هتعمل ايه لو قابلت شخص دمر جزء كبير من حياتك ؟

http://sor.w2hm.com/files/image/e/9.gif

أهلآ بيكم كل أعضاء منتدى الرابطة أحب أهنيكم بالعيد وأقول كل عام وانتم بخير وينعاد عليكم بالخير يارب

وحابة أحاوركم وأناقشكم في الموضوع دا وأكيد هنبسط بآرائكم فيه

وهو باختصار عن شخص دمر جزء كبير من حياتك .. وقفت وشك لوشه .. هتعمل ايه ؟

أكيد كلنا مش ملايكة ولا عايشين في الجنة

بس في حياتنا في الحقود وفي الحسود و في أعداء لكل واحد مننا

في أشخاص هدفهم الوحيد تدمير أهداف الآخرين

وللأسف ممكن يكونو حد من الأقارب أو يكون أخ أو أخت أو حتى أب أو أم

فإذا كنتي أو كنت واحد من اللي حظهم وحش وربنا ابتلاك بحد نفوذه كبير

وبعد ما دمر حياتك

جبتك حطيتك في أودة انت وهو بس .. وبصيتله في عنيه وللأسف انت لازم تتكلم معاه لأنه بكل بساطة ابتسملك


فـ ياترى هتعمل ايه ؟ تلزم الصمت وتظهر لامبالاة نتيجة لكرهك ليه ؟ والعلامة دي هتبين انك لسه متأثر باللي عمله فيك و كارهه وبكدا يكون انتصر عليك

ولا هتظهرله نظرات حقد وكره وتتعدى عليه بالسب وتتخانق معاه ؟

ولا هتهرب من عنيه ؟

ولا هتقول حسبي الله وتتحسبن عليه

هتعمل ايه ؟ ممكن اللي اتعرض للموقف دا يشاركنا برأيه ويقولنا لأي درجة الشخص دا أثر على حياتك ؟ وممكن اللي متعرضلوش يتخيلانه اتعرضله ويشاركنا أكيد

الله ينور يا ميمي

موضوع جامد والله

بس الحمد الله مفيش حد دمر حياتي

بس اتوقع انها حتكون لحظه صعبه اوي

وحيختلف رد الفعل بين كل واحد والتاني

ياريت فعلا الي حصله كدا يقولنا عمل ايه

جزاكي الله كل خير

ميرسي لمشاركتك السريعة اللي اتعودنا عليها ياكامو

والحمد لله انك متعرضتش للانسان دا وان شاء الله متتعرضلوش

ميرسي ليك مرة تانية وفي انتظار باقي الآراء

ولا هتقول حسبي الله وتتحسبن عليه

في في وجهه

الله ينور يا ميميموضوع هايل وكمان كل سنه وانتي طيبه

وانت طيب وبصحة وسلامة يابشمهندس

نورني ردك الجميل على الموضوع وبأيدك في الاختيار اللي اخترته

حقول حسبى الله ونعم الوكيل
دى كفايه اوى
بجد موضوع جميل اووى اوى يا مىمى
تسلم ايدك

مشاركتك الاجمل ياميرو ياعمري

كل سنة وانتي طيبة ياحبي

ودا احسن رد وانا معاكي فيه طبعا

بصراحه ان مش هعبره ...
ولا كانى شايف لان فعلا مايساويش حتى ان انطق معاه بعد ال حصل منه وكدا كدا مابقاش لازمنى ف حاجه ف هكلمه ليه اصلا

ThanX

ربنا يسامحها

الموضوع فكرته حلوه اوى
وانا شخصيااتعرضت للموقف ده بس بصراحه مكناش فى غرفه لوحدنا وكان معانا ناس وبعد تبادل التحيه العاديه جدا لقيت نسى بحاول افح اى موضوع مع اى شخص غيره فى المكان وتحاشيت النظر له نهائيا
بس بصراحه حسيت انى مكسوره رغم انه كان الشخص ده هو الى غلط فيه وكل الموجودين كانو عارفين انى اتظلمت .
ولو فى تصرف تاني اقدر اعمله يريت تقولهولى لأنى اكيد حقابل الشخص ده تانى



