السلام عليكم
كان فاضل كام يوم على امتحانات الميد ترم فأربع طلبه فى الكليه
اتفقوا انهم يروحوا كام يوم فى أى مكان علشان يستمتعوا شويه وبالمره يذاكروا
(قال يعنى هيذاكروا بجد )
وكانوا مفكرين ان بكده هيقدروا يرجعوا ودماغهم رايقه للإمتحان
بس المناظر الجميله أغرتهم وخلتهم ميعرفوش يرجعوا على الامتحان ؟؟؟؟؟؟
ففكروا يعملوا اييييييييه
فكروا ازاى يقولوا للدكتور انهم مش هينفع ييجوا ويعيد ليهم الإمتحان فى يوم تانى
فواحد جاتلوا فكره انه يتصل بالدكتور وجاب نمرته واتصل
تررررررن ترررررررررن ترررررررن
الطالب : السلام عليكم ورحمه الله وبركاته يا دكتور .......
الدكتور : وعليكم السلام ورحمه الله وبركاته ايوه مين معايا
الطالب : ايوه يا دكتور انا .......
الدكتور : ايوه ياحبيبى فى حاجه ؟
الطالب : ايوه يا دكتور احنا كنا مسافرين نذاكر فى مكان هادى وبعيد عن الدوشه علشان الامتحانات واحنا راجعين فردة كاوتش فرقعت والمكان كان فاضى ومفيش حد يساعدنا فقولنا نتصل بحضرتك علشان لو ممكن تأجلنا اللإمتحان عقبال مانرجع
عايزين يسبكوا الخطه ههههههههه )
الدكتور : رغم إنه صعب يا ولادى بس خلاص ان شاء الله لما ترجعوا هاعملكم الإمتحان تانى
الطالب : الف شكر يا دكتور والله مش عارفين نقول لحضرتك ايه طول عمرنا عارفين انك ..... و ...... الخ بقه
( بيصيعوا على الدكتور )
الدكتور : ترجعوا بالسلامه يا ولادى
الطالب : ربنا يخليك يا دكتور
الدكتور : ده واجبنا يابنى سلام يا حبيبى
( يا عينى على قلب الام هههههههه)الطالب : وعليكم السلام ومتشكرين مره تانيه يا دكتور
الأربع طلبه طاروا من الفرح واتفسحوا ولما رجعوا من السفر راحوا للدكتور فى الميعاد اللى حددوا ليهم ....
وطلب منهم ان كل واحد يقعد فى ركن من لجنة الإمتحان بشرط ان مفيش حد
يقدر يشوف أصاحبوا واجاباتهم
وفوجئ الطلاب بورقه الإمتحان دى
أي إطارات السيارة الأربعة أنفجر ؟
كم كانت الساعة وقت حدوث الحادث ؟
من منكم كان يقود السيارة في ذلك الوقت ؟
علشان تبقوا تصيعوا
:gathering:
