كلام بنانيتى جدا( ممنوع دخول اى شاب دى اسرار)

السلام عليكم ورحمة الله وبركاتة
ازيكم يابنانيت ازيكم ياشباب

انا عارفة ان العنوان دا هو اللى هيوقعكم ويدخل الكل

والموضوع مش بنانيتى وبس

لا ممكن الشباب كمان يشاركو معانا

واتمنى اشوف مشاركات من البنات والشباب

وايد لوحدها متسقفش

ماطولش عليكم

فكرة الموضوع اننا كلنا طبعا عارفين المطبات اللى بنقع فيها فى البيوت

وبناخد ملحوظات ملهاش عدد من امهاتنا

عايزين بقى نعمل الموضوع دا كارشيف للملحوظات دى

وكلنا نستفيد بملحوظات امهاتنا من بعض

ومش شرط تكون ملحوظات اتقالتلك انتى بالتحديد

ممكن تكون ملحوظات اتقالت لحد قدامك حتى لو كنتى عرفاها قوليهالنا يمكن اخت ليكى متكونش عرفاها

وممكن كمان نضيف وصفات بسيطة نستفيد بيها فتنضيف البيت

ولو فى اى سؤال من اى عضوة تتفضل وكلنا معاها

وطبعا الشباب هيستفيد معانا لان فى شباب برضو مش عايش مع اهلة
وعايش لوحدة اكيد هيستفيد معانا

يارب فكرة التوبيك تعجبكم

اسيبكم انا بقى واروح اكمل طبيخ
معزومين عالغدا معايا
واما اخلص هاجى اقول ملحوظات انهردة
بااااااااااااااااااااااااااااااااااااى

كلام حلو جدا
وانا هاتابع معاكم ان شاء الله

فكره هاااااايله يا ايمى وانا معاكم باذن الله

عنوان الموضوع
مستفز فعلا جدا
لأى حد انه يخش
ههههههههههه

وانا فضولى دفعنى انى أخشششش
واشوف بيقولوا ايه دا


ومتابع معاكى

أما نشوف اخرة نصايحك ايييييييه
؟؟؟؟؟؟؟؟؟؟؟؟

اقتباس:

---

المشاركة الأصلية كتبت بواسطة لاتسالنى من انا

كلام حلو جدا
وانا هاتابع معاكم ان شاء الله

---

ان شاء الله ياجميل
ودا شرف ليا اما تتابعينا
نورتى وهتنورى بمتابعتك

اقتباس:

---

المشاركة الأصلية كتبت بواسطة bata_batot

فكره هاااااايله يا ايمى وانا معاكم باذن الله

---

باذن الله
تنورينا ياحبيبة قلبى
وعايزين مساهمتك معانا

اقتباس:

---

المشاركة الأصلية كتبت بواسطة KAREEM

عنوان الموضوع
مستفز فعلا جدا
لأى حد انه يخش
ههههههههههه

وانا فضولى دفعنى انى أخشششش
واشوف بيقولوا ايه دا


ومتابع معاكى

أما نشوف اخرة نصايحك ايييييييه
؟؟؟؟؟؟؟؟؟؟؟؟

---

هههههههههههههههه
وهو دا المطلوب
ان الناس كلها تدخل
هنبقى سعداء جدا بمتابعتك ياكريم
وهنبقى سعداء اكتر لو فى اعضاء تانية تفاعلوا معانا
نورت التوبيك

ملحوظة انهردة
نيتدى بالغدا

اولا المطبخ لازم يكون نضيف ومتروق وانتى شغالة بتطبخى
والحوض يكون فاضى
نيجى عند الطبيخ
انا عملت بسلة ورز انهردة :D
وكانت معايا واحدة قريبتى اينعم كانت رغاية وكانت مطلعة عينى طول وقفتنا فى المطبخ
هى عملت الرز وانا عملت البسلة خلينا فى الرز اللى اتعجن :D
اولا اما تيجى تعملى الرز العادى المفلفل
1- متحطوش زيت قليل عشان كدة الرز هيشيط اثناء مابيتحمر
وكمان الزيت بيقلل من احتمال ان الرز يعجن
2-خلاص حمرنا شوية رز وحطينا عليها باقى كمية الرز
نقلبهم مع بعض كويس جدا قبل مانضيف عليهم المية او الشوربة
لو لقيتى كمية المية زيادة شوية ميهمكيش ولا تزعلى نفسك
اول ماتحسى ان مية الرز ابتدت تغلى وطى النار عالرز خالص
وسبية عالنار وبكدة متقلقيش علية لو كانت ميتة زادت
وطبعا فى حاجة مهمة جداااااااااااااااااااا
فى بنات بتقعد تقلب فى الرز طول ماهو عالنار ودا غلط جدا طبعا
سبية يستوى مع نفسة متقلبيهوش وتغطية طبعا بغطا الحلة من بداية عملة
متسبيش الحلة مكشوفة (بتحصل والله وبشوف ناس مش مغطية الحلة)
وطبعا لاتنسوا الملح ولو عيزاة احلى حطيلة حبة فلفل اسمر بس كمية بسيطة