-

موضوع جميل اوى ياميمى زى ما تعودنا منك
وبصراحه لسه محصليش الموقف دة
بس يوم ما اكون ادام الشخص دة حبتسم فى عنيه عشان ساعتها حيكون سبب فى انى اتغير عشان اصلح اللى هو عمله واكون احسن من الاول
موضوع هااااااااااااااااااااااايل يا ميمى الف شكر

اقتباس:

---

وللأسف ممكن يكونو حد من الأقارب أو يكون أخ أو أخت أو حتى أب أو أم

---

دى جمله فى موضوعك

اول ما شوفتها
قلت لو المشكلة او الاشخاص دى ( الاب والام )
هم السبب فى تعاسة ابنهم وفى تدمير جزء كبير من حياته
اذا الدنيا بقت غابة
ومش بقول ان مفيش نماذج من دى
ولكن النموذج ده اول ما الشخص ده يحصل معاه كده من اقرب ناس زى والده ووالدتة ( يبقى لا حياه ) مش ينتحر ويستسلم
ولكن لم اساس الحنان والحب يبقى هما اساس تعاسى وتدمير حياتى
ايه لازمتها الحياه

اما اذا كانت مع اى شخص
فده انا واصحابى يعرفونى
انى مش بحط فى دماغى حصل كده من حد مش متوقع منه
وقابلته ف غرفته لوحدى انا وهو
هوريله البراده بعينها
واسلم عليه وكان مفيش حاجه حصلت ولكن من بعيد لبعيد

انا عارف انى طولت
ولكن علشان اوضح الجمله دى


شكرا ليكى جدا على التوبيك الرائع ده

Good Darsh شكرآ على مشاركتك الجميلة وعلى اختيارك نورتني

Hassan Mohamed نورتني ياحسن مع مشاركتك الصغيرة جدآ بس فعلا تفويض امرنا لله هو أحسن اختيار

Sos شكرآ ليك أو ليكي بصراحة مش عارفه أحدد بس انت كمان اخترت اللامبالاة وتخطيت عنيه ومحاولتش تواجه ممكن دا يكون صح وممكن يكون خطأ انا شخصيا مش عارفه الحقيقة بس برجح المواجهة

Ahmed Ftiha انا عجبني اختيارك وهو انك تواجهه وبعنيك تقدر توصله الكلام اللي جواك وبابتسامتك بتثبتله ان كل اللي عمله فيك عدا من تحت رجليك وحياتك مشيت وبشكرك جدآ على مشاركاتك الجميلة

Mahmoud Slem الحقيقة وللأسف فعلا الاشخاص دول ممكن يبقو أقرب أشخاص ليك ودا اتذكر في القرآن ( ياأيها الذين آمنوا إن من أولادكم وأزواجكم وآبائكم عدوآ لكم فاحذروهم ) بس على رائيك اذا كان اساس سعادتك وحياتك هم سبب تدمير حياتك هتعيش ليه .. شكرآ لمشاركتك الجميلة ياسليم ومع اختيارك للامبالاة كرد فعل للشخص دا يبقى عندنا اغلب الاراء بتختار اللامبالاة

