كلام كتير بنقوله ومش عارفين معناه
بسم الله الرحمن الرحيم
لطالما سمعنا كلمات
ونرددها
واحيانا لانعرف معناها
تفتكروا الكلمات دى لها معنى ؟؟
ام انها لا تتعدى كونها كلام وخلاص
واي كلام بيتقال يا عم الحاج
هنحاول نفتح معنى واصول تلك الجمل والعبارات
اولا نحكى حكاية طق طق ل سلاموا عليكوا
وهى تفال عندما يريد الشخص سرد الموضوع بالتفاصيل الدقيقه
فكلمة ( طق طق ) يراد بها صوت الباب -- اى الطرق على الباب
وسلاموا عليكوا تعنى الاذن بالرحيل
يعنى الشخص قصده يقول
انا هجكى لكم الموضوع من اول ما خبطت على الباب ( طق طق ) لحد ما مشيت من عندهم تانى وقلت لهم ( السلاموا عليكوا )
حكاية ( كانى ( و ( مانى ) و ( دكان الزلبانى )
اولا اصل الكلمات دى قبطى
كانى === السمن
مانى === العسل
دكان الزلبانى === محل الفطائر
تيجى تطلب حاجه من حد --- وتحس انه هيماطل
تقول له ( انت هتقعد تقول لى كانى ومانى و دكان الزلبانى )
والمقصود انك هتاكلنى بالكلام وهتحكيلى حكاية العسل والسمن وتدخلنى ف مواضيع ماليش فيها
ولما واحد يقول لواحد أيوه او اه --- التانى يرد يقول له ( جتك أوه ) بقتح الالف
معنى ( اوه ) يعنى وجع
والمقصود تصاب بالوجع
وكلمات اخرى مثل ( هتحمرأ ) عندما يتراجع الشخص عن عهده او وعوده
واخرى مثل ( عقله ترالالى ) للشخص خفيف العقل
واخرى مثل ( اخويا هايص وانا لايص )
هايص وعارفينها
انما لايص من الليص وهو الطين
والمقصود اخويا رايق وهايص وسايبنى انا فى الطين
حكاية ( حتتك بتتك )
حاتا === كلمه قبطيه قديمه تعنى اللحم ومنها جاءت كلمة الحاتى اى الكبابجى
باتا ==== تعنى العظم
و
( نزل على الاكل ( حتتك بتتك )
اى لم يترك منه لا اللحم ولا العظم
حكاية خيبه بالويبه
الخيبه وعارفينها يافيلسوف
فماهى الويبه ؟؟؟
الويبه فى القبطيه القديمه هى مكيال للحبوب
ومعنى الخيبه بالويبه
اى خيبه بالكوم مالهاش حصر
يعني خيبة كتيرة فحت
حكاية ( توت توت قطر صغنتوط )
وحكاية ( حاللو ياحاللو رمضان كريم ياحاللو )
توت توت == لفظ فى اللغه القديمه بمعنى اجتمعوا
وتوت توت قطر صغنطوط
المقصود بها تعالوا تعالوا - نعمل قطر صغير
اما حكاية حاللو ياحاللو
حاللو -- هو الشيخ
والمقصود من
( حاللو ياحاللو --رمضان كريم ياحاللو --
فك الكيس وادينا بقشيش -- ياتروح ماتجيش ياحاللو )
هو استجداء ذلك الشيخ وتذكيره بكرم شهر رمضان واستجداءه لاعطائهم الفلوس -- او انه يغادر المكان
والداهيه اللى تودى بقى
حكاية الخير المتلتل
يقال عند وصف شخص عنده فلوس كتير مثلا
يقال ( عنده فلوس متلتله )
فهل تعرف ماهى التلتله
تل === زاد وارتفع
ومنها تعريف كلمة ( التل ) فى الجغرافيا - -هو مرتفع من الارض عما حوله
وتلتل == اى زاد ارتفاعه
وفلوس متلتله == المقصود بها فلوس كتير زياده عمن حوله
حكاية حلقاتك برجالاتك
دايما فى اى سبوع لاى طفل تسمع الكلمتين دول
تحس انهم بيحضروا عفاريت
واصل الكلمتين برضه قبطى قديم
حلقاتك -- من الحلق - فقد كانت عاده عن المصريين القديماء انهم يلبسوا اى مولود حلق ف ودنه للزينه
برجالاتك == كلمه مركبه من مقطعين
برج === تعنى افتح او افرد
لاتك === تعنى رجليك -- قدمك
والمقصود -- تحفيز للمولود بفرد رجليه
وبعد كده يسمع كلام امه وابوه
حكاية الحبل على الغارب
الغارب تعنى ==== سنام الجمل
فاذا اردنا ان يرعى الجمل بحريه -- فكننا قيوده و تركنا له الحبل على سنامه
و المقصود من ( ترك الحبل على الغارب ) اى الحريه او عدم الرقابه على الشخص
كفاية كدة
