Artificial Islands

بسم الله الرحمن الرحيم

اعضاء المنتدي الكرام احببت ان اضيف لكم اليوم واحد من ضمن المشاريع المميزه للعالم كله وهو اتجاه ومسعي جميع الدول التي لها او تمتلك مسطحات مائيه

الا هو الجزر الاصطناعيه (Artificial Island)
معني كلمه جزيره

معني كلمه جزيره في اللغه هو قطعه الارض المحاطه بالمياه من جميع الاتجاهات
والجزر الطبيعيه تكونت اما بفعل الترسيبات الرمليه (الرمل البحري)
او ان تكون صناعيه :::اي يتم تخليقها بمعرفه الانسان وهو المسئول عن خواصها وكل جزء فيها

امثله لبعض مشاريع الجزر الاصطناعيه في العالم

1-بلدي الحبيب والغالي (مصر) Egypt

مشروع الجونه السياحي والتي قامت بتنفيذه شركه اوراسكوم للتنميه
ويعتبر اول مشروع من ذلك النوع في الشرق الاوسط وهو اقدم من مشاريع دبي ودول الخليج

تفاصيل المشروع:
1-المكان : الجونه 22كم شمال الغردقه
2- الشركه المنفذه: شركه اوراسكوم للتتنميه (مصر)
3-يقام المشروع علي مجموعه جزر اصطناعيه في البحر الاحمر وقد تم بناء الجزر بالطرق التقليديه القديمه اي عن طريق الردم واستخدام ال(Dynamic Compation)
طبعا لانو الكلام دا كان في التمانينات واوائل التسعينات كان لسه التكنولوجيا ما اتقدمتش زي دلوقتي

اهميتها السياحيه::

تتميز الجونة بكونه موقعا للغطس في الأعماق والرياضات المائية المختلفة، ويوجد بالمنتجع شاطئان رئيسيان هما شاطئ "زيتونة بيتش" وشاطئ "مانجروفي بيتش"، ويتخلل المنتجع عدد كبير من القنوات المائية ما يجعل لكل منزل أو فيلا أو شاليه في المنتجع شاطئا خاصا به، ومعظم هذه القنوات المائية أقيم عليها جسور حجرية صغيرة لتسهيل التنقل.
يوجد في الجونة 6 أحياء هي حي "مارينا تاون"، "الحي المتوسطي"، "حي الجولف"، "الحي النوبي"، "حي الهضبة" و"الحي الإيطالي". كما توجد ثلاث مناطق مركزية رئيسية في الجونة تتواجد بها منازل ومحال تجارية ومناطق تسوق وحانات ومطاعم ونوادي ليلية هي منطقة الداون تاون ومنطقة ميدان تمر حنة ومنطقة مارينا أبو تيج والتي يجري تطويرها لاستقبال اليخوت الكبيرة الحجم، وتوجد محطة اذاعة FM منوعة في المنتجع هي " راديو الجونة " ويوجد بمنتجع الجونة 14 فندقا من درجات 4 الي 5 نجوم إضافة الي فندق 6 نجوم سيفتتح في صيف 2008 م. وهو يمتد قرب مارينا أبو تيج في المنتجع، كذلك يوجد مرسي لليخوت آخر هو أبيدوس مارينا.

• استضافت الجونة مسابقات دولية للجولف نظمها فريد كوبلز الذي حمل التصنيف رقم واحد سابقا في اللعبة.

يوجد في الجونة أيضا مستشفي متكامل التجهيز ويوجد بها أيضا مدرسة EGIS ومطار صغير خاص بالمنتجع وللطائرات الخاصة ولطائرات " تشارتر ".
يوجد بالجونة أيضا متحف صغير يحوي نحو 90 معروضة افتتح العام 1990 م. ويحوي كذلك معرض يعرض أعمال الفنان التشكيلي المصري المعاصر حسين بيكار.
كما افتتحت سوزان مبارك زوجة الرئيس المصري في 5 مايو 2008 م. مكتبة سفارة المعرفة، وهي مكتبة رقمية متطورة ترتبط بشكل رئيسي بمكتبة الأسكندرية وما تضمه من أرشيف وكتب ووثائق وبيانات...

