جهزوا لمبة الجااااز ياشعب مصر

http://www.daryegypt.com/products/B0764.jpg


اسمعوا بقى الحته الجديده دى على راى عزب النكته دىىىى جديده...

حاجه عبقريه تنم عن فهم وعبقريه شديده لا تصدر سوى عن المسؤلين فى مصر اللى كانت محروسه....واصبحت على اديهم مفروسه


عارفين العداد بتاع النور ياشباب..!!!!


ايون اللى بيكون فى البوابه من تحت ده ويجى الراجل يقرا العداد وبعدين تجيلك الفاتوره وكل شويه تلاقيها عماله تغلى واسعارها عاليه...


دا بقى موضه قديييييييييييييمه خلاص بيلغوه دلوقتى اه والله زى ما بقولوكو كده..عارفين بقىالجديد ايه...؟؟


شوف ياسيدى انت وهو وهى...هيركبوا لسيادتك عداد ب 360 جنيه وبعدين انت يباه عندك كروت تشحن بيها العداد ولما الشحن يخلص النور يقطع..!!!!!


اه والله زى مبقولكوا كده والكروت تبدأ من 25 جنيه و50 و100 زى الموبايلات بالظبط...
واول مرصيدك يخلص هووووووووووووب النور يقطع....ونباه زى غزه غارقين فى ظلام دامس..


وطبعا دى خطوه نحو التقدم والتكونولوجيا اللى بتشهدها مصر فى الفتره الاخيره..!!!!!

يعنى ايه النور بالكروت والشحن؟؟؟؟


على فكره الموضوع ده اتطبق على ناس صحابى فى راس البر والحمد لله لسه موصلش البيت عندنا... واصحابى الحقيقه عملوا كل اللى بيتعمل رفضوا واتخانقوا لكن اتقلهم كالعاده

ركبوا الاول وبعدين اشتيكو!!!



ياريت بس المسؤل عن الفكره الجهنميه دى يطلع يقولنا انا اهو.....دحنا هنكرمه كرم !!!!


وبالمناسبه دى كل واحد فينا يجهز اللبمه بتاعة الجاز والشمع ..

وهوب اول ما الكارت يخلص وانت للاسف ممكن يكون المرتب خلص ومش معاك تشحن ما انت يعينى هتلاقيها منين ولا منين وكمان علشان يبسطوك اخر انبساط اخترعوا ليك كروت نور كمان...!!!!


فانت تجهز اللمبه اللى بالجاز واهو الاولاد يذاكروا على اللمبه زى اجدادهم وبالمره يعرفوا تراث اجدادهم

والشحن يا النور يقطع...!!!!!!



يارب الهمنا الصبر الناس بتتقدم واحنا بنرجع لورا..يعنى انا لو عندى ضيف اجنبى جاى من بره وفجأه النور قطع اقوله سورى اصلى مشحنتش ياااااااااااادى الفضيحه...!!!!

هموت واعرف مين اللى بيعمل فى مصر كده!!!!!

لا حول ولا قوة الا بالله
هما ناويين يعملوا فينا ايه بالظبط

ههههههههههههههههههههههههههههههههههههه
تصدق انها فكرة حلوة جدا
وانا بقى لو عندى ضيوف وفجاة الشحن خلص هقولهم معلش ياجماعة مش معايا رصيد نور
وتلاقى شركو طلعة تقولك ممكن تستلف نور من الشركة ويتخصم عند اول عملية شحن
ياااااسلام على التقدم والتفكير الفظيع
الله يكون فى عونا

اقتباس:

---

المشاركة الأصلية كتبت بواسطة salma elsayed

لا حول ولا قوة الا بالله
هما ناويين يعملوا فينا ايه بالظبط

---

بصراحة مش عارف يا سلمى بس وعد لو عرفت هقولك على طول

اقتباس:

---

المشاركة الأصلية كتبت بواسطة cindrila

ههههههههههههههههههههههههههههههههههههه
تصدق انها فكرة حلوة جدا
وانا بقى لو عندى ضيوف وفجاة الشحن خلص هقولهم معلش ياجماعة مش معايا رصيد نور
وتلاقى شركو طلعة تقولك ممكن تستلف نور من الشركة ويتخصم عند اول عملية شحن
ياااااسلام على التقدم والتفكير الفظيع
الله يكون فى عونا

---

اه هينزل اعلان زى بتاع فودافون بتاع ابعت سلفنى شكرا ابعت سلفنى شكرا
بصراحة هو نظام فاشل والمبرر بيقول
لان فى مصيفين فى راس البر وكده بيمشوا بدون دفع فواتير الكهرباء علشان كده دى تعتبر
فواتير مدفوعة مقدما

على فكره الموضوع ده موجود فى السودان

هى مشكله بصراحه
لاننا بنعتبر الكهرباء عندنا زى الهواء والمياه كده
فالهواء مش عليه فلوس
والمياه اهى فواتيرها بتييجى بعد استعمالها
والله رينا يستر
والموضوع حاليا فى طريقه للقاهره
ربنا يكون فى عوننا

.......اكيد طبعا ليهم وجهة نظر نحترمها ونقدرها....زى مابنحترم اى حاجة...

