هديه العروسه ايه؟

من زمان واحنا عارفين ان الشبكه هى هدية العريس لعروسته

وطبعا كلنا عارفين ان اسعار الدهب بقت نار

والشباب يدوب بيتجوز بالعافية

من فترة سمعنا ان العرسان بيأجروا شبكة يلبسوها قدام الناس يومين في الخطوبة

علشان المظاهر وكلام الناس

ومنهم اللى اتجه الى شراء الفضه

لكن دلوقتى ظهر الدهب الصينى وانتشار فى اماكن كتيره

ودلوقتى بيغنى عن الشبكة مع معظم الناس

الدهب غالى جدا فالعريس والعروسة بيتفقوا سوا ويشتروه ويخبوا عن الأهل عشان التوفير

أو بيكون منتفق عليه بين الاهل عشان منظر بس ان في شبكة من العريس

حتى بقى السئ فيه ان العريس ممكن يشتريه على انه دهب حقيقى وطبعا العروسة وأهلها مش واخدين خوانة

ودلوقتى عايز اعرف الاراء

هل تفضل شراء الدهب الاصلى مهما ارتفع ثمنه؟

ام تفضل شراء الفضه؟

ام شراء الدهب الصينى؟

وانتى هتختارى ايه ؟؟

الذهب الاصلي هاختار حتي لو كان قليل لان الذهب الفضي بيغير لونه ف الاخر والفضة مش حلو
شكرا ليك

اكيد البنات هيختاروا طبعا الدهب الاصلي ههههههههههههههه شكرا لردك

انا اختار الدهب الاصلى او بلاش خلاص
مش بتفرق كلها مجرد شكليات بس طالما فى تبقى دهب اصلى

يبقي بلاش احسن خالص وربنا يوفقنا بس انتم تتنازلوه عن الدهب احسن

لي وجهة نظر اخري
الدهب الاصلي فعلا العريس لانة هوة الي بيعمر معاكي مش الذهب مش الشكليات
وياريت كل الناس تعرف الكلام دا

ادة ادة ادة
كمان مش عايزين تجيبو الشبكة؟
ههههههههههههههههههه
طبعا اختار الدهب الاصلى
ولو حتى كانت حاجة رمزية مش شرط الشبكة الفخمة المعروفة
يكفى خاتم ودبلة
شكرا لموضوعك ولكن مكانة الانسب كان قسم القضايا والحوارات

شكرا لمرورك اولا ومش كل موضوع تقولي مكانه مش هنا انا عايزه هنا انا حر وبعدين انا مش هجيب شبكه انا برضه حر ههههههههههههههه

لا طبعا الدهب الاصلي

احلي حاجه ان تكون قيمه الدهب علي قيمه وشكل العروسه وجمالها مش الواحد يتجوز وكانه متجوز واحد صاحبه ويجيب دهب بالاف الجنيهات انما لو العروسه حلوه انت وذوقك يا مان

اقتباس:

---

المشاركة الأصلية كتبت بواسطة tomcrous_20

احلي حاجه ان تكون قيمه الدهب علي قيمه وشكل العروسه وجمالها مش الواحد يتجوز وكانه متجوز واحد صاحبه ويجيب دهب بالاف الجنيهات انما لو العروسه حلوه انت وذوقك يا مان

---

اههههههههههههههه ايوه هو ده الكلام المظبوط
بس طبعا تقديرا ليها لازم يكون دهب اصلى وماتحاولش تقول حاجه تانيه احسن يزعلوا منك ان كيدهن عظيم .

انا كمان قدرت خلاص وجبت الدهب اصلي عشان انا بخاف منهم ومن ابو ورده (حد عارف ايه ابو ورده ده)

هديه العروسه فيل

هو حسب مقدرة العريس
وبعدين انا حقول كلمه بسيطه جدا
العريس بيجيب اكيد حاجه بمقامه
وكمان كل راجل المفترض يفكر فى فكره بسيطه اوى
وهى ان الذهب ده حيكون بتاعه برضه
اكيد لو العروسه أصيله مؤكد انها يوم لما زوجها يحتاج الذهب حتديهوله كله

بس يعنى
وبعدين مفيش حد حيستخسر فى شريكة حياته أى حاجه مدام هو مقتدر

شايفين رد البنات بيحرجونا يعني بس انتم عارفين الظروف عامله ازاي يعني هو لو معاه مش هيستخسر فيها يعني اي حاجه

اقتباس:

---

المشاركة الأصلية كتبت بواسطة tomcrous_20

احلي حاجه ان تكون قيمه الدهب علي قيمه وشكل العروسه وجمالها مش الواحد يتجوز وكانه متجوز واحد صاحبه ويجيب دهب بالاف الجنيهات انما لو العروسه حلوه انت وذوقك يا مان

---

اعمل بقول الرسول صلى الله عليه وسلم
( فأظفر بذات الدين تربت يداك )
الدين
حتى تحفظك في غيابك وتحفظ بيتك وتصون عرضك و مالك وولدك وتخاف الله فيك وفي نفسها وتعمل على ارضائك واسعادك
اختار من العوائل المحترمة وطيبة السمعة و التي تقدرك وتقدر اهلك
اختار من العوائل المحافظة على بناتهم وابنائهم والمتابعين لهم في جميع امورهم
الحرصين على تربيتهم تربية دينية سليمة
ولا بد اخي الكريم من الجمال الجمال التي ترتاح له نفسك
وتذكر ان العين تعتاد على الجمال ويختفي مع الزمان
فيبقى الجمال الذي لا يندثر بل يزيد مع مرور الأيام
وهو جمال النفس