والان اليكم بعض صور المشروع دا


http://img41.imageshack.us/img41/599...luft13b200.jpg

http://img189.imageshack.us/img189/3...luft14b200.jpg


http://img109.imageshack.us/img109/6...fromegypt9.jpg

ودي صوره من الجوجل لمشروع الجونه

http://img96.imageshack.us/img96/1897/71541554.jpg

وكده ابقي خلصت عرض مشروع الجونه ان شاء الله في نفس المشاركه انتظروا المراحل الهندسيه لمشروع الجونه وان شاء الله نكمل باقي المشاريع اللي من النوع دا وربنا يسهل ان شاء الله.

نكمل موضوعنا عن الجزر الاصطناعيه Artificial islands
اتكلمنا الاول عن مصر والحقيقه انو عاوز اوضح حاجه مهمه جدا
موضوع الجزر الاصطناعيه دا مش حاجه ضخمه من حيث الفكره ولا حاجه يعني الموضوع سهل وبسيط جدا ممكن اي حد يفهمه والحقيقه ان شاء الله انا بجهز مشروع التخرج بتاعي في كليه الهندسه دلوقتي
عن الجزر الاصطناعيه واول ما يخلص ان شاء الله ها اعرضه هنا في المنتدي وطبعا بشكر مهندس /محمد هاشم(مشرف قسم المساحه البحريه)
لانو ساعدني كتير في الموضوع دا
فانا بهدي المنتدي مشروعي باسم المهندس محمد هاشم
ان شاء الله

طولت عليكم
انا كان نفسي انا قش مشروع الجونه اوي بس الحقيقه رجعت عن الفكره دي لعده اسباب
اولها انو المشاريع دلوقتي اللي من النوع دا حدث فيها نوع من التطور غير العادي من حيث المعدات والادوات وفكره التصميم

علشان كده انا قررت انا قش مشروع (جزر العالم) World Islands
في دبي
لعده اسباب
1-المشروع كان احسن ومتطور عن باقي المشاريع التانيه في دبي
2- حواجز الامواج اللي تم تنفيذها كانت غايه في الروعه علي الرغم من المشاكل اللي قابلتهم هناك وها نناقش دا
3-قوه المشروع في كون شكل العالم كله علي شكل مجموعه جزر صغيره

ودا ما يمنعش انو في مشاريع تانيه في العالم كله جميله جدا بس ها اتكلم عنها في مشاركه تانيه ان شاء الله

جزاك الله خيرا تسلم ايديك استمر

World Island Project

مشروع جزر العالم
بهرت دبي العالم بدون مبالغه لما قررت البدء في مشروع جزر العالم في دبي بعد جزر النخيل واللي اثارت جدل كبير اوي في الاوساط الهندسيه ولكن كيف؟؟؟؟

من وجهه نظري في العصر الحديث لم يعد في شئ اسمه مستحيل الانسان طلع القمر واكتشف كواكب جديده في الدنيا
اعتقد ها يبقي من السهل عليه انو يعمل اي حاجه دا طبعا باذن المولي سبحانه وتعالي

يعني لو رجعنا لاصل الجزر الاصطناعيه في العالم كان في هولندا لما بدات تعمل الموضوع دا علشان الزراعه يعني صنعت الجزر دي من اجل الزراعه وبعد كده بدات تتطورها لبناء محطات توليد الطاقه الكهربيه والنوويه
بعد كده اخذ الموضوع دا شكل وطابع تاني خالص ودا كان في دبي
ببساطه شديده دبي واحده من دول الخليج العربي واللي بتعتمد اساسا علي النفط في صادراتها لكن طبعا لصغر حجمها علماء الطاقه و التنقيب اقروا انو البترول في دوله الامارات العربيه المتحده ها ينضب علي مشارف عام 2050
علشان كده كان لازم من مصدر دخل تاني غير البترول
فكانت الجزر الاصطناعيه العملاقه التي ابهرت العالم كله

ومنها مشروعنا اليوم وهو (((((جزر العالم)))))

http://img29.imageshack.us/img29/157...1681260733.jpg

1-مراحل الانشاء
لكي يتم انشاء الجزيره يجب اولا حمايه المنطقه البحريه الخاصه بالمشروع وابسط سبل الحمايه هيا حواجز الامواج
ولعل جميعنا يعلم ان حواجز الامواج نوعان غاطس او عائم
والحقيقه انو النوع اللي احنا بصدده دلوقتي هو العائم