ثانيا دى ملحوظة اى اكل بتعمليلة صلصة
طبعا بنحمر البصلة عالنار (زودى عليها حبة توم بجد بتاثر فى الطعم والريحة بطريقة واضحة جدا)
واما تعملى صلصة متستخدميش صلصة جاهزة عصير الطماطم افضل بكتير
واما تيجى تعصرى الطماطم فى الخلاط متزوديلهاش مية كتير
حطلها كمية مية قليلة يادوب تقدر تخلى بس الخلاط يشتغل ولو محطتيش مية دا غلط على الخلاط
وكل ماتزودى مية طعم الصلصة بيغير حتى لو مهما سبكتى فيها
ومتنسيش الفلفل الاسمر فاكلك والبهرات

انا عارفة ان فى بنات هتحس ان الحاجات اللى بقولها دى تافهة جدا
بس عايزة اقولكم ان فى بنات اكبر مننا بكتير ومش بتعرف تطبخ اصلا
ودى حاجات مش اى حد يعرفها غير اللى دخلت المطبخ كذا مرة
اسيبكم انا بقى تصبحو على خير ومعلش طولت عليكم

اشوفكم مع غدا بكرة

ميرسي على الاكل الجميل دة
بالهنا والشفا لل اكلوا
انا مستنية اكلة النهاردة
وشكرا على نصائحك للرز والبسلة

اقتباس:

---

المشاركة الأصلية كتبت بواسطة كروانـــــة

ميرسي على الاكل الجميل دة
بالهنا والشفا لل اكلوا
انا مستنية اكلة النهاردة
وشكرا على نصائحك للرز والبسلة

---

العفو ياجميل
واتمنى ان فكرة التوبيك تنول اعجابكم
الف شكر لمشاركتك واتمنى متابعتك معانا

فكرة الموضوع جميلة اوى يا امولتى وبشكرك ع الاكلة الجميلة دى مع ان الرز كان معجن بس يلا المرة الجاية يكون مفلفل ان شاء الله
البيبسى بقى لو سمحتى عشان نهضم
ههههههههههههههههههههه

فكرة الموضوع جااااااااااااامدة
ثانيا بقي هاخلص بكرة ان شاء الله امتحانات وافضالك يمكن الواحد يتعلم حاجة تنفعه
تسلللللللللللللللمي

الموضوع حلو اوووووى والفكرة رااااااااااااااااااااائعة
انا لسه مخلصه امتحانات امبارح فاكيد بقالى فترة كبيرة مدخلتش المطبخ
لكن انا بعرف اطبخ اول لم اطبخ بكره هقول انا عملت ايه

اقتباس:

---

المشاركة الأصلية كتبت بواسطة هاجر

فكرة الموضوع جميلة اوى يا امولتى وبشكرك ع الاكلة الجميلة دى مع ان الرز كان معجن بس يلا المرة الجاية يكون مفلفل ان شاء الله
البيبسى بقى لو سمحتى عشان نهضم
ههههههههههههههههههههه

---

ههههههههههههههههههه
تصدقى بقى انك زى القطط
انتى نسيتى يابنتى الكانز فانتا اللى جبتهالك السنة اللى فاتت تانى مرة اتقابلنا فيها؟
هههههههههههههههه
كانت ايااااااااااااااااام
اكيد هتلاقى لسة قاعد بق منها شيلاة على جنب طلعية واشربية
ميرسى ياحبيبتى لمشاركتك
ويلا تابعى معانا وقوليلنا تعليقاتك وملاحظاتك
ومتقلقيش هقول ملاحظاتى عن الرز بلبن
هههههههههههههههههههههههههههههههههههههههههه

