حملة يلا نذاكر....... الامتحانات على الابواب

السلام عليكم ورحمة الله وبركاته

الإمتحانات ع الأبواب !!!
خلاص الوقت أزف
إيه يا عم إنت جاي تقلب لنا بطننا ؟؟ إحنا قلقانين لوحدنا
لا لا أنا مش جاي أقلقك أبداً .. وإنما أنا جاي أقولك لسة في فرصــــة
فررررصة إييييه؟؟ .. أنا خلاص .. ضعت .. من أول السنة وأنا عمال ألعب خلاص الأمر منتهى بالنسبة لي

((الكلام ده مش كلامي .. ده كلام ناس كتير طلبة وطالبات))

إنهاردة جايين نقولك إن لسة في فرصـــــة تطلع الأول على دفعتك وتطلعي الأولى على مدرستك
أنا؟؟
طبعا .. بس تعالى نشوف إزاى ؟؟

إعلمى تمام العلم إن الله لا يضيع أجر من أحسن عمله .. وإحنا هنجتهد أشد إجتهاد في الفترة القادمة .. في الشهر اللي فاضل .. مذاكرة .. احتساب .. تنظيم وقت .. تقليل نوم .. اجتهاد فوق الحدود .. تميز .. وتفوق ..

بإرادتك هتتخطي كل الحواجز والصعاب .. أهم شئ يكون عندك هدف <<<<<<<
هدف قوي جدااا تسعى لتحقيقه ..
إيه هدفك؟؟ :
التميز .. لازم اتميز لأن ديني لا يقبل إلا أن أكون متميزاً .. متفوقأً .. لأنك مسلم لازم تكون الأول دايما

إيه الكلام الكبير ده ..؟؟ أنا مش قد كدة ؟؟
لأ .. إنت قد كدة وأكتر من كدة .. والله لو صدقت النية وعزمت على الإجتهاد وإحتسبت هذا المجهود عند الله هتلاقي نتايج مزهلة بمعنى الكلمة ..
لا تستبعد أبداً إنك تكون من الأوائل .. اعقلها وتوكل ..

تذكر يوم النتيجة .. وإنت بإذن الله تكون في قمة سعادتك لحصولك على أعلى الدرجات وأنتى حصلتي على أعلى التقديرات

والدك ووالدتك .. والفرحة في عيونهم بيكي .. وتبقي أدخلتى السرور على قلبهم وكمان حققتي البر لوالديك اللذان طالما دعوا لكي وأعطوكي كل ما تريدي من أجل أن تنجحي فقط وتفرحيهم .. لا أنا مش هنجح بس أنا هتفوق لله ثم لوالدي ثم لبلدي الى محتاجة المتفوقين محتاجة علماء مسلمين وطلاب متفوقين وعقول مميزة


**الوصفة السحرية لتنظيم الوقت**
الصلااة على اوقاتها ..للبنت في اول الوقت
وللشاب في المسجد ((بس تنزل تصلي وتطلع على طول))
والله هتلاقي بركة رهيبة في الوقت .. ومن الله التوفيق
واذا شعرت بضيق .. ألا بذكر الله تطمئن القلوب

طب أنا عاوز برنامج عملى .. أنا إتحمست جدااا إنى أنجح مش بس إنجح لأ .. أتفوق وأتميز ..

إنت فاشل .. إنت ضايع .. المادة دي صعبة جدااا .. ده انت لو عملت ايه مش هتفهم الحتة دي .. بص المادة دي متشالة متشالة .. أنا سمعت دكتور (س) بيقول إن انا هبهدلكم في الإمتحان الفاينال (النهائي) .. الدكتور ده أخد إسمي وشكله هيسقطنى ...


كفاااااااااية .. استنى هنا .. هو ده اللى مودينا ورااا .. الإيحائات السلبية ..
ظبط نفسك نفسيا .. وإياك أن تستمع للإيحاءات السلبية أو تتناقلها أنت بلسانك .. وإنما أكثر من الإيحاءات الإيجابية ..


هتفوق .. إن شاء الله هنجح ... يا رب خير .. الله المستعان .. ربنا ييسر لى أمرى .. هجتهد والتوفيق من الله .. المادة دي بدأت فيها إمبارح وطلعت سهلة بفضل الله .. لو وقفت معايا حاجة هسأل المعيد .. هسأل الدرس / الدكتور / أصحابي اللى فاهمين الحتة دي هيشرحوهالى .. ليرين الله منى ما أصنع ..
((العامل النفسي مهم جداااا ))
**************
ركز معايا هنا جدااااا
حدد هدفك كويس جدا واسعى ليه
أبدأ من الآن ادخل اشرب عصير واتوضا واقرأ على الأقل صفحة من القرآن الكريم وادعى ربنا يوفقك في مذاكرتك وأبدأ بسم الله والحمد لله واشتغل في المادة .. وقبل ما تحط قلم فيها .. حدد أنا هخلص انهاردة كذا وكذا .. واوعى تيأس إنك مخلصتش اللى إنت حددته .. لأ حاول جاهدا إنك تخصله والأفضل إنك تحدد حاجة معقولة بمعنى تحقيقها ليس بمستحيل ..