ولسه

والله يا حسام انا شايف
ان لما يبقى مصير كهربتك
بايدك احسن ما يكون بايد
حد تانى يعنى .......
النور كدا كدا بيتقطع
وبيقطعوه فى اوقات !!!!
- تكون بتذاكر وانت ما صدقت تفتح كتاب
- تكون بتتفرج على ماتش وفى هجة خطرة
- تكون بتتغدى او بتتعشى او بتفطر حتى

والله بيتهىء لى الفكرة دى ممكن تكون
أحسن بس لو توافرت كروت الشحن
فى السوبر ماركتات وفى كل حتة
زى كروت الشحن للموبايلات

ممكن عشان تكون جديدة مش متقبلينها

بس زى ما قلت لك

اما تبقى شمعتك فى ايدك أحسن ما حد تانى ينفخها لك

الصراحة فكره جميلة جدا واقتصادية جدا
وخليبالك بيعلمونا عدم الاسراف فى الكهرباء
والاقتصاد فيها

ما شاء الله اخترعوا كروت الشحن كمان ف الكهربا دا احنا تطورنا خالص يا جماعة :1:
فاضل ايه بس وماعملهوش
الله يسااااااااامحهم
وياااااارب يكون في عونا
وهابدأ من دلوقتي احضر اللمبة بالجااااز :D
شكرا ليك خاالص علي الموضوع

طب بالنسبة لموضوع تحويل الرصيد
يعنى بلاش الكروت ام عشرة دى ينفع احول ب2 جنية لغاية الصبح عشان عندى مذاكرة (هاهاها)
انا بهزر ياعم
ربنا يستر وميحصلش كدا عندنا دى تبقى فضايح
وربنا يهدى كل المسئولين ويفكروا فى افكار ناجحة غير دى

اقتباس:

---

المشاركة الأصلية كتبت بواسطة Wild_Angel

على فكره الموضوع ده موجود فى السودان

هى مشكله بصراحه
لاننا بنعتبر الكهرباء عندنا زى الهواء والمياه كده
فالهواء مش عليه فلوس
والمياه اهى فواتيرها بتييجى بعد استعمالها
والله رينا يستر
والموضوع حاليا فى طريقه للقاهره
ربنا يكون فى عوننا

---

مين قالك الهواء مش عليه ضرائب لسه بعد الضريبة العقارية ضريبة الهوا ربنا يستر يا وايلد

اقتباس:

---

المشاركة الأصلية كتبت بواسطة MUHAMED SAMY

.......اكيد طبعا ليهم وجهة نظر نحترمها ونقدرها....زى مابنحترم اى حاجة...

ولسه

---

ده غصب عنك يا محمد لازم تحترمها ههههههههههه

اقتباس:

---

المشاركة الأصلية كتبت بواسطة KAREEM

والله يا حسام انا شايف
ان لما يبقى مصير كهربتك
بايدك احسن ما يكون بايد
حد تانى يعنى .......
النور كدا كدا بيتقطع
وبيقطعوه فى اوقات !!!!
- تكون بتذاكر وانت ما صدقت تفتح كتاب
- تكون بتتفرج على ماتش وفى هجة خطرة
- تكون بتتغدى او بتتعشى او بتفطر حتى

والله بيتهىء لى الفكرة دى ممكن تكون
أحسن بس لو توافرت كروت الشحن
فى السوبر ماركتات وفى كل حتة
زى كروت الشحن للموبايلات

ممكن عشان تكون جديدة مش متقبلينها

بس زى ما قلت لك

اما تبقى شمعتك فى ايدك أحسن ما حد تانى ينفخها لك

---

كريم الموضوع لو فى المصايف بس مقبول لان اللى بيصيف بيكون مرتاح ماديا لكن حرام تشحن فى الاول كارت مثلا ب25 فى ناس بيجلها اقل من كده بكتير
وحاسس انها فوكيرة لشغل الناس عن حاجات تانية

اقتباس:

---

المشاركة الأصلية كتبت بواسطة mohamed ali

الصراحة فكره جميلة جدا واقتصادية جدا
وخليبالك بيعلمونا عدم الاسراف فى الكهرباء
والاقتصاد فيها

---

ههههههههههههههههههه صح الحكومة بتعلمنا التوفير

اقتباس:

---

المشاركة الأصلية كتبت بواسطة alaa eid

ما شاء الله اخترعوا كروت الشحن كمان ف الكهربا دا احنا تطورنا خالص يا جماعة :1:
فاضل ايه بس وماعملهوش
الله يسااااااااامحهم
وياااااارب يكون في عونا
وهابدأ من دلوقتي احضر اللمبة بالجااااز :D
شكرا ليك خاالص علي الموضوع