اقتباس:

---

المشاركة الأصلية كتبت بواسطة alaa eid

فكرة الموضوع جااااااااااااامدة
ثانيا بقي هاخلص بكرة ان شاء الله امتحانات وافضالك يمكن الواحد يتعلم حاجة تنفعه
تسلللللللللللللللمي

---

ان شاء الله ياحبيبتى وانا فى انتظرك وربنا معاكى فامتحان بكرة
وتنورينا

اقتباس:

---

المشاركة الأصلية كتبت بواسطة وعجلت اليك ربى لترضى

الموضوع حلو اوووووى والفكرة رااااااااااااااااااااائعة
انا لسه مخلصه امتحانات امبارح فاكيد بقالى فترة كبيرة مدخلتش المطبخ
لكن انا بعرف اطبخ اول لم اطبخ بكره هقول انا عملت ايه

---

بجد ميرسى اوى لذوقك
واتمنى ان التوبيك يبقى مفيد للجميع
وانا منتظرة الغدا عندكم بكرة
هههههههههه

اقتباس:

---

المشاركة الأصلية كتبت بواسطة Queen of sorrow

ملحوظة انهردة
نيتدى بالغدا

اولا المطبخ لازم يكون نضيف ومتروق وانتى شغالة بتطبخى
والحوض يكون فاضى
نيجى عند الطبيخ
انا عملت بسلة ورز انهردة :D
وكانت معايا واحدة قريبتى اينعم كانت رغاية وكانت مطلعة عينى طول وقفتنا فى المطبخ
هى عملت الرز وانا عملت البسلة خلينا فى الرز اللى اتعجن :D
اولا اما تيجى تعملى الرز العادى المفلفل
1- متحطوش زيت قليل عشان كدة الرز هيشيط اثناء مابيتحمر
وكمان الزيت بيقلل من احتمال ان الرز يعجن
2-خلاص حمرنا شوية رز وحطينا عليها باقى كمية الرز
نقلبهم مع بعض كويس جدا قبل مانضيف عليهم المية او الشوربة
لو لقيتى كمية المية زيادة شوية ميهمكيش ولا تزعلى نفسك
اول ماتحسى ان مية الرز ابتدت تغلى وطى النار عالرز خالص
وسبية عالنار وبكدة متقلقيش علية لو كانت ميتة زادت
وطبعا فى حاجة مهمة جداااااااااااااااااااا
فى بنات بتقعد تقلب فى الرز طول ماهو عالنار ودا غلط جدا طبعا
سبية يستوى مع نفسة متقلبيهوش وتغطية طبعا بغطا الحلة من بداية عملة
متسبيش الحلة مكشوفة (بتحصل والله وبشوف ناس مش مغطية الحلة)
وطبعا لاتنسوا الملح ولو عيزاة احلى حطيلة حبة فلفل اسمر بس كمية بسيطة


ثانيا دى ملحوظة اى اكل بتعمليلة صلصة
طبعا بنحمر البصلة عالنار (زودى عليها حبة توم بجد بتاثر فى الطعم والريحة بطريقة واضحة جدا)
واما تعملى صلصة متستخدميش صلصة جاهزة عصير الطماطم افضل بكتير
واما تيجى تعصرى الطماطم فى الخلاط متزوديلهاش مية كتير
حطلها كمية مية قليلة يادوب تقدر تخلى بس الخلاط يشتغل ولو محطتيش مية دا غلط على الخلاط
وكل ماتزودى مية طعم الصلصة بيغير حتى لو مهما سبكتى فيها
ومتنسيش الفلفل الاسمر فاكلك والبهرات

انا عارفة ان فى بنات هتحس ان الحاجات اللى بقولها دى تافهة جدا
بس عايزة اقولكم ان فى بنات اكبر مننا بكتير ومش بتعرف تطبخ اصلا
ودى حاجات مش اى حد يعرفها غير اللى دخلت المطبخ كذا مرة
اسيبكم انا بقى تصبحو على خير ومعلش طولت عليكم

اشوفكم مع غدا بكرة

---

كلااااااااااام جامد جدا
خاصة حكاية غطى الحلة
بتاعة الرز دى
لانها بتفكرنى بموقف جامد
جدا حصل اودامى