المواد العلمية :
1/اقرأ القواعد والنظريات وحاول تفهمها جيدا ..
مفهمتهاش .. اقرأها تانى .. مفهمتهاش .. اقرأ مثال عليها .. حبذا لو استخدمت الورقة والقلم في كتابة المثال والنظرية ..
2/ استخدم اكبر عدد من الحواس لتحقيق أفضل النتائج .. يعني عينيك وصوتك وإيدك في الكتابة وهكذا ..
3/ حاول تحل ولو مسألة واحدة بس على اللى ذاكرته علشان المعلومة تثبت

المواد الأدبية :
1/ اقرأ المادة (الدرس/المحاضرة) كويس وحاول وانت بتقرأ تفهم ما تقرأه ليسهل فيما بعد حفظه
2/ التكرار .. (التكرار يعلم الشطار)

عموما في المذاكرة عامة حط في دماغك 3 حاجات اساسية
1/ تبعد عن المشتتات .. أو أى حاجة تحس انك ممكن تنشغل بيها او تضيع وقتك
2/ اختيار مكان مناسب بعيداً عن السرير ((طبعا كلكم بتذاكروا على السرير وترجع تقول أول ما بفتح الكتاب معرفش إيه اللي بيحصل لى وأنااااام)) اختار مكان حيويى وشكله مريح بالنسبة لك
3/ الحياة مش كلها أفش .. فروحوا القلوب ساعة بعد ساعة ده مش معناه ان كل نص ساعة اقوم انط من ع الكتاب وأقول بريح شوية
وانما كل ساعتين او 3 ساعات ريح ربع ساعة تشرب فيها حاجة .. تقف شوية في البلاكونة .. ترد على تليفون (بس بلاش رغي كتير)

أجمد أوقات المذاكرة .. بعد الفجر .. ثبت علميا أن وقت افجر تكون خلايا المخ نشيطة جدااا

مليت من المذاكرة .. حاسس إنك تعبت من أقل شئ .. جاهد وافتكر على طول الهدف بتاعك وتوكل على الله واستغفر وكمل

طب أنا بسرح كتيييير .. حاول تبعد عن كل ما يشغلك وفرغ ذهنك تماما وقت المذاكرة .. او ما تسرح .. متيأسش وانما استعيذ بالله من الشيطان وسمي الله وكمل مذاكرتك

انجز في اليوم ما يرضي نفسك عنك .. بحيث تشعر بالرضا والتفاؤل وتواصل تاني يوم بكل جد وروح ونشاط قوي

اخرج مع اصحابك آخر الأسبوع .. بس متتأخرش برة وحط في دماغك إنى خارج علشان استعيد قواى واقدر أواصل مذاكرتى .. واحتسب خروجك لله وإياك ثم إياك أن يكون في خروجك معصية لله .. ((وكلنا فاهمين كويس ))

اكثر من الدعاااااء واطلب من والديك ومحبينك الدعاء لك وباذن واحد أحد سترى نتائج مذهلة .. ولح على ربنا في الدعاء فالله يحب العبد اللحوح .

ساعد أصحابك لو طلبوا منك مساعدة .. ولا تبخل .. فهو مسلم مثلك مثله وتحب له الخير (حب لأخيك ما تحبه لنفسك) وأسأله الدعاء لك

((يارب اجعلنا سببا في نصرة هذا الدين .. يارب وفقنى وجميع المسلمين .. اللهم ذلل لنا الصعاب ووفقنا لما تحب وترضى))

لا تنسوا نشر الموضوع .. لعل الله يوفقنا واياكم .. وودع النت ولو هذا الشهر فقط .. بالتوفيق ومنتظرين أكبر نتايج

منقول للعلم

واللة انا نفسى اذاكر بس يعنى ببدء تحت الضغط بسسسسسسسسس

قال تعالى](يرفع الله الذين ءامنو منكم والذين أوتو العلم درجات)

قال تعالى(انّما يخشى الله من عباده العلماء

)

قال رسول الله صلى الله عليه وسلم(من سلك طريقا يلتمس به علما سهل الله طريقه الى الجنة)

بعض الجمل اللى بتساعدنى فى رفع حالتى المعنوية

من كتاب سيطر على حياتك لدكتور الى ابراهيم الفقى

لو فعلنا ما نحن قادرين عليه لصعقنا انفسنا
اكبر الفاشلين هم أولئك الذين يخشون من التجربة

فبمجرد ان ترضى بالمرتبة الثانية فلن تصل الى اقصى من ذلك
ما أجمل الحياة حين تنجز ما اتفق الناس على كونه مستحيلا

ادارة الوقت وتحديد الهدف وجهان لعملة واحدة
السعادة تكمن فى تحقيق الاهداف ونشوة الجهود الابتكارية

يفشل الناس كثيرا ليس لنقص القدرات وانما بسبب نقص الالتزام
كثير من حالات الفشل فى الحياة كانت لاشخاص لم يدركوا كم هم كانوا قريبين من النجاح عندما اقدموا على الاستسلام

