عرض للطباعة
السلام عليكم ورحمه الله وبركاته
اتمنى ان يتحقق هذا الحلم قريبا ان شاء الله
سنحاول سويا عمل مكتبه الكترونيه فى مقر الرابطه.
فرجاءا من كل المشاركين والمترددين على مقر الرابطه (وخاصه الزميل كريم مشرف القسم)
ان يحاولوا تجميع كل مالديهم من برامج وكتب على اسطوانات وتركها فى مقر الرابطه
وسوف اقوم بالترتيب مع د السيد الزغبى لعمل هذه المكتبه بحيث تسهل على الزملاء
عمل نسخه من اى برنامج من خلال تواجدهم بالرابطه.
وجزاكم الله خيرا
والله شغل رائع جدا يابشمهندس
جزاك الله كل خير
ومن تقدم الى تقدم باذن الله
طبعا ده كلام رائع من شخص اروع والله
هنحاول ان شاء الله تجميع تلك الكتب علي اسطوانات ويضا تجديد الروابط من فترة لاخري
جزاك الله خير يا استاذنا
اقتراح جمييييييييل جدااااا
وفكرة مميزة
جزاك الله خير عليها
وكان عندى استفسار
اذا كان حضرتك عايز مكتبة
شاملة ومنوعة ولااااااااا
خاصة بالمجال بتاعنا فقط
ان شاء الله أقدر أشارك
فى الموضوع دا خاصة
بالكتب العامة لانى
معنديش مخزون كافى
من كتب المساحة
دى تالت مرة اكتب رد
ومش عارف مش بينزل ليه
النت عندى شكله فى مشكلة
بشكرك مرة تانية ع المقترح
الجامد دا يا باشمهندس
وان شاء الله ينجح بمجهودنا
ويتحققققق عن قريب
الله ينور يا بشمهندس محمد علي المجهود الرائع
وهيا فكره جميله جدا وحتفدنا وحتسهل علينا حاجات كتير
واكيد يا كريم المكتبه حتكون متخصصه علميا في الجغرافيا بواجهه عام
من كتب وبرامج المساحه والخرائط ونظم المعلومات الجغرافيه
مدونه علي اسطونات
اتمني فعلا تحقيق وانشاء هذه المكتبه
جزاكم الله كل خير
والله ياكريم انت ابوالكرم
اللى تجود به احنا حنقبله طبعا فى المساحه فى الثقافه فى العلم فى اى مجال
ربنا يكرمك وتقدر تجمع لنا كل الكتب الالكترونيه الموجوده كلها فى المنتدى او خارجه وانا ممكن اساعد بالاسطوانات لو عاوز
وتبقى بدايه مكتبه جامده جدا يستفيد منها كل المتواجدين فى الرابطه
وعلى فكره المكتبه الالكترونيه ممكن تكون مصدر جذب لناس كثيره للذهاب الى الرابطه
جمييييييييييييييييل جدااااااااااااا
يعنى نفس الفكرة الى جات فى بالى
انها ممكن تكون على سبيل الاستعارة
حلو أوى وانا باذن الله هبدأ فى التجميع
من دلوقتى بحيث تبقى جاهزة للنسخ
وبالنسبة لموضوع السيديهات مش صعب
انا لسه شارى علبة لناس قرايبى
ورخيصة جداااااااااااااااااا
المهم انى أبدأ فى التجميع من الان
وكلنا نتعاون فى المشروع دا
وبان الله هينجحححححححح
شكرا ياكوين وهبه بيبو وعلى السيد على المشاركه
الفكره جاءت من احد موضوعات المميزه هبه بيبو والذى كان يحتوى على 13 جيجا من الملفات للتحميل والناس معذبينها عشان الروابط مش شغاله. فشكرا لها.
وجزاكم الله خيرا
لا ياكريم مش حتبقى على سبيل الاستعاره
اللى عاوز برنامج يجيب اسطوانه معاه وينسخ اللى هو عايزيه
الناس مش حترجع الاسطوانات او ممكن تتكسر وانت عارف المشاكل كثيره
فعلا النظام كدا أفضل
المهم اننا نبتدى فى الفكرة
وباذن الله هبتدى اجمع الحاجات
اللى عندى واجهزها للنسخ
والموضوع دا مفتوح لجميع
المشرفين وكمان الا‘ضاء
اللى شايف انه عنده
كتاب او برنامج أو أى
حاجة يقدر يفيدنا بيها
ممكن ينسخها لنا على اسطوانه
واهى تبقى صدقة جارية وعلم ينتفع به
وهنيالك يافاعل الخير والثواب
بجد عايزين نتخفز كلنا لعمل
خير زى دا وهيفيدنا كلنا
علميا ان شاء الله
جزاكم الله خير
الفكره تحفه بجد
واتمنى تطبق فعلا
وان شاء الله اقدر اساعد فيها
فين ياكريم الاسطوانات انت نسيت ولا ايه الحكايه
فكره جميله منك يااستاذ محمد
وانشاء الله دى حتكون مصدر جذب
كبير للرابطة والف شكرررر على مجهودات حضرتك
المتواصلة
اقتباس:
المشاركة الأصلية كتبت بواسطة Mohamed Gaber Aly
والله ما نسيب ياباشمهندس
بس انا للاسف الشديد الهارد اللى كان عليه كله حاجة
شكله شيع او بمعنى اصح مش عايز ينزل ويندوز
فشغال على هاردى الاقديم كدا لحد ما اشوف
ايه الموضوع دا عموما ححاول اروح لمركز صيانة قريب
يشوف موضوع الهاردة دا لانه عليه بلااااااااااااوى
حتى لو باز حخليهم يطلعو الحاجات اللى جوا
يديوهانى فى كيسة :D
ياريت لو حد من الباشمهندس المنوطين او اى حد يقدر يساعد
فى الموضوع دا باى مادة علمية يتقدم ويقول لانه فى الاول وفى الاخر
مشروع خيرى فياريت الى يقدر يساعد بحاجة يساعد
وجزاكم الله خير