سلسلة مقالات إزاي ندخل الحياة العملية "للبنات وبس" المقالات من 1- 3
انا خريجة مساحة 2007 وطلعت زى اى بنات من الكلية عايزة اشتغل وفرحنة جدا انى مهندسة مساحة ومن المتفوقين يعنى هشتغل هشتغل
والمفأجاة الكبرى جدا
انى محدش رد يشغلنى لانى بنت ومتنفعش تنزل موقع
قول طيب ادرب حتى افرح اهلى بية انى خلصة ويقولوا المهندسة راحت والمهندسة جت ولكن الصدمة الكبرة بردة محدش ردة ينزلنى الموقع معاه عشان دة مسئولية وكدة
وفى وقتة قاعدت فى البيت وقولت ادور بقى على العريس مافيش حل تانى خلاص
والحمد الله
بس لا لا للاستسلام رحت دورت على حد انزل معاة حتى لو ادفعة فلوس
مع العلم انى عمرى ما اخذت كرسات ومقتنعة تماما انا الانسان بيتعلم من التجربة وليست من الكرسات ومينفعش نأخد كرسات واحنى قاعدين فى البت
انزلى اشتغلى اى حاجة حتى لو سكرتيرية وخدى جمبها الكرس بتاعك لحد ما تخلصيها وبعدين تدورى وانتى فى شغلك على حاجة تانية
المهم نرجع لموضوع
وبعدين لقيت قاعدت البت وحشة اوى
فقولت لا هتصرف واتصرفت واشتغلت وبقيت مهندسة مطلوبة ومش مساحة كمان لا مدنى وبشتغل فى مكان المدنى ومرتبى حلو كمان والحمد الله ومطلوبة فى سوق العمل وصدقنى والله ما مبلغة
وهتعرفة عمل كدة ازاى فى المقالة الجاية زى كل بنت تعمل زى وانا هعلمك كل حاجة هتشتغل بيها ولو قدامى فرصة كمان هتصل بيكم وهقولكم
سلام بقى المقالة الجاية استنونى
===========================================
المقالة التانية
يالة يا بنات نكمل تعلوا الاول نقوا نعمل اة واحنا بندرس عشان نطلع نشتغل
اولا البنت اللى عايزة تلاقى شغل اول ما تتخرج
لازم تعمل مهارات لية
واولاها الكمبيوتر ازى ؟؟؟؟؟؟؟؟؟؟؟؟؟؟؟؟؟؟؟؟
مش هقول دورات اهم حاجة الممارسة ازاى تتعلم الكتابة السريعة على الكمبيوتر وبأيدك الاتنين
والتعامل مع النت والورد والاكسل دة اهم البرامج الاساسية اللى هتحتجية فى الشغل للبنات
دة اثناء الدراسة والله لو جمبهم انجليزى تبقى كدة انتى بيقيت بنت مش ليكى حل واضمنلك الشغل اول ما تتخرجى ان شاء الله طبعا
وبعدين اتعلمت كل دة اة اللى حيحصل ؟؟؟؟؟؟؟؟؟؟
مش هيحصل حاجة هتكون معاكى مهارات اقدر ادور بيها على شغل ؟؟؟؟؟؟؟؟
طيب وبعدين بقى معاية المهارات وانا لسة فى الكلية ؟؟؟؟؟؟؟؟
هقول لا خالى باللك انت لازم تحتكى بسوق العمل يعنى لو جت فى سكتك تدريب ادربى لو جة شغل فى الصيف انزلى حتى لو مش فى المجال هتحتكى بالشغل وهتعرفى فن المعاملة
كدة حلو الكلام ؟؟؟؟؟
مش ننسى حاجة مهمة اوى انسوا الكلام اللى بيتقال
البنت متفعش تتعامل مع الرجالة
البنت ملهاش شغل
لا مش ينفع البيت ممكن تشتغل بس شغل لا يقلل من انوثتها اى شئ وفى شغل كتير بيعمل كدة وسيبك من اللى هيقولك صعب اوى الشغل للبنات والكلام دة
دة كدة واحنا لسة فى الكلية ومش ننسى لازم نتفوق فى الكلية عشان اهم حاجة التقدير وعشان البنت المسلمة دايما متفوقة وفى خدمة الغير
ومتنسيش اهم حاجة والله دعوة الام ودة عن تجربة
يالة بقى عشان انا تعبات نكمل بقى بعد التخرج المقالة الجاية سلااااااااام
======================================
المقالة الثالثة
زى ما اتكلمنا فى المقالات الماضية
نجد ان البنات بعد التخرج بعد الجد والاجتهاد نجد شئ غير متوقع الصدام مع الواقع وهو الجلوس فى المنزل دون عمل ولا تجد عمل مناسب ليكى