اللهم ارزقنى الاخلاص

اى حد عنده اى حاجة تانية ياريت ينزلها

موضوع اخر كان استاذ محمد سعد عامله

http://www.mesa7a.com/forum/showthread.php?t=5290

قال تعالى

أَمْ حَسِبْتُمْ أَنْ تَدْخُلُوا الْجَنَّةَ وَلَمَّا يَأْتِكُمْ مَثَلُ الَّذِينَ خَلَوْا مِنْ قَبْلِكُمْ مَسَّتْهُمُ الْبَأْسَاءُ وَالضَّرَّاءُ وَزُلْزِلُوا حَتَّى يَقُولَ الرَّسُولُ وَالَّذِينَ آمَنُوا مَعَهُ

مَتَى نَصْرُ اللَّهِ أَلَا إِنَّ نَصْرَ اللَّهِ قَرِيبٌ)

البقرة (آية:214 )

لَقَدْ تَابَ اللَّهُ عَلَى النَّبِيِّ وَالْمُهَاجِرِينَ وَالْأَنْصَارِ الَّذِينَ اتَّبَعُوهُ فِي سَاعَةِ الْعُسْرَةِ مِنْ بَعْدِ مَا كَادَ يَزِيغُ قُلُوبُ فَرِيقٍ مِنْهُمْ ثُمَّ تَابَ عَلَيْهِمْ إِنَّهُ بِهِمْ رَؤُوفٌ رَحِيمٌ * وَعَلَى الثَّلاثَةِ الَّذِينَ خُلِّفُوا حَتَّى إِذَا ضَاقَتْ عَلَيْهِمُ الْأَرْضُ بِمَا رَحُبَتْ وَضَاقَتْ عَلَيْهِمْ أَنْفُسُهُمْ

وَظَنُّوا أَنْ لا مَلْجَأَ مِنَ اللَّهِ إِلَّا إِلَيْهِ ثُمَّ تَابَ عَلَيْهِمْ لِيَتُوبُوا إِنَّ اللَّهَ هُوَ التَّوَّابُ الرَّحِيمُ}.

اللهم إنك تعلم سرى وعلانيتى فأقبل معذرتى وتعلم حاجتى فأعطنى سؤالى
وتعلم ما فى نفسى فأغفر لى ذنبى اللهم إنى اسألك أيمانا يباشر قلبى ويقينا صادقا حتى أعلم أنه لن يصيبنى ألا ما كتبته على والرضا بما قسمته لى ياذا الجلال والإكرام

اسفة جدا على الاطالة

اقتباس:

---

المشاركة الأصلية كتبت بواسطة طالب بالفرقة الثالثة مساحة

واللة انا نفسى اذاكر بس يعنى ببدء تحت الضغط بسسسسسسسسس

---

هو فى ضغط اكتر من كده ده انا اللى هيجيلى الضغط ابداربنا يهديك

ربنا هيحسبنا على اللى احنا بنعمله

وبعدين هتقدر لو سيدنا محمد القى باللوم عهليك وقالك انك كنت سبب فى خذلان الاسلام وعدم نشر دعوته وتمكن الاعداء منه حط ده قدامك هتلاقلى ضميرك اتحرك وعنيك بتبكى

وتقوله سامحنى يا رسول الله على تقصيرى فى واجبى

ان شاء الله ربنا يكرمنا كلنا فى مذكرتنا

جزاك الله خير كثير جددددددددا

وبارك الله لك موضوع فى منتهى الروعه واسمحلى عزيزى نقل الموضوع الى ملاتقى الطلاب حتى يراه الجميع ويعم الايفاده

ويعم الثواب وجزاك الله عنا خيرا وجعله فى ميزان حسناتك

موضوع اكتر من رائع تسلم ايدك .....

ربنا يكرمك ويوفقنا كلنا

ان شاء الله ربنا يكرمنا جميعا

جزاكى الله كل خير

شكرا ليك جدا وربنا يجازيك خير وربنا معانا كلنا

موضوع مهم
جزاكى الله عليه كل خير
وبالتوفيق للجميع ان شاء الله


ويلاااااااااا نذااااااااااااكر

إن شاء الله نذاكر .جزاكى الله خيرا

ربنا يباركلك ويباركلنا جميعاً
حقيقى كنت محتاجه انا وكل الناس هنا لموضوع مهم زى ده
وبصراحه موضوع شامل ماشاء الله
جزاكِ الله خيراً
وربنا يوفقك وينجحك ويجعلك من المتفوقين انا وانتى وكل اللى نفسه ينجح
ولو تسمحيلى اضع لينك لموضوع مهم جداااااا
يرتبط بالامتحانات
http://www.mesa7a.com/forum/showthre...D0%C7%DF%D1%E5

يارب اهدينا للمذاكرة
من ساعة جدول الامتحان لم نزل والواحد مخ هينفجر ازاى المواد يكون قبلها يوم واحد
حاجة زى النقل والجيومورفولوجيا طول جدااااااااااااااااااااااااااااااااا ازاى هنلحق نذاكر ونراجع
شكرا على الموضوع