نسأل الله لك التوفيق والســـــــــــداد

رائي بالنسبة للذهب الصيني ده مش دهب ده اكسسوارات مطلية بماء الذهب بس وده اللي الناس مش بتفهمه وبعدين اللي حيجيبوا عشان يضحك علي الناس بيه ماهو حيتغير لونه وحيبان وبعدين لونه يتعرف لأنه لونه ليه درجة معينة حتي لو اختلفت مستواياته
اما الذهب الأصلي ده قيمة العروسة عند العريس وتقدير ليها مهما اختلفت مقاديره علي حسب القدرة لدي العريس
وبعدين الرجل مش بالذهب الراجل بالأخلاق

بارك الله فيكي يا محبه الرحمن وجزاكي الله كل خير

يعنى سبت كل حاجة وبتتكلم فى دية بتتكلم فى كام الف يعنى انت عارف اقل تجهيز شقة من بياض وسباكة وسيراميك ونقاشة وشوية لوازم من ديكور بيعمل كام مالايقل عن 13 الف جنية دة غير العفش شوف بقى اقل اوضة نوم وسفرة بتعمل كام مالايقل عن 16 الف جنية خد بقى عندك شوية تجهيزات للعريس من لبس شوف كام يعنى مالايقل عن الف او الفان دة غير الفرح لو هتعملة عائلى او فى الجامع من مش هيقل عن الف ونصف ولو عملتة فى القاعة 5الاف جنية جت على 3الاف جنية شبكة وياسلام الى معندهوش شقة زود عليهم اقل حاجة 50 الف ومش قد كدة على القديعنى طبعا صعب ان عروسة اهلها يوافقوا انها تسكن فى مفروش حتى المفروش الشاب مش هيقدر علية

اقتباس:

---

يعنى سبت كل حاجة وبتتكلم فى دية بتتكلم فى كام الف يعنى انت عارف اقل تجهيز شقة من بياض وسباكة وسيراميك ونقاشة وشوية لوازم من ديكور بيعمل كام مالايقل عن 13 الف جنية

---

يا ريت والله يبقى 13 الف بس

تعرفى 13 الف دول يدوب تشترى السيراميك من غير تركيبة على 4 الاف سباكة على 3 بياض

بس انا شخصيا اكيد هشترى دهب اصلى ان شاء الله
مش هروح اجيب ب100 الف مثلا بس هجيب فى حدود المعقول و وبعدين لو معايا انى اجيب بمليون هجيب لانها تستاهل ههههههههههه

انت وتقديرك بقى وحدودك وكلة هيرجعلك يعنى لو عزتة

كله في الاول كلام وبعد كده تقولي دا دهبي هههههههههه

هديه العروسه فيل

اقتباس:

---

المشاركة الأصلية كتبت بواسطة tomcrous_20

هديه العروسه فيل

---

لا جمل احسن
ههههههههههههههههههه
هدية العروسة حسب تقدير الراجل وزي مابتقول في الاخر هاتقول دهبي بس صدقني في ناس وناس بتتختلف واكيد لو الست لقت زوجها في محنة ومحتاج الدهب يبعوه مش هتتأخر وكفاية عليها هو بالدنيا ومافيها صح ولا انا غلطانة؟

لا والله كلامك صح وشكرا اوي لمرورك بس الجمل هيحطوه فين

الباب يفوت جمل يا توم كروز ال جمل ال

والله يا توم بجد اللى يلاقى انسانه متدينة متلزمه وكويسة لو يقدر يجيب بمليون جنيه دهب بس يكسبا زوجة هتكون حاجة كويسة

لان الزوجة الصالحة هتنفعه فى المستقبل اكتر من ملايين الدنيا

وفى مثل بيقول
يا واخد القرد على حاله

والله كلامك فعلا حلو اوي واهم حاجه الالتزام والتدين فعلا وشكرا ليك

الدهب الاصلى طبعا حتى لو قليل
لان من وجهة نظرى بيدل انك فعلا شارى ال قصادك مش مجرد شكليات و كمان على مدى تقديرك لعروستك

الدهب الاصلى طبعا حتى لو قليل
لان من وجهة نظرى بيدل انك فعلا شارى ال قصادك مش مجرد شكليات و كمان على مدى تقديرك لعروستك

هم مش بيقولوا ان الشبكه تقدير لقيمه العروسه عند العريس

يبقى مش يجيب دهب اصلى المفروض حته من السماء

طالما بيحبها....ولا ايه؟؟؟؟؟؟

افضل الذهب الاصلى طبعا حتى لوبسيط ووممكن اكملة بفضة يعنى زى الذهب الابيض اية المشكلة وبعدين اهم حاجة الاصل فى الانسان الى بنختارة اصلى ولاتايوانى ولا صينى زى الذهب الصينى