كان الملاحظ في مشروع جزر العالم انو حاجز الامواج اخذ شكل السلم علشان يقلل حده المياه او بالمعني التنفيذي يكسر حده المياه علي 3مراحل
*اول مرحله انو يكسر حده الموجه
**تاني مرحله يهدئ سرعه الموجه
***تالت مرحله تقريبا مفيش موجه
وهو دا اللي حصل فعلا
معلش اعذروني مش ها اقدر اعرض عليكم شكل هندسي لانو دا بيعتبر سر ممكن ابقي اوريه ليكم مع مشروعي ان شاء الله
ودي صور لحاجز الامواج

http://img130.imageshack.us/img130/4...1681260733.jpg

ودي صوره لطريقه انشاء الحاجز
http://img191.imageshack.us/img191/8...1681260733.jpg

طبعا بيتم عمل جسات ابعماق مختلفه علشان نقدر نصمم الحاجز علشان نحمي المعدات والماتيريل اللي ها نردم بيها جسم الجزيره من الامواج البحريه والنوات والعواصف
علشان كده كانت الاهميه في بناء حاجز الامواج للجزر

نتكلم بقي شويه عن مكونات الحاجز
طبعا زي ماحضراتكم شايفين في الصور صخور بس ازاي بيتم بناؤه؟؟؟؟؟

اولا بيتم نقل الصخور من موقع تكوينها الي مكان الجزيره او اقرب ميناء ثم يتم تحميلها علي barge بوراج
ويتم جرها بواسطه جرار بحري الي مكات التنفيذ وباستخدام الكباشات او بالظبط(Excavator type: handler materils)
يتم نقل الصخور الي مكانها علي الحاجز وطبعا بيتم التوجيه بواسطه GPS
وطبعا بيجي دور الغواصين في انهم يتاكدو من انو الحاجز بيكون امن Safe
http://img28.imageshack.us/img28/1939/pic13h.jpg

ودي بقي صوره للجرار البحري الل يستخدم في جر الbarge
http://img683.imageshack.us/img683/223/pic06u.jpg

بعد ما بيتم بناء الحاجز يجي دور معدات تانيه ودي بقي المهمه في بناء جسم الجزيره ودا ان شاء الله هايكون في المشاركات التاليه........

اية الجمال دة

روعة والله

جزاك الله كل خير

الله ينور يا بشمهندس احمد سالم

موضوع رائع جدا من شخصيه رائعه

وده شئ اكيد طالما من طرف بشمهندس محمد هاشم

موضوع مفيد ومميز جدا

وفي انتظار باقي مشاركاتك القيمه

جزاك الله كل خير

مشروع جميل جدا الف شكرررر

ياااااااااااااااااااااااااااااااه
متشكر ليكم جدا ياجماعه وان شاء الله ها نكمل موضوعنا النهارده معلش اصلي رايح الكليه دلوقتي............
ههههههههههه

معلش انو اتاخرت شويه في باقي الموضوع وان شاء الله لنا بقيه

بس مش عارف حاسس انو الموضوع مش عاجبكم ؟؟؟؟؟
ياريت اعرف رايكم؟؟؟؟؟؟؟؟

موضوع اكثر من رائع

ولانى قمت بتنفيذ مثل هذه الحواجز قبل ذلك فانا اشكرك على التفاصيل الدقيقه والصحيحه

كنت اود ان نظهر خطوات الاعمال المساحيه فى مثل هذه المشاريع وكيفيه تنفيذها

واهم مافى موضوعك انه يتناول مشروع مصرى

وهذه دعوه منى لكل المشاركين فى هذا القسم الى اظهار المشاريع العملاقه فى مصر

جزاك الله خيرا

متشكر ليك جدا يابشمهندس وربنا يخليك وطبعا يزدني شرف انو حضرتك تفدنا بمعلوماتك في الموضوع دا لانو كمان شغال في مشروع تخرجي فاي معلومات ها تكون مفيده لينا في المنتدي وليا بصفه شخصيه في شغلي
متشكر لحضرتك جدا