---

اه يا لولو والنبى لان هيبقى فى ازمة فى الجاز فى المستقبل

اقتباس:

---

المشاركة الأصلية كتبت بواسطة ahmedooo33

طب بالنسبة لموضوع تحويل الرصيد
يعنى بلاش الكروت ام عشرة دى ينفع احول ب2 جنية لغاية الصبح عشان عندى مذاكرة (هاهاها)
انا بهزر ياعم
ربنا يستر وميحصلش كدا عندنا دى تبقى فضايح
وربنا يهدى كل المسئولين ويفكروا فى افكار ناجحة غير دى

---

فى فى احتياطى 2 جنيه عل ىفكره

يعنى لما رصيدك يخلص يضيفلك اتنين جنيه ودول يكفوا يوم

كمان الكهربا بالكروت؟
ربنا يستر علينا بعد كدا يخلو الهوا بالكروت كمان

وده من ايه ده ان شاء الله

هى كترة كروت وخلاص

الله المستعان

ربنا يرحمنا

دة اكيد واحد من رجال الاعمال شاف الفكرة فى دولة فقيرة وئلك دى فكرة حلوة ياخد توكيل العدادات دى ويقترح الفكرة على حد من وزارة الكهربة توصل لمجلس الشعب هوب تسمع تانى يوم تنفيز الفكرة دى طبعا صاحب التوكيل هيغرق الوصل الفكرة للتنفيز وادفع ياغلبان عشان كدة بزنس مع سياسة مينفعش وللاسف هو دة الحاصل كل مجلس الشعب رجال اعمال

ينهار ابيض......قصدى اسود اه والله اسود انا مش عارف هما عايزين يعملوا فينا ايه المسئولين فى اى حتة فى الدنيا تبقى عايزة تعمل اى حاجة عشان شعوبها انما احنا المسئولين بتوعنا بسم الله ماشاء الله يصحوا الصبح يقولوا ازلكم ازاى يا شعب مصر.

طيب ممكن سؤال هو مفيش خدمة please light me thanks من فضلك نورلى شكرا عشان لو النور قطع حد يبعتلى شحن النور يجى ولا ايه.

اقتباس:

---

المشاركة الأصلية كتبت بواسطة Arwen Undomiel

كمان الكهربا بالكروت؟
ربنا يستر علينا بعد كدا يخلو الهوا بالكروت كمان

---

مستعجلة ليه كله بأوانه ربنا يخليلنا الغالى ابن الغالى ومش قصدى على جمال اانا قصدى اللى اسمه كله فلوس

اقتباس:

---

المشاركة الأصلية كتبت بواسطة إسلام محمد

وده من ايه ده ان شاء الله

هى كترة كروت وخلاص

الله المستعان

ربنا يرحمنا

---

امين

اقتباس:

---

المشاركة الأصلية كتبت بواسطة MOURAD ADHAM

دة اكيد واحد من رجال الاعمال شاف الفكرة فى دولة فقيرة وئلك دى فكرة حلوة ياخد توكيل العدادات دى ويقترح الفكرة على حد من وزارة الكهربة توصل لمجلس الشعب هوب تسمع تانى يوم تنفيز الفكرة دى طبعا صاحب التوكيل هيغرق الوصل الفكرة للتنفيز وادفع ياغلبان عشان كدة بزنس مع سياسة مينفعش وللاسف هو دة الحاصل كل مجلس الشعب رجال اعمال

---

بالعكس دى فقرة جميلة اوى من الشيطان لتعذيب المواطن

يعنى الحكومة عايزك تستعمل الشهر ده مثلا 500 كيلو كهرباء انت بذكائك عايز اكتر بس على مين
يسلموا على مرورك

اقتباس:

---

المشاركة الأصلية كتبت بواسطة maroooo_14

ينهار ابيض......قصدى اسود اه والله اسود انا مش عارف هما عايزين يعملوا فينا ايه المسئولين فى اى حتة فى الدنيا تبقى عايزة تعمل اى حاجة عشان شعوبها انما احنا المسئولين بتوعنا بسم الله ماشاء الله يصحوا الصبح يقولوا ازلكم ازاى يا شعب مصر.

طيب ممكن سؤال هو مفيش خدمة please light me thanks من فضلك نورلى شكرا عشان لو النور قطع حد يبعتلى شحن النور يجى ولا ايه.

---

موجود يا باشا كله موجود مع ام نبيل وحوده فون و انتصالات كل حاجة موجوده وسلملى على الشب الغلبان

ع ف فكرة هى فكرة مش بطالة بس حيبقى فى مشاكل كتير لما نطبقها خصوصا ف الاول