هخسرها بنسبه 90% بس بحاول مخسراهاش
المال-الحب-الصديق-المستقبل المهنى-العائلة رتبهم حسب اهميتهم عندك
العائلة ( على فكره العائلة هى الحب )
المستقبل المهنى
الصديق
المال
اقولك اانا ليه اختارت كده
لان عندى العائلة هى الحب وهى الصديق
والمستقبل المهنى هوفر فيه الراحة للعائلة والحب
والصديق انا بعتبر ان عيلتى هى اقرب صديق ليا
والمال اعتقد ان المستقبل المهنى بيوفر المال
وفى النهايه اتمنى انه يكون عجبكو ويا ريت تجاوبو على الاسئلة بصراحة
والله مفيش صراحة اكتر من دى
اسئلة حلوه وصعبة اوووووووووووووى
الف شكر يا حسام على ردك شرفنى مرورك وشكرا على الصراحة