وبطلب منك طلب
وانتى بتتكلمى
متنسيش معاكى الشباب
يعنى اتكلمى بصيغة المذكر
لكله لان احنا كمان بنحب
الحاجات دى وانا عن نفسى بخش
المطبخ كتير وبحب اساعد وأألف :11ggle:

حلوة الاكلة دى بس انا كلت قلقاس النهاردة
بمووووووووووووووت فيه أكتر أكلة بحبها

ومنتظرين منك بكرة بس تكون حاجة حلوة
زى البسلة كدا ، عارفة لو عملتى كووووسة
:carl_pullhair::carl_pullhair::carl_pullhair::carl _pullhair:

بحيكى يا أمل على فكرة الموضوع الجميلة دى
ومتبع معاكى ان شاء الله

تحفه جدا جدا الموضوع
وفكرته رائعه ماشاء الله يا ايمي :)

عندى ملاحظه بسيطه وصغنونه عن ملاحظات كل يوم

المفترض اننا اما نقوم الصبح
نطلع فرش السرير فى الشمس وعشان يتهوا ونفتح الشباك او البلكونه عشان الاكسجين يدخل
بس اهممم حاجه
والحكايه دى للبنات
انها تخلى بالها وهى طالعه البلكونه سواء حتطلع الفرش او طالعه لاى حاجه
تحط الطرحه على شعرها
لان فى اوقات كتير تقولى ان محدش شايف ومفيش ناس حوالينا
بس ممكن حد من بلكونه بعيد يشوفنا او حتى ماشى فى الشارع

بس هى دى الملاحظه اللى حبيت ادونها النهارده يا امل
واتمنى تتقبلى مرورى و مشاركتى

اقتباس:

---

المشاركة الأصلية كتبت بواسطة KAREEM

كلااااااااااام جامد جدا
خاصة حكاية غطى الحلة
بتاعة الرز دى
لانها بتفكرنى بموقف جامد
جدا حصل اودامى

وبطلب منك طلب
وانتى بتتكلمى
متنسيش معاكى الشباب
يعنى اتكلمى بصيغة المذكر
لكله لان احنا كمان بنحب
الحاجات دى وانا عن نفسى بخش
المطبخ كتير وبحب اساعد وأألف :11ggle:

حلوة الاكلة دى بس انا كلت قلقاس النهاردة
بمووووووووووووووت فيه أكتر أكلة بحبها

ومنتظرين منك بكرة بس تكون حاجة حلوة
زى البسلة كدا ، عارفة لو عملتى كووووسة
:carl_pullhair::carl_pullhair::carl_pullhair::carl _pullhair:

بحيكى يا أمل على فكرة الموضوع الجميلة دى
ومتبع معاكى ان شاء الله

---

ربنا يخليك يارب

وانا مش بحب الكوسة على فكرة :D

وبالنسبة للقلقاس ملحوظة صغير كدة

نزودلة الكسبرة فى التقلية هى والتوم

فى ناس بتعملة من غير كسبرة مع التوزم بيعملوة توم وبسسسسسس
وطبعا الطعم بيتغير

بس عن تجربة طعمة بالكسبرة الخضرة احلى بكتييييييييييييييير

وطبعا الكسبرة بتتحمر عالنار مع التوم
وبالنسبة لجنس كلامى هاخليها جمع ياكريم ولا تزعل نفسك
انت تؤمر
وتنورنا بتواجدك معانا وياريت الشباب يتفاعلوا معانا
ولو عندهم ملاحظات يفيدونا بيها
ومش عيب ابدا ان شاب يكون عندة ملاحظات للبيت
دا العادى انة يكون بيساعد اهل بيتة ولو بحاجات بسيطة
وانتظرونا غدا

اقتباس:

---

المشاركة الأصلية كتبت بواسطة Wild_Angel

تحفه جدا جدا الموضوع
وفكرته رائعه ماشاء الله يا ايمي :)

عندى ملاحظه بسيطه وصغنونه عن ملاحظات كل يوم

المفترض اننا اما نقوم الصبح
نطلع فرش السرير فى الشمس وعشان يتهوا ونفتح الشباك او البلكونه عشان الاكسجين يدخل
بس اهممم حاجه
والحكايه دى للبنات
انها تخلى بالها وهى طالعه البلكونه سواء حتطلع الفرش او طالعه لاى حاجه
تحط الطرحه على شعرها
لان فى اوقات كتير تقولى ان محدش شايف ومفيش ناس حوالينا
بس ممكن حد من بلكونه بعيد يشوفنا او حتى ماشى فى الشارع

