عرض للطباعة
انا سنة اولي جغرافيا جامعة الاسكندرية وخائفة جداااا من الجغرافيا ومش عارفة نظام المذاكرة من الكتاب او من المحاضرات ومش عارفة ايه اهمية المراجع انا دخلت المنتدي ده علشان حضراتكو عندكو خبرة لانكو خريجي قسم الجغرافيا يا جماعة الي عنده اي معلومة يفدني فيها في نظام المذاكرة ونظام الاسئلة واي شي يخص الجغرافيا اتمني ميترددش
اولا اهلا وسهلا بيكِ يا ميامى فى المنتدى
وبجد ان شاء الله انتى حتستمتعى معانا وكممان فى راسة الجغرافيا
بصى يا ميامى انا لسه خريجه السنادى
فلسه مش بقيت قديمه اوى
اولا اهتمى بحضور المحاضرات
واكتبيها بس مش بالحرف يعنى
اكتبى كل اللى تفهميه
واللى متفهميهوش اكتبى واعملى عليه علامه
واما تروحى افتحى الكتاب لو كنتى استلمتيه او دورى على المنتدى هنا عن الحاجه دى او على النت
وتانى يوم لو معرفتيش حاجه خالص روحى اسألى الدكتور
الكتب والمراجع ده شئ اساسى بس فى الاول انتى بتحتاجى المحاضرات لان دى الخريطه اللى بتمشى عليها طول السنه
وباذن الله ربنا يوفقك
بجد متخافيش احنا معاكى بعون الله
على فكره انا اما دخلت كنت خايفه ومش حابه القسم اوى
بس بعد كده بجد حبيت مجال الدراسه فيه
وان شاء الله بالنجاح والتفوق يا ميامى
اولا اهلا بيكي في منتداكي
قسم الجغرافيا و نظم المعلومات من افضل اقسام كلية الاداب و بيتميز انه بيجمع بين المادة العلمية و العملية
اما بالنسبة للخوف اللي موجود منه فده شيئ طبيعي جدا لاي تجربة جديدة و خاصة انك وصلتي لمرحلة الاعتماد التام على نفسك و مجهودك
هتلاقي كل زمايلك في القسم من سنة اولى كلهم حالهم من حالك , و بعدين الخوف علامه من علامات النجاح
اما الجزءية بتاعة المذاكرة فانتي هتحضري محاضراتك طبيعي جدا تكتبي ورا الدكتور و تروحي البيت تبيضي المحاضرة و تذاكريها و هتنزل الكتب بعد كده و هتجمعي بين الكتاب و المحاضرات في المذاكرة الموضوع بسيط بس الخوف هوة اللي مكبر كل شيئ
خلي عندك ثقة في نفسك و انسي الخوف و اتعاملي مع الموقف بالالتزام بكل كلمة بيقولها الدكتور في المحاضرة و متقلقيش من اي حاجة بعد كده
احب اقولك ان عالمنتدى هنا كل زملاتك اللي في القسم و كل زملاتك اللي اتخرجوا كله هنا بيساعد التاني من الاخر انتي مش في قسم الجغرافيا لوحدك
كل الناس في القسم عندك اخواتك و كل الدكاترة زي والدك و والدتك و انا متاكد ان مع الوقت هترتاحي و مش هيبقى في بالك غير حاجة واحدة في الاخر
هيه انها كانت احلى ايام
ربنا يوفقك و لو فيه اي تساؤلات نحن في الخدمة
اسف عالاطالة طبعا
اهلا بيكي يا ميامي
انا مش هقول اكتر من اللي قالوه زمايلي اسراء وايمن
لان كلامهم وافي جدا مشاء الله
بس انتي لازم تحبي الجغرافيا من قلبك عشان تقدري تستمري فيها
وهيا عموما رهبة اول سنة بتكون كده ده شئ متوقع
وربنا يوفقك ان شاء الله
بجد ميرسي جداااااااااا علي الرد الجميلاقتباس:
المشاركة الأصلية كتبت بواسطة Wild_Angel
شكرااااااااااااااااا ليكم كلكم يا جماعة انت بجد فيتوني كتير
ربنا يخليكي ويوفقك يا رب في دراستك وحياتك العملية والعلمية
انا اولا بشكركم كلكم وثانيا اريد ان اعرف هل المراجع احتاجها السنة دي ولا لا وانا اريد ان اكتفي باالكتب والمحاضرات فقط لاني السنة دي مش عايزة اشتت نفسي وعايزة احب المادة ومش عايزة احس انها متفرعة ولها كتب كتيرة عايزة احس انها سهلة وبسيطة ينفع ولا لازم ان اجيب مراجع
لا يا ميامى مش حتحتاجى لمراجع بأذن الله كل ما هنالك بس الكتب والمحاضرات
وان شاء الله بالتوفيق
لكن مفيش مانع لو اتطلعتى على اى شئ له علاقه بدراستك يزيد من ثقافتك
ميرسي علي الرد والاهتمام ياواحة الايمان
الكتاب اولا واعتبري المحاضرات مرجع قوي للي هتذاكريه من الكتاب
ميرسي اووووووووووووي
thaaaaaaaaaaaaaaaanks