عرض للطباعة
انا عملت الموضوع علشان المحاضره بتاعت الدكتور الزيادى اللى عنده اى معلومه او رابط فيه مناقشه عن الجغرافيا السياحيه يا ري يحطه وانا حاليا ببحث عن كتب احطها على النت بس المشكله انى بلاقى اسماء الكتب بس فهنزل اجيبها من مكتبه اسكندريه وان شاء الله ابقى انزل الحاجات المهمه اللى فيها ويا ريت متكونش الماده دى بس يكون كل المواد فيها تعاون ونورى شعبه المساحه انهم مش احسن مننا وان احنا مش شعبه عامه احنا شعبه متخصصه فى نظم المعلومات
وانا كمان هبحث عن ذلك بس انا حاسة ان المادة لذيذة هعمل الى عليا
شكرا على ردك يا هدى
واى حاجه تحتاجبها ربنا يقدرنى واعرف اجيبها وكلنا ان شاؤ الله فى الدفعه ايد واحده
السلام عليكم
هى الماده سهله ولذيذه ومش هتلاقوا اى مشكله فيها ان شاء الله
ومقررها دايما بيكون بسيط ده اسم كتاب الى كان مقررر علينا من سنتين اداب اسكندرية فرع دمنهور
اسمة
جغرافيا السياحة والترويج
دكتور مدحت جابر
كليه الآداب -جامعة المنيا
وان شاء الله لو قدرت هرفعه ليكم هنا
ايدا اجماعة ايدا ؟؟؟؟؟؟
هى الدراسة بدأت ؟؟؟؟؟؟
انا نزلت السبت بس
وملقيتش غيسر جدول أولى وتانية
يارب متكونوش دخلتوا فى الجد
لانى محضرتش ولا محاضرة
جماعة لو حد نزل يطمنة خدتوا كام محاضرة
ويقولنا ايه الاخبار هناك
وان شاء الله ننزل كلنا من السبت الجاى
وننزل لا بسين الكمامات كمان
ههههههههههههههههه
انا عملت الموضوع علشان المحاضره بتاعت الدكتور الزيادى اللى عنده اى معلومه او رابط فيه مناقشه عن الجغرافيا السياحيه يا ري يحطه وانا حاليا ببحث عن كتب احطها على النت بس المشكله انى بلاقى اسماء الكتب بس فهنزل اجيبها من مكتبه اسكندريه وان شاء الله ابقى انزل الحاجات المهمه اللى فيها ويا ريت متكونش الماده دى بس يكون كل المواد فيها تعاون ونورى شعبه المساحه انهم مش احسن مننا وان احنا مش شعبه عامه احنا شعبه متخصصه فى نظم المعلومات
صديقى العزيز
احب اشكرك على حماسك والموضوع الجميل اوى اوى ده بس انا زعلان منك فى جملة انت قلتها وبصراحة مهاش لزمة
وهى " ونورى شعبه المساحه انهم مش احسن مننا "
اولا مفيش حد احسن من حد ـ ثانيا ده قضاء ربنا وقدره
وربنا يوفقنا كلنا ومتنساش ان احنا كلنا كنا مع بعض سنتين ودول كافيين اوى ان احنا نحب بعض
وبعدين عايزين مادة مشتركة زى الاقتصادية او E او بحار ومحيطات
وياريت متزعلش منى انا زى اخوك انا طولت اوى صح؟ اشكرك
شكرا يا اخى نيمو بس على فكره انا بقول الكلمه دى على سبيل التحميس وعلى فكره انا معظم اصدقائى فى مساحه والناس دى تعبت اكتر مننا علشان كده ربنا كرمهم ودخلوا وشكرا على التعليق حبيبى NIMO
بكرر شكرى ليك يا محمد ع الموضوع
واتمنى الموضوع دا يكون صفحة التواصل
ما بينا فى مادة الجغرافيا السياحية
ولو تسمح لى أضيف حاجة
بخصوص محاضرة امبارح ان الدكتور
ابراهيم زيادى طلب بحث مننا كلنا
عن المحميات من أى مصر كتاب او
النت المهم يكون بخط اليد
هو معلهوش درجات بس دى خطوة
كويسة لينا عشان نجتهد ونبحث شويا
ونكون شعبة مجتهدة ومتعاونة زى ما اتفقنا
وانا ان شاء الله فى أقرب فرصة حنزل ركن للمحاضرات
فى موضوع لواحده فى المادة وممكن مواد تانية
بحيث ان اللى حصل له ظروف ومعرفش يحضر
يقدر يعوض اللى فاته من غير ما يدوخ ويلف
** ملحوظة :
- البحث مطلوب عن محميات داخل مصر (زى محمية رأس محمد مثلا )
- اجماعة البحث حيتسلم فى محاضرة الاسبوع الجاى
- الدكتور حيقوم ناس عشنا تتكلم عن وموضوع بحثك
تحياتى ليكم زملائى الافاضل
اخوكم / كريم
بجد بشكرك على تحميسك وربنا يكرمنا ويارب نكون متعاونين دايما
متشكرين ياميشو
سوري يانيمو اتلخبط وانا بقرا اسمك
وللمرة التانية شكرا لمجهودك
شدو حيلكم يا شباب
انا ماخدتش سياحية علشان مش عندنا
لكن الدكتور الزيادى ادانا السنه اللى فاتت بحار ومحيطات وطقس ومناخ
وده من اكتر الدكاتره اللى بحبهم وبجد انتم كلكم هتحبوه وهو بيساعد كل الطلبه ومش بيضغط عليهم لكن المذاكره اول باول
بالتوفيق والنجاح ان شاء الله
اقتباس:
المشاركة الأصلية كتبت بواسطة امانىىى
ههههههههههههههه
على فكرة هو مش نيمو ولا ميشوا
هو مونيشى اللى عالمل الموضوع فوق خالص
عموما نورتى الموضوع طبعا ....
واتمنى دايما تشاركى معانا
فين الاسئله يا جدعان