انا جييييييت اميمى

المواضيع بتاعت زمان دى الله يرحم ايامها

بصى يا ستى

انا عن نفسى حصت معايا كتير و اتحطيت فى موقف قريب

تصدقى بالله كنت بسلم عادى

و بقف اتكلم

مبحسش من جوايا ان الحد دا عمل معايا حاجة كبيره و ببقى مسامحه

بس بينى و يننك

ربنا بيعوضنى خير و الله فى حاجات كتير اوى

و احسن من الى كنت بتمناه 100 مره

موضوعك هايل يا ميمى

أول حاجة ميرسي جدآ لمشاركتك الجميلة ياخالد

ثانيآ أحب أقولك لأنك نفس متسامحة فأكيد ربنا هيعوضها كل خير

ولأنك فوضت أمرك لله في كل أمورك وحسيت ان دا مكتوبلك

فربنا بينلك الخير بسرعة وان شاء الله تلاقي السعادة والخير دايمآ بحياتك

ميرسي ليك مرة تانية

موضوع شيق جدا يا ميمي والحمد لله اننا ما اتعرضناش لكدة بس تعرفي انا مؤمن جدا بمقولة سمعتها مش عارف مثل ولا حكمة ولا ايه بتقول

سامح اعدائك ولكن لا تنسي اسمائهم

شكرا علي الموضوع الجميل دة يا ميمي كالعادة

موضوع جميل بس الحمد لله محدش دمر حياتى بس الاكيد انى حتى لو شوفت الشخص دة وانا فالموقف دة هسلم عليه عادى لو سلم ومش هتكلم فالماضى لان الماضى انتهى وخلاص ومش هديله فرصه يحس ان الموضوع شاغل بالى او انى بفكر فيه ولا حتى هخليه يحس انوا هانى ولا زلنى شكرا ليكى ميمى

الحمد الله محصلش الموضوع ده معايا
وانا عمري ما ادي لحد فرصه انه يدمر حياتي
بس لو بعد الشر حصل
انا همشي بعيد عنه خالص عشان انا ممكن انتقم منه باي طريقة
هي حياتي لعبه وبعدين هي حياة واحده

موضوع رائع يا حبى بجد وديما متالقه

بس اصراحه انا اتحطيت فى الموقف ده كتيرررررررررررررررر لو انا فى مكان عامه بعد فتره بس من اذيته ليه بيبقى جوايه رغبه كبيره انى اكلمه وعادى وبنسى اى حاجه عملها

لكن بالصوره اللى بتقولى عليها فى واضه وحده يبقى اول حاجه حسكت لو طال الصمت حساله سؤال واحد حيفتح الكلام ليه عملت فيا كده او بجد انت ظلمتنى وحسكت تانى لو فتح الكلام حستنى منه يحس بغلطه ويطلب السماح وسعتها حسمحه حتى لو كان قتلنى

للاسف عمرى معرفت اكون قاسيه على حد وده عيب مش ميزه على فكره

بشكرك يا حبى على الموضوع الجميل ده

للاسف مش هعرف اقول حاجة لان حرام

الموضوع اولا تحفه كالعاده
و ثانيا مش شر ط يكون دمر حياتي
كفايه انه يكون جرحني
طبعا من جواياهقول حسبي الله و نعم الوكيل
لكن من بره لما اكلمه بالعكس
انا حبتسم و ابصله في عينه
بس مش نظره انا مسامحه
نظره تحدي و اني ابين اني لسه صامده و متحطمتش
و حتلكم معاه عادي
بس علي قد السؤال
و من جوايا اكيد مش حقدر انسي انه كان في يوم
سبب جرحي
توبيك روعه يا ميمي

السلام عليكم
بصراحه الموقف ده محصلش معايا بس كل واحد هيتصرف حسب شخصيته انا عن نفسي لو شايف انه غلطان هروح اعرفه غلطه
ولو مش معترف بغلطه البيني وبينه السلام هيجي يوم ويعرف غلطه

مشكوره علي الموضوع الرائع ده بس انا عن نفسي عصبي جدا بتعصب بسرعه فا انا لو لقيته في اي حته مش لو اوضه لوحدنا انا ممكن اعمل حاجات كتير و الله و انا مش بكدب

اتقي شر الحليم اذا غضب ( عن أبي هريرة رضي الله عنه أن النبي صلى الله عليه و سلم قال : " ليس الشديد بالصُّرَعة ، إنما الشديد الذي يَملك نفسه عند الغضب ")