بس هى دى الملاحظه اللى حبيت ادونها النهارده يا امل
واتمنى تتقبلى مرورى و مشاركتى

---

طبعا ملاحظة مهمة جدا جدا جدا يااسراء
جزاكى الله كل خير عليها
واتمنى دوام مشاركاتك معانا فى التوبيك
وربنا يجازيكى خير لنشر خبرتك لاخواتنا واخوانا

عدنا بعد فاصل الدراسة
وجيبالكم انهردة معايا مكرونة بالبشاميل
طلعت عينيا انهردة بس الحمد لله انتهت على خير واتاكلت كلهااااااا
المقادير (مقادير صنية واحدة)

كمية من السمن
4معالق دقيق
1\2 كيلو لبن
1\2كيلو مكرونة اقلام
فلفل اسمر+ملح
1\4كيلو لحم مفروم
بصل+ثوم
بيضة

طريقة العمل

اولا عصاج اللحمة المفرومة
نحط شوية زيت او سمنة عالنار
اول مالزيت او السمن تقدح نحط عليها البصل والتوم بعد مايتقطع اجزاء صغيرة جدا
نحمرهم كويس ونحط عليهم اللحمة المفرومة لغاية ماتستوى ومتنسوش شوية ملح صغيرين وفلفل اسمر

ثانيا المكرونة
نسلق المكرونة فحلة لوحدها
واووووووووووووووعوا تحطوا المكرونة على مية باردة
يعنى نحط الحلة عالنار وفيها مية ونستنى المية تدفى شوية وبعدين نحط عليها المكرونة ودا عشان المكرونة متعجنش
ونحط شوية ملح فى المية بتاعة المكرونة
وبعد مالمكرونة تستوى نحطها ف المصفى ونصفوها من المية اللى هي فيها ونغسل المكرونة بالمية( متقرفوش هههههههههه)
ايوة اغسلوها عشان متبقاش ملزقة فبعض

البشاميل

هنحط السمنة عالنار واما السمنة تقدح نحط عليها الدقيق نقلبهم ونحمر الدقيق فى السمنة
واول مايتحمر كويس نسقى العجين باللبن
منحطش 1\2 كيلو اللبن على طول على الدقيق كدة يبقى عك
هنحط اللبن على الدقيق تدريجيا
نحط 1\2 كوباية ونقلب العجين واللبن كويس جدا لغاية ميتجانس العجين
وبعدها نص كوباية تانى ونقلبهم ولغاية م العجين يتجانس بردو
وهكذا لغاية مانخلص نص كيلو اللبن
متقلقوش 4معالق دقيق مش قليل هتعمل كمية بشاميل كويسة
لاننا بنزودوها باللبن
ومننساش الملح والبهرات

وبعدين هنجيب المكرونة ونحط عليها كمية من البشاميل ونقلبهم كويس جدا
هيبقى شكلها يقرف
ههههههههههه
ولا يهمكم ابدا
دا العادى
ههههههههههههههههه
ونشيل باقى البشاميل

وبكدة نبقى حضرنا حاجتنا
هنجيب صنية كبيرة ونغسلها كويس وننشفها كويس جدا جدا
من المية عشان المكرونة متلزقش فى الصنية
نفرد طبقة بشاميل رقيقة فى الصنية

وبعدها طبقة من المكرونة بالبشاميل
وتليها طبقة اللحمة المفرومة
وبعدها طبقة اخرى من البشاميل
ونفردها كويس
جة دور البيضة
هنقلبها كويس فطبق وبعدين ندهن وش الصنية بالبيضة والسمن
(عشان وشها يحمر ومن غير البيضة والسمنة هيبقى لونة ابيض)

وبكدة تبقى حضرنا صنية مكرونة بالبشاميل باللحمة المفرومة
ونحطها فى الفرن وفى حاجة هنا

نار الفرن لاااااااااااااااااااازم تكون واطية عشان الصنية متتحرقش ووشها يبقى احمر
واول مايحمر وش الصنية نجيب سكينة ونغرزها فطرف الصنية ونطلعها
و نشوف طرف السكينة لو لقينا طلع فى السكينة بشاميل يبقى لسة ماستوتش
لو لقينا السكينة طلعت مفيشهاش حاجة يبقى البشاميل استوى ونطلعها
وبالهنا والشفا