نكمل موضوعنا طبعا كان اهم حاجه في الجزر هيا الحمايه البحريه ليها وطبعا كان دا من خلال حوجز الامواج
الحقيقه انو شكل جزر العالم دا لم ياتي من فراغ لكن الاول كانت الفكره في انو تكون الجزر بكامل شكل القاره يعني شكل قاره اسيا
وشكل قاره افريقيا وهكذا
لكن حاكم دبي ماكانش موافق علي الموضوع دا يعني فضل انو نقسم القاره لمجموعه جزر صغيره علشان تبقي اصغير والمستثمرين يبقي كتير يعني (((((شوفتوا الدماغ))) هههههههههههه

المهم

تم ردم الجزر علي شكل القارات لكن مقسمه الي مجموعه جزر اصغر

طيب دلوقتي الجزر دي اتردمت ازاي وعلي اي اساس وازاي ما تغرقش وهل يعقل انو اردم بالرمل والرمل دا ما يغرقش
او بالمعني الهندسي يحصل هبوط في المنشات اللي عليه(Settelement)؟؟؟؟؟؟؟؟

اه يعقل
التكنولوجيا ما سابتش حاجه الا وعملتها زي ما قلت الانسان طلع القمر في صواريخ ومركبات فضاء وقدرنا نكتشف اعماق البحار عن طريق الغواصات وقدرنا نبقي قريبين من بعض اوي عن طريق التليفون المحمول

اكيد من السهل انو نخلي الجزر دي ما تغرقش انما نشوف الاول الجزر دي بتتردم ازاي؟؟؟

بعد ما بيتم تحديد المنطقه مساحيا عن طريق كنتوريه المنطقه اي يتم قياس الاعماق وتحديد الحس لها عن طريق المعدات المساحيه اللي طبعا المهندس محمد هاشم تفضل بشرحها في قسم المساحه البحريه

يتم تدخل الDredgers
الDredging Engineering
دا علم وعلم كبير جدا وله فوائد وتطبيقات كتير كان نفسي يسعني الموضوع انو اتكلم عنه لكن ها اتكلم بايجاز شويه سامحوني المصطلحات فيه كتير وغايه في التعقيد لكن انا هااوضح ليكم بامثله صغيره
الdredgeningاو التكريك الكلمه دي بتعني معنيان اما ردم او شفط
اما انو اردم علشان اعلي منسوب القاع في البحر او الترعه او انو احفر يعني اشفط الرمل من القاع البحري علشان طبعا محتاج عمق اكبر ودا طبعا بيقي عاده في المواني للسفن اللي ليها غاطس كبير

طيب ايه بقي كان استخدم الdredgers في المشروع
طبعا لردم الجزء الكبير دا من الجزيره مش ها نجيب عمال او عربيات ونوقفها علي bargeعلشان تردم لكن ثمه شركه بلجيكيه
وهي شركه جان دي نول jandenul وهي من اكبر الشركات المتخصصه في مجال الحفر البحري ولامتلاكها لاكبر القطع البحريه المjخصصه في المجال دا الا وهي Mark polo
وهي تالت اكبر جرافه علي مستوي العالم

ودي شويه صور ليها

http://img171.imageshack.us/img171/3...copolo4244.jpg

http://img25.imageshack.us/img25/629...polojdnpja.jpg

http://img237.imageshack.us/img237/9...lodkno0039.jpg

http://img517.imageshack.us/img517/7...lodkno0036.jpg

http://img99.imageshack.us/img99/448...lodkno0035.jpg

الحقيقه انو كنت عاوز اوضح انو في نوعين من الdredgers
واحده وهي جراiفه صخور ودي اللي حضراتكم شايفنها في الصور
والتانيه هو الSand dredgers
اي جرافه الرمال ودي بقي دورها كبير