اقتباس:

---

المشاركة الأصلية كتبت بواسطة olivia nader

الموضوع اولا تحفه كالعاده

و ثانيا مش شر ط يكون دمر حياتي
كفايه انه يكون جرحني
طبعا من جواياهقول حسبي الله و نعم الوكيل
لكن من بره لما اكلمه بالعكس
انا حبتسم و ابصله في عينه
بس مش نظره انا مسامحه
نظره تحدي و اني ابين اني لسه صامده و متحطمتش
و حتلكم معاه عادي
بس علي قد السؤال
و من جوايا اكيد مش حقدر انسي انه كان في يوم
سبب جرحي
توبيك روعه يا ميمي

---

يا جامد يا اولى يا بتاع التحدى انت انتى من الننجا ترتر ولا ايه ههههههههههههههههه:donatello::donatello:

لا بجد ردك حلو اوى يا حبى

هو حصل فعلا فى يوم من الايام
وبعدين لقيت نفسى باعامله عادى
طبعا مش عادى زى باقى الزملاء
لكن اهو عادى
ولما معاملتى شجعته ييجى ليا يفتح معايا اى موضوع
ويتكلم تانى زى زمان ولا كأن حاجه حصلت
لقيت نفسى باقول له ....... انسى يا عمرو
وخليك بعيد وفى حالك .. علشان لو حبيت اردها لك مش عارف ممكن توصل معايا لحد فين
انا عارف طبعا انك بتقولى عليا دلوقتى شرير
بس ربنا قال عن الصفح والغفران "ولمن صبر وغفر إن ذلك لمن عزم الأمور "

حقوله

اشوف فيك يوم ع اللى انت عملته فيا لما انت غدرت بيا
واللى بترضاه عليا بكره انا حرضاه عليك

و فى الأخر كل واحد منه لله

موضوع جميل يا ميمى وانا بقى اتعرضت للموقف ده بش مش دمرلى حياتى عشان دى كلمه كبيرة اوى بس اناكنت بحب الشخصيه دى اوى بس هى اللى اتسببت فى اننا بعدنا وانا اتصدمت فيها ودلوقت انا بقى مش حاسه نحيتها بأى حب رغم اننا قرايب وانا كنت بأعتبرها اكتر من اخوتى وعلمتنى انى مأمنش لأقرب الناس ليا عشان مينفعش الواحد يدى الامان خاااااالص وكل واحد جواه نقطة سودة يأما بيقدر عليها يأما بتخسره الناس والنقطة تبقى جزء كبير جواه بس يلا بقى ربنا يهديها وانا بجد بقولها ربنا يهديها عشان متخسرش ناس تانيه لأنها خسرت اصحاب ليها كتير بس ربنا يهديها والف شكر يا قمر على الموضوع

هبصله نظره احتقار

موضوع جميل اوي
هي لحظه صعبه اوي اوي
كل واحد حبتصرف غير التاني حسب الشخصيه
انا حتكلم معاه بس مش زي الاول في حدود الكلام السلام
بالمعني الاصح ححسسه انه هو مش موجود
وحقول بين نفسي ربنا يهديك ويسمحك

موضوع هاااااااااايل يا ميمى

انا مااقدرش اقول انى اتعرضت لتدمير حياه بس اقدر اقول انى اتجرحت اوى لانى اتصدمت اوى
بتعامل مع الشخصيه دى بشكل عادى بس تقدرى تقولى ان نظراتى بتاخدلى حقى
بمعنى ان اللى عايزه اقوله بقوله بس بعنيا
ولا يمكن احسس الشخصيه دى بالضعف ابدااااااا

وبجد حسبى الله ونعم الوكيل فى كل ظالم

شكراااااااا ميمى على الموضوع اللى قلب علينا المواجع