دى صورة لصنية البشاميل
كانت هتتحرق منى
ههههههههههههههههههههه
بس الحمد لله جت سليمة

كلام جميل جدا بس انا ليه ملحوظة صغيرة كان المفروض يكون اسم التوبيك ده
مطبخ امل

أمل احنا بنعملها غير كدا:a5: اقولك فوكيرة تفيدك ممكن تحطي علي وشها جبنة رومي مبشورة زي اللي بتحطيها علي البيتزا بتديها طعم رائع بصرراحة :a40:
ولما اعرف ازاي الطريقة بالضبط بتاعت المكرونة هابقي اديهالك تجربيها:a40:

حلوة بس انا ما بحبش البشاميل اوى وانا داخل علشان اشوف فيه ايه علشان العنوان ده بيستفزنى اوى:a7::a17:

اقتباس:

---

المشاركة الأصلية كتبت بواسطة mostafa hassan

كلام جميل جدا بس انا ليه ملحوظة صغيرة كان المفروض يكون اسم التوبيك ده
مطبخ امل

---

ماهو لو كتبت مطبخ امل مش هيدى اهتمام
لكن عنوان كلام بنانيتى جدا دا هيشد الناس
ههههههههههههههه
ميرسى اوى لمرورك يامصطفىنورت التوبيك

موضوع حلو اوىىىى وعايزة ااقول شوية نصايح كدة للبنات أدم بيدايق منها (سواء اخوكى , باباكى , جوزك المستقبلى ... ممكن لو اخوكى غتيييييت عادى اعملى معاة الحاجات دى ) انا سمعتها فعجبتنى اوى
1 - اوعى تخليى جعان
2- بلاش الحركات اللى احنا بنشوفها دى انة هو يكون نايم ياحرام :a22: وانتى تقلقيى يعنى تشغلى الموكنسة , تعاليى صوت التليفزيون , تنفضى الشقة هههههه الحاجات اللى تقلق راحتة دى
3- بلاش بردة وهو جاى من الشغل تستقبلى بالمشاكل ( اتخنقئتى مع مين ومين ضرب مين ...وانت اية اللى اخرك لغاية دلوقتى ؟؟؟ )
يعنى مش هيحصل حاجة لو سبتى يرتاح شوية وياكل وبعد كدة ابدئى ياستى .
4 - دى بقى نصيحة ليكى لما تتجوزى انشاء الله حافظى على الصلاة وشغلى القراءن وخلى هو كمان يلتزم فالصلاة ولو هو بيقطع فيها خليكى وراة بس براحة مش بالخناق قوليلوة يلا نقوم نصلى عشان انت تكون الامام واصلى وراك يلا ودينى احفظ قرءان عشان انت عندك شغل فانا احفظ واجى احفظك اية رايك ..كدة يعنى
5- بلاش تكونى زنانة اياكى والزن يعنى مسلا لاقتى ادام متخانق مع حد وقالك انا متخانق مع فلان وسئالتى لية ومجاوبش حسيتى انة مش عايز يحكى دلوقتى خلاص مينفعش تعقدى بقة تقوليلوة لاء لازم تقولى لازم اعرف وتبدئى الزن .
اخر حاجة لو أدام بقة مدايقك تقدرى تستخدمى الحاجات دى ضدة هههههههههه لاء بجد ربنا يصلح بنات المسلمين كلهم وينور بيتهم

اقتباس:

---

المشاركة الأصلية كتبت بواسطة alaa eid

أمل احنا بنعملها غير كدا:a5: اقولك فوكيرة تفيدك ممكن تحطي علي وشها جبنة رومي مبشورة زي اللي بتحطيها علي البيتزا بتديها طعم رائع بصرراحة :a40:
ولما اعرف ازاي الطريقة بالضبط بتاعت المكرونة هابقي اديهالك تجربيها:a40:

---

ممممممممممممم
تمام ياريسة
هبقى اجربها المرة اللى جية
هههه
ادينا بنعك واللى فى البيت بياكلو
بنتعلم على حساب معدتهم
هههههههههههههههههههههههههه
وفى انتظار طريقتك
بس انا عايزة صوووووووورة للبشاميل اللى انتى بتعمليها
هااااااااا
ههههههههه
نورتى التوبيك ياقمراية