ومثلا انا اول ما اتخرجت صممت انى اشتغل وفى مجالى ودة لانى كنت متفوقة جدا فى الكلية ونزلت الموقع فى سان استفانوا ودة كان أقل موقع فيه بهدلة ونزل تانى موقع فى وادى الملوك فى طريق اسكندرية الصحراوى ومنها اثبت لنفسى انى مش ينفع انزل مواقع تانى ابدا بسبب البهدلة اللى متنفعش خالص للبنات وكمان عشان العمال للى مينفعش بتعملوا بأدب خالص
المهم قولنا مش نستسلم نعمل اية قول انزل اضرب فى المكتب الفنى وجدت نصيبة جديدة ان شغل المكتب الفنى بتاع المساحة قليل اوى وكمان اللى بيعمل المهندس اللى نزول الموقع عشان هو ادرى واحد بيه
بس بردة مش استسلمت قولت طيب طالما منفعتش فى المساحة ادور على حاجة قريبة من المساحة قولت اشتغل مكتب فنى مهم كان اية هو المكتب الفنى قولت انزل مدنى ازاى بقى أدورعلى اى مكتب محتاج مهندسة مكتب فنى ودورت هما بيعملوا اية فى المكتب الفنى لقيت انهم بيعمل بالاتوكاد قولت حلو اة حاجة اتعلمتها ودرستها بقى كدة سهلة بس وجت صدمة اخرى انه مش هو الاتوكاد اللى بنستخدمة فى المساحة المساحة رسم خطوات وحاجات كدة سهلة اما المدنى رسم عمارات ورسم انشائى ومعمارى ومناظير وحاجات كدة ولازم كل واحد يتخصص فى حاجة منها والشاطر اللى يتعلم كلة قولت ماشى هتعلم
بس عشان ادخل مكتب زى دة عشان اتعلم فيه وعشان ينفع ادخلة لازم يكون معاية حاجات تانية ولو بسيطة زى اية زى الورد والكتابة السريعة فيها والاكسل والنت بشكل ممتاز
وبعدين دخلت واتعلمت الاتوكاد وبعدين بدأت ادخل فى حصر الكميات ودة شغل مدنى طحن بس لزيذى وحاجة ممتعة جدا واتعلمتة وبدأت بعد كدة اتفوق فيه وبقيت ممكن انزل كمان مواقع احصر منه بس مش اشتغل فية عشان بردة البنت لازم تكون عقلة مش تشتغل حاجة مش تناسبة اوكى
وبعدين بقيت اخد مشرعات اعملها لوحدى ازاى مثلا حد عايز يرسم اتوكاد كنت برسم سواء كان رسم كهرباء او ميكانيكا وكدة يعنى واى رسم هندسى هيكون سهل طالما تعرفى اتوكاد سريع ومختصر بس وبقيت ممكن انزل ارفع شقة وارسمها على الاتوكاد واعمل ليها الحصر وكل شئ فيها وبس وبكدة بقيت متميزة فى مجالى وبقيت مطلوبة مدنى مش مساحة والحمد الله والمجال دة مفتوح جدا وسهل انك تدخلى فيها
وكدة اكون شرحت انا عملت اية مع العلم انى اللى كان ممشينى توكلى على الله ودعى امى وابوية لية ومن غير دعا امى والله مش كنت عملت اى حاجة خالص
دلوقتى وصلت للنهاية ووصل انى اقول البنات تعمل اية عشان تعرف تدخل المجال دة
اولا : لازم تكونى جريئة ومش بتخافى وتكونى وثقة فى نفسك وفى قدرتك على التعلم
ثانيا : مش تدورى على المرتب فى الاول انتى ممكن تبدأ 300 جنية بس ممكن توصلى بردة 600 جنية بعد اقل من 5 شهور بس دة لو انتى اتعلمتى بسهولة وغير طبعا الشغل الفردانى
ثالثا : نبدأ ازاى اولا هنشوف المكاتب الهندسية اللى عايزة مهندسات مكتب فنى من الوسيط ونروح نسأل لو ممكن نتعلم او ندرب
طيب فى فترة التدوير هعمل اية ؟؟؟؟؟؟؟؟؟؟؟
هتعلم اتوكاد كويس اوى وورد واكسل
وفى النهاية ممكن اقول للبنات انى هعمل ندوة واتنين عشان اقولكم هتعلم اية بالظبط فى الاكسل والورد والنت والاتوكاد وازاى اعمل حصر وكمان ندرب مع بعض على كل حاجة فى شغل المكتب الفنى
ومع العلم هيكون فى كورسات فى الرابطة على ازاى ادخل مكتب فنى واشتغل فيه مهندسة كمان
وان شاء الله هنحاول نوفر شغل للبنات عشان بجد المجال دة مطلوب ومكاتب كتير عايزين مهندسات مكتب فنى
ويارب اكون افادتكم ومعلش لو طولت
وشكرا جدا
ازاى ندخل الحياة العملية ( للبنات فقط ) - 2
