امتحان للفوز بالجنسية المصرية من السفارة يرب يعجبكم !!!!
اولاً قبل ان ابدا الموضوع ( الموضوع ده على سبيل الدعابة والمرح فقط .....) (عشان منزعلش حد مننا ..)
امتحان السفارة المصرية للحصول عل الجنسية المصريه
صباح الفل عليكم احبائي الاعزاء
يشترط لدخول الامتحان ان المتقدم يكون معاه كل أدواته اللازمة :
قلم رصاص – أستيكة (تحسباً للأخطاء الكتيرة) - اثبات شخصيتك (تذكرة اوتوبيس – مفتاح الشقة – كارت تليفون مينا تل – عملة مصرية - أي حاجة)
في حالة لو احتجت لورقة اجابة زيادة اطلب من المشرف مع مراعاة عدم كتابة اسمك عليها (ما هي مش فارقة هتنجح هتنجح)
السؤال الأول:اختار من بين الأقواس الكلام الصح:
1- حنان ترك اتحجبت يعني............ (لبست جزمة - لبست ساعة - لبست ايشارب)
2- اللي بنى هرم خوفو............ .(طلعت مصطفى - المقاولون العرب - مقاول أنفارخوفو)
3- اللي بنى..بنى مصر كان في الأصل.....(حلاق - نجار - تاجر مخدرات - حلواني )
4- البرنامج اللي بيجي ع القناة الأولى كل يوم الساعة 7.00 صباحاً ومحدش بيتفرج عليه
برنامج..صباح الخير ............ (يا ماما - يا بابا - يا خالو - يا ريس - يا مصر)
- بص في ورقتك يا حيواااان!
5 - مصر هى أمي نيلها جوا...........(عبي - بطني - رجلي - جيبي - دمي)
6- رئيس مصر القادم السيد....(جمال مبارك - جمال مبارك – و حياة أمك جمال مبارك
- كل ما سبق )
السؤال الثاني:أكمل الجمل الآتية بكلام م الآخر:
1- انتبه من فضلك السيارة ترجع إلـ............. ......... ...
2- ماما زمنها............ ......
3- من خلال تجاربك السابقة...البامبرز استيك منه............ .
4- طلعت أدّب نزلت أدّب لقيت الدب بيأزز............
5- اسم والد اللاعب وائل جمعة الحاج............ ..
السؤال الثالث:ضع علامة صح أو علامة غلط أمام الكلام الجاي:
1- بابا فين؟؟ ..بابا هنا..قوله مين؟؟ قوله عمو ( )
2- الشرطة دائما في خدمة الشعب ( )
3- أذان المغرب في رمضان بصوت "طارق نور" ( )
- صح يا أهبل ، كل حاجة في رمضان بصوت طارق نور
4- شاي الجوهرة حتة سكرة ( )
5- يحكم مصر النظام الملكي ( )
للأمانه الموضوع منقول بس يارب يكون عجبكم ومنتظر الردود