اقتباس:

---

المشاركة الأصلية كتبت بواسطة abdo samy

حلوة بس انا ما بحبش البشاميل اوى وانا داخل علشان اشوف فيه ايه علشان العنوان ده بيستفزنى اوى:a7::a17:

---

ههههههههههههههه
طب تمام
معنى كدة ان انا نجحت فمهمتى والعنوان بيشد الاعضاء
نورت التوبيك ياعبدة
وقولى انت بتحب اية وانا اعملهولك فورااااا

اقتباس:

---

المشاركة الأصلية كتبت بواسطة smart girl

موضوع حلو اوىىىى وعايزة ااقول شوية نصايح كدة للبنات أدم بيدايق منها (سواء اخوكى , باباكى , جوزك المستقبلى ... ممكن لو اخوكى غتيييييت عادى اعملى معاة الحاجات دى ) انا سمعتها فعجبتنى اوى
1 - اوعى تخليى جعان
2- بلاش الحركات اللى احنا بنشوفها دى انة هو يكون نايم ياحرام :a22: وانتى تقلقيى يعنى تشغلى الموكنسة , تعاليى صوت التليفزيون , تنفضى الشقة هههههه الحاجات اللى تقلق راحتة دى
3- بلاش بردة وهو جاى من الشغل تستقبلى بالمشاكل ( اتخنقئتى مع مين ومين ضرب مين ...وانت اية اللى اخرك لغاية دلوقتى ؟؟؟ )
يعنى مش هيحصل حاجة لو سبتى يرتاح شوية وياكل وبعد كدة ابدئى ياستى .
4 - دى بقى نصيحة ليكى لما تتجوزى انشاء الله حافظى على الصلاة وشغلى القراءن وخلى هو كمان يلتزم فالصلاة ولو هو بيقطع فيها خليكى وراة بس براحة مش بالخناق قوليلوة يلا نقوم نصلى عشان انت تكون الامام واصلى وراك يلا ودينى احفظ قرءان عشان انت عندك شغل فانا احفظ واجى احفظك اية رايك ..كدة يعنى
5- بلاش تكونى زنانة اياكى والزن يعنى مسلا لاقتى ادام متخانق مع حد وقالك انا متخانق مع فلان وسئالتى لية ومجاوبش حسيتى انة مش عايز يحكى دلوقتى خلاص مينفعش تعقدى بقة تقوليلوة لاء لازم تقولى لازم اعرف وتبدئى الزن .
اخر حاجة لو أدام بقة مدايقك تقدرى تستخدمى الحاجات دى ضدة هههههههههه لاء بجد ربنا يصلح بنات المسلمين كلهم وينور بيتهم

---

تمااااااااااااااااام جدااااااااااااااا
ربنا يباركلك والله ياحبيبتى
ويهدى بنات وشباب المسلمين اجمعين
وياريت الواحدة تنفذ كل اللى انتى قولتية دا
بس بلاش اخر سطر
ههههههههههههههههه
نورتى التوبيك ياقلبى

موضوع حلو وبسيط كمان

اقتباس:

---

المشاركة الأصلية كتبت بواسطة هدى على

موضوع حلو وبسيط كمان

---

ميرسى ياقمر
نتمنى انك تشاركى معانا دايما فى التوبيك

والله بصراحة هو العنوان ةمستفذ علشان كده انا دخلت
بس بصراحة التوبك رائع
فيه بنات فعلا ما بتعرفش تعمل حاجة فى المطبخ
ولما بتتجوز بتبقى لخمة

اقتباس:

---

المشاركة الأصلية كتبت بواسطة abuezz

والله بصراحة هو العنوان ةمستفذ علشان كده انا دخلت
بس بصراحة التوبك رائع
فيه بنات فعلا ما بتعرفش تعمل حاجة فى المطبخ
ولما بتتجوز بتبقى لخمة

---

ميرسى لذوق حضرتك
واسفين للازعاج
نحن نختلف عن الاخرون
وبنات منتدانا هيرفعو راسنا باذن الله
يارب مايكسفونا
هههههههههههه
نورت الموضوع

هههههههه حلو يا امولة ....احب اقولك انى انا اخرى اعمله البيض والملسوق كمان مش مقلى