الاول نعرف دور الجرافه الاولي انها بتجرف الصخور الكلسيه من قاع البحر تحت اعماق من اربعه الي خمسه امتار تحت منسوب القاع البحري وطبعا لانو المواد دي تقيله بطبيعتها فالجرافه بتجرف الكلام دا لانو لها اسنان كبيره جدا علشان تقدر تجرف الصخور دي اسنان من العصر الجراسي ان جاز التعبير
مش كده وبس لانو الجرافه تقيله جدا مش تقدر تدخل مكان التنفيذ لكن بيتم دفع الخور التقيله والرمال خلال مواسير كبيره جدا الي عوامه اخري تسمي عوامه البخ والي مكان الجزره بعد ذلك
http://img24.imageshack.us/img24/590...1681260733.jpg

يتم عمل اساسات للجزيره من تللك المواد الثقيله والتي تتحمل الاحمال عليها ويتم الردم حتي يتم الوصول الي قبل سطح البحر بحوالي 3امتار وياتي دور جرافه الرمال الا وهي معشوقتي Geopotes14
ودي صوره ليها وصور ليها وهي بتنفذ عمليه الردم طبعا مش محتاج اقول انو التوجيه بواسطه الGPS

http://img7.imageshack.us/img7/31/geopotes14.jpg

http://img412.imageshack.us/img412/5632/image035o.jpg
http://img251.imageshack.us/img251/5...tes15jbo07.jpg
http://img51.imageshack.us/img51/547...rrotterdam.jpg

http://img20.imageshack.us/img20/415...ncortadora.gif

http://img708.imageshack.us/img708/7484/csdeems.jpg

http://img534.imageshack.us/img534/4...umboldtjdn.jpg

http://img525.imageshack.us/img525/4...umboldtjdn.jpg

http://img99.imageshack.us/img99/821...4046827b80.jpg


طبعا زي ما واضح في الصور عمليه الردم لجسم الجزيره طبعا العمليه دي بتبقي بتقنيه هندسيه معنيه مش مجالنا انو ننا قشها هنا كمان لانها ضمن مشروع تخرجي يعني لما اخلص ان شاء الله ابقي لو حد حابب ابقي اناقشه في الموضوع دا

تم الانتهاء من الردم
يجي بعد كده الدور الاهو الاهم في كون الجزيره تفضل طافيه ونبني عليها وماتغرقش ومعلش الموضوع دا في معدات بنستخدمها في الموضوع دا بس معلش مش ها ادقر اتناقش الموضوع دا لانو معقد بعض الشئ ومش مجاله هنا لمناقشته

فااسمحولي بمناقشته في وقت اخر اعني بعد الانتهاء من المشروع
انا اسف فعلا مش ها اقدر
ياريت يكون الموضوع عجبكم بعد كده ان شاء الله في المناقشات التاليه ها تكون عباه عن مشاريع مماثله وصور ليها يارب تعجبكم

ياريت اعرف رايكم في الموضوع دا

وعلي فكره الموضوع دا حصري للمنتدي مفيش اي منتدي هندسي ناقش الموضوع دا خالص
ودا شغلي مش منقول من اي منتدي تاني
والحمد لله

ايه ياجماعه رايكم في الموضوع؟؟؟؟؟؟؟؟؟؟؟؟؟

الله ينور يا بشمهندس أحمد
الموضوع فعلا رائع جدا
المجهود المبذول فيه واضح
واتمنى ان يكلل الله مشروعك للتخرج بالنجاح
أشكرا بشدة على عرضك لهذا المشروع هنا وانت طبعا من الاعضاء المميزين
من حسن حظنا ان المهندس محمد جابر على من المتخصصين القدامى فى المساحة البحرية
وعمل فترة طويلة فى مثل تلك المشاريع من تكريك وحواجز أمواج وخلافه وسيمكنك الاستفاده من
طرح اسئلة فى قسم المساحة البحرية
أحييك مرة أخرى
وسأتصل بك قريبا لمناقشة الملفين المرسلين منك

يباشا نورتني في الموضوع وكلماتك دي وسام علي صدري ويكفيني انو حضرتك تعلق علي موضوعي
الموضوع دا عمره ماكان ها يبقي كده الا وانت موجود في المنتدي دا اكيد انا بجد سعيد انو اتعرفت علي شخصيه زي مهندس محمد هاشم
ومنتظر راي حضرتك في الملفين ان شاء الله
وعلي فكره لقينا جثات حلوه اوي للبحر المتوسط كده يبقي كل شغلنا اكتمل وان شاء الله ربنا الموفق